ᒫᑯᓯᐅᑉ ᐊᒡᓚᖏᑦ 12:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᖃᓄᕐᓕ ᑕᕝᕙ ᐱᕈᕐᓰᕕᖁᑎᓕᒃ ᐱᓛᓕᕐᐸ? ᑎᑭᑦᓱᒫᕐᐳᖅ ᐱᕈᕐᓰᕕᓕᕆᔩᑦ ᑐᖁᑦᓴᕐᑐᕐᓗᒋᑦ, ᐱᕈᕐᓰᕕᒃ ᐊᓯᖏᓐᓄᑦ ᑲᒪᒋᔭᐅᖁᓕᕈᒫᕐᐹ.

Aglait Ijjurnaittut

⁹ “Qanurli tavva piruqsiiviqutilik pilaaliqpa? Tikittumaaqpuq piruqsiivilirijit tuqutsaqturlugit, piruqsiivik asinginnut kamagijauqulirumaaqpaa.

ᒫᑯᓯᐅᑉ ᐊᒡᓚᖏᑦ 12:9 ပူးပေါင်းရင်းမြစ်များ

ᕉᒪᒥᐅᓄᑦ 10:20

ᑕᕝᕙ ᐂᓮᐊᓯ ᓯᕘᕋᓇᓂ ᐅᖃᓚᐅᕆᕗᖅ, “ᓇᓂᔭᐅᓯᒪᕗᖓ ᐅᕙᓐᓂᒃ ᕿᓂᖏᑦᑐᓄᑦ; ᐅᕙᓐᓂᒃ ᑕᑯᔭᐅᑎᑉᐳᖓ ᐅᕙᓐᓂᒃ ᐊᐱᖅᑯᑎᖃᖏᑦᑐᓄᑦ.”

ᓘᑲᓯᐅᑉ ᐊᒡᓚᖏᑦ 19:27

ᑍᒃᑯᐊ ᐅᕙᓐᓂᒃ ᐊᑭᕋᕐᑐᕐᑐᑦ, ᐅᕙᓐᓂᒃ ᐊᖓᔪᖅᑳᕐᔪᐊᖑᖁᔨᖏᑦᑐᑦ, ᕾᑎᓯᐅᒃ ᑕᑯᓐᓇᕐᑎᓪᓗᖓ ᑐᖁᓪᓗᒋᑦ.’”

ᒫᑎᐅᓯᐅᑉ ᐊᒡᓚᖏᑦ 21:43

“ᑍᒤᒻᒪᑦ ᐅᖃᐅᑎᕙᑦᓯ, ᒎᑎᐅᑉ ᐊᑕᓂᐅᕕᖓᓂᒃ ᐊᕐᓵᕐᑕᐅᔪᒫᕐᐳᓯ ᑐᓂᔭᐅᖔᕐᓗᓂ ᐃᓄᖕᓄᑦ ᐱᕈᕐᑐᖃᕐᑎᑦᓯᔪᓐᓇᕐᑐᓄᑦ. [

ᒫᑎᐅᓯᐅᑉ ᐊᒡᓚᖏᑦ 22:7

ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᒃᑐᐊᓘᕗᖅ; ᐅᓇᑕᕐᑐᒃᓴᖁᑎᓂ ᑎᓕᕔᑦ ᑍᒃᑯᐊ ᐃᓄᐊᕐᑐᑦ ᑐᖁᑕᐅᖁᓪᓗᒋᑦ ᐃᒡᓗᒐᓴᖏᓪᓗ ᐃᑯᐊᓪᓚᒃᑕᐅᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 12:45

ᑕᕝᕙ ᐊᓂᕗᖅ ᑕᕝᕙᓐᖓᑦ ᐊᓂᕐᓂᕐᓂᒃ 7ᓂᒃ ᐃᒻᒥᓂᑦ ᐱᐅᖏᑦᑑᓂᕐᓴᐅᔪᓂᒃ ᐃᓚᖃᓕᕐᓗᓂ, ᑕᕝᕗᖓᓗ ᑎᑭᓐᓇᒥᒃ ᑕᕝᕙᓂ ᐃᓂᖃᓕᕐᐳᑦ; ᑕᒪᑐᒪᓗ ᑭᖑᓂᖓᒍᑦ ᐃᓄᒃ ᑖᓐᓇ ᓯᕗᕐᖓᓂᑦ ᐱᐅᖏᓐᓂᕐᓴᐅᓕᕐᐳᖅ. ᑍᒤᑦᓱᒫᕆᕗᑦᑕᐅᖅ ᐅᓪᓗᒥ ᐃᓅᔪᓄᑦ ᐱᐅᖏᑦᑐᓄᑦ.”

ᒪᓚᑬᑉ ᐊᒡᓚᖏᑦ 1:11

ᓯᕿᓂᐅᑉ ᓄᐃᕕᐊᓂᑦ ᓂᐱᕕᐊᓄᑦ ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓂ, ᓇᓂᓕᒫᖅ ᑎᐱᑦᓯᐊᕆᒃᑐᓂᒃ ᐳᔪᕐᓂᒃ ᑐᓂᕐᕈᓯᕐᐳᑦ ᐊᑎᓐᓄᑦ, ᐃᑦᔪᕐᓁᑦᑐᓂᒡᓗ ᑐᓂᕐᕈᑎᓂᒃ; ᐊᑎᕋ ᐊᖏᔪᕈᕐᑎᑕᐅᕗᖅ ᐃᓅᖃᑎᒌᒡᔪᐊᓄᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 17:3

ᖃᖅᑲᓂ ᓄᓇᑐᐃᓐᓇᕐᒦᑦᑐᒥ, ᐊᔪᕐᓴᖏᑦᔪᑎᓯ ᑲᑎᕐᓱᐊᓯᓗ ᓇᒡᕚᕐᑕᒐᐅᑎᑦᓱᒫᕐᐸᒃᑲ ᐊᑭᓕᐅᑕᐅᓗᑎᒃ ᐊᔪᕐᓂᑦᓯᓐᓄᑦ ᓄᓇᓕᒫᑦᓯᓐᓂ.

ᐂᓮᐊᓯᐅᑉ ᐊᒡᓚᖏᑦ 65:15

ᐊᑎᕐᓯ ᐃᓕᔪᒫᕐᐸᓯ ᓂᕈᐊᕐᓯᒪᔭᓐᓄᑦ ᓇᕐᕈᒋᔭᒃᓴᓐᖑᖁᓪᓗᒋᑦ; ᐊᑕᓂᐅᓪᓗ ᒎᑎᐅᑉ ᑐᖁᑦᓱᒫᕐᐹᓯ; ᐱᔨᓂᓕ ᑍᒎᓯᖃᓕᕐᑎᑦᓱᒫᕐᐰᑦ ᐊᑎᖏᑕ ᐊᓯᐊᓂᒃ.

ᐂᓮᐊᓯᐅᑉ ᐊᒡᓚᖏᑦ 29:17

ᐱᔪᖃᓚᐅᖏᒃᑲᓗᐊᕐᑎᓪᓗᒍ, ᐊᑯᓂᐊᓘᖏᑦᑐᖅ ᓕᐸᓇᓂ ᐱᕈᕐᓰᕕᑦᓯᐊᑐᐃᓐᓇᐅᓕᕈᒫᕐᐳᖅ, ᐱᕈᕐᓰᕕᒃ ᓂᕿᒃᓴᓕᐅᕐᕕᒃ ᓇᐹᕐᑐᓕᒡᔪᐊᖑᔪᓐᓇᕐᐹ?

ᔮᓱᐊᑉ ᐊᒡᓚᖏᑦ 23:15

ᑍᒤᒻᒪᑦ ᑍᒫᒃ ᐊᖏᕈᑎᒥᓂᒃ ᑲᔪᓯᑎᑦᓯᓚᐅᕐᒪᑦ ᐃᓕᑦᓯᓐᓄᑦ ᐱᐅᔪᓂᒃ ᐱᓂᐊᕐᓂᕋᕐᑕᓕᒫᒥᓂᒃ, ᑍᒤᒻᒪᑦ ᐊᑕᓂᖅ ᑲᔪᓯᑎᑦᓯᒐᔭᕆᕗᖅ ᐃᓕᑦᓯᓐᓄᑦ ᐱᐅᖏᑦᑐᓂᒃ ᐋᓐᓂᕐᓇᕐᑐᓂᒡᓗ, ᓄᖒᑦᓯᓚᐅᖏᓐᓂᓕᒫᒥᓂ ᐃᓕᑦᓯᓐᓂᒃ ᑕᒫᓐᖓᑦ ᓄᓇᑦᓯᐊᕙᖕᒥᑦ ᐊᑕᓂᐅᑉ ᒎᑎᓯ ᑐᓂᓚᐅᕐᑕᖓᓂᒃ ᐃᓕᑦᓯᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 21:34

ᐸᐅᕐᖓᓂᒡᓕ ᑲᑎᕐᓯᕕᒃ ᓇᓪᓕᐅᑎᓕᕐᒪᑦ, ᐱᔨᓂ ᑎᓕᕔᑦ ᐱᕈᕐᓰᕕᖕᒥᒃ ᑲᒪᔨᓄᑦ ᑲᑎᕐᓱᕐᑕᖏᓐᓂᒃ ᐸᐅᕐᖓᓂ ᐱᖃᑕᐅᔪᒪᓪᓗᓂ;

ᒫᑯᓯᐅᑉ ᐊᒡᓚᖏᑦ 12:8

ᑕᕝᕙ ᑎᒍᕚᑦ ᑐᖁᓪᓗᒍ, ᑎᒥᖓ ᐃᒋᑉᐹᑦ ᐱᕈᕐᓰᕕᐅᑉ ᓯᓚᑖᓄᑦ.

ᒫᑯᓯᐅᑉ ᐊᒡᓚᖏᑦ 12:10

ᐅᓇ ᐅᖃᓕᒫᕐᓯᒪᓐᖏᓚᓯᐅᒃ ᒎᑎᐅᑉ ᐅᖃᐅᓯᖏᓐᓂ? ‘ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ, ᑖᓐᓇ ᐱᓪᓚᕆᐅᓂᕐᐸᐅᓪᓗᓂ ᑎᕆᖅᑰᓕᕐᐳᖅ;