ᒫᑯᓯᐅᑉ ᐊᒡᓚᖏᑦ 5:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑕᕝᕙ ᔩᓱᓯᐅᑉ ᑍᒫᒃ ᐱᖁᕔᑦ. ᐊᓂᕐᓂᕐᓗᐃᑦ ᐃᓄᖕᒥᑦ ᐊᓂᒐᒥᒃ ᑰᒃᑰᓯᓄᑦ ᐃᑎᕐᐳᑦ; ᑰᒃᑰᓯᑦ ᑖᒃᑯᐊ ᐅᓄᕐᑐᐊᓘᕗᑦ ᑲᑎᓪᓗᒋᑦ 2,000 ᖃᓂᒋᔮᓃᑉᐳᑦ, ᐸᖓᓕᒃᓯᒐᒥᒃ ᐃᓐᓈᕈᒃᑯᑦ ᐃᔪᒃᑲᕐᐳᑦ ᑕᓯᕐᒧᑦ, ᐃᒫᓂ ᐃᐱᓪᓗᑎᒃ.

Aglait Ijjurnaittut

¹³ Tavva Jiisusiup taimaak piquvait. Anirnirluit inungmit anigamik kuukkuusinut itiqput; kuukkuusit taakkua unuqtualuuvut katillugit 2,000 qanigijaaniipput, pangaliksigamik innaarukkut ijukkaqput tasirmut, imaani ipillutik.

ᒫᑯᓯᐅᑉ ᐊᒡᓚᖏᑦ 5:13 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 22:22

ᐊᑕᓂᐅᓪᓗ ᐅᖃᐅᑎᕚ, ‘ᖃᓄᐃᓕᐅᕐᓗᑏᑦ?’ ᐅᖃᐅᑎᕚ, ‘ᐂᔪᒪᕗᖓ ᐊᓂᕐᓂᐅᓗᖓ ᓴᒡᓗᕿᑦᓯᓗᖓ ᐂᕼᐊᐱᐅᑉ ᐅᖃᕐᑎᓕᒫᖏᑕ ᖃᓂᖏᓐᓂ ᐊᑐᕐᓂᐊᕐᐳᖓ.’ ᐊᑕᓂᕐᓗ ᐅᖃᕐᐳᖅ, ‘ᐊᑏ ᓴᒡᓗᕿᑦᓯᔭᕐᑐᓕᕆᑦ, ᓵᓚᖃᕐᓂᐊᕐᐳᑎᑦ; ᐂᓗᑎᑦ ᑍᒤᓕᐅᕆᐊᕐᑐᓕᕆᑦ.’

ᔫᐱᐅᑉ ᐊᒡᓚᖏᑦ 1:12

ᑕᕝᕙ ᐊᑕᓂᖅ ᓵᑖᓇᓯᒧᑦ ᐅᖃᕐᐳᖅ, “ᑕᑯᒋᑦ, ᐱᖁᑎᓕᒫᖏᑦ ᐱᔪᓐᓇᕐᓂᕐᓄᐊᕐᐸᒃᑲ, ᔫᐱᓕ ᓇᖕᒥᓂᖅ ᐋᓐᓂᕐᑍᓕᒍ.” ᑍᒤᒻᒪᑦ ᓵᑖᓇᓯ ᑕᕝᕙᓐᖓᑦ ᕿᒪᕉᑎᕗᖅ.

ᔫᐱᐅᑉ ᐊᒡᓚᖏᑦ 2:6

ᐊᑕᓂᕐᓕ ᐅᖃᕐᐳᖅ ᓵᑖᓇᓯᒧᑦ, “ᑕᑯᒋᑦ, ᐱᔪᓐᓇᕐᓂᕐᓄᑦ ᑐᓂᕙᕋ; ᑭᓯᐊᓂᓕ ᑐᖁᑦᑍᓕᒍᒃ.”

ᒫᑎᐅᓯᐅᑉ ᐊᒡᓚᖏᑦ 7:6

“ᐃᑦᔪᕐᓁᑦᑐᒥᒃ ᑐᓂᓯᓂᐊᕋᓯ ᕿᒻᒥᓄᑦ; ᓴᐸᖓᖁᑎᓯᓗ ᐊᑭᑐᔪᑦ ᐃᒋᓐᓂᐊᕐᓇᒋᑦ ᑰᒃᑰᓰᑦ ᓯᕗᓂᖓᓐᓄᑦ, ᑖᒃᑯᓇᓐᖓᑦ ᑐᓪᓕᕋᕐᑕᐅᑐᐃᓐᓇᕋᔭᕐᒪᑕ ᐃᓕᖕᓄᓪᓗ ᓵᓪᓗᑎᒃ ᐹᔭᐅᑐᐃᓐᓇᕆᐊᖃᕋᕕᑦ.”

ᒫᑎᐅᓯᐅᑉ ᐊᒡᓚᖏᑦ 8:32

ᔩᓱᓯᐅᑉ ᐅᖃᐅᑎᕔᑦ, “ᐊᓂᓕᕆᑦᓯ,” ᐃᓅᖕᓂᓪᓗ ᑖᒃᑯᖕᓇᖓᑦ ᐊᓂᕗᑦ ᑰᒃᑰᓯᓄᑦ ᐃᑎᕐᓗᑎᒃ; ᑰᒃᑰᓯᒐᓴᒡᔪᐊᓪᓗ ᐅᐃᒻᒪᒡᓗᑎᒃ ᐸᖓᓕᒃᓯᕗᑦ ᐃᓐᓈᕈᕐᒧᑦ, ᐃᔪᒃᑲᕋᒥᒃ ᑕᓯᕐᒧᑦ ᐃᐱᕗᑦ.

ᒫᑯᓯᐅᑉ ᐊᒡᓚᖏᑦ 5:12

ᐊᓂᕐᓂᕐᓗᐃᑦ ᔩᓱᓯ ᕿᓄᕕᒋᕚᑦ, “ᑰᒃᑰᓯᓄᐊᖁᓚᐅᕐᑎᒍᑦ.”

ᒫᑯᓯᐅᑉ ᐊᒡᓚᖏᑦ 5:14

ᐊᖑᑏᑦ ᑰᒃᑰᓯᓂᒃ ᑲᒪᔩᑦ ᕿᒪᒃᓯᕗᑦ, ᐅᖃᕆᐊᕐᑐᕐᓗᑎᒃ ᐃᓄᖕᓄᑦ ᓄᓇᓕᖕᓃᑦᑐᓄᑦ ᐱᕈᕐᓰᕕᖕᓃᑦᑐᓄᓪᓗ. ᐃᓄᐃᓪᓗ ᕾᕗᑦ ᑕᑯᔭᕐᑐᕐᓗᑎᒃ ᖃᓄᐃᓕᐅᕐᑐᖃᕐᓂᕐᒪᖔᑦ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᐲᑦᑐᕉᓯ ᓯᕗᓪᓖᑦ 3:22

ᑖᓐᓇ ᕿᓚᓕᐊᓚᐅᕐᐳᖅ ᒫᓐᓇᓗ ᒎᑎᐅᑉ ᑕᓕᕐᐱᐊᓃᑉᐳᖅ, ᐂᖏᓖᓂᒃ ᐃᓚᖃᕐᓗᓂ, ᐱᔪᓐᓇᕐᑎᑕᐅᔪᑦ, ᐱᔪᓐᓇᕐᓃᓪᓗ ᑖᑦᓱᒥᖓ ᓈᓚᒐᖃᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:7

ᐊᕐᕌᒍᐃᓪᓗ 1,000 ᐊᓂᒍᕐᐸᑕ, ᓵᑖᓇᓯ ᐊᓂᑎᑕᐅᔪᒫᕐᐳᖅ ᑎᒍᔭᐅᓯᒪᕕᖕᒥᓂᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:11

ᑖᒃᑯᐊᓗ ᐊᖓᔪᖅᑳᕐᔪᐊᖃᕐᐳᑦ ᐂᖏᓕᒥᒃ ᐃᑎᕐᓴᕐᔪᐊᕐᒥᑦ ᓇᑎᖃᖏᑦᑐᒥᑦ ᐱᔪᒥᒃ; ᐄᑉᕉᑎᑐᑦ ᐊᑎᖃᕐᐳᖅ ᐊᐸᑖᓐ, ᒍᕇᑭᑎᑐᓪᓗ ᐊᑎᖃᕐᐳᖅ ᐊᐴᓕᐊᓐᒥᒃ.