ᒫᑯᓯᐅᑉ ᐊᒡᓚᖏᑦ 3:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᐊᕙᑎᒥᓃᑦᑐᑦ ᑕᑯᓴᕐᐰᑦ ᐊᑲᐅᒃᓴᕈᓐᓃᕐᓗᓂ, ᕿᒃᓵᒍᑎᒋᓪᓗᒋᑦ ᐆᒻᒪᑎᖏᑦ ᓯᑎᔪᐊᓘᖕᒪᑕ, ᐊᖑᒻᒧᑦ ᐅᖃᕐᐳᖅ, “ᐊᒡᒐᑎᑦ ᐃᓵᓚᐅᒃᑭᑦ.” ᑕᕝᕙ ᐃᓵᒃᐰᑦ, ᐋᖅᑭᑦᓯᐊᕐᓗᑎᒃ ᖃᓄᐃᖏᑦᔪᓯᕕᓂᕐᒥᒃᑐᑦ.

Aglait Ijjurnaittut

⁵ Avatiminiittut takusaqpait akauksarunniirluni, qiksaagutigillugit uummatingit sitijualuungmata, angummut uqaqpuq, “Aggatit isaalaukkit.” Tavva isaakpait, aaqqitsiarlutik qanuinngijjusivinirmiktut.

ᒫᑯᓯᐅᑉ ᐊᒡᓚᖏᑦ 3:5 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 6:6

ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᐱᓐᖑᕐᑎᑦᓯᓂᕆᓚᐅᕐᑕᒥᓂᒃ ᐃᓄᖕᓂᒃ ᓄᓇᒥ, ᐆᒻᒪᑎᒥᒍᓪᓗ ᕿᒃᓵᒻᒪᕆᓕᕐᓗᓂ,

ᐊᑕᓃᑦ ᓯᕗᓪᓖᑦ 13:6

ᐊᖓᔪᖅᑳᕐᔪᐊᖅ ᔨᕈᐳᐊᒻ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐅᖃᕐᐳᖅ, “ᑐᒃᓯᐊᓚᐅᕆᑦ ᐊᑕᓂᕐᒧᑦ ᒎᑎᖕᓄᑦ ᑕᓕᕋ ᐅᑎᕐᑎᑕᐅᖁᓗᒍ!” ᑕᕝᕙ ᒎᑎᐅᑉ ᐅᖃᑎᖓ ᐊᑕᓂᕐᒧᑦ ᑐᒃᓯᐊᕐᐳᖅ, ᐊᖓᔪᖅᑳᕐᔪᐊᓪᓗ ᑕᓕᖓ ᐋᖅᑭᒃᑕᐅᕗᖅ.

ᓂᕼᐃᒤᐊᐅᑉ ᐊᒡᓚᖏᑦ 13:8

ᑕᒪᓐᓇᓕ ᐊᖏᔪᒥᒃ ᓂᓐᖓᒍᑎᒋᓚᐅᕐᐸᕋ; ᑕᕝᕙᓃᑦᑐᓪᓗ ᐱᖁᑎᑦ ᐃᒋᐅᖅᑲᓚᐅᕐᐸᒃᑲ ᑐᐱᐊᑉ ᐱᖁᑎᖏᑦ ᓱᓇᑐᐃᓐᓇᖃᐅᑎᒥᑦ ᐊᓂᑎᓪᓗᒋᑦ.

ᐃᓐᖏᕈᑎᑦ 95:10

ᐊᕐᕌᒍᓂᒃ 40ᓂᒃ ᐃᓅᖃᑎᒌᑦ ᑍᒃᑯᐊ ᖁᕕᐊᓱᖏᑦᔪᑎᒋᓚᐅᕐᐸᒃᑲ, ᐅᖃᕐᓗᖓᓗ, “ᑖᒃᑯᐊ ᐃᓅᕗᑦ ᐆᒻᒪᑎᖏᑦ ᑕᒻᒪᕐᓯᒪᔪᑦ, ᐊᑐᕐᑕᐅᖁᔭᒃᑲᓗ ᖃᐅᔨᒪᓇᒋᑦ.”

ᒫᑎᐅᓯᐅᑉ ᐊᒡᓚᖏᑦ 12:13

ᑕᕝᕙ ᐊᖑᒻᒧᑦ ᓄᑭᖃᖏᑦᑐᓂᒃ ᐊᒡᒐᓕᖕᒧᑦ ᐅᖃᕐᐳᖅ, “ᐊᒡᒐᑎᑦ ᐃᓵᒃᑭᑦ.” ᑕᕝᕙ ᐊᖑᑎᐅᑉ ᐊᒡᒐᓂ ᐃᓵᒃᐰᑦ, ᐋᖅᑭᑦᓯᐊᕐᓗᑎᒡᓗ, ᐃᒡᓗᖏᑎᑐᑦ.

ᒫᑯᓯᐅᑉ ᐊᒡᓚᖏᑦ 3:4

ᐃᓄᐃᑦ ᐅᖃᐅᑎᕔᑦ, “ᐱᖁᔭᕗᑦ ᓴᐸᑎᒥ ᐃᑲᔪᖁᔨᕚᑦ ᐋᓐᓂᕐᓯᖁᔨᕙᓪᓘᓐᓃᑦ? ᐃᓅᓯᕐᒥᒃ ᓴᐳᑦᔨᖁᔨᕚᑦ ᑐᖁᑦᓯᖁᔨᕙᓪᓘᓐᓃᑦ?” ᐃᓄᐃᓪᓕ ᓂᓪᓕᕐᑐᖃᓐᖏᓚᑦ.

ᓘᑲᓯᐅᑉ ᐊᒡᓚᖏᑦ 13:15

ᐊᑕᓂᐅᑉ ᑭᐅᕚ ᐅᖃᕐᓗᓂ, “ᐃᓕᑦᓯ ᑕᒃᑯᕐᒨᕐᑐᓯ! ᐆᒪᔪᖁᑎᑦᓯᓐᓂᒃ ᓯᐅᑎᖅᑯᕐᑐᔪᖁᑎᒥᓂᒡᓘᓐᓃᑦ ᐃᓂᖓᓂᑦ ᐱᑐᐃᑦᔮᕐᓯᕙᒃᐳᓯ ᐃᒥᕐᑎᒋᐊᕐᑐᕐᓗᒍ ᓴᐸᑎᐅᑎᓪᓗᒎ?

ᓘᑲᓯᐅᑉ ᐊᒡᓚᖏᑦ 17:14

ᔩᓱᓯᐅᑉ ᑕᑯᒐᒥᒋᑦ ᐅᖃᐅᑎᕔᑦ, “ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᑎᑦᓯᔨᓄᑦ ᑕᑯᔭᐅᑎᑦᓴᕐᑐᓕᕆᑦᓯ.” ᑍᑯᖓ ᐂᓕᕐᑎᓪᓗᒋᑦ ᐊᖅᑯᑖᓂ ᐋᖅᑭᒃᑕᐅᕗᑦ.

ᓘᑲᓯᐅᑉ ᐊᒡᓚᖏᑦ 6:10

ᑕᕝᕙᓃᑦᑐᓕᒫᑦ ᔩᓱᓯᐅᑉ ᑕᑯᓴᕐᐰᑦ, ᐊᖑᒻᒧᑦ ᐊᒡᒐᖏᑦ ᓄᑭᖃᖏᑦᑐᒧᑦ ᐅᖃᕐᐳᖅ, “ᐊᒡᒐᑎᑦ ᐃᓴᒃᑭᑦ.” ᑕᕝᕙ ᐃᓴᒃᐰᑦ, ᐊᒡᒐᖏᑦ ᖃᓄᐃᑦᓱᓐᓃᕐᐳᑦ ᓄᑭᖃᓕᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 9:7

ᐅᖃᐅᑎᓪᓗᒍ, “ᐃᕐᕈᕐᑐᕆᐊᕐᑐᓕᕆᑦ ᓮᓗᐊᑉ ᑕᓯᖓᓄᑦ.” ᓮᓗᐊ ᑐᑭᖃᕐᐳᖅ “ᑎᓕᔭᖅ.” ᑕᕝᕗᖓᓗ ᐂᕗᖅ ᐃᕐᕈᕐᑐᕐᓗᓂ ᑕᐅᑐᓕᕐᓗᓂᓗ ᐅᑎᕐᐳᖅ.

ᕉᒪᒥᐅᓄᑦ 11:25

ᒪᑐᒥᖓ ᓇᓗᓇᕐᑐᒥᒃ ᑐᑭᓯᖁᕙᑦᓯ, ᐅᒃᐱᕐᑑᖃᑎᒃᑳ, ᐃᓕᑦᓯᓐᓂᒃ ᓯᓚᑐᓇᓱᒋᖁᓇᓯ: ᐃᓴᕆᐊᓕᒥᐅᑦ ᓯᑎᑎᑕᐅᓂᖓ ᓄᖑᔪᒫᕐᒪᑦ ᔫᑎᐅᖏᑦᑐᑦ ᒎᑎᒧᐊᕐᑐᑦ ᐅᓄᕐᓂᖏᑦ ᓈᒻᒪᓕᕐᐸᑕ,

ᑯᕆᓐᑎᐊᒥᐅᓄᑦ ᐂᑉᐸᖏᑦ 3:14

ᑍᒃᑯᐊᓕ ᐃᓱᒪᖏᑦ ᓱᓕ ᒪᑐᓯᒪᕗᑦ ᐅᓪᓗᒥᒧᑦ ᑎᑭᓪᓗᒍ; ᐅᖃᓕᒫᓕᕌᖓᒥᒃ ᐊᖏᖃᑎᒌᖕᓂᑐᖃᕐᓃᑦᑐᓂᒃ, ᒪᑐᐊᕆᔭᐅᓚᐅᕐᑐᖅ ᓱᓕ ᐲᕐᑕᐅᓯᒪᓐᖏᓚᖅ, ᑖᓐᓇ ᒪᑐᐊᖅ ᙭ᔅᑑᓯᒃᑯᑦ ᑭᓯᐊᓂ ᐲᕐᑕᐅᔪᓐᓇᕐᒪᑦ.

ᐃᐱᓯᒥᐅᓄᑦ 4:18

ᑐᑭᓯᓯᒪᓂᕐᒥᖕᓂᒃ ᑖᕐᓯᑎᑦᓯᓯᒪᕗᑦ, ᐃᓅᓯᕐᒧᓪᓗ ᒎᑎᐅᑉ ᑐᓂᓯᒪᔭᖓᓄᑦ ᐃᓚᒋᔭᐅᓐᖏᓚᑦ ᓇᓗᓂᕐᒧᑦ ᐃᓗᒥᐅᑕᒥᖕᓄᑦ, ᐆᒻᒪᑎᖏᑕ ᓯᑎᓂᖏᓐᓄᑦ;

ᐃᐱᓯᒥᐅᓄᑦ 4:26

ᓂᓐᖓᒃᑯᑦᓯ ᓂᓐᖓᖕᓂᑦᓯᓐᓄᑦ ᐊᔪᕐᑐᓕᑎᑕᐅᓂᐊᕋᓯ; ᓯᕿᓂᖅ ᓂᐱᑦᓯᐊᕆᓗᒍ ᓂᓐᖓᐅᒪᓂᐊᕋᓯ.

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.

ᐄᑉᕈᐃᓄᑦ 3:10

ᑍᒤᒻᒪᑦ ᐃᓅᖃᑎᒌᑦ ᑖᒃᑯᐊ ᓂᓐᖓᐅᑎᓚᐅᕐᐸᒃᑲ, ᐅᖃᕐᓗᖓᓗ, ‘ᐃᓱᒪᖏᑦ ᑕᒻᒪᕐᓯᒤᓐᓇᕐᐳᑦ; ᐱᖁᔭᒃᑲᓗ ᖃᐅᔨᓇᓱᓚᐅᓐᖏᓔᑦ.’

ᐄᑉᕈᐃᓄᑦ 3:17

ᑭᓇᒃᑯᓐᓄᓪᓕ ᒎᑎ ᓂᓐᖓᐅᒪᓚᐅᕐᐸ ᐅᑭᐅᓂᒃ 40ᓂᒃ? ᑖᒃᑯᓄᖓᐅᓐᖏᓛᖅ ᐊᔪᕐᑐᓕᓚᐅᕐᑐᓄᑦ, ᑐᖁᑎᑕᐅᓚᐅᕐᑐᓄᑦ ᓱᓇᖃᔪᐃᑦᑐᒥ?

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 6:16

ᖃᖅᑳᓗᖕᓄᓪᓗ ᐅᔭᕋᓱᒡᔪᖕᓄᓪᓗ ᐅᖃᕐᐳᑦ, “ᓯᑑᒡᕕᒋᓗᑕ ᐃᔨᓚᐅᕐᑎᒍᑦ ᐃᒃᓯᕙᐅᑕᕐᔪᐊᕐᒥ ᐃᒃᓯᕙᔫᑉ ᑮᓇᖓᓂᑦ, ᓄᕐᕋᐅᔭᐅᓪᓗ ᓂᓐᖓᖕᓂᖓᓂᑦ;

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.

ᓴᒧᐃᓕ ᓯᕗᓪᓖᑦ 20:34

ᔫᓇᑕᓂᓗ ᓂᑯᕕᑉᐳᖅ ᐃᓂᒥᓂᑦ ᓂᓐᖓᒻᒪᕆᒃᓗᓂ ᓂᕆᓚᐅᓐᖏᓚᕐᓗ ᐅᓪᓗᓕᒫᖅ ᑕᖅᑭᓂᕋᑖᑉ ᓇᓪᓕᐅᓐᓂᕐᓯᐅᕐᑕᐅᓂᖓᑕ ᐂᑉᐸᖓᓂ, ᐃᓱᒫᓗᑎᖃᒻᒪᕆᓕᕐᓗᓂ ᑍᕕᑎᒥᒃ, ᐊᑖᑕᖓᑕ ᐅᖃᕐᓂᕐᓘᑎᒋᓚᐅᕐᒪᒍ ᓇᕐᕈᓇᕐᓯᑎᓪᓗᓂᐅᒃ.