ᒫᑯᓯᐅᑉ ᐊᒡᓚᖏᑦ 9:50 - ᐊᒡᓔᑦ ᐃᑦᔪᕐᖕᓁᑦᑐᑦ

⁵⁰ “ᑕᕆᐅᖅ ᐱᐅᕗᖅ: ᑭᓯᐊᓂᓕ ᑕᕆᐅᖑᔪᓃᕐᐸᑦ, ᖃᓄᕐᓕ ᑕᕆᐅᓐᒍᕐᑎᑕᐅᒃᑲᓐᓂᕋᔭᕐᐹ? ᑕᕆᐅᓕᒃᑎᑦᑐᑦ ᐱᖃᓐᓇᕇᒋᑦᓯ ᐃᓕᑦᓯᓐᓄᑦ, ᓮᒪᓇᕐᑐᒥᒡᓗ ᐃᓅᓗᓯ ᐃᓕᑦᓯᓐᓄᑦ ᐊᑐᓂᑦ.”

Aglait Ijjurnaittut

⁵⁰ “Tariuq piuvuq: Kisianili tariungujuniiqpat, qanurli tariunguqtitaukkannirajaqpa? Tariuliktittut piqannariigissi ilissinnut, saimanaqtumiglu inuulusi ilissinnut atunit.”

ᒫᑯᓯᐅᑉ ᐊᒡᓚᖏᑦ 9:50 ပူးပေါင်းရင်းမြစ်များ

ᑯᓘᓯᐊᒥᐅᓄᑦ 4:6

ᐅᖃᐅᓯᕆᔭᓯ ᐱᔪᓐᓇᕐᑎᑦᓯᓂᕐᒥᒃ ᐃᓗᓕᖃᕐᑐᒃᓴᐅᕗᑦ ᑐᓴᕈᒥᓇᕐᓗᑎᒡᓗ ᑕᕆᐅᓕᕐᓯᒪᔪᑎᑐᑦ, ᑕᒤᓐᓄᑦ ᑭᐅᑦᔪᑎᒃᓴᖃᑦᓯᐊᖁᓪᓗᓯ.

ᕉᒪᒥᐅᓄᑦ 12:18

ᐱᔪᓐᓇᕐᓂᓕᒫᑦᓯᓐᓄᑦ, ᐃᓅᖃᑎᖃᑦᓯᐊᕋᓱᐊᕆᑦᓯ ᐃᓄᓕᒫᓂᒃ.

ᒫᑎᐅᓯᐅᑉ ᐊᒡᓚᖏᑦ 5:13

“ᓄᓇᕐᔪᐊᑉ ᑕᕆᐅᕆᕚᓯ; ᑕᕆᐅᖅ ᑕᕆᐅᖑᔪᓐᓃᕐᐸᑦ ᖃᓄᖅ ᑕᕆᐅᓐᖑᒃᑲᓐᓂᕐᑎᑕᐅᔪᓐᓇᕐᐸ? ᓱᓇᒧᑦ ᐊᑑᑎᒃᓴᖃᕈᓐᓃᕐᐳᖅ, ᒪᓂᖅᑲᒧᑦ ᓈᕕᑕᐅᓗᓂ ᐃᓄᖕᓄᑦ ᑐᓪᓕᕋᒐᒃᓴᐅᓕᕐᐳᖅ.

ᐄᑉᕈᐃᓄᑦ 12:14

ᐃᓅᖃᑎᓕᒫᑦᓯᓐᓂᒃ ᐃᓅᖃᑎᖃᑦᓯᐊᕋᓱᐊᕆᑦᓯ, ᐃᓅᓯᖃᕐᓗᓯᓗ ᐃᑦᔪᕐᓁᑦᑐᒥᒃ ᑍᒫᒃ ᐃᓅᓯᖃᖏᑦᑐᑦ ᐊᑕᓂᖅ ᑕᑯᓂᐊᖏᒻᒪᑦᔪᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:11

ᒫᓐᓇᓕ ᙭ᔅᑑᓯᒥᐅᑕᐅᑎᒃᑲ ᑕᕝᕙᐅᕗᓯ. ᐃᓅᓯᓯ ᐋᖅᑭᒃᓱᕐᓯᐅᒃ, ᐱᖁᔨᓂᒃᑲ ᓈᓚᒃᓯᒋᒃ, ᐃᓱᒪᖃᖃᑎᒌᒋᑦᓯ ᐊᑭᕋᕐᑑᑎᖏᓪᓗᓯ, ᒎᑎᐅᓪᓗ ᓇᒡᓕᖕᓂᖓᑕ ᓮᒻᒪᕐᑎᑦᓯᓂᖓᑕᓗ ᐃᓚᒋᓂᐊᕐᐹᓯ.

ᐱᓕᐱᒥᐅᓄᑦ 1:27

ᒫᓐᓇᓕ ᐱᔭᕆᐊᖃᕐᓂᕐᐹᖑᕗᖅ ᐃᓅᓯᓯ ᒪᓕᑦᓯᐊᖁᓪᓗᒍ ᙭ᔅᑑᓯᐅᑉ ᐅᖃᐅᓯᖏᑕ ᐊᑐᕐᑕᐅᖁᔭᖏᓐᓂᒃ, ᐃᓕᑦᓯᓐᓄᑦ ᑎᑭᑦᓱᓐᓇᕈᒪ ᑕᑯᓗᓯ, ᐃᓕᑦᓯᓅᕈᓐᓇᖏᒃᑲᓗᐊᕈᒪᓘᓐᓃᑦ, ᑐᓴᕈᓐᓇᖁᓪᓗᖓ ᑲᔪᓯᑦᓯᐊᕐᓂᑦᓯᓐᓂᒃ ᐊᑕᐅᓯᐅᑦᓯᐊᕐᓂᑦᓯᓐᓂᒡᓗ ᐆᒻᒪᑎᑦᓯᒍᑦ, ᐃᓱᒪᑦᓯᒍᓪᓗ ᐊᒃᓱᕉᑎᖃᓪᓚᕆᖕᓂᑦᓯᓐᓂᒃ ᑲᑐᑦᔨᑦᓯᐊᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᒃᐱᕈᓱᑦᓯᐊᕐᓂᕐᒧᑦ.

ᔫᐱᐅᑉ ᐊᒡᓚᖏᑦ 6:6

ᑭᓇ ᓂᕆᔪᓐᓇᕐᐹ ᑎᐱᖃᖏᑦᑐᓂᒃ ᑕᕆᐅᖃᖏᑦᑐᓂᒡᓗ? ᐅᕝᕙᓗ ᑎᐱᖃᓲᖑᕚ ᒪᓐᓂᐅᑉ ᖃᑯᕐᓂᖓ?

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:13

ᐅᐱᒋᑦᓯᐊᕆᐊᖃᕐᐸᓯ ᓇᒡᓕᒋᑦᓯᐊᕐᓗᒋᓪᓗ ᐱᓇᓱᐊᖃᑦᑕᕐᓂᖏᑦ ᐱᑦᔪᑎᒋᓗᖏᑦ. ᐃᓕᑦᓯᓐᓄᑦ ᐊᑐᓂᑦ ᐃᓅᖃᑎᒌᑦᓯᐊᕆᑦᓯ.

ᐃᐱᓯᒥᐅᓄᑦ 4:29

ᐅᖃᐅᓯᕐᓘᑎᓂᒃ ᐋᓐᓂᕐᓇᕐᑐᓂᒃ ᐅᖃᖃᑦᑕᕈᓁᕆᑦᓯ, ᐃᑲᔪᕐᑐᓂᒡᓕ ᐱᕙᓪᓕᕐᓇᕐᑐᓂᒃ ᐅᖃᖔᖃᑦᑕᓕᕆᑦᓯ, ᐱᐅᔪᓂᒃ ᐋᖅᑭᒃᓲᑎᒃᓴᓂᒃ ᐱᔭᕆᐊᓕᖕᓂᒡᓗ ᐱᕙᓪᓕᕐᑎᑦᓯᔪᓐᓇᕐᑐᓂᒃ, ᐅᖃᐅᓯᕆᔭᓯ ᐱᕙᓪᓕᕈᑎᒃᓴᐅᖁᓪᓗᒋᑦ ᑐᓵᔪᓄᑦ.

ᐲᑦᑐᕉᓯ ᓯᕗᓪᓖᑦ 3:8

ᑭᖑᓪᓕᕐᐹᒥᒡᓕ, ᑕᒪᑦᓯ ᐊᑦᔨᒌᒃᑐᒥᒃ ᐃᓱᒪᖃᖃᑎᒌᒃᑐᒃᓴᐅᕗᓯ, ᐃᓚᑦᓱᒋᖃᑦᑕᐅᑎᓗᓯ, ᓇᒡᓕᒃᑎᒌᒡᓗᓯ ᐃᓚᒌᒃᑐᑎᑐᑦ, ᓈᒃᑭᒍᓱᒡᓗᓯ ᒥᑭᒡᓕᑎᕐᓯᒪᓗᓯᓗ.

ᔧᒥᓯᐅᑉ ᐊᒡᓚᖏᑦ 1:20

ᐃᓅᑉ ᓂᓐᖓᐅᒪᓂᖓ ᒎᑎᐅᑉ ᐃᓗᐊᕐᑐᓕᓂᖓᓂᑦ ᐱᖏᒻᒪᑦ.

ᑎᒧᑎᒧᑦ ᐂᑉᐸᖏᑦ 2:22

ᐃᓅᓱᒃᑐᑦ ᐃᒃᓯᒎᕐᓂᖏᑦ ᐃᓚᒋᓂᐊᕐᓇᒋᑦ ᐃᓗᐊᕐᑐᓕᓂᕐᒥᒡᓕ ᓯᕗᓂᖃᕆᑦ, ᐅᒃᐱᕐᓂᕐᒥᒃ, ᓇᒡᓕᖕᓂᕐᒥᒃ, ᓮᒻᒪᓂᕐᒥᒡᓗ, ᐊᑕᓂᕐᒧᑦ ᑐᒃᓯᐊᕐᑐᑦ ᐃᓚᒋᓗᒋᑦ ᐆᒻᒪᑎᒥᒍᑦ ᐃᑦᔪᕐᓁᑦᑐᒃᑯᑦ.

ᑯᓘᓯᐊᒥᐅᓄᑦ 3:12

ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᒐᓔᑎᐊᒥᐅᓄᑦ 5:22

ᐊᓂᕐᓂᐅᓪᓕ ᐱᕈᕐᑎᑕᖏᑦ ᑕᕝᕙ ᓇᒡᓕᖕᓂᖅ, ᖁᕕᐊᓱᖕᓂᖅ, ᖃᓄᐃᖏᑦᓯᐊᕐᓂᖅ, ᕿᓄᐃᓵᕐᓂᖅ, ᐱᑦᓯᐊᕐᓂᖅ, ᐃᓄᑦᓯᐊᕙᐅᓂᖅ, ᓱᖁᓯᕈᓐᓇᖏᓐᓂᖅ,

ᐃᓐᖏᕈᑎᑦ 34:14

ᐱᐅᖏᑦᑐᖅ ᕿᒪᒍᒃ, ᐱᐅᔪᒥᒃ ᐱᓇᓱᐊᓕᕆᑦ; ᓮᒪᑦᓯᐊᕐᓂᖅ ᐱᓇᓱᐊᕈᒃ, ᒪᓕᒡᓗᒍᓗ.

ᒫᑯᓯᐅᑉ ᐊᒡᓚᖏᑦ 9:34

ᐃᓕᓐᓂᐊᕐᑎᖏᓪᓕ ᑭᐅᔪᓐᓇᓐᖏᓚᑦ; ᑕᒫᓂ ᐊᖅᑯᑎᒥᖕᓂ ᐱᓱᒃᓗᑎᒃ ᐅᖃᖃᑎᒌᖅᑲᐅᒐᒥᒃ ᓇᓪᓕᑎᒃ ᐊᖏᓂᕐᐸᐅᖕᒪᖔᑦ,

ᐃᓐᖏᕈᑎᑦ 133:1

ᑕᑯᒋᑦ, ᐱᐅᔪᐊᓘᕗᖅ ᖁᕕᐊᓇᕐᑐᐊᓘᓪᓗᓂᓗ ᖃᑕᓐᖑᑎᒌᑦ ᑲᑎᖃᑎᒌᒃᑎᓪᓗᒋᑦ ᐊᑕᐅᓯᐅᖃᑎᒌᒃᓗᑎᒃ!

ᐃᓯᑭᐊᓕᐅᑉ ᐊᒡᓚᖏᑦ 43:24

ᑖᒃᑯᐊᒃ ᐊᑕᓂᕐᒧᑦ ᑐᓂᕐᕈᑎᒋᔭᒃᓴᕆᕚᒃᑭᒃ, ᑐᓂᕐᕈᓯᕐᑎᑦᓯᔨᓄᓪᓗ ᑕᕆᐅᓕᕐᑕᐅᔪᒃᓴᐅᕘᒃ ᑐᓂᕐᕈᑕᐅᓗᑎᒡᓗ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ.

ᒫᑯᓯᐅᑉ ᐊᒡᓚᖏᑦ 9:49

“ᑕᒪᕐᒥᒃ ᓴᓗᒻᒪᕐᓴᕐᑕᐅᓂᐊᕐᐳᑦ ᐃᑯᒪᒧᑦ. ᑐᓂᕐᕈᑎᒃᓴᐅᑉ ᓴᓗᒻᒪᕐᓴᕐᑕᐅᕙᖕᓂᖓᑐᑦ ᑕᕆᐅᕐᒧᑦ.