ᒫᑯᓯᐅᑉ ᐊᒡᓚᖏᑦ 13:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑖᑦᓱᒪ ᐂᖏᓖᑦ ᑎᓕᔪᒫᕐᐰᑦ, ᑲᑎᕐᓱᐃᖁᓪᓗᒋᑦ ᓂᕈᐊᕐᓯᒪᔭᖏᓐᓂᒃ ᓄᓇᕐᔪᐊᑉ ᐊᓄᕌᕐᕕᒋᕙᒃᑕᖏᓐᓂᑦ ᓯᑕᒪᓂᑦ, ᓄᓇᕐᔪᐊᑉ ᐃᓱᐊᓂᑦ ᕿᓚᐅᑉ ᐃᓱᐊᓄᑦ.”

Aglait Ijjurnaittut

²⁷ Taassuma aingilit tilijumaaqpait, katiqsuiqullugit niruaqsimajanginnik nunarjuap anuraarvigivaktanginnit sitamanit, nunarjuap isuanit qilaup isuanut.”

ᒫᑯᓯᐅᑉ ᐊᒡᓚᖏᑦ 13:27 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:10

ᐊᖓᔪᖅᑳᕐᔪᐊᑉ ᐱᔪᓐᓇᐅᑎᖓᑕ ᓇᓗᓁᒃᑯᑕᖓ ᔫᑕᒥᑦ ᕿᒪᕉᑎᓂᐊᓐᖏᓚᖅ, ᐊᐅᓚᑦᓯᔨᐅᓪᓗ ᐊᔭᐅᑉᐱᐊᖓ ᐃᑎᒐᖏᑕ ᐊᑯᕐᖓᓐᓂᑦ ᐲᕐᑕᐅᓂᐊᖏᓐᓂᕗᖅ, ᐊᖓᔪᖅᑳᕐᔪᐊᖅ ᐱᖁᑎᓕᒃ ᑎᑭᓚᐅᖅᑳᕐᑎᓐᓇᒍ; ᑖᓐᓇ ᐃᓄᖕᓄᑦ ᐅᐱᒋᔭᐅᔪᒫᕐᐳᖅ ᓈᓚᒃᑕᐅᔪᒫᕐᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 65:9

ᑭᖑᕚᕐᑖᕐᑎᑦᓱᒫᕐᐸᒃᑲ ᔧᑰᑉ ᑭᖑᕚᖏᓐᓂᑦ ᐱᔪᓂᒃ, ᔫᑕᐅᓪᓗ ᑭᖑᕚᖏᑦᑕ ᖃᖅᑲᖁᑎᒃᑲ ᐱᒋᔪᒫᕐᐹᑦ; ᓂᕈᐊᕐᓯᒪᔭᒪ ᐱᒋᓕᕈᒫᕐᐹᑦ, ᐱᔨᒃᑲᓗ ᓄᓇᖃᕈᒫᕐᐳᑦ ᑕᕝᕙᓂ.

ᓴᑲᕅᐊᐅᑉ ᐊᒡᓚᖏᑦ 2:6

“ᐊᐅᓪᓚᓕᕆᑦᓯ! ᐊᐅᓪᓚᓕᕆᑦᓯ! ᕿᒫᓕᕆᑦᓯ ᓯᕿᓂᐅᑉ ᑕᕐᕋᖓᑕ ᓄᓇᖏᓐᓂᑦ,” ᑍᒫᒃ ᐊᑕᓂᖅ ᐅᖃᕐᐳᖅ, “ᓄᓇᓄᑦ ᐅᖓᓯᒃᑐᓄᑦ ᓇᒧᑐᐃᓐᓇᖅ ᐊᐅᓪᓚᕐᑎᓯᒪᒐᑦᓯ.

ᒫᑎᐅᓯᐅᑉ ᐊᒡᓚᖏᑦ 12:42

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᖅᑳᕐᔪᐊᖓ ᐊᕐᓇᖅ ᒪᑭᑦᓱᒫᕐᐳᖅ ᒫᓐᓇ ᐃᓅᔪᓂᒃ ᐃᒋᑕᒃᓴᓐᖑᕐᑎᑦᓯᓗᓂ; ᑖᓐᓇ ᐅᖓᓯᒃᑐᐊᓗᖕᒧᑦ ᐃᖏᕐᕋᓚᐅᕐᒪᑦ ᓄᓇᒥᓂᑦ, ᑐᓵᔭᕐᑐᕐᓗᓂ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓯᓚᑐᓂᖓᓂᒃ, ᑕᑯᒋᑦ, ᐅᖃᐅᑎᕙᑦᓯ ᑕᕝᕙᓃᑦᑐᖃᕐᐳᖅ ᓲᓗᒨᓂᒥᑦ ᐊᔪᖏᓐᓂᕐᓴᐅᔪᒥᒃ!”

ᒫᑎᐅᓯᐅᑉ ᐊᒡᓚᖏᑦ 13:41

ᐃᓅᑉ ᐃᕐᓂᖓ ᐂᖏᓖᖁᑎᒥᓂᒃ ᑎᓕᓯᔪᒫᕐᐳᖅ, ᑲᑎᕐᓱᐃᔭᕐᑐᖁᓪᓗᒋᑦ ᑕᕝᕙᓐᖓᑦ ᐊᑕᓂᐅᕕᖕᒥᓂᑦ, ᐃᓄᖕᓂᒃ ᐊᔪᕐᑐᓕᑎᑦᓯᔪᓂᒃ ᑕᒤᓐᓂᒃ, ᐊᓯᖏᓐᓂᒡᓗ ᐊᔪᕐᑐᓕᓂᕐᒥᒃ ᐱᓇᓱᐊᕐᑐᓂᒃ,

ᒫᑎᐅᓯᐅᑉ ᐊᒡᓚᖏᑦ 13:49

ᑍᒤᑦᓱᒫᕆᕗᖅ ᓯᓚᕐᔫᑉ ᓇᒡᒐᑖᓂ. ᐂᖏᓖᑦ ᑎᑭᑦᓱᒫᕐᐳᑦ ᐲᔧᔭᕐᑐᕐᓗᑎᒃ ᐱᐅᖏᑦᑐᓂᒃ ᑖᒃᑯᓇᖓ ᐃᓗᐊᕐᑐᓕᔪᓂᑦ,

ᒫᑎᐅᓯᐅᑉ ᐊᒡᓚᖏᑦ 24:22

ᐅᓪᓗᐃᑦ ᑍᒃᑯᐊ ᒎᑎᐅᑉ ᓁᒡᓕᒋᐊᓐᖏᑉᐸᒋᑦ, ᓇᓪᓕᐊᓐᓂᒡᓘᓐᓃᑦ ᐃᓄᖕᒥᒃ ᐊᓐᓇᒃᑐᖃᕋᔭᓐᖏᓚᖅ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ ᒎᑎᐅᑉ ᐅᓪᓗᐃᑦ ᓁᒡᓕᒋᐊᕈᒫᕐᐰᑦ.

ᒫᑎᐅᓯᐅᑉ ᐊᒡᓚᖏᑦ 24:24

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᑦᓱᒫᕐᒪᑕ; ᐊᖏᔪᓂᒃ ᑲᒪᓇᕐᑐᓕᖃᑦᑕᕐᓗᑎᒃ ᓇᓗᓁᒃᑯᑕᕐᓂᒡᓗ ᓴᖅᑭᔮᕐᑎᑦᓯᖃᑦᑕᕈᒫᕐᒪᑕ, ᑕᒻᒪᕐᑎᑦᓯᓇᓱᐊᕐᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 24:31

ᑕᕝᕙ ᑎᑦᑐᓚᐅᑎᕐᔪᐊᑦ ᓂᐱᖏᑦ ᓂᓪᓕᕈᒫᕐᐳᑦ, ᐂᖏᓕᖁᑎᓂ ᑎᓕᔪᒫᕐᐰᑦ ᓄᓇᕐᔪᐊᓕᒫᒧᑦ ᓄᓇᐅᑉ ᐊᓄᕌᕐᕕᒋᓲᖏᓐᓄᑦ ᓯᑕᒪᓄᑦ, ᑖᒃᑯᐊ ᑲᑎᕐᓯᔪᒫᕐᐳᑦ ᑖᑦᓱᒪ ᓂᕈᐊᕐᓯᒪᔭᖏᓐᓂᒃ ᓄᓇᐅᑉ ᐃᓱᐊᓂᑦ ᐃᓱᐊᓄᑦ.”

ᒫᑯᓯᐅᑉ ᐊᒡᓚᖏᑦ 13:20

ᐊᑕᓂᐅᑉ ᐅᓪᓗᐃᑦ ᓁᒡᓕᒋᐊᕐᓂᐊᖏᑉᐸᒋᑦ, ᐃᓄᓕᒫᑦ ᐱᐅᓕᔭᐅᔪᖃᕋᔭᓐᖏᓚᑦ; ᓂᕈᐊᕐᓯᒪᔭᓂᓕ ᐱᑦᔪᑎᒋᓪᓗᒋᑦ, ᐅᓪᓗᐃᑦ ᑖᒃᑯᐊ ᓁᒡᓕᒋᐊᕐᓯᒪᕔᑦ.

ᒫᑯᓯᐅᑉ ᐊᒡᓚᖏᑦ 13:22

᙭ᔅᑑᓯᐅᓂᕋᕐᑐᑦ ᓱᓕᖏᑦᑐᑦ, ᓇᓚᐅᑦᑍᔫᓂᕋᕐᑐᓪᓗ ᓱᓕᖏᑦᑐᑦ ᓴᖅᑭᕈᒫᕐᒪᑕ ᓇᓗᓁᒃᑯᑕᕐᓂᒃ ᓴᖅᑭᑎᑦᓯᔪᒫᕐᐳᑦ ᑲᒪᓇᕐᑐᓕᓂᕐᓂᒡᓗ, ᑕᒻᒪᕐᑎᑦᓯᓗᑎᒃ, ᐊᒡᓛᑦ ᓂᕈᐊᕐᑕᐅᓯᒪᔪᑦ ᐊᔪᕐᓇᓐᖏᑉᐸᑕ ᑕᒻᒪᕐᑎᓐᓇᓱᐊᕐᓗᒋᑦ.

ᒫᑯᓯᐅᑉ ᐊᒡᓚᖏᑦ 13:28

“ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᐊᔪᕆᕐᑐᕐᓕᓯ ᐃᓕᓐᓂᐊᕈᑎᒃᓴᑦᓯᓐᓂᒃ: ᐊᕙᓚᖓᔪᖏᑦ ᐆᒻᒪᕈᑦᓯᐊᕌᖓᒥᒃ ᐱᕈᕐᕕᐅᓕᕐᐸᒃᐳᑦ ᐅᖃᐅᔭᖃᓕᕐᓗᑎᒡᓗ, ᑕᕝᕙ ᖃᐅᔨᕙᒃᐳᓯ ᐊᐅᔭᐅᔭᕆᐊᒃᖠᓕᕐᒪᑦ.

ᓘᑲᓯᐅᑉ ᐊᒡᓚᖏᑦ 16:22

ᐊᔪᕐᓴᕐᑐᐊᓗᒃ ᑐᖁᖕᒪᑦ ᐂᖏᓖᓂᑦ ᐊᒡᔭᕐᑕᐅᕗᖅ ᐂᑉᕋᕼᐋᒻ ᓴᓂᐊᓄᑦ. ᑭᖑᓂᖓᒍᑦ ᐊᔪᕐᓴᓐᖏᑦᑐᐊᓗᒃᑕᐅᖅ ᑐᖁᒋᕗᖅ ᐃᓗᕕᕐᑕᐅᓪᓗᓂᓗ.

ᓘᑲᓯᐅᑉ ᐊᒡᓚᖏᑦ 18:7

ᒎᑎᐅᓪᓖ ᐃᓄᖁᑎᓂ, ᕿᓄᐃᓐᓇᓕᕐᐸᑕ ᐅᓪᓗᒃᑯᑦ ᐅᓐᓄᐊᑯᓪᓗ ᐃᑲᔪᕐᑕᐅᔪᒪᓗᑎᒃ? ᐱᒋᐊᕐᓇᓵᕋᔭᕐᐹ ᐃᑲᔪᕐᑕᐅᔪᒪᑎᓪᓗᒋᑦ?

ᔪᐊᓇᓯᐅᑉ ᐊᒡᓚᖏᑦ 10:16

ᐊᓯᖏᓐᓂᒃ ᓱᓕ ᓰᐱᖁᑎᖃᕐᐳᖓ, ᑕᕝᕙᓐᖓᑦ ᓰᐱᒃᑯᕕᖕᒥᒃ ᐱᓯᒪᖏᑦᑐᓂᒃ; ᑖᒃᑯᐊᑦᑕᐅᖅ ᑕᕝᕗᖓ ᐃᑎᕐᑎᑦᓴᕆᐊᖃᕐᐸᒃᑲ; ᓂᐱᓐᓂᒃ ᑐᓴᕈᒫᕐᐳᑦ. ᐊᑕᐅᓯᐅᖃᑎᒌᒍᒫᕐᐳᑦ, ᐊᑕᐅᓯᕐᒥᒡᓗ ᐰᕐᓯᔨᖃᕐᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 11:52

ᐃᓅᖃᑎᒌᒡᔪᐊᓪᓕ ᑖᒃᑯᐊᑐᐊᖅ ᐱᓇᒋᑦ, ᒎᑎᐅᓪᓕ ᕿᑐᕐᖓᖏᑦ ᓇᒧᑐᐃᓐᓇᖅ ᓯᐊᒻᒪᕐᓯᒪᔪᑦ ᑲᑎᕐᓱᕐᑕᐅᖁᓪᓗᒋᑦ ᐊᑕᐅᓯᕐᒧᑦ.

ᕉᒪᒥᐅᓄᑦ 8:33

ᒎᑎᐅᑉ ᓂᕈᐊᕐᓯᒪᔭᖏᑦ ᑭᐊ ᐊᑭᕋᕐᑐᕈᓐᓇᕐᐰᑦ? ᒎᑎ ᑖᓐᓇ ᐸᓯᔭᒃᓴᐅᔪᓐᓃᕐᑎᑦᓯᑎᓪᓗᒍ;

ᒨᓯᓯ ᑕᓪᓕᒪᖏᑦ 30:4

ᐊᒡᓛᒃ ᓄᓇᐅᑉ ᐅᖓᓯᖕᓂᕐᐹᖓᓄᑦ ᓯᐊᒻᒪᕐᑎᑕᐅᓯᒪᒐᓗᐊᕈᑦᓯ, ᐊᑕᓂᐅᑉ ᒎᑎᑦᓯ ᑲᑎᕐᓱᕈᒫᕐᐹᓯ ᐅᑎᕐᑎᓪᓗᓯᓗ,

ᑯᓘᓯᐊᒥᐅᓄᑦ 3:12

ᑍᒤᒻᒪᑦ ᐊᓐᓄᕌᕐᓯᒪᓕᕆᑦᓯ ᒎᑎᐅᑉ ᓂᕈᐊᕐᓯᒪᔭᖏᑎᑐᑦ, ᐃᑦᔪᕐᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᕐᓯᒪᓗᓯ ᓇᒡᓕᖕᓂᕐᒥᒃ, ᐱᑦᓯᐊᕐᓂᕐᒥᒃ, ᒥᑭᒡᓕᑎᕐᓯᒪᓂᕐᒥᒃ, ᐱᐅᔪᕆᖏᓐᓂᕐᒥᒃ, ᕿᓄᐃᓵᕐᓂᕐᒥᒡᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:1

ᐊᑕᓂᑦᑕᓕ ᔩᓱᓯ ᙭ᔅᑑᓯᐅᑉ ᑎᑭᕝᕕᒃᓴᖓᓂᒃ ᑲᑎᕐᓱᑕᐅᔪᒫᕐᓂᑦᑎᓐᓂᒃ ᓇᔪᕐᓂᐊᓕᕐᓗᒍ, ᖃᑕᓐᖑᑎᒃᑲ ᕿᓄᕕᒋᕙᑦᓯ,

ᑎᒧᑎᒧᑦ ᐂᑉᐸᖏᑦ 2:10

ᑍᒤᒻᒪᑦ ᑕᒪᕐᒥᒃ ᕿᓄᐃᓵᕈᑎᒋᕙᒃᑲ ᒎᑎᐅᑉ ᓂᕈᐊᕐᓯᒪᔭᖏᑦ ᐱᑦᔪᑎᒋᓪᓗᒋᑦ, ᑖᒃᑯᐊᑦᑕᐅᖅ ᐱᐅᓕᔭᐅᔪᓐᓇᖁᓪᓗᒋᑦ ᙭ᔅᑑᓯ ᔩᓱᓯᒃᑯᑦ ᐃᓱᖃᖏᑦᑐᒧᑦ ᐱᓐᓇᕐᓇᕐᑐᕐᔪᐊᖅ ᐃᓚᒋᓗᒍ.

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.