ᒫᑯᓯᐅᑉ ᐊᒡᓚᖏᑦ 4:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᓄᓇᕐᔪᐊᑉ ᑕᒪᑐᒪ ᓇᖕᒥᓂᖅ ᓂᕆᑎᒻᒪᒋᑦ ᐱᕈᕐᑎᓪᓗᓂᒋᓪᓗ, ᐱᕈᕐᑐᑦ ᐱᕈᕐᕕᐅᓕᕐᐳᑦ, ᓯᕗᓪᓕᕐᒥᒃ ᐱᕈᓯᒐᒥᒃ ᓄᐃᓕᕐᐳᑦ, ᑭᖑᓂᖓᒍᑦ ᓂᐊᖁᕐᑖᓯᕗᑦ, ᑭᖑᓪᓕᕐᐹᒥᒃ ᓂᐊᖁᖏᑦ ᐱᕈᕐᓯᐊᒃᓴᖃᓕᕐᐳᑦ.

Aglait Ijjurnaittut

²⁸ Nunarjuap tamatuma nangminiq niritimmagit piruqtillunigillu, piruqtut pirurviuliqput, sivullirmik pirusigamik nuiliqput, kinguningagut niaquqtaasivut, kingulliqpaamik niaqungit piruqsiaksaqaliqput.

ᒫᑯᓯᐅᑉ ᐊᒡᓚᖏᑦ 4:28 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 2:9

ᓄᓇᒥᓪᓗ ᐊᑕᓂᖅ ᒎᑎ ᓇᐹᕐᑐᓂᒃ ᑕᒤᓐᓂᒃ ᐱᕈᕐᑎᑦᓯᕗᖅ ᑕᑯᒥᓇᕐᑐᓂᒃ ᓂᕿᒃᓴᐅᑦᓯᐊᕐᑐᓂᒃ, ᐱᕈᕐᓰᕕᐅᓪᓗ ᕿᑎᖓᓃᑦᑐᖃᕆᕗᖅ ᓇᐹᕐᑐᒥᒃ ᐃᓅᓯᖃᕐᓇᕐᑐᒥᒃ, ᓇᐹᕐᑐᖃᕆᓪᓗᓂᓗ ᐱᐅᔪᒥᒃ ᐱᐅᖏᑦᑐᒥᒡᓗ ᖃᐅᔨᒪᓕᕐᓇᕐᑐᒥᒃ.

ᐃᓐᖏᕈᑎᑦ 1:3

ᑖᓐᓇ ᐊᑦᔨᖃᕐᐳᖅ ᓇᐹᕐᑐᒥᒃ ᑰᑉ ᓯᓈᓂ ᐱᕈᕐᓯᐊᒥᒃ, ᐸᐅᕐᖓᕐᑖᕐᐸᒃᑐᑐᑦ ᐱᕈᕐᕕᐅᕕᒃᓴᖓ ᓇᓪᓕᐅᑎᔭᕌᖓᑦ, ᐅᖃᐅᔭᖏᓪᓗ ᑐᖁᓕᓂᐊᓐᖏᓚᑦ; ᖃᓄᐃᓕᐅᕐᑕᖏᑦ ᑕᒪᕐᒥᒃ ᓴᖅᑭᕈᒫᕐᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:18

ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:1

ᓱᓇᑐᐃᓐᓁᑦ ᐱᕕᒃᓴᖃᕐᐳᑦ, ᕿᓚᐅᑉ ᐊᑖᓃᑦᑐᑦ ᓱᓇᑐᐃᓐᓇᐅᒐᓗᐊᕐᐸᑕ ᓇᓪᓕᐅᓐᓂᖃᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 3:11

ᓱᓇᑐᐃᓐᓇᕐᓂᒡᓗ ᑕᑯᒥᓇᕐᑎᓯᕙᒃᐳᖅ ᓇᓪᓕᐅᓐᓂᖏᑦ ᓈᒻᒪᒃᑎᓪᓗᒋᑦ; ᐊᒻᒪᓗ ᐃᓱᖃᖏᑦᑐᒥᒃ ᐃᓕᓯᕗᖅ ᐃᓄᐃᑦ ᐆᒻᒪᑎᖏᓐᓄᑦ: ᑭᓯᐊᓂᓕ ᑖᒃᑯᐊ ᑐᑭᓯᔪᓐᓇᓐᖏᓚᑦ ᒎᑎ ᓱᓇᒥᒃ ᐱᓚᐅᕐᒪᖔᑦ ᐱᒋᐊᕐᓂᖓᓂᑦ ᐃᓱᐊ ᑎᑭᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 61:11

ᓄᓇᑐᑦ ᐱᕈᕐᑐᒃᓴᒥᒃ ᓴᖅᑭᕝᕕᐅᔪᑎᑐᑦ, ᐱᕈᕐᓰᕕᒡᓗ ᐱᕈᕐᑐᒃᓴᓂᒃ ᐱᕈᕐᕕᐅᓕᕐᐸᖕᒪᑦ ᑲᓐᖓᕐᓲᑕᐅᓯᒪᔪᓂᒃ, ᑍᒫᒃᑕᐅᖅ ᐊᑕᓂᐅᑉ ᒎᑎᐅᑉ ᓇᓛᒎᕐᓂᖅ ᓂᕐᑐᓕᕐᓂᕐᓗ ᐱᕈᕐᑎᑦᓱᒫᕆᕔᑦ ᐃᓅᖃᑎᒌᒡᔪᐊᓕᒫᓂ.

ᕼᐆᓯᐊᑉ ᐊᒡᓚᖏᑦ 6:3

ᖃᐅᔨᓕᕐᓚᕗᑦ, ᖃᐅᔨᕚᓪᓕᕋᓱᓚᐅᕐᓚᕗᑦ ᐊᑕᓂᖅ; ᑕᕝᕙ ᐅᕙᑦᑎᓐᓄᑦ ᕾᓂᐊᕐᐳᖅ ᐅᓪᓘᑉ ᖃᐅᓕᕐᓂᖓᑐᑦ; ᐅᐱᕐᖓᒃᓵᒃᑯᑦ ᓯᓚᓗᒡᕕᐅᓕᕐᑐᑎᑐᑦ.”

ᒫᑎᐅᓯᐅᑉ ᐊᒡᓚᖏᑦ 13:26

ᐱᕈᕐᑐᓪᓕ ᐱᕈᓕᕐᒪᑕ ᓄᕗᖏᑦ ᓂᐊᖂᔭᒃᓮᑦ ᐋᖅᑭᒃᐸᓪᓕᐊᓕᕐᒪᑕ, ᑕᕝᕙ ᐱᕈᕐᓂᕐᓗᒃᑐᑦ ᓴᖅᑭᒃᑭᕗᑦ.

ᒫᑯᓯᐅᑉ ᐊᒡᓚᖏᑦ 4:27

ᐅᓐᓄᐊᖑᓕᕐᒪᑦ ᓯᓂᓕᕐᐳᖅ ᒪᑭᓪᓗᓂᓗ ᐅᓪᓛᒃᑯᑦ, ᐱᕈᕐᓯᐊᒃᓮᑦ ᑲᓐᖓᕐᓲᑎᒋᓯᒪᔭᖏᑦ ᓄᐃᓕᕐᐳᑦ ᐱᕈᓕᕐᓗᑎᒃ, ᑖᓐᓇ ᖃᐅᔨᒪᓐᖏᓚᖅ ᖃᓄᖅ ᐱᖕᒪᖔᑕ.

ᒫᑯᓯᐅᑉ ᐊᒡᓚᖏᑦ 4:29

ᐱᕈᕐᑐᑦ ᐱᕈᕇᑦᓯᐊᕐᒪᑕ, ᐊᖑᑎᐅᑉ ᓇᑲᑎᓕᕐᐰᑦ ᓇᑲᑎᕆᑦᔪᑎᒥᓄᑦ, ᐱᕈᕐᑐᓂᒃ ᑲᑎᕐᓱᐃᕕᒃ ᓇᓪᓕᐅᑎᖕᒪᑦ.”

ᐱᓕᐱᒥᐅᓄᑦ 1:6

ᖁᓚᖏᑦᓯᐊᕐᐳᖓᓗ, ᒎᑎ ᑖᓐᓇ ᐃᓗᑦᓯᓐᓂ ᐱᐅᔪᒥᒃ ᐱᒋᐊᕐᑎᑦᓯᓯᒪᔪᖅ, ᑲᔪᓯᑎᑦᓯᓂᐊᕐᒪᑦ ᐱᔭᕇᕐᕕᒃᓴᒧᑦ ᔩᓱᓯ ᙭ᔅᑑᓯᐅᑉ ᐅᓪᓗᖓ ᑎᑭᓪᓗᒍ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.