ᒫᑯᓯᐅᑉ ᐊᒡᓚᖏᑦ 4:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐃᓚᖏᓪᓕ ᐃᓄᐃᑦ ᐱᕈᕐᓯᐊᒃᓴᑎᑐᑦ ᐃᑦᔪᖃᑦᓯᐊᕐᑐᒧᑦ ᑲᓐᖓᕐᓲᑎᒋᔭᐅᔪᑎᑐᑦ ᑍᒤᑉᐳᑦ; ᑖᒃᑯᐊᖑᕗᑦ ᐅᖃᐅᓯᕐᓂᒃ ᑐᓴᕋᒥᒃ ᐃᓚᓕᐅᕆᔪᑦ ᐱᕈᕐᕕᐅᓕᕐᓗᑎᒃ, ᐃᓚᖏᑦ 30ᓂᒃ, ᐃᓚᖏᓪᓗ 60ᓂᒃ, ᐃᓚᖏᓪᓗ 100ᓂᒃ.”

Aglait Ijjurnaittut

²⁰ Ilangilli inuit piruqsiaksatitut ijjuqatsiaqtumut kanngaqsuutigijaujutitut taimaipput; taakkuanguvut uqausirnik tusaramik ilaliurijut pirurviulirlutik, ilangit 30-nik, ilangillu 60-nik, ilangillu 100-nik.”

ᒫᑯᓯᐅᑉ ᐊᒡᓚᖏᑦ 4:20 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 26:12

ᐂᓴᑭᓗ ᑕᕝᕙᓂ ᓄᓇᒥ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᕗᖅ, ᑕᒪᑐᒪᓂᓗ ᐊᕐᕌᒍᒥ ᐱᕈᕐᑐᓂᒃ ᑲᑎᕐᓱᐃᓚᐅᕐᐳᖅ 100ᐃᕐᑐᓪᓗᐊᕐᑐᓂᒃ ᐅᓄᕐᓂᕐᓴᓂᒃ, ᐊᑕᓂᐅᑉ ᓮᒻᒪᕐᑎᓚᐅᕐᒪᒍ.

ᒫᑎᐅᓯᐅᑉ ᐊᒡᓚᖏᑦ 13:23

ᐱᕈᕐᑐᒃᓮᓪᓕ ᓄᓇᒧᑦ ᐃᑦᔪᕆᒃᑐᒧᑦ ᑲᑕᒃᑐᑦ ᐃᒤᑦᑐᒥᒃ ᑐᑭᖃᕐᐳᑦ; ᐅᖃᐅᓯᕐᓂᒃ ᑐᓴᕐᑐᓄᑦ ᑐᑭᓯᓪᓗᑎᒡᓗ; ᐱᕈᕐᑎᑦᓯᓕᕐᑐᓄᑦ, ᐃᓚᖏᑦ 100ᓂᒃ, ᐃᓚᖏᓪᓕ 60ᓂᒃ, ᐃᓚᖏᓪᓗ 30ᓂᒃ.”

ᒫᑎᐅᓯᐅᑉ ᐊᒡᓚᖏᑦ 13:8

ᐃᓚᖏᓪᓕ ᐱᕈᕐᑐᒃᓮᑦ ᑲᑕᒃᐳᑦ ᓄᓇᒧᑦ ᐃᑦᔪᑦᓯᐊᕆᒃᑐᒧᑦ, ᐱᕈᕐᑐᐃᑦ ᐱᕈᕋᒥᒃ ᓂᐊᖂᔭᒃᓴᖃᓕᕐᐳᑦ: ᐃᓚᖏᑦ 100ᓂᒃ, ᐃᓚᖏᑦ 60ᓂᒃ, ᐃᓚᖏᓪᓗ 30ᓂᒃ.”

ᒫᑯᓯᐅᑉ ᐊᒡᓚᖏᑦ 4:8

ᐃᓚᖏᑦ ᐱᕈᕐᓯᐊᒃᓮᑦ ᑲᑕᒃᐳᑦ ᐃᑦᔪᖃᑦᓯᐊᕐᑐᒧᑦ, ᑖᒃᑯᐊ ᐱᕈᐸᓕᐊᓕᕋᒥᒃ, ᐃᓚᖏᑦ ᐱᕈᕐᕕᐅᓪᓗᑎᒃ 30ᓂᒃ, ᐃᓚᖏᓪᓗ 60ᓂᒃ, ᐃᓚᖏᓪᓗ 100ᓂᒃ.”

ᓘᑲᓯᐅᑉ ᐊᒡᓚᖏᑦ 8:15

ᐱᕈᕐᓯᐊᒃᓴᓪᓕ ᓄᓇᒧᑦ ᐃᑦᔪᑦᓯᐊᕆᒃᑐᒧᑦ ᑲᑕᒃᑐᑦ, ᐃᒤᑦᑐᓂᒃ ᑐᑭᖃᕐᐳᑦ, ᐅᖃᐅᓯᕐᓂᒃ ᑐᓴᕐᑐᑦ, ᐱᓯᒤᓐᓇᕐᓗᒋᑦ ᓈᓚᑦᓯᐊᕐᓂᒃᑯᑦ ᐆᒻᒪᑎᒥᒍᑦ, ᓱᕐᕋᔪᐃᑦᑑᓪᓗᑎᒃ ᐱᕈᕐᕕᐅᓚᐅᖏᓐᓂᕐᒥᖕᓂ ᕿᓄᐃᓵᕐᓂᒃᑯᑦ.”

ᔪᐊᓇᓯᐅᑉ ᐊᒡᓚᖏᑦ 15:16

ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 15:2

ᐊᕙᓚᖓᔪᓕᒫᓪᓗ ᐅᕙᓐᓃᑦᑐᑦ ᐸᐅᕐᖓᖃᕈᓐᓇᖏᑦᑐᑦ, ᐲᔭᕐᓂᐊᕐᐰᑦ, ᐸᐅᕐᖓᖃᖃᑦᑕᕐᑐᓕᒫᓪᓗ ᓴᓗᒻᒪᕐᓴᕐᓗᖏᑦ ᐲᔧᕕᒋᓂᐊᕐᐰᑦ, ᓴᓗᒪᑦᓯᐊᕐᓗᑎᒃ ᐸᐅᕐᖓᓂᑦ ᐱᕈᕐᕕᐅᒃᑲᓐᓂᖁᓪᓗᒋᑦ.

ᕉᒪᒥᐅᓄᑦ 7:4

ᑍᒤᒃᑭᕗᓯᑦᑕᐅᖅ ᐃᓚᒃᑳ, ᐱᖁᔭᒧᑦ ᑐᖁᓯᒪᒐᑦᓯ ᙭ᔅᑑᓯᐅᑉ ᑎᒥᖓᒍᑦ, ᐊᓯᑦᓯᓐᓄᑦ ᐱᑖᕆᔭᐅᖁᓪᓗᓯ, ᑖᑦᓱᒧᖓ ᑐᖁᖓᔪᓂᑦ ᒪᑭᓚᐅᕐᑐᒧᑦ ᒎᑎᐅᑉ ᐱᓇᓱᐊᕐᓂᖓᓄᑦ ᐸᐅᕐᖓᕆᔭᐅᖁᓪᓗᑕ.

ᐱᓕᐱᒥᐅᓄᑦ 1:11

ᐃᓅᓯᓯᓗ ᐃᓗᒻᒥᕐᑕᐅᓂᐊᕐᐳᖅ ᓇᓛᒎᕐᓂᐅᑉ ᐱᕈᕐᑎᑕᖏᓐᓂᒃ ᔩᓱᓯ ᙭ᔅᑑᓯᒃᑯᑦ ᓴᖅᑭᑦᑐᓂᒃ, ᒎᑎ ᓂᕐᑐᕐᑕᐅᖁᓪᓗᒍ ᐱᓐᓇᕐᓇᕐᓯᑎᑕᐅᖁᓪᓗᒍᓗ.

ᑯᓘᓯᐊᒥᐅᓄᑦ 1:10

ᐃᓅᓯᖃᕈᓐᓇᖁᓪᓗᓯ ᐊᑕᓂᐅᑉ ᓈᒻᒪᒋᔭᖓᒍᑦ, ᖁᕕᐊᒋᔭᐅᓗᓯᓗ ᑖᑦᓱᒧᖓ, ᐃᓅᓯᑦᓯᒍᓪᓗ ᐱᐅᔪᓂᒃ ᐱᕈᕐᑎᑦᓯᖁᓪᓗᓯ ᐊᑦᔨᒌᖏᑦᑐᓂᒃ ᖃᐅᔨᕙᓪᓕᐊᓗᓯᓗ ᒎᑎᒥᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:1

ᑭᖑᓪᓕᕐᐹᒥᒡᓕ, ᙭ᔅᑑᓯᒥᐅᑕᐅᖃᑎᒃᑲ, ᕿᓄᕕᒋᓪᓗᓯ ᐃᓇᑉᐸᑦᓯ ᐊᑕᓂᑦᑎᓐᓂ ᔩᓱᓯᒥ, ᐅᕙᑦᑎᓐᓂᑦ ᐃᓕᓐᓂᐊᓚᐅᕋᑦᓯ ᖃᓄᖅ ᐃᓅᔪᒃᓴᐅᖕᒪᖔᑦᓯ ᒎᑎᒧᑦ ᖁᕕᐊᒋᔭᐅᔪᒥᒃ. ᑍᒫᒃᓗ ᐃᓅᓯᖃᓚᐅᕋᑦᓯ, ᑭᓯᐊᓂᓕ ᐃᓅᓯᖃᑦᓯᐊᓕᖁᕙᑦᓯ.

ᐲᑦᑐᕉᓯ ᐂᑉᐸᖏᑦ 1:8

ᑕᒪᒃᑯᐊ ᐱᓪᓚᕇᑦ ᐱᓯᒪᒍᑦᓯᐅᒃ ᐊᖏᒡᓕᕙᓪᓕᐊᒃᐸᑕᓗ ᐃᓕᑦᓯᓐᓂ, ᑕᕝᕙ ᐱᓇᓱᐊᕐᓂᖃᑦᓯᐊᕐᓂᐊᕐᐳᓯ ᐱᕙᓪᓕᐊᑎᑦᓯᑦᓯᐊᕐᓗᓯᓗ ᖃᐅᔨᒪᓕᕐᓂᑦᓯᓐᓄᑦ ᐊᑕᓂᑦᑎᓐᓂᒃ ᔩᓱᓯ ᙭ᔅᑑᓯᒥᒃ.