ᒫᑯᓯᐅᑉ ᐊᒡᓚᖏᑦ 14:62 - ᐊᒡᓔᑦ ᐃᑦᔪᕐᖕᓁᑦᑐᑦ

⁶² ᔩᓱᓯᐅᑉ ᑭᐅᕚ, “ᐅᕙᖓᐅᕗᖓ; ᑕᒪᑦᓯ ᑕᑯᔪᒫᕐᐳᓯ ᐃᓅᑉ ᐃᕐᓂᖓ ᐊᔪᒐᖃᖏᑦᑑᑉ ᑕᓕᕐᐱᐊᓂ ᐃᒃᓯᕙᑎᓪᓗᒍ, ᕿᓚᖕᒥᓪᓗ ᐊᖅᑲᓕᕐᑎᓪᓗᒍ ᓄᕗᔭᑎᒍᑦ!”

Aglait Ijjurnaittut

⁶² Jiisusiup kiuvaa, “Uvangauvunga; tamassi takujumaaqpusi Inuup Irninga ajugaqanngittuup taliqpiani iksivatillugu, qilangmillu aqqaliqtillugu nuvujatigut!”

ᒫᑯᓯᐅᑉ ᐊᒡᓚᖏᑦ 14:62 ပူးပေါင်းရင်းမြစ်များ

ᐃᓐᖏᕈᑎᑦ 110:1

ᐊᑕᓂᖅ ᐅᖃᕐᐳᖅ ᐊᑕᓂᓐᓄᑦ, “ᑕᓕᕐᐱᓐᓂ ᐃᒃᓯᕙᓚᐅᕆᑦ, ᐊᑭᕋᕐᑐᕐᑎᖕᓂᒃ ᐃᑯᕐᕋᓕᐅᑦᔨᓚᐅᖏᓐᓂᓐᓂ.”

ᐄᑉᕈᐃᓄᑦ 1:3

ᑖᓐᓇ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᓂᒃ ᓴᖅᑭᔮᕐᑎᑦᓯᓚᐅᕐᐳᖅ ᒎᑎᐅᓪᓗ ᖃᓄᐃᑦᑑᓂᖓᑕ ᐊᑦᔨᓪᓗᐊᖓ, ᓯᓚᕐᔪᐊᓕᒫᒥᒡᓗ ᐊᐅᓚᑦᓯᔪᖅ ᐅᖃᐅᓯᕐᒥᓄᑦ ᐱᔪᓐᓇᕐᓂᖃᕐᑐᒧᑦ. ᐊᔪᕐᓃᑦ ᓴᓗᒻᒪᕐᑕᐅᑦᔪᑎᒃᓴᖏᓐᓂᒃ ᐋᖅᑭᒃᓯᔭᕇᕋᒥ, ᕿᓚᖕᒧᑦ ᐃᖏᑦᓴᕐᑐᓚᐅᕐᑐᖅ ᐊᖓᔪᖅᑳᕐᔪᐊᑉ ᑕᓕᕐᐱᐊᓄᑦ ᖁᑦᓯᖕᓂᕐᒥ.

ᒫᑯᓯᐅᑉ ᐊᒡᓚᖏᑦ 13:26

ᑕᕝᕙ ᐃᓅᑉ ᐃᕐᓂᖓ ᑕᑯᔪᒫᕐᐹᑦ ᓄᕗᔭᑎᒍᑦ ᐊᖅᑲᕐᑐᖅ ᐱᔪᓐᓇᕐᓂᕐᔪᐊᖃᕐᓗᓂ ᓂᕐᑐᕐᓇᕐᓂᕐᔪᐊᖃᕐᓗᓂᓗ.

ᒫᑎᐅᓯᐅᑉ ᐊᒡᓚᖏᑦ 24:30

ᑕᕝᕙ ᐃᓅᑉ ᐃᕐᓂᖓᑕ ᓇᓗᓁᒃᑯᑕᖓ ᕿᓚᖕᒥᑦ ᓴᖅᑭᑦᓱᒫᕐᐳᖅ; ᐃᓄᐃᑦ ᐃᓘᓐᓇᑦᓯᐊᑎᒃ ᓄᓇᕐᔪᐊᕐᒦᑦᑐᑦ ᕿᐊᓕᕈᒫᕐᐳᑦ, ᑕᑯᓕᕈᑎᒃ ᐃᓅᑉ ᐃᕐᓂᖓᓂᒃ ᑎᑭᓕᕐᑐᒥᒃ ᕿᓚᐅᑉ ᓄᕗᔭᖏᑎᒍᑦ ᐱᔪᓐᓇᕐᑐᕐᔪᐊᒥᒃ ᓂᕐᑐᕐᓇᕐᑐᕐᔪᐊᕐᒥᒡᓗ.

ᒫᑎᐅᓯᐅᑉ ᐊᒡᓚᖏᑦ 26:64

ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕐᐳᑎᑦ. ᑕᒪᑦᓯᓕ ᐅᖃᐅᑎᕙᑦᓯ, ᑕᒪᑐᒪ ᑭᖑᕐᖓᓂ ᐃᓅᑉ ᐃᕐᓂᖓ ᑕᑯᔪᒫᕐᐸᓯ ᐱᔪᓐᓇᕐᓂᐅᑉ ᑕᓕᕐᐱᐊᓂ ᐃᒃᓯᕙᔪᖅ, ᕿᓚᐅᓪᓗ ᓄᕗᔭᖏᑎᒍᑦ ᑎᑭᓕᕐᑎᓪᓗᒍ.”

ᓘᑲᓯᐅᑉ ᐊᒡᓚᖏᑦ 22:69

ᒫᓐᓇᒥᑦ ᐱᒋᐊᕐᓗᒍ ᐃᓅᑉ ᐃᕐᓂᖓ ᐃᒃᓯᕙᔪᒫᓕᕐᐳᖅ ᒎᑎᐅᑉ ᐊᔪᒐᖃᖏᑦᑑᑉ ᑕᓕᕐᐱᐊᓂ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.

ᐄᑉᕈᐃᓄᑦ 12:2

ᔩᓱᓯ ᑕᑯᓐᓈᕐᓗᒍ ᐅᒃᐱᕐᓂᑦᑎᓐᓂᒃ ᐱᒋᐊᕐᑎᑦᓯᔨᐅᓪᓗᓂᓗ ᓈᒻᒪᒃᓯᑎᑦᓯᔪᖅ, ᑖᓐᓇ ᖁᕕᐊᓱᖕᓂᒃᓴᒥᓂᒃ ᑕᑯᓐᓈᕋᒥ ᓴᓐᓂᖓᔪᓕᒃ ᕿᓄᐃᓵᕐᓗᓂ ᐊᑐᓚᐅᕐᐹ, ᑲᓐᖑᓇᕐᓂᖓ ᑲᒪᒋᓇᒍ, ᒫᓐᓇᓗ ᐃᒃᓯᕙᓕᕐᐳᖅ ᒎᑎᐅᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ.

ᒫᑯᓯᐅᑉ ᐊᒡᓚᖏᑦ 16:19

ᑕᕝᕙ ᐊᑕᓂᖅ ᔩᓱᓯ, ᑖᒃᑯᓄᖓ ᐅᖃᓪᓚᒌᕋᒥ, ᕿᓚᓕᐊᕐᑎᑕᐅᕗᖅ, ᒎᑎᐅᑉ ᑕᓕᕐᐱᐊᓄᑦ ᐃᖏᑦᓴᕐᑐᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.

ᐄᑉᕈᐃᓄᑦ 8:1

ᐅᖃᐅᑎᒋᔭᕗᑦ ᐃᒫᒃ ᑐᑭᖃᕐᐳᑦ: ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᕋᑦᑕ, ᕿᓚᖕᒦᑦᑑᑉ ᐊᖓᔪᖅᑳᕐᔪᐊᑉ ᐃᒃᓯᕙᐅᑕᕐᔪᐊᖓᑕ ᑕᓕᕐᐱᐊᓂ ᐃᒃᓯᕙᔪᒥᒃ,

ᐄᑉᕈᐃᓄᑦ 8:10

ᐊᖏᖃᑎᒌᖕᓂᕐᒥᒡᓕ ᐋᖅᑭᒃᓯᔪᒫᕐᐳᖓ ᐃᓴᕆᐊᓕᐅᑉ ᐃᓄᖏᓐᓄᑦ ᐅᓪᓗᓂ ᓇᓪᓕᐅᑎᔪᒫᕐᑐᓂ, ᐊᑕᓂᖅ ᐅᖃᕐᐳᖅ. ᐱᖁᔭᒃᑲ ᐃᓱᒪᖏᓐᓄᑦ ᑐᖅᑯᕈᒫᕐᐸᒃᑲ ᐆᒻᒪᑎᖏᓐᓂᓗ ᑎᑎᕋᕐᓗᒋᑦ. ᑖᒃᑯᓇᖓᑦ ᒎᑎᒋᔭᐅᔪᒫᕐᐳᖓ, ᑖᒃᑯᐊᓗ ᐃᓄᖁᑎᒋᔪᒫᕐᐸᒃᑲ.

ᓘᑲᓯᐅᑉ ᐊᒡᓚᖏᑦ 23:3

ᐰᓛᑑᓯᐅᑉ ᐊᐱᕆᕚ, “ᔫᑎᑦ ᐊᖓᔪᖅᑳᕐᔪᐊᕆᕚᑏᑦ?” ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕇᕐᐳᑎᑦ.”

ᒫᑯᓯᐅᑉ ᐊᒡᓚᖏᑦ 15:2

ᐰᓛᑑᓯᐅᑉ ᔩᓱᓯ ᐊᐱᕆᕚ, “ᔫᑎᑦ ᐊᖓᔪᖅᑳᕐᔪᐊᕆᕚᑏᑦ?” ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕇᕐᐳᑎᑦ.”

ᒫᑎᐅᓯᐅᑉ ᐊᒡᓚᖏᑦ 27:11

ᔩᓱᓯ ᓇᖏᕐᐳᖅ ᕉᒪᒥᐅᑦ ᓄᓇᓕᖕᓂ ᐊᐅᓚᑦᓯᔨᖓᑕ ᓵᖓᓂ, ᑖᑦᓱᒪ ᐊᐱᕆᕚ, “ᔫᑎᓄᑦ ᐊᖓᔪᖅᑳᕐᔪᐊᖑᕖᑦ?” ᔩᓱᓯᐅᑉ ᑭᐅᕚ, “ᑕᕝᕙ ᐅᖃᕇᕐᐳᑎᑦ.”

ᐲᑦᑐᕉᓯ ᐂᑉᐸᖏᑦ 1:16

ᐅᓂᒃᑲᐅᓯᑐᐃᓐᓇᕐᓂᒃ ᒪᓕᓚᐅᓐᖏᓚᒍᑦ ᐃᓕᑦᓯᓐᓄᑦ ᐅᖃᐅᓯᖃᕐᑎᓪᓗᑕ ᐊᑕᓂᑦᑕ ᔩᓱᓯᐅᑉ ᙭ᔅᑑᓯᐅᑉ ᐱᔪᓐᓇᕐᓂᖃᕐᓗᓂ ᑎᑭᑦᓱᒫᕐᓂᖓᓂᒃ, ᓇᖕᒥᓂᖅ ᑕᑯᓯᒪᒐᑦᑎᒍ ᑕᑯᒥᓇᕐᓂᕐᔪᐊᖓ.