ᓇᕼᐅᒥᐅᑉ ᐊᒡᓚᖏᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑲᑭᓪᓚᕐᓇᕐᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᕐᑎᑎᑐᓪᓗ ᐋᖓᔮᕐᑎᓪᓗᒋᑦ, ᓄᖑᑕᐅᔪᒫᕐᐳᑦ ᐃᑯᒪᒧᑦ ᐃᕕᒃᓱᒐᕐᑎᑐᑦ ᑭᓪᓗᕐᑕᐅᓯᒪᓪᓗᑎᒃ ᐸᓂᕐᑐᑎᑐᑦ.

ᓇᕼᐅᒥᐅᑉ ᐊᒡᓚᖏᑦ 1:10 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 13:28

ᑕᕝᕙ ᐋᑉᓴᓚᐅᑉ ᐱᔨᓂ ᐅᖃᐅᑎᕔᑦ, “ᖃᐅᔨᓴᕐᓂᐊᕐᐳᓯ ᐋᒻᓇᒥᒃ ᐋᖓᔮᓕᑐᐊᕐᐸᑦ, ᐱᖁᔨᓕᑐᐊᕈᒪ ᑐᖁᓐᓂᐊᕐᐸᓯ. ᑲᑉᐱᐊᓱᒃᑍᓕᒋᑦᓯ; ᐅᕙᖓ ᑎᓕᓯᒐᒪ ᐸᓯᔭᒃᓴᐅᓂᐊᕐᐳᖓ ᓯᕘᕋᑦᑍᓕᒋᑦᓯ ᑲᑦᓱᖓᑦᑍᓕᓗᓯᓗ!”

ᐃᓐᖏᕈᑎᑦ 118:12

ᑖᒃᑯᓄᖓ ᐊᕙᓗᔭᐅᓯᒪᕗᖓ ᓲᕐᓗ ᐃᒍᑦᓴᑎᑐᑦ; ᐃᑯᐊᓪᓚᕆᒃᐳᑦ ᐅᕐᐱᒐᕐᑎᑐᑦ ᐃᑯᐊᓚᔪᑎᑐᑦ; ᐊᑕᓂᐅᓪᓕ ᐊᑎᖓᓂ ᓇᑲᑎᕐᓗᒋᑦ ᐲᔭᕐᓂᐊᕐᐸᒃᑲ!

ᐃᓐᖏᕈᑎᑦ 68:2

ᐳᔪᖅ ᐅᖓᕙᕐᐸᕐᒪᑦ, ᑍᒫᒃᑕᐅᖅ ᐅᖓᕙᕐᑎᒃᑭᑦ; ᐳᓐᓂᕐᓗ ᐊᐅᒃᐸᖕᒪᑦ ᐃᑯᒪᒧᑦ, ᑍᒫᒃᑕᐅᖅ ᐱᐅᖏᑦᑐᓕᔪᑦ ᓄᖑᑕᐅᓕᑦ ᒎᑎᐅᑉ ᓇᔫᑎᓂᖓᓂ.

ᒨᓯᓯ ᐂᑉᐸᖏᑦ 15:7

ᐱᔪᓐᓇᕐᓂᕐᔪᐊᕕᓪᓗ ᐊᔪᖏᓂᖓᓄᑦ ᐊᑭᕋᕐᑐᕐᑎᑎᑦ ᓵᓚᒋᕙᑎᑦ; ᓂᓐᖓᐅᒪᓂᕐᓂᒡᓗ ᓴᖅᑭᑎᑦᓯᕕᒋᒐᕕᒋᑦ, ᐃᕕᒐᕐᑎᑐᑦ ᐃᑯᐊᓪᓚᒃᑕᐅᔪᑎᑐᑦ ᑍᒤᑉᐳᑦ.

ᒨᓯᓯ ᐂᑉᐸᖏᑦ 5:12

ᑍᒤᒻᒪᑦ ᐃᓄᐃᑦ ᐄᑦᔨᑉᑎᐅᑉ ᓄᓇᖓᓂ ᓇᒧᑐᐃᓐᓇᖅ ᓯᐊᒻᒪᕐᓯᒪᖃᑦᑕᓕᓚᐅᕐᐳᑦ, ᐃᕕᖕᓂᒃ ᐅᔭᕋᓕᐊᕆᔭᒃᓴᓂᒃ ᑲᑎᑦᓯᓇᓱᐊᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 27:4

ᒫᓐᓇ ᑖᑦᓱᒧᖓ ᓂᓐᖓᒃᓯᒪᓐᖏᓚᖓ, ᐅᕐᐱᒐᕐᓂᒃ ᑲᑭᓐᓇᕐᑐᖃᕐᑐᓂᒃ ᐱᕈᕐᕕᐅᓕᕌᖓᑦ ᐃᓱᐊᖏᑦᔪᑎᒃᓴᐅᓂᐊᕐᑐᓂᒃ ᐃᑯᐊᓪᓚᒃᐸᒃᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 47:14

ᑕᑯᒋᑦ, ᐃᕕᒃᓱᒐᕐᑎᑐᑦ ᐸᓂᕐᑐᑎᑐᑦ ᑍᒤᑦᓱᒫᕐᐳᑦ, ᐃᑯᒪᒧᑦ ᓄᖑᑕᐅᔪᑎᑐᑦ; ᐃᒻᒥᖕᓂᒡᓗ ᓴᐳᑎᔪᓐᓇᕈᒫᓐᖏᓚᑦ ᐃᑯᐊᓚᔪᖅ ᐊᖏᓗᐊᕈᒫᕐᒪᑦ; ᐃᑯᒪ ᐅᖅᑰᓯᑦᑎᕐᕕᒃᓴᑐᐃᓐᓇᐅᔪᒫᖏᒻᒪᑦ, ᓴᓂᐊᓂᓗ ᐃᒃᓯᕙᕕᒃᓴᐅᔪᒫᕋᓂ.

ᐂᓮᐊᓯᐅᑉ ᐊᒡᓚᖏᑦ 5:24

ᑍᒤᒻᒪᑦ, ᓲᕐᓗ ᐃᑯᒪᐅᑉ ᐃᑯᐊᓚᔫᑉ ᐃᕕᖕᓂᒃ ᑭᓪᓗᐃᕕᐅᔪᕕᓃᑦ ᓄᖑᒻᒪᒋᑦ, ᓲᕐᓗᓗ ᐃᕕᒃᓱᒐᖅ ᐸᓂᕐᑐᖅ ᐃᑯᒪᒧᑦ ᓄᖑᑕᐅᖕᒪᑦ, ᑍᒫᒃᑕᐅᖅ ᐊᒫᖏᑦ ᐊᐅᓂᐅᓕᕈᒫᕐᐳᑦ, ᐱᕈᕐᑐᖏᑕᓗ ᓂᐊᖁᖏᑦ ᐳᔪᕋᕐᑎᑐᑦ ᑎᒃᑕᐅᔪᒫᕐᐳᑦ; ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐱᖁᔭᖏᑦ ᒪᓕᒍᒪᓚᐅᖏᒻᒪᒋᑦ, ᐃᓴᕆᐊᓕᐅᓪᓗ ᐃᑦᔪᕐᓁᑦᑐᖁᑎᖓᑕ ᐅᖃᐅᓯᖓ ᓇᕐᕈᒋᓚᐅᕐᒪᑦᔪᒃ.

ᐂᓮᐊᓯᐅᑉ ᐊᒡᓚᖏᑦ 56:12

ᐅᖃᕐᐸᒃᐳᑦ, ‘ᕾᒋᑦᓯ ᕔᓂᒥᒃ ᐃᒥᕐᓂᐊᕐᑕᑦᓯᓐᓂᒃ ᐱᓂᐊᕋᒪ, ᐃᒥᕈᐃᑦᓯᐊᕐᓗᑕ ᓲᖑᔪᒥᒃ ᐃᒥᓚᐅᕐᑕ; ᖃᐅᒃᐸᑦ ᓱᓕ ᐅᓪᓗᒥᑐᑦ ᐱᓂᐊᕐᒥᒐᑦᑕ, ᐅᕝᕙᓘᓐᓃᑦ ᐱᐅᓂᕐᓴᒃᑲᓐᓂᕐᒥᒃ ᐱᓛᕐᐳᒍᑦ.’”

ᐂᓮᐊᓯᐅᑉ ᐊᒡᓚᖏᑦ 9:18

ᐊᔪᕐᑐᓕᓃᑦ ᐃᑯᐊᓚᖕᒪᑕ ᐃᑯᒪᑎᑐᑦ, ᓄᖒᑦᓯᓪᓗᓂ ᐅᕐᐱᒐᕐᓂᒃ ᑲᑭᓪᓚᕐᓇᕐᑐᓕᖕᓂᒡᓗ; ᐃᑯᐊᓪᓔᓪᓗᑎᒡᓗ ᓇᐹᕐᑐᒐᓴᒡᔪᐊᓂᒃ ᐊᑯᓔᑦᑐᓂᒃ; ᐃᓯᕐᓗᒡᔪᐊᕐᒥᒃ ᖁᒻᒧᐊᒃᑎᑦᓯᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 51:39

ᐆᒻᒪᕆᒃᓴᕐᓂᖏᓐᓂ ᓂᕆᕕᒃᔪᐊᕐᑎᑦᓱᒪᕙᒃᑲ, ᐋᖓᔮᓕᕐᑎᓪᓗᒋᓪᓗ, ᐃᒡᓚᒪᔭᖁᓪᓗᒋᑦ ᑍᒤᑦᑑᓕᕐᓗᑎᒃ ᓯᓂᓕᕈᑎᒃ ᐃᖅᑯᒻᒪᓐᖏᓮᓐᓇᖁᓪᓗᖏᑦ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 51:57

ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ ᐋᖓᔮᓕᕐᑎᓐᓂᐊᕐᐸᒃᑲ, ᐊᐅᓚᑦᓯᔨᖏᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐱᖃᓯᐅᑎᓗᒋᑦ, ᓯᓂᓕᕈᑎᒃ ᑐᐸᒍᒫᓐᖏᓚᑦ; ᐊᖓᔪᖅᑳᖑᓂᕐᐹᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ ᑕᒪᑐᒥᖓ, ᐅᖃᕐᐳᖅ.

ᒤᑲᐅᑉ ᐊᒡᓚᖏᑦ 7:4

ᐱᐅᓂᕐᐹᕆᔭᕋᓗᐊᖏᑦ ᑲᑭᓪᓚᐅᑎᓕᒃᑎᑑᕐᐳᑦ; ᐅᒃᐱᕐᓇᕐᓂᕐᐹᖏᓪᓗ ᐅᕐᐱᖕᓂᑦ ᑲᑭᓪᓚᐅᑎᓕᖕᓂᑦ ᐱᐅᖏᓐᓂᕐᓴᐅᕗᑦ. ᐅᓪᓗᖅ ᓇᓪᓕᐅᑎᕗᖅ ᖃᐅᔨᓴᕐᑎᑦᓯ ᐅᖃᐅᓯᕆᓯᒪᔭᖏᑦ ᓱᒋᐊᕐᑕᐅᕕᒃᓴᓯᓗ ᐅᓪᓗᖅ ᑎᑭᓪᓗᓂ. ᒫᓐᓇ ᓇᓗᓕᐅᒪᓂᐊᓕᕐᐳᓯ.

ᓇᕼᐅᒥᐅᑉ ᐊᒡᓚᖏᑦ 3:11

ᐃᕝᕕᑦᑕᐅᖅ ᐋᖓᔮᕐᑎᐅᓕᕈᒫᕐᐳᑎᑦ, ᑐᑭᖃᑦᓯᐊᕈᓐᓃᕐᓗᑎᑦ; ᕿᒫᕕᒃᓴᕐᓯᐅᕈᒫᕐᐳᑎᓪᓗ ᐊᑭᕋᕐᓄᑦ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᓴᒧᐃᓕ ᓯᕗᓪᓖᑦ 25:36

ᐊᐱᒊᓕᓗ ᐅᑎᓚᐅᕐᐳᖅ ᓁᐳᓪᒧᑦ; ᓁᐳᓕ ᐊᖏᕐᕋᕐᓯᒪᓚᐅᕐᐳᖅ ᓂᕆᕕᒃᔪᐊᕐᓗᓂ ᐊᖓᔪᖅᑳᕐᔪᐊᒧᑦ ᓈᒻᒪᑦᑐᓂᒃ. ᐋᖓᔮᒻᒪᕆᓕᓚᐅᕐᐳᖅ ᖁᕕᐊᓱᓕᕐᓗᓂᓗ; ᑍᒤᒻᒪᑦ ᐅᖃᐅᑎᓚᐅᓐᖏᓛ, ᖃᐅᓚᐅᕐᑎᓐᓇᒍ.