ᓇᕼᐅᒥᐅᑉ ᐊᒡᓚᖏᑦ 2:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᑯᒋᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ, “ᐊᑭᕋᕐᑐᕐᓗᑎᑦ ᓵᓕᕐᐸᒋᑦ, ᕿᒧᒃᓯᐅᑎᖁᑎᑎᑦ ᐊᒃᓴᓗᐊᓖᑦ ᐃᑯᐊᓪᓚᒃᑎᑦᓱᒫᕐᐸᒃᑲ ᐳᔫᓕᕐᓗᑎᒃ, ᐅᓇᑕᕐᑎᖁᑎᑎᓪᓗ ᓛᔭᑎᑐᑦ ᑍᒤᑦᑐᑦ ᑐᖁᕋᕐᑕᐅᔪᒫᕐᐳᑦ ᐅᓇᑕᕐᑐᓂ, ᓂᕿᒃᓴᑎᑦ ᐱᑦᔪᑎᒃᓴᑎᓪᓗ ᓇᑭᑐᐃᓐᓇᖅ ᐱᓚᐅᕐᑕᓕᒫᑎᑦ ᓄᖅᑲᕐᑎᑦᓱᒫᕐᐸᒃᑲ, ᐅᖃᕆᐊᕐᑐᕐᑎᑕᓯᓗ ᑐᓴᕐᓴᐅᖃᑦᑕᕐᓂᐊᕈᓐᓃᕐᐳᖅ.

ᓇᕼᐅᒥᐅᑉ ᐊᒡᓚᖏᑦ 2:13 ပူးပေါင်းရင်းမြစ်များ

ᓇᕼᐅᒥᐅᑉ ᐊᒡᓚᖏᑦ 3:5

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑕᑯᒋᑦ ᓵᓐᖓᓕᕐᐸᒋᑦ, ᐊᓐᓄᕌᑦ ᐊᕐᓇᕐᓯᐅᑦ ᖁᒻᒧᒃᑎᓐᓂᐊᕐᐸᕋ ᑮᓁᑦ ᐅᓕᒡᓗᒍ; ᐃᓅᖃᑎᒌᒡᔪᐊᓄᑦ ᑕᑯᔭᐅᖁᓪᓗᑎᑦ ᐊᓐᓄᕌᖃᓐᖏᑎᓪᓗᑎᑦ ᐊᖓᔪᖅᑳᕐᔪᐊᖃᕐᕖᓪᓗ ᑕᑯᖁᓪᓗᒋᑦ ᑲᓐᖑᓇᕐᑐᒦᓐᓂᕐᓂᒃ.

ᔨᕆᒤᐊᐅᑉ ᐊᒡᓚᖏᑦ 21:13

ᑕᑯᒋᑦ, ᔨᕉᓴᓕᒥᐅᑕᐅᔪᓯ ᐊᑲᐅᒋᓐᖏᓚᑦᓯ, ᓇᕐᓴᒥᐅᑕᐅᔪᓯ, ᕾᕐᑑᓂᖓᓂ ᓄᓇᖃᕐᑐᓯ, ᐊᑕᓂᖅ ᐅᖃᕐᐳᖅ, ᐅᖃᕐᐳᓯ, ‘ᑭᒃᑯᑦ ᐅᕙᑦᑎᓐᓂᒃ ᐅᓇᑕᕋᓱᐊᕐᐹᑦ? ᑭᒃᑯᓪᓗ ᐱᔭᐅᑦᔧᕐᓯᒪᕕᑦᑎᓐᓄᑦ ᐃᑎᕈᓐᓇᕐᐹᑦ?’

ᐃᓐᖏᕈᑎᑦ 46:9

ᐅᓇᑕᕐᓃᑦ ᓄᖅᑲᕐᑎᑉᐰᑦ ᓄᓇᕐᔪᐊᓕᒫᒥ; ᐱᑎᒃᓰᑦ ᓇᐱᕔᑦ ᓇᐅᒃᑯᑏᓪᓗ ᑭᐱᓪᓗᒋᑦ ᒪᕐᕉᓕᕔᑦ. ᓴᐴᓗᑍᓪᓗ ᐃᑯᐊᓪᓚᒃᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 19:23

ᐅᖃᕆᐊᕐᑐᕐᑎᑕᑎᑦ ᐊᑕᓂᕐᒥᒃ ᒥᑕᐅᑎᖃᕐᓯᒪᕗᑦ, ᐅᖃᕐᓯᒪᖕᒥᒐᕕᑦ, ‘ᐊᒃᓴᓗᐊᓕᖁᑎᓐᓄᑦ ᐅᓄᕐᑐᓄᑦ ᖃᖅᑲᖏᑕ ᐳᕐᑐᓂᕐᐹᖏᑕ ᖄᖏᓐᓄᐊᕐᓯᒪᕗᖓ, ᓕᐸᓇᓂᐅᑉ ᐅᖓᓯᖕᓂᕐᐹᖏᓐᓄᑦ; ᓇᐹᕐᑐᓂᒃ ᓰᑕᕆᓂᒃ ᑕᑭᓂᕐᐹᓂᒃ ᓇᑲᑎᕆᓯᒪᕗᖓ, ᓇᐹᕐᑐᐃᓪᓗ ᕿᔪᑦᑎᐊᕙᐅᓂᕐᐹᑦ ᐱᓯᒪᓪᓗᒋᑦ; ᐅᖓᓯᒃᑐᓕᐊᕐᓯᒪᕗᖓ ᓇᐹᕐᑐᒐᓴᒡᔪᐊᓗ ᐊᑯᓐᓂᖃᑦᓯᐊᖏᓐᓂᕐᐹᑦ ᐃᓗᐊᓄᐊᕐᓯᒪᓪᓗᖓ.

ᓇᕼᐅᒥᐅᑉ ᐊᒡᓚᖏᑦ 3:1

ᑲᑉᐱᐊᓐᓇᒦᒃ ᐃᒡᓗᒐᓮᑦ ᑐᖁᑦᓯᕙᒃᑐᑦ, ᓴᒡᓗᓂᕐᒥᒡᓗ ᑎᒡᓕᒐᕐᓂᕐᒥᒡᓗ ᑕᑕᑦᑐᑦ, ᐱᖁᑍᕈᑦᔨᓂᕐᒥᒡᓗ ᓄᖅᑲᐅᑦᔨᔪᒪᓇᑎᒃ!

ᐃᓯᑭᐊᓕᐅᑉ ᐊᒡᓚᖏᑦ 5:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐅᕙᖓ ᓇᖕᒥᓂᖅ ᐊᑭᕋᕐᑐᓕᕐᐸᑦᓯ; ᓱᒋᐊᕐᓂᐊᕐᐸᑦᓯ ᐃᓅᖃᑎᒌᒡᔪᐊᑦ ᑕᑯᓐᓇᕐᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 19:9

ᐊᖓᔪᖅᑳᕐᔪᐊᖅ ᑐᓴᕋᒥ ᐃᑎᐅᐱᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᕼᐊᑲᐅᑉ ᐱᓪᓗᒍ, “ᑕᑯᒋᑦ, ᑖᓐᓇ ᐃᓕᑦᓯᓐᓂᒃ ᐅᓇᑕᕆᐊᓕᕐᐳᖅ,” ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᕼᐃᓯᑬᐊ ᔫᑕᐅᑉ ᐊᖓᔪᖅᑳᕐᔪᐊᖓᑦ ᑎᑎᕋᕐᑕᒥᓂᒃ ᐊᐅᓪᓚᕐᑎᑦᓯᕕᒋᕚ.

ᔮᓱᐊᑉ ᐊᒡᓚᖏᑦ 11:9

ᔮᓱᐊᓪᓗ ᐱᓂᐊᕐᕕᒋᓚᐅᕐᐰᑦ ᐊᑕᓂᕐᒧᑦ ᑎᓕᔭᐅᓂᓂ ᒪᓕᒡᓗᒍ; ᕿᒻᒥᕐᔪᐊᖏᑕ ᓂᐅᖏᑦ ᐃᑭᓕᕐᓱᓚᐅᕐᐰᑦ ᑐᓯᐊᓕᕐᑎᓪᓗᒋᑦ, ᑲᓕᒐᖏᓪᓗ ᐊᒃᓴᓗᐊᓖᑦ ᐃᑯᐊᓪᓚᒃᓗᒋᑦ.

ᓇᕼᐅᒥᐅᑉ ᐊᒡᓚᖏᑦ 3:12

ᐃᒡᓗᒐᓮᓪᓗ ᓴᐴᓗᑕᓕᖁᑎᓕᒫᓯ ᐱᒋᓕᒃᓴᓂᒃ ᐸᐅᕐᖓᓕᒃᑎᑐᑦ ᓯᕗᓪᓕᕐᐹᒥᒃ ᐱᕈᕐᑐᑦ ᐱᕈᕇᕋᒥᒃ ᑲᑕᒐᑐᐃᓐᓇᕆᐊᖃᓕᕐᑐᑎᑐᑦ ᑍᒤᑦᓱᒫᕐᐳᑦ: ᐊᐅᓚᑎᑕᐅᑐᐊᕈᑎᒃ ᑲᑕᒐᔭᓕᕐᑐᑎᑐᑦ ᓂᕆᕙᒃᑑᑉ ᖃᓂᖓᓄᑦ!

ᐃᓯᑭᐊᓕᐅᑉ ᐊᒡᓚᖏᑦ 39:1

“ᐃᕝᕕᓪᓕ ᐃᓅᑉ ᐃᕐᓂᖓ ᒑᒡᒥᐅᑦ ᓵᓐᖓᓗᒋᑦ ᐅᖃᐅᓯᐅᖁᔭᓐᓂᒃ ᐅᖃᕐᕕᒋᒃᑭᑦ, ᐅᖃᕐᓗᑎᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓵᓐᖓᓕᕐᐸᒋᑦ, ᒑᒡ, ᐊᖓᔪᖅᑳᖑᔪᑎᑦ ᒥᓯᑭᒥᐅᓄᑦ ᑐᐸᐅᓪᒥᐅᓄᓪᓗ;

ᐃᓯᑭᐊᓕᐅᑉ ᐊᒡᓚᖏᑦ 38:3

ᐅᖃᕐᓗᑎᓪᓗ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓵᓐᖓᓕᕐᐸᒋᑦ ᒑᒡ, ᒥᓯᑭᒥᐅᓄᑦ ᑐᐸᐅᓪᒥᐅᓄᓪᓗ ᐊᖓᔪᖅᑳᖑᔪᑎᑦ;

ᐃᓯᑭᐊᓕᐅᑉ ᐊᒡᓚᖏᑦ 35:3

ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓰᐊᕆᒥᐅᖑᔪᓯ ᓵᓐᖓᓕᕐᐸᑦᓯ, ᐊᒡᒐᓐᓄᑦ ᐅᕐᓕᕐᑐᓕᕐᐸᑦᓯ, ᓄᓇᓯ ᓱᓁᕈᑎᑎᑦᓱᒫᕐᐸᕋ ᓄᓇᓕᕕᓂᑐᐃᓐᓇᐅᓕᕐᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 29:10

ᑍᒤᒻᒪᑦ ᑕᑯᒋᑦ, ᓵᓐᖓᓕᕐᐸᒋᑦ, ᑰᖁᑎᑎᓪᓗ ᓵᓐᖓᓕᕐᐸᒃᑲ, ᐄᑦᔨᑉᑎᓕᒫᑉ ᓄᓇᖓ ᓱᓁᕈᑎᑎᑦᓱᒫᕐᐸᕋ ᐊᓯᕈᕐᑕᐅᓗᓂᓗ, ᒥᒡᑐᓕᒥᑦ ᐱᒋᐊᕐᓗᒍ ᓮᓂᒧᑦ ᑎᑭᓪᓗᒍ, ᐃᑎᐅᐱᐊᒥᐅᓪᓗ ᓄᓇᖓᑦᑕ ᑭᒡᓕᖓ ᑎᑭᓪᓗᒍ.

ᐃᓯᑭᐊᓕᐅᑉ ᐊᒡᓚᖏᑦ 29:3

ᐅᖃᕐᓗᑎᑦ ᐃᒫᒃ, ‘ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓ ᐰᕉ ᐊᑭᕋᕐᑐᕐᐸᒋᑦ, ᐆᒪᔪᕐᓘᔪᑎᑦ ᑐᕌᒍᓂ ᑰᖕᒥᐅᑕᐅᔪᑎᑦ, ᐅᖃᕐᐸᒃᓗᑎᓪᓗ, ᑰᒑᓗᒃ ᓁᓕ ᓇᖕᒥᓂᕆᕙᕋ ᓴᓇᓚᐅᕋᒃᑯ.’

ᐃᓯᑭᐊᓕᐅᑉ ᐊᒡᓚᖏᑦ 28:22

ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓮᑐᓃ ᐊᑭᕋᕐᑐᓕᕐᐸᒋᑦ, ᐊᑯᓐᓇᑦᓯᓐᓂ ᓂᕐᑐᕐᓇᕐᓂᕋ ᓴᖅᑭᑎᓐᓂᐊᕐᐸᕋ. ᖃᐅᔨᔪᒫᕐᐳᓪᓗ ᐅᕙᖓᐅᒐᒪ ᐊᑕᓂᖅ, ᐃᓕᑦᓯᓐᓂᒃ ᓱᒋᐊᕐᓯᓕᕈᒪ, ᐃᑦᔪᕐᓁᓐᓂᕋᓗ ᓴᖅᑭᑎᒃᑯᒃᑯ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 26:3

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᑍᕆ ᓵᓐᖓᓂᐊᓕᕐᐸᒋᑦ, ᐃᓅᖃᑎᒌᒡᔪᐊᓄᑦ ᐅᓄᕐᑐᓄᑦ ᐊᑭᕋᕐᑐᕐᑕᐅᑎᑦᓱᒫᕐᐸᑦᓯ, ᐃᒪᕕᐅᑉ ᒥᕿᑦᑕᕐᓂᖓᑐᑦ ᑎᑭᑕᐅᑦᑕᕐᓗᓯ.

ᔨᕆᒤᐊᐅᑉ ᐊᒡᓚᖏᑦ 51:25

ᑕᑯᒋᑦ, ᐊᑭᕋᕆᓕᕐᐸᒋᑦ ᐊᓯᕈᕐᓮᔨᑐᐃᓐᓇᐅᒐᕕᑦ, ᓄᓇᕐᔪᐊᓕᒫᒥ ᐊᓯᕈᐃᔨᐅᒐᕕᑦ, ᐊᑕᓂᖅ ᐅᖃᕐᐳᖅ. ᑕᓖᒃᑲᒃ ᐃᓵᒃᑎᒍᒃᑭᒃ ᐃᓐᓈᕉᑉ ᓯᓇᕐᔪᐊᓂᑦ ᐃᔪᒃᑲᕈᕕᑦ, ᖃᖅᑲᐅᓕᕈᒫᕐᐳᑎᑦ ᐃᑭᓐᓂᑯᑎᑐᑦ ᑍᒤᓕᕐᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 50:31

“ᑕᑯᒋᑦ ᐊᑭᕋᕐᑐᕐᐸᒋᑦ ᐱᔪᓐᓇᕋᓱᒋᓗᐊᓚᐅᕋᕕᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐅᓪᓗᖅ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ.

ᑯᕉᓂᑲ ᐂᑉᐸᖏᑦ 32:19

ᔨᕉᓴᓕᒥᐅᓪᓗ ᒎᑎᖓᑦ ᐅᖃᕐᓂᕐᓘᑎᒋᕚᑦ, ᐊᑭᕋᕐᑐᓚᐅᕐᓂᕐᒥᒃᑎᑐᑦ ᐃᓄᐃᑦ ᓄᓇᒦᑦᑐᑦ ᒎᑎᖏᓐᓂᒃ, ᐃᓄᐃᑦ ᐊᒡᒐᖏᓐᓄᑦ ᓴᓇᐅᔭᐅᓯᒪᔪᓂᒃ.

ᐊᑕᓃᑦ ᐂᑉᐸᖏᑦ 18:19

ᐊᓯᕆᐊᒥᐅᑦ ᐊᖓᔪᖅᑳᖁᑎᖓᑦᑕ ᑎᑭᓯᒪᔪᑦ ᐃᓚᖓᑦ ᐅᖃᕐᐳᖅ, “ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑐᑭᓯᔪᒪᓂᕋᕐᓗᓂᐅᒃ ᓱᒧᑦ ᐊᖓᔪᖅᑳᕐᔪᐊᖅ ᕼᐃᓯᑬᐊ ᐱᔪᓐᓇᕋᓱᒋᓕᕐᒪᖔᑦ.

ᐊᑕᓃᑦ ᐂᑉᐸᖏᑦ 18:17

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑎᓕᓯᕗᖅ ᐅᓇᑕᕐᑎᖁᑎᒥᓂᒃ ᐅᓄᕐᑐᓂᒃ ᓚᑮᓯᒥᑦ, ᐅᐸᒍᑎᑎᓪᓗᓂᒋᑦ ᐊᖓᔪᖅᑳᕐᔪᐊᕐᒥᒃ ᕼᐃᓯᑬᐊᒥᒃ ᔨᕉᓴᓕᒦᑦᑐᒥᒃ, ᑖᒃᑯᐊ ᐅᓇᑕᕐᑎᒐᓮᑦ ᐊᖓᔪᖅᑳᒻᒪᕆᐅᓂᕐᐹᓄᑦ ᐅᐸᒃᑕᐅᕗᑦ. ᔨᕉᓴᓕᒧᑦ ᑎᑭᐅᑎᒐᒥᒃ, ᐊᓐᓄᕌᓕᐅᕐᑏᑦ ᐱᓇᓱᐊᕆᐊᕐᕕᖓᑕ ᐊᖅᑯᑎᖓᓄᐊᕐᓗᑎᒃ ᓄᖅᑲᕐᐳᑦ ᑕᓯᓕᐊᕆᔭᐅᓯᒪᔪᑦ ᑰᓕᐅᕐᑕᓯᒪᓂᖏᑕ ᓴᓂᐊᒎᕐᑐᒃᑯᑦ.

ᔮᓱᐊᑉ ᐊᒡᓚᖏᑦ 11:6

ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᑲᑉᐱᐊᒋᑦᑍᓕᒃᑭᑦ, ᑍᒤᓪᓗᐊᓕᕐᐸᑦ ᖃᐅᒃᐸᑦ ᑐᖁᑦᓱᒫᕐᐸᒃᑲ ᐊᑕᖏᕐᓗᒋᑦ, ᐃᓴᕆᐊᓕᒥᐅᑦ ᐱᓪᓗᒋᑦ; ᕿᒻᒥᕐᔪᐊᖏᑦ ᓂᐅᕈᕐᑕᕐᓗᒋᑦ ᑐᓯᐊᓕᕐᑎᓛᕐᐸᑎᑦ, ᑲᓕᒐᖏᓪᓗ ᐊᒃᓴᓗᐊᓖᑦ ᐃᑯᐊᓪᓚᒡᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 46:14

“ᑕᒪᓐᓇ ᐅᖃᐅᓯᕆᒍᒃ ᐄᑦᔨᑉᑎᒥᐅᓂ, ᐅᖃᐅᓯᕆᓗᒍᓗ ᒥᒡᑐᓕᒥ, ᐅᖃᐅᓯᕆᖕᒥᓗᒍᓗ ᒥᒻᐱᓯᒥ ᑕᐸᓂᓯᒥᓗ, ᐃᓂᒃᓴᑦᓯᓐᓄᐊᕐᓗᓯ ᐅᐸᓗᖕᒊᕐᓯᒪᓕᕆᑦᓯ, ᐊᕙᑎᑦᓯᓐᓃᑦᑐᑦ ᓴᕕᒡᔪᐊᒧᑦ ᑐᖁᕋᕐᑕᐅᓂᐊᕐᒪᑕ!

ᐃᓯᑭᐊᓕᐅᑉ ᐊᒡᓚᖏᑦ 13:8

ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᓱᓕᖏᑦᑐᓂᒃ ᐅᖃᓪᓚᖃᑦᑕᕋᑦᓯ ᑕᑯᑎᑕᐅᓂᕋᕐᓂᓯᓗ ᓴᒡᓗᕿᑦᓯᓂᐅᓪᓗᑎᒃ, ᑍᒤᒻᒪᑦ ᑕᑯᒋᑦ, ᐃᓕᑦᓯᓐᓂᒃ ᓵᓐᖓᓯᓂᐊᓕᕐᐳᖓ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 21:3

ᐃᓴᕆᐊᓕᐅᑉ ᓄᓇᖓᓃᑦᑐᑦ ᐅᖃᐅᑎᒃᑭᑦ, ᐊᑕᓂᖅ ᐃᒫᒃ ᐅᖃᕐᐳᖅ: ᑕᑯᒋᑦ, ᓈᒻᒪᒃᓴᓐᖏᓚᖓ ᐃᓕᑦᓯᓐᓂᒃ, ᓴᕕᒡᔪᐊᕋ ᐊᒧᓗᒍ ᑐᖁᕅᔪᒫᓕᕐᐳᖓ ᐊᑦᔨᒌᒃᑎᓪᓗᒋᑦ ᐃᓱᐊᕐᑐᓕᔪᑦ ᐱᐅᖏᑦᑐᓕᔪᓪᓗ.

ᓇᕼᐅᒥᐅᑉ ᐊᒡᓚᖏᑦ 2:12

ᓛᔭ ᓂᕿᒃᓴᒥᓂᒃ ᐊᓕᒃᑐᐃᕗᖅ ᕿᑐᕐᖓᖏᑕ ᓈᒻᒪᒋᔭᖏᓐᓂᒃ ᑐᖁᑦᓯᓪᓗᓂᓗ ᐊᕐᓇᓪᓗᖁᑎᖏᑕ ᓂᕿᒃᓴᖏᓐᓂᒃ; ᓯᑎᓂᓗ ᐆᒪᔪᕕᓂᕐᓂᒃ ᐊᓕᒃᑐᕐᓯᒪᔪᓂᒃ ᐃᓗᓪᓕᕐᑐᕐᐹ.

ᓇᕼᐅᒥᐅᑉ ᐊᒡᓚᖏᑦ 3:15

ᑍᑲᓂ ᐃᑯᒪᒧᑦ ᓄᖑᑕᐅᔪᒫᕐᐳᓯ, ᐅᓇᑕᕐᓂᕐᒧᑦ ᑐᖁᑕᐅᓗᓯ. ᓄᖑᑕᐅᔪᒫᕐᐳᓯ ᐱᒡᓕᕐᑕᐅᔮᕐᑐᑦ ᓄᖒᑦᓯᓂᖏᑎᑐᑦ. ᐱᒡᓕᕐᑕᐅᔮᕐᑐᑎᑐᑦ ᐅᓄᕐᓯᕙᓪᓕᐊᓕᕆᑦᓯ, ᐱᒡᓕᕐᑕᑎᑐᓪᓗ ᐅᓄᕐᓯᕙᓪᓕᐊᑎᒋᓗᓯ!