ᓂᕼᐃᒤᐊᐅᑉ ᐊᒡᓚᖏᑦ 10:37 - ᐊᒡᓔᑦ ᐃᑦᔪᕐᖕᓁᑦᑐᑦ

³⁷ ᓂᐊᖂᔭᒃᓴᖁᑎᑦᑕᓗ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᑐᓂᕐᕈᑎᒋᖃᑦᑕᕐᓂᐊᕐᐸᕗᑦ, ᓇᐹᕐᑐᐃᓪᓗ ᖃᓄᐃᑦᑐᑐᐃᓐᓁᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᓯᕗᓪᓕᕐᐹᒥᒡᓗ ᕔᓂᓐᖑᕐᑐᓂᒃ ᐅᕐᓱᒃᓴᓂᒡᓗ, ᑐᓂᕐᕈᓯᕐᑎᑦᓯᔨᓄᑦ ᑐᓂᓗᒋᑦ, ᒎᑎᑦᑕ ᐃᒡᓗᖓᑕ ᓱᓇᑐᐃᓐᓇᖃᐅᑎᖓᓄᑦ ᐃᓕᔭᐅᖁᓪᓗᒋᑦ. ᓄᓇᖁᑎᑦᑕᓗ ᑕᓪᓕᒪᐅᔪᖏᑦ ᑐᓂᓂᐊᕐᐸᕗᑦ ᓕᕔᑎᓄᑦ, ᓕᕔᑎᓪᓗ ᑎᒍᓯᖁᓪᓗᒋᑦ ᐱᕈᕐᓰᕕᖁᑎᑦᑕ ᐱᕈᕐᑎᑕᖏᑕ ᑕᓪᓕᒪᐅᔪᓕᒫᖏᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 10:37 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 31:6

ᐃᓴᕆᐊᓕᒥᐅᑦ ᔫᑕᒥᐅᓪᓗ ᐃᓄᖏᑦ ᓄᓇᖃᕐᑐᑦ ᔫᑕᐅᑉ ᐃᒡᓗᒐᓴᖏᓐᓂ ᑐᓂᓯᓚᐅᕆᕗᑦ ᑕᓪᓕᒪᐅᔪᐃᕈᑎᒥᖕᓂᒃ ᐃᒻᒧᒃᓯᐅᒐᕐᓂᒃ ᓰᐱᓂᒡᓗ, ᐃᑦᔪᕐᓁᑎᑕᐅᓯᒪᔪᓂᒡᓗ ᑕᓪᓕᒪᐅᔪᐃᕐᐳᑦ ᐊᑕᓂᕐᒧᑦ ᒎᑎᒥᖕᓄᑦ, ᐃᓕᓪᓗᒋᓪᓗ ᖃᓕᕇᒃᓯᑎᓪᓗᒋᑦ ᓄᐊᑉᐰᑦ.

ᓂᕼᐃᒤᐊᐅᑉ ᐊᒡᓚᖏᑦ 13:10

ᖃᐅᔨᓕᓚᐅᕆᕗᖓ ᓕᕔᑎᒃᑯᓐᓄᑦ ᑐᓂᔭᐅᖃᑦᑕᕆᐊᓖᑦ ᑐᓂᔭᐅᖃᑦᑕᕐᓯᒪᖏᓐᓂᖏᓐᓂᒃ; ᑖᒃᑯᐊ ᓕᕔᑏᑦ ᐃᓐᖏᕐᑏᓪᓗ ᐊᑐᓂᑦ ᐱᓇᓱᐊᖃᑦᑕᕆᐊᓖᑦ ᐱᕈᕐᓰᕕᖁᑎᒥᖕᓄᑦ ᕿᒫᓪᓗᑎᒃ ᐅᑎᕐᓯᒪᓕᕐᑐᕕᓂᐅᓂᖏᓐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 13:12

ᑕᕝᕙ ᔫᑕᒃᑯᑦ ᐱᕈᕐᑎᑕᓕᒫᖏᑕ, ᕔᓃᓪᓗ, ᐅᕐᓱᒃᓮᓪᓗ ᑕᓪᓕᒪᐅᔪᖏᓐᓂᒃ ᑐᓂᓯᔭᕐᑐᓚᐅᕐᐳᑦ ᓱᓇᑐᐃᓐᓇᖃᐅᑎᒧᐊᕐᓗᒋᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 13:5

ᑖᓐᓇᓗ ᑐᐱᐊ ᐃᓂᒃᓴᖃᓕᕐᑎᓚᐅᕐᐹ ᓱᓇᑐᐃᓐᓇᖃᐅᑎᒥ ᐊᖏᔪᒥᒃ, ᐱᕈᕐᑐᕕᓃᑦ ᑐᓂᕐᕈᑎᐅᓯᒪᔪᑦ ᐃᓂᒃᓴᕆᖃᑦᑕᓚᐅᕐᑕᖓᓂ, ᑎᐱᑦᓯᐊᕆᒃᓴᐅᑏᓪᓗ, ᐴᒍᑍᓪᓗ, ᓂᐊᖂᔭᒃᓮᓪᓗ ᑕᓪᓕᒪᐅᔪᐃᕈᑕᐅᓯᒪᔪᑦ, ᕔᓃᑦ, ᐅᕐᓱᒃᓮᓪᓗ, ᐱᖁᔭᑎᒍᑦ ᑐᓂᔭᐅᖁᔭᐅᓯᒪᔪᑦ ᓕᕔᑎᒃᑯᓐᓄᑦ, ᐃᓐᖏᕐᑎᓄᓪᓗ, ᐃᑎᕐᑕᕐᕕᐅᓪᓗ ᑲᒪᔨᖏᓐᓄᑦ, ᑐᓂᕐᕈᑎᒃᓴᐅᓪᓗᑎᒡᓗ ᑐᓂᕐᕈᓯᕐᑎᑦᓯᔨᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 13:9

ᑕᕝᕙ ᑎᓕᓯᓚᐅᕐᐳᖓ ᓴᓗᒻᒪᕐᓴᕐᑕᐅᖁᓪᓗᒍ ᑖᓐᓇ ᓱᓇᑐᐃᓐᓇᖃᐅᑎ; ᑕᕝᕙ ᐅᑎᕐᑎᓚᐅᕐᐸᒃᑲ ᐴᒍᑍᑦ ᑕᓪᓕᒪᐅᔪᐃᕈᑎᒃᓴᓄᑦ ᐆᒃᑐᕋᐅᑕᐅᕙᒃᑐᑦ ᒎᑎᐅᑉ ᐃᒡᓗᖓᓄᑦ, ᐃᓚᖃᕐᑎᓪᓗᒋᑦ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ ᑎᐱᑦᓯᐊᕆᒃᓴᐅᑎᒃᓴᓂᒡᓗ.

ᒨᓯᓯ ᐂᑉᐸᖏᑦ 13:12

ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᒃᓴᕆᕙᓯ ᐊᑕᓂᕐᒧᑦ. ᐆᒪᔪᖁᑎᑦᓯᓗ ᐃᕐᓂᐊᕆᖅᑳᕐᑕᖏᑦ ᐊᖑᑎᑦ ᐊᑕᓂᐅᑉ ᐱᖁᑎᒋᕔᑦ.

ᒨᓯᓯ ᐂᑉᐸᖏᑦ 13:2

“ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑐᓂᔭᐅᔪᒃᓴᐅᕗᑦ ᐅᕙᓐᓄᑦ; ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᐃᓴᕆᐊᓕᒥᐅᓂ ᐆᒪᔪᓂᓗ ᐊᖑᑎᑦ ᐃᕐᓂᐊᖑᖅᑳᕐᓯᒪᔪᑦ ᑕᒪᕐᒥᒃ ᐱᖁᑎᒋᕙᒃᑲ.”

ᒨᓯᓯ ᐱᖓᔪᖏᑦ 23:17

ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᒪᕐᕉᖕᓂᒃ ᓂᐊᖂᔭᖕᓂᒃ ᐆᓯᒪᔫᖕᓂᒃ ᑐᓂᕐᕈᓯᕆᐊᖃᕐᐳᓯ ᐊᑕᓂᕐᒧᑦ ᑐᓂᕐᕈᓯᕐᓂᐅᑉ ᓴᓂᐊᒍᑦ. ᐆᓯᒪᔫᒃ ᑖᒃᑯᐊᒃ ᓴᓇᓯᒪᔭᕆᐊᖃᕐᐴᒃ ᓂᐊᖂᔭᒥᑦ ᐅᖁᒤᓐᓂᖃᕐᑐᒥᒃ 2ᑭᓗᒍᕌᒻᒥᒃ ᐳᕙᓪᓚᕐᓴᐅᑎᖃᕐᓗᓂᓗ ᑐᓂᕐᕈᑎᒋᔭᐅᔭᕆᐊᖃᕐᐴᒃ ᐱᕈᕐᑐᑦ ᓂᕿᒃᓮᑦ ᓯᕘᓪᓕᕐᐹᑦ ᑐᓂᕐᕈᑕᐅᓂᖏᓐᓂ ᐊᑕᓂᕐᒧᑦ.

ᒪᓚᑬᑉ ᐊᒡᓚᖏᑦ 3:10

ᑕᓪᓕᒪᐅᔪᐃᕈᑎᓯ ᐊᑕᖏᕐᓗᒋᑦ ᑐᓂᕐᕈᑎᒃᑯᕕᖕᒧᐊᓚᐅᕐᓯᒋᒃ, ᓂᕿᒃᓴᖃᓕᖁᓪᓗᒍ ᐃᒡᓗᓐᓂ; ᑕᒪᑐᒧᖓ ᐆᒃᑐᕋᓚᐅᕐᓯᓐᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᕿᓚᐅᑉ ᐃᒐᓛᖏᑦ ᐃᓕᑦᓯᓐᓄᑦ ᒪᑐᐃᕐᓂᐊᖏᒻᒪᖔᒃᑭᑦ ᑯᕕᓯᓂᐊᖏᒻᒪᖔᕐᒪᓗ ᓮᒻᒪᕐᑎᑦᓯᓂᓐᓂᒃ ᐊᒥᒐᓐᖏᓗᐊᕐᑐᒥᒃ ᐃᓕᑦᓯᓐᓄᑦ.

ᒪᓚᑬᑉ ᐊᒡᓚᖏᑦ 3:8

ᐃᓄᒃ ᒎᑎᒥᑦ ᑎᒡᓕᒍᓐᓇᕐᐹ? ᑎᒡᓕᒐᕐᕕᒋᕙᑦᓯᓐᖓᓕ. ᐅᖃᕐᐳᓯᓕ, ‘ᖃᓄᖅ ᐃᓕᖕᓂᑦ ᑎᒡᓕᒃᓯᒪᕕᑖ?’ ᑕᓪᓕᒪᐅᔪᐃᕐᓂᑦᓯᒍᑦ ᑐᓂᕐᕈᓯᕐᓂᑦᓯᒍᓪᓗ.

ᒨᓯᓯ ᓯᑕᒪᖏᑦ 18:15

“ᓱᓇᑐᐃᓐᓁᑦ ᐃᕐᓂᐊᕆᔭᐅᖅᑳᕐᑐᑦ ᑎᒥᖃᕐᑐᓕᒫᓄᑦ ᐊᑕᓂᕐᒧᑦ ᑐᓂᔭᐅᔭᕆᐊᖃᕐᐳᑦ, ᐊᑕᓂᕐᒧᑦ ᕾᑦᔪᑎᓗᒋᑦ, ᐃᓅᒃᐸᓪᓘᓐᓃᑦ ᓂᕐᔪᑎᐅᒃᐸᓪᓘᓐᓃᑦ, ᐃᕝᕕᑦ ᐱᒋᔭᕆᐊᖃᕐᐸᑎᑦ; ᑭᓯᐊᓂᓕ ᐃᓄᒃ ᐊᖑᑕᐅᓗᓂ ᐃᕐᓂᐊᕆᔭᐅᖅᑳᕐᐸᑦ ᐅᑎᕐᑎᑕᐅᓪᓚᕆᒋᐊᖃᕐᐳᖅ, ᐃᕐᓂᐊᖑᖅᑳᕐᑐᖅ ᓂᕐᔪᑎ ᓴᓗᒤᑦᑑᒃᐸᑦ ᐅᑎᕐᑎᓴᕆᐊᖃᕐᐸᑦ.

ᒨᓯᓯ ᓯᑕᒪᖏᑦ 18:18

ᓂᕿᖏᑦ ᐃᓕᑦᓯ ᐱᓂᐊᕐᐸᓯ, ᓴᑭᐊᑦ ᐃᓵᒃᑕᕈᑕᐅᓯᒪᔪᑦ ᒥᒥᖏᓪᓗ ᑕᓕᕐᐱᖏᑦ ᐱᔭᕆᐊᖃᕋᕕᒋᑦ.

ᒨᓯᓯ ᓯᑕᒪᖏᑦ 18:21

“ᑕᑯᒋᑦ, ᓕᕔᑉ ᑭᖑᕚᖏᑦ ᑐᓂᓯᕕᒋᕙᒃᑲ ᐃᓴᕆᐊᓕᒥᐅᑦ ᑕᓪᓕᒪᐅᔪᐃᕈᑎᓕᒫᖏᓐᓂᒃ ᑖᒃᑯᓄᖓ ᐱᒃᓴᕆᔭᐅᖁᓪᓗᒋᑦ ᐱᓇᓱᐊᕐᓂᖏᓐᓄᑦ, ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕐᑎᐅᓂᖏᑦ ᐱᓪᓗᒋᑦ.

ᕉᒪᒥᐅᓄᑦ 11:16

ᓂᐊᖂᔭᖅ ᓯᕗᓪᓕᕐᐹᖅ ᑐᓂᕐᕈᑕᐅᔪᖅ ᒎᑎᒧᑦ ᐃᑦᔪᕐᓁᑉᐸᑦ, ᓂᐊᖂᔭᒃᓴᓕᒫᕐᑕᐅᖅ ᑕᕝᕙ ᐃᑦᔪᕐᓁᑦᑑᒋᕗᖅ; ᓇᐹᕐᑑᑉ ᐊᒫᖏᑦ ᐃᑦᔪᕐᓁᑉᐸᑕ, ᐊᕙᓚᖓᔪᖏᑦᑕᐅᖅ ᑕᕝᕙ ᐃᑦᔪᕐᓁᑦᑑᒐᔭᕆᕗᑦ.

ᒨᓯᓯ ᑕᓪᓕᒪᖏᑦ 14:22

“ᑕᓪᓕᒪᐅᔪᐃᕐᑐᒃᓴᐅᕗᓯ ᐱᕈᕐᓯᐊᒃᓴᑦᓯ ᐃᓕᐅᕋᓚᐅᕐᑕᓯ ᐱᕈᕐᑎᑕᓕᒫᖏᓐᓂᒃ, ᐱᕈᕐᓰᕕᖕᓂᑦ ᐊᕐᕌᒍᑕᒫᑦ ᐱᕈᕐᑎᑉᐸᒃᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 18:4

ᐊᒻᒪ ᑐᓂᓯᕕᐅᔪᒃᓴᐅᒋᕗᑦ ᐱᕈᕐᑎᑕᓯ ᑲᑎᑕᐅᒋᐊᓕᕐᑎᓪᓗᒋᑦ ᓯᕗᓪᓕᕐᐹᖏᓐᓂᒃ ᓂᐊᖂᔭᓴᓂᒃ, ᕔᓂᒃᓴᓂᒃ, ᓇᐹᕐᑐᐃᓪᓗ ᐸᐅᖓᖏᑕ ᐅᕐᓱᒃᓴᖏᓐᓂᒃ, ᓰᐱᐅᓪᓗ ᒥᖅᑯᖏᓐᓂᒃ ᓴᓕᔭᐅᓂᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᕕᒋᔭᕆᐊᖃᕐᐸᓯ.

ᒨᓯᓯ ᑕᓪᓕᒪᖏᑦ 26:2

ᑕᕝᕙᓂ ᓯᕗᓪᓕᕐᐹᒥᒃ ᐱᕈᕐᑎᑕᑦᓯᓐᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ, ᑲᑎᑦᓯᓯᒋᐊᕈᑦᓯ ᐊᑐᓂᑦ ᐃᕕᐅᔭᕐᓂᒃ ᐴᒃᓴᑦᓯᓐᓂᒃ ᓇᒃᓴᕐᑐᒃᓴᐅᕗᓯ ᑖᒃᑯᐊᓗ ᓯᕗᓪᓖᕐᐹᒥᒃ ᐲᔭᕐᑕᑎᑦ ᑐᓂᕐᕈᑎᒋᔭᒃᓴᕆᕙᑎᑦ ᑐᒃᓯᐊᕐᕕᖕᒧᑦ.