ᒫᑯᓯᐅᑉ ᐊᒡᓚᖏᑦ 6:48 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁸ ᑕᑯᓪᓗᓂᓗ ᐃᓕᓐᓂᐊᕐᑎᒥᓂᒃ ᐊᒃᓱᕈᕐᓗᑎᒃ ᐊᒡᒍᒧᑦ ᐃᐳᓐᓇᓱᐊᕐᑐᓂᒃ, ᐊᓄᕆᒧᑦ ᐊᒡᒍᕋᕋᒥᒃ; ᐅᓪᓛᓐᖑᓕᕐᑎᓪᓗᒍ ᓯᕿᓐᖑᔭᖅ ᓯᑕᒪᓐᖑᕐᑎᓪᓗᒍ ᐅᐸᓕᕐᐰᑦ, ᐃᒪᐅᑉ ᖄᖓᒍᑦ ᐱᓱᒃᓗᓂ. ᐅᒥᐊᑦ ᓴᓂᖅᑯᓐᓂᐊᕐᑑᔭᓕᕐᖢᒋᑦ.

Aglait Ijjurnaittut

⁴⁸ Takullunilu ilinniaqtiminik aksururlutik aggumut ipunnasuaqtunik, anurimut agguraramik; ullaannguliqtillugu siqinngujaq sitamannguqtillugu upaliqpait, imaup qaangagut pisugluni. Umiat saniqqunniaqtuujaliqtlugit.

ᒫᑯᓯᐅᑉ ᐊᒡᓚᖏᑦ 6:48 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:2

ᐅᖃᕐᐳᖅ, “ᐊᖓᔪᖅᑳᒃᑲᒃ ᐅᖃᐅᑎᕙᑦᓯᒃ ᑕᒪᐅᖓ ᓄᖅᑲᖁᓪᓗᓯᒃ, ᐱᔨᑦᓯᓗ ᐃᒡᓗᖓᓄᐊᖁᓪᓗᓯᒃ ᓯᓂᒃᑕᕐᓗᓯᒡᓗ, ᐃᑎᒐᓯᒡᓗ ᐅᐊᓴᕐᓗᒋᑦ. ᐅᓪᓛᕈᕐᓗᓯᒃ ᒪᑭᒃᑯᑦᓯᒃ ᐅᐸᒃᑕᑦᓯᖕᓄᑦ ᐊᐅᓪᓚᕐᓂᐊᕋᑦᓯᒃ.” ᑖᒃᑯᐊᒡᓕ ᑭᐅᕘᒃ, “ᐋᒃᑲᓕ, ᒫᓂ ᐃᒡᓗᒐᓴᒡᔪᐊᑦ ᐊᖅᑯᑎᖏᓐᓂ ᐅᓐᓄᐊᕐᓯᐅᕐᓂᐊᕐᑐᒍᒃ.”

ᒨᓯᓯ ᓯᕗᓪᓖᑦ 32:26

ᐊᖑᓪᓗ ᐅᖃᕐᐳᖅ, “ᓴᒃᑯᓕᓐᖓ, ᖃᐅᒻᒪᓕᕐᒪᑦ.” ᔧᑰᓪᓗ ᑭᐅᕚ, “ᓴᒃᑯᓐᓂᐊᓐᖏᓚᒋᑦ, ᓮᒻᒪᕐᑎᓐᖏᑐᐊᕈᕕᖓ.”

ᔫᐱᐅᑉ ᐊᒡᓚᖏᑦ 9:8

ᐃᑲᔪᕐᑕᐅᓚᐅᕐᓯᒪᓐᖏᓚᖅ ᕿᓚᖕᓂᒃ ᐃᓯᕕᑦᓯᓕᕐᑎᓪᓗᒍ, ᑐᓪᓕᕋᕈᓐᓇᕐᓗᓂᓗ ᐃᒪᕐᔪᐊᑉ ᐃᖏᐅᓕᖏᓐᓂᒃ;

ᐃᓐᖏᕈᑎᑦ 104:3

ᐃᒪᐅᑉ ᖄᖓᓂ ᐃᑳᖓᔪᓂᒃ ᑐᓐᖓᕕᓕᐅᕐᓯᒪᕗᖅ ᐃᓂᒃᓴᕆᔭᒥᓂᒃ, ᓄᕗᔧᑦ ᓴᓇᓚᐅᕐᐰᑦ ᐊᒃᓴᓗᐊᖃᕐᑎᓪᓗᒋᑦ ᕿᒧᒃᓯᐅᑎᒋᔪᒪᓪᓗᒋᑦ, ᐃᑭᒪᖃᑦᑕᕐᐳᖅ ᐊᓄᕆᐅᑉ ᐃᓴᕈᖏᓐᓂ,

ᐃᓐᖏᕈᑎᑦ 93:4

ᐊᑕᓂᖅ ᖁᑦᓯᒃᑐᒦᑦᑐᖅ ᐊᔪᖏᓐᓂᕐᓴᕐᔪᐊᖑᕗᖅ ᐃᒪᕕᖕᓂᑦ, ᐊᔪᒐᖃᖏᓐᓂᕐᓴᐅᕗᖅ ᐃᒪᕕᐅᑉ ᐃᖏᐅᓕᕐᔪᐊᖏᑕ ᓂᐱᖏᓐᓂᑦ, ᐃᖏᐅᓕᒡᔪᐊᓪᓗ ᐃᒃᑑᓕᔮᕐᓂᖏᓐᓂᑦ ᐊᔪᖏᓐᓂᕐᓴᐅᕗᖅ.

ᒨᓯᓯ ᐂᑉᐸᖏᑦ 14:24

ᐅᓪᓗᕐᑖᕐᐸᓪᓕᐊᓕᕐᑎᓪᓗᒍᓗ ᐊᑕᓂᐅᑉ ᐄᑦᔨᑉᑎᒥᐅᑦ ᐅᓇᑕᕐᑐᒃᓴᖁᑎᖏᑦ ᑕᐅᑐᒃᐰᑦ ᓄᕗᔮᓗᖕᒥᑦ ᐃᑯᐊᓚᔪᒥᑦ ᐅᐃᒻᒪᒃᑎᑉᐰᓪᓗ.

ᐂᓮᐊᓯᐅᑉ ᐊᒡᓚᖏᑦ 54:11

ᐋᓐᓂᐊᑎᑕᐅᔪᓯ, ᐊᖅᑯᓇᕐᒧᓪᓗ ᐃᒋᑕᐅᖃᑦᑕᕐᑐᓯ, ᐃᑲᔪᕐᑕᐅᓇᓯᓗ, ᑕᑯᒋᑦ, ᐃᓕᐅᕋᕐᓂᐊᕐᐸᑦᓯ ᐅᔭᖅᑲᓄᑦ ᐱᐅᔪᓄᑦ, ᑐᓐᖓᕕᓕᐅᕐᓗᓯᓗ ᐅᔭᕋᖕᓄᑦ ᑕᑯᒥᓇᕐᑐᕐᔪᐊᓄᑦ.

ᒫᑎᐅᓯᐅᑉ ᐊᒡᓚᖏᑦ 14:24

ᐅᒥᐊᓪᓕ ᓄᓇᒥᑦ ᐅᖓᓯᒃᑐᒦᓕᕐᐳᑦ ᑕᓯᕐᒥ, ᐅᒥᐊᖓᑦ ᐴᑲᕐᑕᒻᒪᕆᓕᕐᐳᖅ ᐃᖏᐅᓕᖕᓄᑦ; ᐊᓄᕆᒧᑦ ᐊᒡᒍᕋᕋᒥᒃ.

ᒫᑎᐅᓯᐅᑉ ᐊᒡᓚᖏᑦ 24:43

ᐅᓇ ᑐᑭᓯᓯᐅᒃ; ᐃᒡᓗᖃᕐᑐᖅ ᖃᐅᔨᒪᒍᓂ ᑎᒡᓕᒃᑎᐅᑉ ᑎᒡᓕᒋᐊᕐᑐᕐᕕᒋᒐᔭᕐᑕᖓᓂᒃ, ᑖᓐᓇ ᐱᒑᕋᔭᕐᐳᖅ ᑎᒡᓕᒃᑎ ᐃᑎᖁᓇᒍ ᐃᒡᓗᒥᓄᑦ.

ᒫᑯᓯᐅᑉ ᐊᒡᓚᖏᑦ 13:35

ᑍᒤᒻᒪᑦ ᖃᐅᔨᓴᑦᓯᐊᕆᑦᓯ, ᐃᒡᓘᑉ ᐊᖓᔪᖅᑳᖓᑕ ᑎᑭᕝᕕᒋᓂᐊᕐᑕᖓ ᖃᐅᔨᒪᖏᓐᓇᑦᓯᐅᒃ, ᐅᓐᓄᒃᑯᑦ ᑎᑭᑐᐃᓐᓇᕆᐊᖃᕐᒪᑦ, ᐅᕝᕙᓗ ᐅᓐᓄᐊᓪᓗᐊᒃᑯᑦ ᑎᑭᑐᐃᓐᓇᕆᐊᖃᕐᓗᓂ, ᐅᕝᕙᓗ ᖃᐅᒻᒪᓕᕐᑎᓪᓗᒍ ᐊᖑᑎᕕᐊᑉ ᓂᓪᓕᕐᕕᖓᓂ, ᐅᕝᕙᓗ ᐅᓪᓛᓐᖑᕐᑎᓪᓗᒍ.

ᒫᑯᓯᐅᑉ ᐊᒡᓚᖏᑦ 6:47

ᐅᓐᓄᒃᑎᓪᓗᒍ, ᐅᒥᐊᖅ ᑕᓯᐅᑉ ᕿᑎᖓᓃᓕᕐᐳᖅ, ᔩᓱᓯᓕ ᐃᓄᑑᕗᖅ ᓄᓇᒥ.

ᒫᑯᓯᐅᑉ ᐊᒡᓚᖏᑦ 6:49

ᐃᓕᓐᓂᐊᕐᑎᖏᑦ ᑕᑯᒐᒥ ᐃᒪᐅᑉ ᖄᖓᒍᑦ ᐱᓱᒃᑐᒥᒃ ᐃᓅᖏᑦᑐᐊᓗᒥᒃ ᑕᑯᓇᓱᒋᓪᓗᑎᒃ, ᕾᒐᓛᓕᕐᐳᑦ;

ᓘᑲᓯᐅᑉ ᐊᒡᓚᖏᑦ 12:38

ᓮᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᖅ ᐱᔩᑦ ᑎᑭᑕᐅᔪᑦ ᐅᐸᓗᖕᒊᕐᓯᒪᑎᓪᓗᒋᑦ, ᐅᓐᓄᐊᑉ ᕿᑎᓪᓗᐊᖓᓂ, ᐅᕝᕙᓗ ᐅᓪᓛᓐᖑᕐᐸᓪᓕᐊᓕᕐᑎᓪᓗᒍ.

ᓘᑲᓯᐅᑉ ᐊᒡᓚᖏᑦ 24:28

ᓄᓇᓕᖕᓄᑦ ᐅᐸᒃᑕᒥᖕᓄᑦ ᑎᑭᓕᕋᒥᒃ, ᔩᓱᓯ ᖄᖏᐅᑎᓂᐊᕐᑑᔮᓕᕐᐳᖅ,

ᔪᐊᓇᓯᐅᑉ ᐊᒡᓚᖏᑦ 1:13

ᑖᒃᑯᐊ ᐃᕐᓂᐊᖑᕗᑦ, ᐊᖑᒻᒥᑦ ᐱᓇᑎᒃ ᑎᒥᐅᓪᓘᓐᓃᑦ ᐱᔪᒪᔭᖓᓂᑦ, ᐃᓅᓪᓗ ᐱᔪᒪᔭᖓᓂᑦ ᐱᖕᒥᓇᑎᒃ, ᒎᑎᒥᓪᓕ ᐃᕐᓂᐊᖑᕗᑦ.

ᓴᒧᐃᓕ ᓯᕗᓪᓖᑦ 11:11

ᖃᐅᑎᓪᓗᒍ ᐅᓪᓛᒃᑯᑦ ᓴᐅᓕᐅᑉ ᐃᓄᖁᑎᓂ ᐊᕕᒃᑐᕐᐰᑦ ᐱᖓᓱᐃᓕᓪᓗᒋᑦ; ᖃᐅᒻᒪᓕᕐᑎᓪᓗᒍ ᐊᑭᕋᖏᑕ ᑕᖕᒫᕐᓯᒪᕕᒋᔭᖓᓄᐊᕐᐳᑦ ᐅᓇᑕᕆᐊᕐᓗᑎᒃ, ᐊᒧᓁᑎᒥᐅᓪᓗ ᑐᖁᕋᕐᐰᑦ ᐅᓪᓘᑉ ᕿᑎᕋᕐᓂᖓᓄᑦ ᑎᑭᓪᓗᒍ; ᐊᒥᐊᒃᑰᔪᓪᓗ ᓯᐊᒻᒪᓚᐅᕐᐳᑦ, ᐂᑉᐸᖃᐅᕋᑎᒃ ᐃᓄᑑᓈᕐᑎᕐᓗᑎᒃ.