ᒫᑯᓯᐅᑉ ᐊᒡᓚᖏᑦ 7:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓅᑉ ᐃᓗᐊᓂᓐᖔᕐᑐᑦ, ᐃᓅᑉ ᐆᒻᒪᑎᖓᓂᑦ, ᐱᐅᖏᑦᑐᑦ ᐊᓂᕙᒃᐳᑦ, ᓄᓕᐊᕈᒪᓃᑦ, ᑎᒡᓕᒍᒪᓃᑦ, ᑐᖁᑦᓯᔪᒪᓃᑦ, ᐊᓯᓐᓂᐊᕐᓃᑦ,

Aglait Ijjurnaittut

²¹ Inuup iluaninngaaqtut, inuup uummatinganit, piunngittut anivakput, nuliarumanit, tigligumanit, tuqutsijumanit, asinniarnit,

ᒫᑯᓯᐅᑉ ᐊᒡᓚᖏᑦ 7:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᔫᐱᐅᑉ ᐊᒡᓚᖏᑦ 14:4

ᑭᓇ ᓴᓗᒪᔪᒥᒃ ᓴᖅᑭᑎᑦᓯᔪᓐᓇᕐᐹ ᓴᓗᒪᖏᑦᑐᒥᑦ? ᐃᓄᓕᒫᑦ ᐃᑦᔪᕐᓁᑦᑐᖃᖏᒻᒪᑕ.

ᔫᐱᐅᑉ ᐊᒡᓚᖏᑦ 25:4

ᖃᓄᕐᓕ ᐃᓄᒃ ᒎᑎᐅᑉ ᓵᖓᓂ ᐃᓱᐊᕐᓂᕋᕐᑕᐅᔪᓐᓇᕐᐹ? ᖃᓄᕐᓗ ᐊᕐᓇᒧᑦ ᐃᕐᓂᐊᖑᓯᒪᔪᖅ ᐃᑦᔪᕐᓁᑦᑑᔪᓐᓇᕐᐹ?

ᐃᓐᖏᕈᑎᑦ 119:36

ᐃᓕᓮᑦᔪᑎᒋᔭᕐᓂᒃ ᓈᓚᒍᒪᓂᕐᒥᒃ ᐆᒻᒪᑎᓐᓄᐊᕐᓯᒋᑦ, ᐊᔪᕐᓴᕈᓐᓃᕈᒪᓂᐊᓗᑐᐃᓐᓇᕐᒥᒃ ᐱᖁᓇᖓ.

ᐃᓐᖏᕈᑎᑦ 14:1

ᓯᓔᑦᑐᖅ ᐆᒻᒪᑎᒥᒍᑦ ᐅᖃᕐᒪᑦ, “ᒎᑎᑕᖃᓐᖏᓚᖅ.” ᐊᔪᕐᑐᓕᔪᐊᓘᕗᑦ, ᐱᓂᐊᕐᓂᖏᓪᓗ ᐱᐅᖏᑦᑑᓪᓗᑎᒃ, ᓇᓪᓕᐊᓐᓂᒡᓘᓐᓃᑦ ᐱᐅᔪᒥᒃ ᐱᓂᐊᕐᓂᖃᕐᑐᖃᓐᖏᓚᑦ.

ᐃᓐᖏᕈᑎᑦ 14:3

ᑕᒪᕐᒥᑦᓯᐊᕐᓕ ᑐᓄᓯᒪᕗᑦ, ᑕᒪᕐᒥᑦᓯᐊᕐᓗ ᐱᐅᖏᑦᑐᐊᓘᓕᕐᐳᑦ; ᓇᓪᓕᐊᓐᓂᒡᓘᓐᓃᑦ ᐱᐅᔪᒥᒃ ᐱᓂᐊᕐᓂᖃᕐᑐᖃᓐᖏᓚᖅ, ᐊᑕᐅᓯᕐᒥᒡᓘᓐᓃᑦ.

ᐃᓐᖏᕈᑎᑦ 53:1

ᓯᓔᑦᑐᖅ ᐆᒻᒪᑎᒥᒍᑦ ᐅᖃᕐᐳᖅ, “ᒎᑎᑕᖃᓐᖏᓚᖅ.” ᑕᒻᒪᕐᓯᒪᕗᑦ, ᐱᓂᐊᕐᓂᖏᓪᓗ ᐱᐅᖏᑦᑐᐊᓘᓪᓗᑎᒃ; ᐱᐅᔪᒥᒃ ᐱᓇᓱᐊᕐᑐᖃᓐᖏᓚᖅ ᑖᒃᑯᓇᓂ.

ᐃᓐᖏᕈᑎᑦ 53:3

ᑕᒪᕐᒥᒡᓕ ᑐᓄᑦᓯᓯᒪᕗᑦ; ᐊᑕᐅᑦᓯᒃᑯᓪᓗ ᑕᒻᒪᕐᓯᒪᓪᓗᑎᒃ; ᐱᐅᔪᒥᒡᓗ ᐱᓇᓱᐊᕐᑐᖃᓐᖏᓚᖅ, ᐊᑕᐅᓯᕐᒥᒡᓘᓐᓃᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:25

ᐊᑕᓂᐅᑉ ᐱᐅᔪᕆᔪᑦ ᐊᖏᕐᕋᖏᑦ ᐊᓯᕈᕐᓂᐊᕐᐰᑦ, ᐅᐃᒡᒐᕐᓂᐅᓪᓗ ᓄᓇᖁᑎᖓᑕ ᑭᒡᓕᖓ ᑍᒤᓕᖓᑎᓐᓂᐊᕐᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:23

ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ, ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.

ᐂᓮᐊᓯᐅᑉ ᐊᒡᓚᖏᑦ 59:13

ᐊᔪᕐᑐᓕᓂᖅ ᐊᑕᓂᕐᒧᓪᓗ ᓴᒡᓗᕿᑦᑎᓯᒪᓂᖅ, ᒎᑎᑦᑎᓐᓂᒡᓗ ᑐᓄᑦᓯᓯᒪᓂᖅ, ᐅᖁᒤᒃᓴᕐᑎᑦᓯᓂᕐᒥᒃ ᐅᖃᐅᓯᖃᕐᓂᖅ ᓂᓐᖓᐅᒪᓂᕐᒧᓪᓗ ᐊᑭᓂᐊᕐᓂᖅ, ᐆᒻᒪᑎᒥᓪᓗ ᐱᔪᓂᒃ ᐋᓐᓂᕐᓇᕐᑐᓂᒃ ᐅᖃᐅᓯᖃᕐᓂᖅ ᓱᓕᖏᑦᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 59:7

ᐃᑎᒐᖏᑦ ᐱᐅᖏᑦᑐᓕᔪᒪᓂᕐᒧᑦ ᐅᓪᓚᖃᑦᑕᕐᐳᑦ, ᑐᐊᕕᖃᑦᑕᕐᐳᑦ ᐸᓯᔭᒃᓴᐅᖏᑦᑐᓂᒃ ᐃᓄᐊᕈᒪᓪᓗᑎᒃ, ᐃᓱᒪᒃᓴᕐᓯᐅᕐᐳᓪᓗ ᐊᔪᕐᑐᓕᔪᒪᓪᓗᑎᒃ; ᐊᖅᑯᑏᑦ ᐊᑐᕐᑕᕕᓂᖏᑦ ᐃᓄᐃᕈᑎᓯᒪᓪᓗᑎᒃ ᐊᓯᕈᕐᑕᐅᓯᒪᕗᑦ.

ᔨᕆᒤᐊᐅᑉ ᐊᒡᓚᖏᑦ 16:12

ᐃᓕᑦᓯᓕ ᓯᕗᓕᕕᓂᑦᓯᓐᓂᑦ ᐱᐅᖏᓐᓂᕐᓴᒃᑲᓐᓂᕐᓂᒃ ᐃᓕᖅᑯᓯᖃᓕᕐᐳᓯ, ᑕᑯᔪᓐᓇᕐᐳᓯᓗ ᓇᖕᒥᓂᖅ ᓴᖑᑎᑕᒃᓴᐅᖏᑦᑐᑦ ᐆᒻᒪᑎᓯ ᐱᐅᖏᑦᑐᑦ ᒪᓕᖔᕐᓗᒋᑦ ᐅᕙᓐᓂᒃ ᓈᓚᒍᓐᓃᕋᑦᓯ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᔨᕆᒤᐊᐅᑉ ᐊᒡᓚᖏᑦ 4:14

ᔨᕉᓴᓕᒥᐅᖑᔪᓯ, ᐆᒻᒪᑎᓯ ᐅᐊᓴᕐᓯᒋᒃ ᐱᐅᖏᑦᑐᓂᑦ, ᐱᐅᓕᔭᐅᖁᓪᓗᓯ! ᖃᓄᖅ ᐊᑯᓂᐅᑎᒋᔪᖅ ᐱᐅᖏᑦᑐᓂᒃ ᐃᓱᒪᖃᕐᓂᐊᕐᐱᓰ?

ᐃᓯᑭᐊᓕᐅᑉ ᐊᒡᓚᖏᑦ 38:10

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑖᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐃᓱᒪᒧᑦ ᑎᑭᑕᐅᔪᒫᕐᐳᑎᑦ, ᐱᐅᖏᑦᑐᒥᒃ ᐱᓇᓱᐊᕈᒪᓗᑎᑦ.

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᒫᑎᐅᓯᐅᑉ ᐊᒡᓚᖏᑦ 9:4

ᔩᓱᓯᐅᑉ ᖃᐅᔨᒐᒥᒋᑦ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑍᒫᒃ ᐃᓱᒪᖃᕐᐱᓰ ᐱᐅᖏᑦᑐᐊᓗᖕᒥᒃ?

ᒫᑯᓯᐅᑉ ᐊᒡᓚᖏᑦ 7:20

ᐅᖃᕆᕗᖅ, “ᐃᓅᓪᓕ ᐃᓗᐊᓂᓐᖔᕐᑐᑦ ᑭᓯᒥ ᐃᓄᖕᒥᒃ ᐱᐅᔪᓐᓃᑎᑦᓯᕙᒃᑐᑐᕗᖅ.

ᒫᑯᓯᐅᑉ ᐊᒡᓚᖏᑦ 7:22

ᐱᔪᒪᕕᒡᔪᐊᕐᓃᑦ, ᐱᐅᖏᑦᑐᓕᓃᑦ, ᓴᒡᓗᕿᑦᓯᔪᒪᓃᑦ, ᑲᓐᖑᓇᕐᑐᓕᖃᑎᖃᕐᓃᑦ, ᒥᖕᓂᒍᑦᔨᓃᑦ, ᒎᑎᒥᒃ ᒥᑕᐅᑎᖃᕐᓃᑦ, ᐱᐅᔪᕆᓃᑦ, ᓯᓔᑦᑑᓃᑦ,

ᓘᑲᓯᐅᑉ ᐊᒡᓚᖏᑦ 16:15

ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 5:4

ᓂᐅᕕᐊᖑᓚᐅᕐᑎᓐᓇᒍ ᓇᖕᒥᓂᕆᓚᐅᕐᐸᑦ, ᓂᐅᕐᕈᑎᒋᔭᕇᕋᕕᐅᒃ ᑮᓇᐅᔧᑦ ᓇᖕᒥᓂᕆᓚᐅᕐᐸᑎᑦ, ᓱᖕᒪᑦ ᑍᒤᓕᐅᕐᐲᑦ? ᐃᓄᖕᓄᑦ ᓴᒡᓗᓐᖏᓚᑎᑦ, ᒎᑎᒧᓪᓕ.”

ᐋᐴᓯᑕᓖᑦ ᐱᓂᐊᕐᓂᖏᑦ 8:22

ᑍᒤᒻᒪᑦ ᖃᕿᐊᓕᓕᕆᑦ ᐱᐅᖏᑦᑐᐊᓗᖕᒥᑦ ᑕᒪᑐᒪᓐᖓᑦ ᐱᓇᓱᐊᕐᑕᕐᓂᑦ, ᐊᑕᓂᕐᒧᑦ ᑐᒃᓯᐊᕐᓗᑎᑦ, ᐊᔪᕐᓇᕐᑎᑕᐅᓐᖏᑉᐸᑦ, ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐆᒻᒪᑎᖕᓃᑦᑐᒥᑦ ᓈᒻᒪᓐᖏᑦᑐᒥᑦ.

ᕉᒪᒥᐅᓄᑦ 7:5

ᑎᒥᒃᑯᑦ ᐃᓅᑎᓪᓗᑕ, ᐊᔪᕐᓂᕐᒥᒃ ᐱᔪᒪᓂᕗᑦ ᐱᖁᔭᓄᑦ ᐆᒻᒪᕐᑎᑕᐅᕗᑦ, ᑎᒥᕗᑦ ᐱᓇᓱᐊᕐᕕᐅᕗᑦ ᐱᕈᕐᕕᐅᖁᓪᓗᒋᑦ ᑐᖁᒥᒃ.

ᕉᒪᒥᐅᓄᑦ 7:8

ᐊᔪᕐᓂᖅ ᐱᕕᒃᓴᖃᓕᕋᒥ ᐱᖁᔭᑎᒍᑦ, ᐅᕙᓐᓄᑦ ᓴᖅᑭᑎᑦᓯᓕᕐᐳᖅ ᓱᓇᑐᐃᓐᓇᕐᓂᒃ ᐃᒃᓯᒎᕐᓂᕐᒥᒃ. ᐱᖁᔭᖃᖏᑦᑐᓂ, ᐊᔪᕐᓂᖅ ᑐᖁᖓᖕᒪᑦ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᑍᑑᓯᒧᑦ 3:3

ᓇᖕᒥᓂᕐᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᒥᒐᑦᑕ ᓈᓚᐃᓐᓇᕐᐸᒐᑕᓗ, ᑕᒻᒪᕐᓯᒪᓪᓗᑕᓗ, ᐃᒃᖠᒎᕐᓂᕐᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᕐᐸᕗᑦ ᐅᒋᐊᓐᖑᓂᕐᒧᑦ ᐊᓐᓂᕈᑦᔨᓂᕐᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ;

ᔧᒥᓯᐅᑉ ᐊᒡᓚᖏᑦ 2:4

ᑍᒤᓕᐅᕈᑦᓯ ᑕᕝᕙ ᐸᓯᔭᒃᓴᐅᓕᕋᔭᓐᖏᓚᓰ? ᐊᑦᔨᒌᓐᖏᑎᑦᓯᓂᑦᓯᓐᓄᑦ, ᐃᓅᖃᑎᑦᓯᓐᓂᒡᓗ ᐃᖅᑲᕐᑐᐃᓪᓗᓯ ᐱᐅᖏᑦᑐᒥᒃ ᐃᓱᒪᖃᕐᓂᑦᓯᓐᓄᑦ.