ᒫᑯᓯᐅᑉ ᐊᒡᓚᖏᑦ 8:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᓇᓪᓕᐊᑦ ᐃᓅᓯᕐᒥᓂᒃ ᐱᐅᓕᒃᓯᔪᒪᔪᖅ ᐊᓯᐅᔨᓂᐊᕐᐳᖅ; ᓇᓪᓕᐊᓪᓕ ᐃᓅᓯᕐᒥᓂᒃ ᐊᓯᐅᔨᔪᖅ ᐅᕙᓐᓂᒃ ᐱᑦᔪᑎᖃᕐᓗᓂ ᐅᖃᐅᓰᓪᓗ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᑖᓐᓇ ᐃᓅᓯᕐᒥᓂᒃ ᐱᐅᓕᒃᓯᓂᐊᕐᐳᖅ.

Aglait Ijjurnaittut

³⁵ Nalliat inuusirminik piuliksijumajuq asiujiniaqpuq; nallialli inuusirminik asiujijuq uvannik pijjutiqarluni uqausiillu tusaruminaqtut pijjutigilugit taanna inuusirminik piuliksiniaqpuq.

ᒫᑯᓯᐅᑉ ᐊᒡᓚᖏᑦ 8:35 ပူးပေါင်းရင်းမြစ်များ

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:6

ᓇᓪᓕᐅᓐᓂᖃᕐᐳᖅ ᕿᓂᕐᓂᕐᒧᑦ, ᓇᓪᓕᐅᓐᓂᖃᕆᕗᖅ ᐊᓯᐅᔨᓂᕐᒥᒃ; ᓇᓪᓕᐅᓐᓂᖃᕐᐳᖅ ᐱᓯᒪᔪᒪᓂᕐᒥᒃ, ᓇᓪᓕᐅᓐᓂᖃᕆᕗᖅ ᓴᒃᑯᑦᓯᓂᕐᒥᒃ;

ᒫᑎᐅᓯᐅᑉ ᐊᒡᓚᖏᑦ 10:22

ᐃᓄᓕᒫᓄᑦ ᐆᒥᒋᔭᐅᓕᕈᒫᕐᐳᓯ ᐅᕙᖓ ᐱᓪᓗᖓ. ᐅᒃᐱᕐᓂᕐᒥᓂᒡᓕ ᑎᒍᒥᐊᖏᓐᓇᕐᓗᓂ ᐃᓱᐊᓄᑦ, ᑖᓐᓇ ᐱᐅᓕᔭᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 10:39

ᐃᓅᓯᕐᒥᓂᒃ ᐊᓐᓂᕈᓱᒃᑐᖅ, ᐃᓅᓯᕐᒥᓂᒃ ᐊᓯᐅᔨᔪᒫᕐᐳᖅ; ᐃᓅᓯᕐᒥᓂᒡᓕ ᐊᓐᓂᕈᓱᖏᑦᑐᖅ ᐅᕙᖓ ᐱᓪᓗᖓ, ᑖᓐᓇ ᐃᓅᓯᕐᒥᓂᒃ ᓇᒡᕚᕈᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 16:25

ᐃᓅᓯᕐᒥᓂᒃ ᐊᓐᓂᕈᓱᒃᑐᖅ ᐃᓅᓯᕐᒥᓂᒃ ᐊᓯᐅᔨᔪᒫᕐᐳᖅ, ᓇᓪᓕᐊᓪᓕ ᐃᓅᓯᕐᒥᓂᒃ ᐊᓯᐅᔨᔪᖅ ᐅᕙᓐᓂᒃ ᐱᑦᔪᑎᖃᕐᓗᓂ ᑖᓐᓇ ᐃᓅᓯᕐᒥᒃ ᓇᓂᓯᓂᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 19:29

ᑭᒃᑯᓕᒫᑦ ᐃᒡᓗᒥᖕᓂᒃ ᕿᒤᓯᒪᔪᑦ ᖃᑕᓐᖑᑎᒥᖕᓂᒡᓘᓐᓃᑦ ᓇᔭᒥᖕᓂᒡᓘᓐᓃᑦ ᐊᑖᑕᒥᖕᓂᒡᓘᓐᓃᑦ ᐊᓈᓇᒥᖕᓂᒡᓘᓐᓃᑦ ᕿᑐᕐᖓᒥᖕᓂᒡᓘᓐᓃᑦ ᓄᓇᒥᖕᓂᒡᓘᓐᓃᑦ, ᐅᕙᖓ ᐱᑦᔪᑎᒋᓗᖓ, ᑖᒃᑯᐊ ᐱᑎᑕᐅᒃᑲᓐᓂᕈᒫᕐᐳᑦ 100ᐃᕐᑐᓪᓗᐊᕐᑐᓂᒃ, ᑐᓂᓯᕕᐅᓗᑎᒡᓗ ᐃᓅᓯᕐᒥᒃ ᓄᖑᓱᐃᑦᑐᒥᒃ.

ᒫᑯᓯᐅᑉ ᐊᒡᓚᖏᑦ 8:36

ᐃᓄᒃ ᓱᓇᒥᒃ ᐱᕙᓪᓕᐅᑎᖃᕋᔭᕐᐹ ᓯᓚᕐᔪᐊᓕᒫᒥᒃ ᐱᖃᓕᕋᓗᐊᕈᓂ ᓇᖕᒥᓂᕐᓗ ᐃᓅᓯᕐᒥᓂᒃ ᐊᓯᐅᔨᓗᓂ?

ᓘᑲᓯᐅᑉ ᐊᒡᓚᖏᑦ 17:33

ᐃᓅᓯᕐᒥᓂᒃ ᐊᓐᓂᕈᓱᒃᑑᑉ ᐃᓅᓯᓂ ᐊᓯᐅᔨᔪᒫᕐᐹ; ᐃᓅᓯᕐᒥᓂᒡᓕ ᐊᓯᐅᔨᔫᑉ ᐃᓅᓯᓂ ᓴᐳᑎᔪᒫᕐᐹ.

ᓘᑲᓯᐅᑉ ᐊᒡᓚᖏᑦ 9:24

ᓇᓪᓕᐊᑦ ᐃᓅᓯᕐᒥᓂᒃ ᐱᓯᒪᓇᓱᓗᐊᕐᑐᖅ ᐃᓅᓯᕐᒥᓂᒃ ᐊᓯᐅᔨᔪᒫᕐᐳᖅ; ᓇᓪᓕᐊᓪᓕ ᐃᓅᓯᕐᒥᓂᒃ ᐊᓯᐅᔨᔪᖅ ᐱᑦᔪᑎᒋᓗᖓ, ᐃᓅᓯᓂ ᐱᐅᓕᔪᒫᕐᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 20:24

ᐃᓅᓯᕐᒪ ᐅᕙᓐᓄᑦ ᐊᑐᕐᓇᓗᐊᖏᓐᓂᖓ ᖃᐅᔨᒪᕙᕋ, ᐱᔭᕇᕋᓱᐊᕈᒪᓂᕋ ᐃᓱᒪᓇᕐᓂᕐᓴᐅᕗᖅ ᐊᑕᓂᐅᑉ ᔩᓱᓯᐅᑉ ᐅᕙᓐᓄᑦ ᑎᓕᓯᑦᔪᑎᒋᓯᒪᔭᖓᓂᒃ, ᓇᓗᓁᕐᓯᖁᓪᓗᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 21:13

ᐸᐅᓗᓯᓕ ᑭᐅᕗᖅ, “ᓱᖕᒪᑦ ᕿᐊᕕᓰ? ᐆᒻᒪᑎᒃᑯᑦ ᓰᖁᒥᑎᓐᓇᑦᓯᓐᖓ, ᐅᐸᓗᖕᒊᕐᓯᒪᕗᖓᓕ ᕿᓚᒃᓱᕐᑕᐅᓂᕐᒧᑐᐃᓐᓇᐅᖏᑦᑐᖅ, ᑐᖁᑕᐅᓂᕐᒧᓪᓕ ᐊᒡᓛᑦ ᔨᕉᓴᓕᒻᒥ ᐊᑕᓂᖅ ᔩᓱᓯ ᐱᑦᔪᑎᒋᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 9:16

ᖃᐅᔨᑎᓐᓂᐊᕋᒃᑯ ᖃᓄᖅ ᐊᖏᑎᒋᔪᒥᒃ ᐊᒃᓱᕈᕐᑎᑕᐅᔭᕆᐊᖃᕐᒪᑦ ᐱᑦᔪᑎᒋᓗᖓ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:23

ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓪᓗᒋᑦ ᑍᒫᒃ ᐱᕗᖓ, ᓮᒻᒪᕐᑎᑕᐅᓇᕐᓂᖏᓐᓂᒃ ᐱᖃᑕᐅᔪᒪᓪᓗᖓ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:10

ᑍᒤᒻᒪᑦ ᙭ᔅᑑᓯ ᐱᓪᓗᒍ, ᑕᕝᕙ ᓈᒻᒪᒃᓴᕐᐳᖓ ᓴᓐᖐᓐᓂᓐᓂᒃ, ᐅᖃᕐᓂᕐᓘᑎᒋᔭᐅᓂᕐᓂᒃ, ᐅᖁᒤᒃᓴᕐᑎᑕᐅᓂᕐᓂᒃ, ᐊᑭᕋᕐᑐᕐᑕᐅᓂᕐᓂᒃ, ᐊᒃᓱᕈᓐᓇᕐᑐᓂᒡᓗ; ᓴᓐᖐᑦᑑᓕᕌᖓᒪᓕ, ᐱᔪᓐᓇᕐᓂᖃᕐᓂᕐᓴᐅᓕᕐᐸᒃᐳᖓ.

ᑎᒧᑎᒧᑦ ᐂᑉᐸᖏᑦ 1:8

ᑍᒤᒻᒪᑦ ᐊᑕᓂᕐᒥᒃ ᓇᓗᓁᕐᓯᔨᐅᓃᑦ ᑲᓐᖑᓲᑎᒋᓂᐊᕐᓇᒍ, ᑎᒍᔭᐅᓯᒪᕕᖕᒦᓐᓂᕋᓗ ᑖᓐᓇ ᐱᓪᓗᒍ. ᐊᒃᓱᕈᕐᓇᕐᑐᒥᒡᓕ ᐱᓇᓱᐊᖃᑕᐅᓕᕆᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ ᒎᑎᐅᑉ ᐱᔪᓐᓇᕐᓂᖓᓂ.

ᐄᑉᕈᐃᓄᑦ 11:35

ᐊᕐᓁᑦ ᑐᖁᔨᐊᒥᖕᓂᒃ ᐅᑎᕐᑎᑦᓯᕕᐅᓚᐅᕐᐳᑦ ᒪᑭᑎᑕᐅᓪᓗᑎᒃ. ᐊᓯᖏᓪᓕ ᒪᓂᑐᐃᓐᓇᓚᐅᕐᐳᑦ ᐊᓐᓇᒋᐊᕐᕕᒃᓴᒥᒃ ᕿᓂᕋᑎᒃ, ᒪᑭᕝᕕᒃᓴᒥᒃ ᐱᐅᓂᕐᓴᒥᒃ ᓂᕆᐅᒋᔭᖃᕋᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 12:11

ᐃᓅᖃᑎᑦᑕ ᓵᓚᒋᓚᐅᕐᐹᑦ ᓄᕐᕋᐅᔭᐅᑉ ᐊᐅᖓᒍᑦ ᓱᓕᑦᓯᐊᕐᓂᕐᒥᒡᓗ ᐅᖃᐅᓯᖃᕐᓂᕐᒥᒍᑦ; ᐃᓅᓯᕐᑎᒃ ᐊᓐᓂᕆᓇᒍ ᑐᖁᓚᐅᕐᒪᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.