ᒫᑯᓯᐅᑉ ᐊᒡᓚᖏᑦ 12:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐂᑉᐸᖓᓗ ᐃᒤᓕᕗᖅ, ‘ᐃᓅᖃᑎᓯ ᓇᒡᓕᒋᔭᒃᓴᕆᕙᓯ ᓇᖕᒥᓂᖅ ᓇᒡᓕᒋᓂᕐᑐᑦ.’ ᐊᓯᖏᓐᓂᒃ ᑖᒃᑯᓇᖓᑦ ᐱᓪᓚᕆᐅᓂᕐᓴᓂᒃ ᐱᖁᔭᕐᑕᖃᓐᖏᓚᖅ.”

Aglait Ijjurnaittut

³¹ Aippangalu imailivuq, ‘Inuuqatisi nagligijaksarivasi nangminiq nagliginiqtut.’ Asinginnik taakkunangat pillariuniqsanik piqujaqtaqanngilaq.”

ᒫᑯᓯᐅᑉ ᐊᒡᓚᖏᑦ 12:31 ပူးပေါင်းရင်းမြစ်များ

ᒨᓯᓯ ᐱᖓᔪᖏᑦ 19:13

“ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ.

ᒨᓯᓯ ᐱᖓᔪᖏᑦ 19:18

ᐊᑭᓂᐊᕈᒪᔪᒃᓴᐅᓐᖏᓚᑎᑦ, ᓂᓐᖓᒃᓯᒪᕕᖃᕐᓂᐊᕐᓇᒡᓗ ᐃᓅᖃᑎᖕᓂᒃ, ᐃᓅᖃᑎᖕᓂᒡᓕ ᓇᒡᓕᒍᓱᒃᑐᒃᓴᐅᕗᑎᑦ ᐃᓕᒃᑐᑦ ᓇᒡᓕᒋᓗᒍ. ᐅᕙᖓ ᐊᑕᓂᐅᒐᒪ.

ᒫᑎᐅᓯᐅᑉ ᐊᒡᓚᖏᑦ 22:39

ᐂᑉᐸᖓᓕ ᐃᒤᓕᖓᕗᖅ, ‘ᐃᓅᖃᑎᓯ ᓇᒡᓕᒋᔭᒃᓴᕆᕙᓯ ᓇᖕᒥᓂᖅ ᓇᒡᓕᒋᓂᑦᓯᑐᑦ.’

ᒫᑎᐅᓯᐅᑉ ᐊᒡᓚᖏᑦ 7:12

“ᑍᒤᒻᒪᑦ ᐃᓅᖃᑎᑦᓯᓐᓄᑦ ᐱᓇᓱᐊᕐᕕᐅᔪᒪᓂᑦᓯᑎᑐᑦ, ᑍᒫᓪᓗᐊᖅ ᐱᓇᓱᐊᕐᑐᒃᓴᐅᕗᓯ: ᑕᒪᓐᓇ ᑍᒤᓕᐅᕐᓂᖅ ᒨᓯᓯᐅᑉ ᐱᖁᔭᖏᑕ ᑐᑭᒋᖕᒪᒍ, ᓇᓚᐅᑦᑍᔪᓪᓗ ᐊᔪᕆᕐᑐᐃᑦᔪᑎᒋᓪᓗᓂᐅᒃ.”

ᒫᑯᓯᐅᑉ ᐊᒡᓚᖏᑦ 12:32

ᐱᖁᔭᓂᒃ ᐃᓕᓮᔨ ᔩᓱᓯᒧᑦ ᐅᖃᕐᐳᖅ, “ᐊᔪᕆᕐᑐᐃᔩ, ᓱᓕᑦᓯᐊᕐᐳᑎᑦ; ᑕᒪᓐᓇ ᓱᓕᖕᒪᑦ ᓲᕐᓗ ᐅᖃᕋᕕᑦ, ᐊᑕᓂᖅ ᑭᓯᒥ ᐊᑕᐅᓯᐅᖕᒪᑦ, ᑖᑦᓱᒪ ᐊᓯᐊᓂᒃ ᒎᑎᑕᖃᓐᖏᓚᖅ, ᑖᓐᓇᑐᐊᖅ ᑭᓯᐊᓂ.

ᓘᑲᓯᐅᑉ ᐊᒡᓚᖏᑦ 10:27

ᑖᑦᓱᒪ ᑭᐅᕚ, “ᐊᑕᓂᖅ, ᒎᑎᓯ ᓇᒡᓕᒋᔭᒃᓴᕆᕙᓯ ᐆᒻᒪᑎᑦᓯᓐᓄᑦ ᑕᒤᓐᓄᑦ, ᑕᕐᓂᑦᓯᓐᓄᓪᓗ ᑕᒤᓐᓄᑦ, ᐱᔪᓐᓇᕐᓂᑦᓯᓐᓄᓪᓗ ᑕᒤᓐᓄᑦ, ᐃᓱᒤᓪᓗ ᑕᒫᑦ ᐊᑐᕐᓗᒍ; ᐃᓅᖃᑎᖕᓂᒃ ᐃᓕᒃᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

ᒐᓔᑎᐊᒥᐅᓄᑦ 5:14

ᐱᖁᔭᓕᒫᑦ ᓈᒻᒪᒃᓯᑎᑕᐅᖕᒪᑕ ᐅᖃᐅᓯᕐᒧᑦ ᐊᑕᐅᓯᕐᒧᑦ ᐃᒤᓕᔪᒧᑦ: “ᐃᓅᖃᑎᖕᓂᒃ ᓇᖕᒥᓂᕐᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

ᔪᐊᓇᓯ ᓯᕗᓪᓖᑦ 4:21

ᑖᑦᓱᒪ ᑐᓂᓯᕕᒋᕚᑎᒍᑦ ᐱᖁᔭᒥᒃ, ᐃᒫᒃ ᓇᓪᓕᐊᑦ ᒎᑎᒥᒃ ᓇᒡᓕᒍᓱᒃᑯᓂ ᐃᓅᖃᑎᒥᓂᒃᑕᐅᖅ ᓇᒡᓕᒍᓱᒃᑐᒃᓴᐅᕗᖅ.