ᒫᑯᓯᐅᑉ ᐊᒡᓚᖏᑦ 3:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᓄᓇᖁᑎᒋᔭᐅᔪᖅ ᐊᖓᔪᖅᑲᐅᕕᖕᓄᑦ ᐊᕕᒃᑐᕐᓗᑎᒃ ᐃᒻᒥᖕᓄᑦ ᐊᑭᕋᕐᑑᑎᓕᕐᐸᑕ, ᑖᒃᑯᐊ ᓄᓇᖃᑎᒌᖑᔪᑦ ᐊᕕᒃᑐᕈᑎᒃ ᐃᓅᖃᑎᒋᒍᓐᓁᓕᓂᐊᕐᐳᑦ.

Aglait Ijjurnaittut

²⁴ Nunaqutigijaujuq angajuqqauvingnut avikturlutik immingnut akiraqtuutiliqpata, taakkua nunaqatigiingujut avikturutik inuuqatigigunnailiniaqput.

ᒫᑯᓯᐅᑉ ᐊᒡᓚᖏᑦ 3:24 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 20:1

ᒋᐅᓪᒐᐅᓪᒦᑦᑐᖃᓚᐅᕐᐳᖅ ᐊᑎᓕᖕᒥᒃ ᓰᐸᒥᒃ, ᐱᑭᕆᐅᑉ ᐃᕐᓂᖓᓂᒃ ᑐᑭᖃᑦᓯᐊᖏᑦᑐᒥᒃ, ᐱᓐᔭᒥᓂᐅᑉ ᑭᖑᕚᖏᓐᓂᒥᐅᑕᒥᒃ; ᑎᑦᑐᓚᐅᑎᓂ ᓂᓪᓕᕐᑎᓪᓗᓂᐅᒃ ᕾᒐᓪᓛᓚᐅᕐᐳᖅ, “ᑍᕕᑎ ᑲᑕᓕᕐᓕ! ᒪᓕᑦᔮᓐᖏᓚᕗᑦ ᔨᓯᐅᑉ ᐃᕐᓂᖓ; ᐃᓴᕆᐊᓕᒥᐅᑦ ᐃᓄᖏᑦ, ᐊᖏᕐᕋᓕᕐᑕ!”

ᓴᒧᐃᓕ ᐂᑉᐸᖏᑦ 20:6

ᑍᒤᒻᒪᑦ ᑍᕕᑎ ᐅᖃᕐᐳᖅ ᐊᐱᓮᒧᑦ, “ᓰᐸᐅᑉ ᐱᑭᕆᐅᑉ ᐃᕐᓂᖓᑕ ᐋᑉᓴᓚᒻᒥᑦ ᐊᖏᓂᕐᓴᒥᒃ ᐊᒃᓱᕈᕐᑎᓐᓂᐊᕐᐹᑎᒍᑦ; ᐃᓄᖁᑎᒃᑲ ᐃᓚᒋᓗᒋᑦ ᒪᓕᒃᓴᓚᐅᕈᒃ, ᓄᓇᓕᖕᓂᒃ ᓴᐴᓗᑕᓕᖕᓂᒃ ᑎᒍᓯᑐᐃᓐᓇᕆᐊᖃᕐᒪᑦ ᐅᕙᑦᑎᓐᓂᒡᓗ ᕿᒪᒃᓯᓗᓂ.”

ᐃᓯᑭᐊᓕᐅᑉ ᐊᒡᓚᖏᑦ 37:22

ᐊᑕᐅᓯᓐᖑᑎᓪᓗᒋᑦ ᐃᓅᖃᑎᒌᒡᔪᐊᓐᖑᕐᑎᑦᓱᒫᕐᐸᒃᑲ ᓄᓇᒥ, ᐃᓴᕆᐊᓕᐅᑉ ᖃᖅᑲᖏᓐᓂ; ᐊᖓᔪᖅᑳᕐᔪᐊᒧᑦ ᐊᑕᐅᓯᕐᒧᑦ ᐊᐅᓚᑕᐅᔪᒫᕐᐳᑦ; ᐃᓅᖃᑎᒌᒡᔪᐊᖑᓂᖏᒡᓗ ᒪᕐᕈᐃᖑᔪᓐᓃᕈᒫᕐᐳᑦ, ᐊᖓᔪᖅᑳᕐᔪᐊᖃᕐᕕᖏᒡᓗ ᒪᕐᕉᓕᖅᑭᖓᔪᓐᓃᕐᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 11:14

ᐊᔭᐅᑉᐱᐊᕐᒪᓕ ᐂᑉᐸᖓ ᓇᐱᒋᕙᕋ ᑍᔭᐅᔪᖅ ᐊᑕᐅᓯᐅᖃᑎᒌᖕᓂᕐᒥᒃ, ᓇᑲᓚᐅᕆᕚᒃᑲᒃ ᔫᑕᐅᓪᓗ ᐃᓴᕆᐊᓕᐅᓪᓗ ᖃᑕᖑᑎᒌᖕᓂᖏᒃ.

ᒫᑎᐅᓯᐅᑉ ᐊᒡᓚᖏᑦ 12:25

ᔩᓱᓯᐅᑉ ᖃᐅᔨᒪᒐᒥᒋᑦ ᖃᓄᖅ ᐃᓱᒪᖃᕐᒪᖔᑕ, ᐅᖃᐅᑎᕔᑦ, “ᓄᓇᓖᑦ ᐊᖓᔪᖅᑳᕐᔪᐊᖃᕐᑐᑦ ᐊᑕᐅᓯᕐᒥᒃ ᐊᒡᒍᕐᓗᑎᒃ ᐃᒻᒥᖕᓄᑦ ᐅᓇᑕᓕᕈᑎᒃ ᐊᖓᔪᖅᑲᐅᕕᒃ ᐊᑯᓂᐅᖏᑦᑐᖅ ᓄᖑᒃᑲᔭᕐᐳᖅ, ᓄᓇᓖᓪᓗ, ᐅᕝᕙᓗ ᐃᓚᒌᑦ ᐃᒡᓗᒥᐅᖃᑎᒌᑦ ᐊᒡᒍᕐᓗᑎᒃ, ᐃᒻᒥᖕᓄᑦ ᐅᓇᑕᓕᕈᑎᒃ ᐊᑕᐅᓯᐅᔪᓐᓃᕋᔭᕐᐳᑦ.

ᒫᑯᓯᐅᑉ ᐊᒡᓚᖏᑦ 3:23

ᔩᓱᓯᐅᑉ ᐃᓄᐃᑦ ᕾᖁᕔᑦ, ᐊᑦᔨᐅᔪᒥᒃ ᐅᖃᕐᕕᒋᓪᓗᒋᑦ, “ᖃᓄᕐᓕ ᓵᑖᓇᓯ ᐊᓂᑎᑦᓯᔪᓐᓇᕐᐹ ᓵᑖᓇᓯᒥᒃ?

ᒫᑯᓯᐅᑉ ᐊᒡᓚᖏᑦ 3:25

ᐃᓚᒌᑦ ᐃᒡᓗᒥᐅᖃᑎᒌᑦ ᐃᒻᒥᖕᓄᑦ ᐊᕕᓪᓗᑎᒃ ᐊᑭᕋᕐᑐᓕᕈᑎᒃ ᑕᕝᕙ ᐃᒡᓗᒥᐅᖃᑎᒌᑦ ᐊᓯᕈᕐᓗᑎᒃ ᓄᖑᓐᓂᐊᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 17:21

ᑐᒃᓯᐊᕐᐳᖓ ᑖᒃᑯᐊᓕᒫᑦ ᐊᑕᐅᓯᐅᖁᓪᓗᒋᑦ; ᐃᕝᕕᑦᑕᐅᖅ ᐊᑖᑖᒃ, ᐃᓗᓐᓃᓐᓇᕕᑦ, ᐅᕙᖓᓗ ᐃᓗᖕᓃᓐᓇᒪ, ᑖᒃᑯᐊᑦᑕᐅᖅ ᐃᓗᑦᑎᓐᓃᖁᓪᓗᒋᑦ, ᓯᓚᕐᔪᐊᕐᒥᐅᑦ ᐅᒃᐱᓕᖁᓪᓗᒋᑦ ᑎᓕᓚᐅᕋᕕᖓ.