ᓇᕼᐅᒥᐅᑉ ᐊᒡᓚᖏᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐋᓐᓂᕈᑎᒋᓯᒪᔭᕐᓄᑦ ᒪᒥᑦᔪᑎᒃᓴᕐᑕᖃᕈᓐᓃᕐᐳᖅ, ᐃᑭᑎᑦ ᐊᖏᓗᐊᕐᒪᑕ. ᐃᓕᑦᓯᓐᓂᒃ ᑐᓴᕐᑐᓕᒫᑦ ᐸᑦᑕᒃᑐᕐᐳᑦ ᖁᕕᐊᓱᒧᑦ, ᑍᒃᑯᐊ ᐱᐅᖏᑦᑐᓕᓂᕐᒥᒃ ᐱᓇᓱᐊᕐᕕᒌᓐᓇᖃᑦᑕᓚᐅᕋᑦᓯᐅᒃ.

ᓇᕼᐅᒥᐅᑉ ᐊᒡᓚᖏᑦ 3:19 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 27:23

ᐸᑦᑕᒃᑐᕈᑎᒋᔭᐅᓂᐊᕐᐳᖅ, ᓱᓗᒃᓱᕐᕕᐅᓗᓂᓗ ᐃᓂᒋᔭᖓᓂᑦ ᓄᑎᑕᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 37:11

ᑕᑯᒋᑦ, ᑐᓴᕐᓯᒪᒐᕕᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓ ᖃᓄᐃᓕᐅᕆᓯᒪᖕᒪᖔᑦ ᓄᓁᑦ ᐊᓯᖏᓐᓂᒃ, ᐊᓯᕈᐃᓪᓗᓂ ᐃᓘᓐᓇᖏᓐᓂᒃ, ᓱᓕ ᓴᐳᑎᔭᐅᓂᐊᕋᓱᒋᕖᑦ?

ᐂᓮᐊᓯᐅᑉ ᐊᒡᓚᖏᑦ 37:18

ᓱᓕᓪᓗᓂ ᐊᑕᓃᖅ, ᖃᐅᔨᒪᔪᐃᓐᓇᐅᕗᒍᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑦ ᓄᖑᕅᖃᑦᑕᕐᓯᒪᖕᒪᑕ ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᓄᓇᖁᑎᖏᓐᓂᒡᓗ ᓱᒃᑯᑎᕆᖃᑦᑕᕐᓯᒪᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 10:22

ᑕᑯᒋᑦ! ᑐᓴᒐᒃᓴᕐᑕᖃᕐᐳᖅ ᐃᓕᑦᓯᓐᓄᑦ, ᐱᕐᐸᓗᒃᔪᐊᕐᑐᑦ ᑐᓴᕐᓴᐅᓕᕐᐳᑦ ᐅᓐᓄᐊᓪᓗᐊᑉ ᓇᓛᓂᑦ, ᔫᑕᐅᑉ ᐃᒡᓗᒐᓴᖏᓐᓂᒃ ᓱᓁᕐᕈᑦᔨᔭᕐᑐᕐᑐᑦ, ᐊᒪᕉᔮᕐᑐᓄᑦ ᐃᓂᒃᓴᐅᓕᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 30:12

ᐃᒫᒃ ᐊᑕᓂᖅ ᐅᖃᕐᐳᖅ, “ᐃᑭᓕᕐᑕᐅᓯᒪᓂᓯ ᒪᒥᑦᑐᓐᓁᓪᓕᖕᒪᑦ, ᐋᓐᓂᕐᓯᒪᓂᓯᓗ ᐋᖅᑭᒐᒃᓴᐅᔪᓐᓃᕐᓗᓂ.

ᔨᕆᒤᐊᐅᑉ ᐊᒡᓚᖏᑦ 46:11

ᒋᓕᐊᑎᑦ ᓄᓇᖓᓂᑦ ᒥᖑᐊᕐᓯᑦᔪᑎᒃᓮᑐᕆᑦᓯ, ᐃᓕᑦᓯ ᐄᑦᔨᑉᑎᐅᑉ ᐸᓂᖏᑦ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑦ, ᐃᓅᓕᓴᐅᑎᒃᓴᑦᓯᓐᓂᒃ ᕿᓂᕋᓗᐊᕈᑦᓯ ᓇᓂᓯᓂᐊᓐᖏᓚᓯ, ᐋᖅᑭᒃᑕᐅᑦᔪᑎᒃᓴᖃᓐᖏᓚᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:15

ᐃᒡᓗᒐᓴᒡᔪᐊᑎᒍᑦ ᐊᖅᑯᓵᕐᑐᑦ ᐅᖃᐅᓯᕐᓘᑎᖃᕐᐳᑦ ᐃᓕᑦᓯᓐᓂᒃ ᐱᔪᓇᕈᓱᓐᖏᒧᑦ ᐃᒡᓚᐅᑎᖃᕐᐳᑦ ᔨᕉᓴᓕᐅᑉ ᐊᓯᕈᕐᑕᐅᓯᒪᓂᖓᓂᒃ, ᐅᖃᕐᓗᑎᒃ, “ᐃᒡᓗᒐᓴᒡᔪᐊᑦ ᑕᕝᕙ ᐱᐅᓂᕐᐹᖑᓂᕋᕐᑕᐅᕙᓚᐅᕐᑐᑦ, ᓯᓚᕐᔪᐊᕐᒥᐅᓄᑦ ᐅᐱᒍᓲᑎᒃᓴᐅᓂᕋᕐᑕᐅᕙᓚᐅᕐᑐᑦ.”

ᐃᓯᑭᐊᓕᐅᑉ ᐊᒡᓚᖏᑦ 25:6

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᖁᕕᐊᓱᖕᓂᕐᒧᑦ ᐃᑎᒐᓯ ᑐᒃᑲᕐᑕᓚᐅᕐᐸᓯ ᐸᑎᒃᑕᕐᓗᓯᓗ ᐃᓴᕆᐊᓕᐅᑉ ᓄᓇᖓᓂᒃ ᒥᑕᐅᑎᖃᕈᓐᓇᕐᕕᓕᒫᑦᓯᓐᓄᑦ.

ᔫᓇᐅᑉ ᐊᒡᓚᖏᑦ 1:2

“ᓂᓂᕕᒧᐊᓕᕆᑦ, ᐃᒡᓗᒐᓴᒡᔪᐊᓄᑦ ᐊᖏᔪᐊᓗᖕᓄᑦ; ᓂᐱᖅᑯᕐᑐᓗᑎᓪᓗ ᐅᖃᕐᕕᒋᒃᑭᑦ ᐱᐅᖏᑦᑐᓕᓂᖏᑦ ᒪᔪᐊᕐᒪᑕ ᓵᓐᓄᑦ.”

ᒤᑲᐅᑉ ᐊᒡᓚᖏᑦ 1:9

ᔫᑕᐅᑉ ᑭᓪᓕᖏᑦ ᒪᒥᑎᑕᐅᔪᓐᓇᓐᖏᓚᑦ; ᐊᓯᕈᕐᑕᐅᓂᖅ ᔨᕉᓴᓕᐅᑉ ᐃᑎᕐᑕᕐᕕᖓᓃᓕᕐᐳᑦ, ᐃᓄᖁᑎᒪ ᓄᓇᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:7

ᐃᑦᔪᕐᓁᑦᑐᓂᒡᓗ ᐅᓇᑕᕈᓐᓇᕐᑎᑕᐅᕗᖅ ᓵᓚᖃᕈᓐᓇᕐᑎᑕᐅᓪᓗᓂᓗ. ᐱᔪᓐᓇᕐᓂᖃᕐᑎᑕᐅᕗᕐᓗ ᑭᖑᕚᕇᓕᒫᓄᑦ ᐃᓄᓕᒫᓄᓪᓗ ᐅᖃᐅᓯᖃᖃᑎᒌᖏᑦᑐᓄᓪᓗ ᐃᓅᖃᑎᒌᒡᔪᐊᓄᓪᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:2

ᐊᖓᔪᖅᑳᕐᔪᐊᓪᓗ ᓄᓇᕐᔪᐊᕐᒦᑦᑐᑦ ᐊᕐᓇᕐᓂᐊᖃᑦᑕᓚᐅᕐᐹᑦ, ᓄᓇᕐᔪᐊᕐᒥᐅᓪᓗ ᐋᖓᔮᓕᕐᑎᓚᐅᕐᐰᑦ ᐊᓯᓐᓂᐊᕐᓂᐅᑉ ᐅᐂᓂᖓᓂᒃ ᐃᒥᕐᑎᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”