ᓇᕼᐅᒥᐅᑉ ᐊᒡᓚᖏᑦ 1:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᑕᓂᖅ ᐃᒫᒃ ᐅᖃᕐᐳᖅ: “ᐊᑭᕋᓯ ᓴᓐᖏᔫᓪᓗᑎᒃ ᐅᓄᕋᓗᐊᕐᒪᑕ, ᓄᖑᑕᐅᔪᒫᕐᐳᑦ ᐊᓯᐅᓗᑎᒡᓗ. ᐃᓄᖁᑎᒃᑲ, ᐊᒃᓱᕈᕐᓇᕐᑐᒃᑰᕐᑎᓚᐅᕋᓗᐊᕐᐸᑦᓯ, ᑍᒤᑦᑐᒃᑰᕐᑎᒃᑲᓐᓂᕐᓂᐊᓐᖏᓚᑦᓯᓕ.

ᓇᕼᐅᒥᐅᑉ ᐊᒡᓚᖏᑦ 1:12 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 19:35

ᐅᓐᓄᐊᒥ ᑍᑦᓱᒪᓂᑦᓮᓐᓇᖅ ᐊᑕᓂᐅᑉ ᐂᖏᓕᖓ ᐊᓯᕆᐊᒥᐅᑦ ᑕᖕᒫᕐᓯᒪᕕᖓᓄᐊᕐᓗᓂ ᐅᓇᑕᕐᑎᖁᑎᖏᓐᓂᒃ 185,000ᓂᒃ ᑐᖁᕅᓚᐅᕐᐳᖅ; ᖃᐅᑎᓪᓗᒍ ᐅᓪᓛᒃᑯᑦ ᑕᑯᔭᐅᕗᑦ, ᑎᒦᑦ ᑐᖁᖓᔪᐃᓐᓇᓕᒫᑦ.

ᐊᑕᓃᑦ ᐂᑉᐸᖏᑦ 19:37

ᒎᑎᒥᓄᑦ ᓂᓱᕌᒃᒧᑦ ᑐᒃᓯᐊᕐᑎᓪᓗᒍ, ᐃᕐᓂᖏᒃᑕ ᒪᕐᕉᒃ ᐋᑕᕋᒥᓕᐅᑉ ᓴᕆᔨᕆᐅᓪᓗ ᓴᕕᒡᔪᐊᒥᖕᓄᑦ ᐊᑖᑕᑎᒃ ᑐᖁᑉᐹᒃ, ᓄᓇᒧᓪᓗ ᐊᕋᕌᑦᒧᑦ ᕿᒫᓪᓗᑎᒃ. ᐃᕐᓂᕆᖕᒥᔭᖓᑦᑕ ᐃᓴᕼᐊᑕᓂᐅᑉ ᐊᖓᔪᖅᑳᕐᐅᓂᖓ ᐃᓇᒋᕐᐹ.

ᒨᓯᓯ ᐂᑉᐸᖏᑦ 12:12

“ᑕᕝᕙᓂ ᐅᓐᓄᒥ ᐄᑦᔨᑉᑎᐅᑉ ᓄᓇᖓᒍᑦ ᐃᖏᕐᕋᓂᐊᕋᒪ, ᐄᑦᔨᑉᑎᒥᓗ ᐃᕐᓂᐊᖑᖅᑳᕐᓯᒪᔪᓕᒫᑦ ᑐᖁᓐᓂᐊᕐᐸᒃᑲ, ᐃᓄᖕᓂᓗ ᐆᒪᔪᓂᓗ; ᐄᑦᔨᑉᑎᒥᐅᓪᓗ ᒎᑎᓐᖑᐊᓕᒫᖏᑦ ᓱᒋᐊᕐᓂᐊᕐᐸᒃᑲ ᑐᑭᓯᖁᓪᓗᒋᑦ, ᐅᕙᖓ ᐊᑕᓂᐅᒐᒪ.

ᐂᓮᐊᓯᐅᑉ ᐊᒡᓚᖏᑦ 10:16

ᑍᒤᒻᒪᑦ ᐊᑕᓂᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ, ᖃᓂᒻᒪᓯᕐᒥᒃ ᓴᓗᒃᑎᓐᓇᕐᑐᒥᒃ ᑎᑭᑎᑦᓯᔪᒫᕐᐳᖅ ᐅᓇᑕᕐᑐᒃᓴᓄᑦ ᖁᐃᓂᔪᓄᑦ, ᑖᑦᓱᒪᓗ ᐱᓐᓇᕐᓇᕐᓂᖓᑕ ᐊᐅᓚᑕᖓᓂ ᐃᑯᐊᓪᓚᒃᑐᖃᕈᒫᕐᐳᖅ, ᐃᑯᒪᐅᑉ ᐃᑯᐊᓚᓂᖓᑐᑦ ᑍᒤᑦᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 17:14

ᐅᓐᓄᒃᑯᑦ ᑕᑯᒋᑦ, ᑲᑉᐱᐊᓇᕐᑐᖃᓕᕐᐳᖅ! ᐅᓪᓛᓐᖑᓛᐅᕐᑎᓐᓇᒍ ᓱᓇᑕᖃᕈᓐᓃᕐᐳᖅ! ᑍᒫᒃ ᑕᕝᕙ ᑭᒃᑯᑐᐃᓐᓁᑦ ᓄᓇᑦᑎᓐᓂᒃ ᓄᓁᕈᑦᔨᓇᓱᒃᑐᑦ ᐱᔪᒫᕐᐳᑦ, ᐅᕙᑦᑎᓐᓂᒡᓗ ᓱᓁᕈᑦᔨᓇᓱᐊᕐᑐᑦ ᓇᓚᐅᑦᑖᕈᑎᒃᑯᑦ ᐱᕖᕈᑦᔭᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 30:19

ᓮᐅᓂᒥᐅᑕᐅᔪᓯ ᓄᓇᖃᕐᑐᓯᓗ ᔨᕉᓴᓕᒥ; ᕿᐊᓂᐊᕈᓐᓃᕐᐳᓯ. ᑖᑦᓱᒪ ᐊᖏᔪᒥᒃ ᐱᑦᓯᐊᕐᕕᒋᖕᒪᓯ ᕿᓄᓂᑦᓯᓐᓂᒃ ᑐᓴᕈᓂ; ᑐᓴᕈᓂᓯ ᑭᐅᓂᐊᕐᒪᓯ.

ᐂᓮᐊᓯᐅᑉ ᐊᒡᓚᖏᑦ 31:8

ᐊᓯᕆᐊᒥᐅᑦ ᐊᓯᕈᕐᑕᐅᔪᒫᕐᐳᑦ ᐅᓇᑕᕐᓂᕐᔪᐊᕐᒧᑦ, ᐃᓄᒃᑎᒍᑦ ᐱᖏᑦᑐᒧᑦ; ᓴᕕᒡᔪᐊᒧᑦ ᐃᓄᖕᒥᑦ ᐱᖏᑦᑐᒧᑦ, ᓄᖑᑕᐅᔪᒫᕐᐳᑦ; ᓴᕕᒡᔪᐊᒥᑦ ᕿᒫᔪᒫᕐᐳᑦ, ᐅᕕᒐᕐᑐᖁᑎᖏᓪᓗ ᐊᒃᓱᕈᕐᑎᑕᐅᓗᑎᒃ ᐱᓇᓱᐊᕐᑎᒋᔭᐅᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 37:36

ᑕᕝᕙ ᐊᑕᓂᐅᑉ ᐂᖏᓕᖁᑎᖓ ᐂᓚᐅᕐᐳᖅ, ᑐᖁᕅᓪᓗᓂᓗ ᐅᓇᑕᕐᑎᓂᒃ 185,000ᓂᒃ ᐊᓯᕆᐊᒥᐅᓂᒃ ᑕᖕᒫᕐᓯᒪᕕᒋᔭᖏᓐᓂ; ᖃᐅᒻᒪᓕᕐᑎᓪᓗᒍ ᐅᓪᓛᒃᑯᑦ, ᑎᒥᕕᓃᑦ ᑐᖁᖓᐅᓚᐅᕐᐳᑦ ᓇᓂᓕᒫᖅ.

ᐂᓮᐊᓯᐅᑉ ᐊᒡᓚᖏᑦ 51:22

ᐊᑕᓂᓯ ᐃᒫᒃ ᐅᖃᕐᐳᖅ, ᑖᓐᓇ ᐊᑕᓂᖅ ᒎᑎᓯ, ᓯᕐᓈᕐᑐᖅ ᐃᓄᖁᑎᒥᓂᒃ: “ᑕᑯᒋᑦᓯ ᐃᒥᐅᑦ ᐅᕐᕈᔮᕈᑎᒋᓚᐅᕐᑕᓯ ᐲᕐᐸᕋ ᐊᒡᒐᑦᓯᓐᓂᑦ, ᐃᒥᐅᑦ ᐃᒪᖃᓚᐅᕐᑐᖅ ᓂᓐᖓᐅᒪᓂᓐᓂᒃ, ᑕᕝᕙᓐᖓᑦ ᐃᒥᒃᑲᓐᓂᕐᓂᐊᕈᓐᓃᕐᐳᓯ.

ᐂᓮᐊᓯᐅᑉ ᐊᒡᓚᖏᑦ 7:20

“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐊᑕᓂᖅ ᕿᐅᕐᑍᔨᒃᓴᒥᒃ ᑰᒑᓘᑉ ᐊᑭᐊᓂᑦ ᑎᓕᓯᔪᒫᕐᐳᖅ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᒻᒪᕆᖓᓐᓂᒃ, ᑖᑦᓱᒪᓗ ᐅᓐᖏᔭᕐᑕᐅᑎᑦᓱᒫᕐᐹᓯ ᕿᐅᕐᑕᕐᑕᐅᑎᓪᓗᓯᓗ, ᓂᐅᓯᓗ ᒥᖅᑯᐃᔭᕐᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 8:8

ᔫᑕᓗ ᑎᑭᑕᐅᔪᒫᕆᕗᖅ, ᖄᒥᑕᐅᓗᓂ ᐅᓗᑦᔭᐅᔪᒫᕐᐳᖅ ᐊᖅᑯᓵᕐᑕᐅᓗᓂ, ᐃᓄᐃᑦ ᖁᖓᓯᖏᓐᓄᑦ ᑎᑭᓪᓗᓂ ᐊᒡᓛᑦ; ᐃᓴᕉᖕᓂᓗ ᐃᓯᕕᓪᓗᒋᒃ ᓄᓇᖁᑏᑦ ᑕᒪᕐᒥᒃ ᐅᓕᒍᒫᕐᐹ, ᐆ ᐃᒫᓐᔪᐃᓕ.”

ᑖᓂᐊᓕᐅᑉ ᐊᒡᓚᖏᑦ 11:10

“ᑖᑦᓱᒪᓕ ᐃᕐᓂᖏᑦ ᐸᕐᓇᓕᕈᒫᕆᕗᑦ ᐅᓇᑕᕐᑐᒃᓴᓂᒡᓗ ᐅᓄᕐᑐᕐᔪᐊᓂᒃ ᑲᑎᑦᓯᓗᑎᒃ, ᐃᖏᕐᕋᔪᒫᕐᐳᑦ ᐃᒪᕐᑐᑦ ᐊᑭᕋᕐᑐᕐᑕᐅᔪᓐᓇᖏᓪᓗᓂ ᐅᓕᒃᓯᕙᓪᓕᐊᔪᑎᑐᑦ, ᐅᓇᑕᕈᒫᕐᐳᓪᓗ ᓄᓇᓕᒃᔪᐊᖏᑦ ᑎᑭᐅᒪᓗᒋᑦ.

ᔪᐃᓕᐅᑉ ᐊᒡᓚᖏᑦ 2:19

ᐊᑕᓂᐅᓪᓗ ᐃᓄᖁᑎᓂ ᑭᐅᔪᒫᕐᐰᑦ ᐅᖃᐅᑎᓗᒋᓪᓗ, “ᑕᑯᒋᑦ, ᑐᓂᓯᕕᒋᓂᐊᕐᐸᑦᓯ ᓂᐊᖂᔭᒃᓴᒥᒃ ᕔᓂᒥᒡᓗ ᓄᑖᒥᒃ ᐸᐅᕐᖎᓪᓗ ᐅᕐᓱᖏᓐᓂᒃ, ᓈᒻᒪᒃᓯᓂᐊᕐᐳᓯ ᐃᓅᖃᑎᒌᒡᔪᐊᓄᓪᓗ ᓇᕐᕈᒋᔭᐅᓂᐊᕈᓐᓁᕐᐳᓯ.

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:16

ᑳᖕᓂᐊᕈᓐᓃᕐᐳᑦ, ᐃᒥᕈᖕᓂᐊᕈᓐᓃᕐᓗᑎᒡᓗ; ᓯᕿᓂᕐᒧᑦ ᐊᓯᐊᓄᓪᓘᓐᓃᑦ ᐆᓇᕐᑐᒧᑦ ᐆᑕᐅᓂᐊᕈᓐᓃᕐᐳᑦ.