ᒫᑯᓯᐅᑉ ᐊᒡᓚᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ “ᓱᖕᒪᓄᓇ ᑍᒫᒃ ᐅᖃᓕᕆᕙ? ᑕᒪᓐᓇ ᒎᑎᒥᒃ ᐅᖃᕐᓂᕐᓘᑎᖃᕐᓂᐅᕗᖅ! ᒎᑎ ᑖᓐᓇᑐᐊᑦᓯᐊᖅ ᐊᔪᕐᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᐳᖅ.”

Aglait Ijjurnaittut

⁷ “Sungmanuna taimaak uqaliriva? Tamanna Guutimik uqarnirluutiqarniuvuq! Guuti taannatuatsiaq ajurnirnik isumagijunnaiqsijunnaqpuq.”

ᒫᑯᓯᐅᑉ ᐊᒡᓚᖏᑦ 2:7 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 14:4

ᑭᓇ ᓴᓗᒪᔪᒥᒃ ᓴᖅᑭᑎᑦᓯᔪᓐᓇᕐᐹ ᓴᓗᒪᖏᑦᑐᒥᑦ? ᐃᓄᓕᒫᑦ ᐃᑦᔪᕐᓁᑦᑐᖃᖏᒻᒪᑕ.

ᐃᓐᖏᕈᑎᑦ 130:4

ᐃᓕᖕᓂᓕ ᐃᓱᒪᒋᔪᓐᓁᕐᕕᐅᓂᕐᑕᖃᕐᐳᖅ, ᓯᕘᕋᒋᔭᐅᔪᓐᓇᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.

ᑖᓂᐊᓕᐅᑉ ᐊᒡᓚᖏᑦ 9:9

ᐊᑕᓂᖅ ᒎᑎᕗᑦ ᓈᒃᑭᒍᓱᖕᒪᑦ ᐃᓱᒪᒋᔪᓐᓁᕐᕕᖃᕈᓐᓇᕐᓗᓂᓗ, ᐅᕙᒍᑦ ᑖᑦᓱᒥᖓ ᐊᑭᕋᕐᑐᕐᓯᒪᒐᓗᐊᕐᑎᓪᓗᑕ;

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 26:65

ᑕᕝᕙ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᒻᒪᕆᖓ ᑕᒪᑐᒥᖓ ᑐᓴᕋᒥ ᐊᓐᓄᕌᓂ ᐊᓕᒃᐰᑦ ᐅᖃᕐᓗᓂ, “ᒎᑎᒥᒃ ᐅᖃᕐᓂᕐᓘᑎᖃᕐᐳᖅ! ᖃᐅᔨᓯᒪᔪᒥᒃ ᑐᓴᒃᑲᓐᓂᕆᐊᖃᕈᓐᓃᕐᐳᒍᑦ, ᑕᕝᕙ ᑐᓵᕐᐸᓯ ᒎᑎᒥᒃ ᐅᖃᕐᓂᕐᓘᑎᖃᕐᑎᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 9:3

ᑕᑯᒋᑦ, ᐱᖁᔭᓂᒃ ᐃᓕᓮᔩᑦ ᐃᓚᖏᑦ ᐃᒻᒥᖕᓄᑦ ᐅᖃᖃᑎᒌᓕᕐᐳᑦ, “ᐅᓇ ᒎᑎᒥᒃ ᐅᖃᕐᓂᕐᓘᑎᖃᕐᑐᖅ!”

ᒫᑯᓯᐅᑉ ᐊᒡᓚᖏᑦ 14:64

ᑐᓴᕋᑖᕐᐸᓯ ᒎᑎᒥᒃ ᐅᖃᕐᓂᕐᓘᑎᖃᕐᑎᓪᓗᒍ! ᖃᓄᖅ ᐃᓱᒪᖃᓕᕐᐱᓰ?” ᑖᒃᑯᐊᓕᒫᑦ ᔩᓱᓯᒥᒃ ᐸᓯᔭᒃᓴᐅᓂᕅᕗᑦ ᑐᖁᑕᒃᓴᐅᖁᓪᓗᒍ.

ᒫᑯᓯᐅᑉ ᐊᒡᓚᖏᑦ 2:6

ᐱᖁᔭᓂᒃ ᐃᓕᓮᔨᑦ ᐃᓚᖏᑦ ᑕᕝᕙᓂ ᐃᒃᓯᕙᖃᑕᐅᔪᑦ, ᐃᓗᒥᒍᑦ ᐃᓱᒪᓕᕐᐳᑦ,

ᒫᑯᓯᐅᑉ ᐊᒡᓚᖏᑦ 2:8

ᑕᕝᕔᓐᓇᖅ ᔩᓱᓯᐅᑉ, ᐊᓂᕐᓂᕐᒥᒍᑦ ᖃᐅᔨᒐᒥᒋᒃ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑕᒪᑐᒥᖓ ᐊᐱᕐᓲᑎᖃᕐᐱᓰ?

ᓘᑲᓯᐅᑉ ᐊᒡᓚᖏᑦ 5:21

ᑕᕝᕙ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᐊᐱᕆᓕᕐᐳᑦ, ᐅᖃᕐᓗᑎᒃ, “ᓱᖕᒪᓄᓇ ᒎᑎᒥᒃ ᐅᖃᕐᓂᕐᓘᑎᖃᕐᐹ? ᒎᑎ ᑭᓯᒥ ᐱᐅᖏᑦᑐᓕᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᑐᑑᕗᖅ.”

ᓘᑲᓯᐅᑉ ᐊᒡᓚᖏᑦ 7:49

ᑕᕝᕙ ᓂᕆᔭᕐᑐᕐᓯᒪᔪᑦ ᐃᒻᒥᖕᓄᑦ ᐅᖃᓕᕐᐳᑦ, “ᑭᓇᐅᒐᒥᐅᓇ ᐊᔪᕐᓂᕐᓂᒃ ᐊᒡᓛᑦ ᐃᓱᒪᒋᔪᓐᓃᕐᓯᔪᓐᓇᕐᐹ?”

ᔪᐊᓇᓯᐅᑉ ᐊᒡᓚᖏᑦ 10:33

ᔫᑎᑦ ᑭᐅᕚᑦ, “ᐱᓂᐊᑦᓯᐊᕐᓂᕆᓚᐅᕐᑕᑎᑦ ᐱᓪᓗᒋᑦ ᒥᓪᓗᕈᒪᓐᖏᓚᑦᑎᒋᑦ ᒎᑎᒥᒡᓕ ᐅᖃᕐᓂᕐᓘᑎᖃᕐᓃᑦ ᐱᓪᓗᒍ; ᐃᓄᑐᐃᓐᓇᐅᓪᓗᑎᑦ, ᐃᓕᖕᓂᒃ ᒎᑎᓐᖑᕐᑎᓐᓇᕕᑦ.”

ᔪᐊᓇᓯᐅᑉ ᐊᒡᓚᖏᑦ 10:36

ᒎᑎᐅᑉ ᐃᑦᔪᕐᓁᑎᓚᐅᕐᑕᖓᓄᑦ ᑎᓕᓚᐅᕐᑕᖓᓄᓪᓗ ᓄᓇᕐᔪᐊᕐᒧᑦ ᐅᖃᕈᓐᓇᕐᐱᓰ ‘ᒎᑎᒥᒃ ᐅᖃᕐᓂᕐᓘᑎᖃᕐᐳᑎᑦ,’ ᐅᖃᓚᐅᕐᓂᕋ ᐱᓪᓗᒍ, ‘ᒎᑎᐅᑉ ᐃᕐᓂᕆᕚᖓ’?