ᒫᑯᓯᐅᑉ ᐊᒡᓚᖏᑦ 12:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᔩᓱᓯᐅᑉ ᑭᐅᕚ, “ᐅᓇ ᑕᕝᕙ ᓯᕗᓪᓕᕐᐸᐅᔪᖅ ᐱᖁᔭᓂᑦ, ‘ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ, ᑖᓐᓇ ᐊᑕᓂᑑᕗᖅ.

Aglait Ijjurnaittut

²⁹ Jiisusiup kiuvaa, “Una tavva sivulliqpaujuq piqujanit, ‘Isarialimiungujusi tusarissi! Ataniq Guutivut, taanna Atanituuvuq.

ᒫᑯᓯᐅᑉ ᐊᒡᓚᖏᑦ 12:29 ပူးပေါင်းရင်းမြစ်များ

ᐃᓐᖏᕈᑎᑦ 86:10

ᐊᔪᖏᑦᑐᕐᔪᐊᖑᒐᕕᑦ ᐱᓇᓱᐊᕐᓂᑎᓪᓗ ᐱᐅᔪᐊᓘᓪᓗᑎᒃ, ᐃᕝᕕᑐᐊᑦᓯᐊᖅ ᒎᑎᐅᕗᑎᑦ ᐊᓯᖃᖏᑦᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:26

ᐃᕐᓃᒃ, ᐆᒻᒪᑏᑦ ᐅᕙᓐᓄᑦ ᑐᓂᒍᒃ, ᐃᔨᖕᓄᓪᓗ ᐱᓂᐊᕐᓂᒃᑲ ᐅᑦᔨᕆᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 10:37

“ᓇᓪᓕᐊᑦ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᓐᖏᓚᖅ; ᓇᓪᓕᐊᓪᓗ ᐃᕐᓂᕐᒥᓂᒃ ᐸᓂᖕᒥᓂᒡᓘᓐᓃᑦ ᐅᕙᓐᓂᑦ ᐅᖓᒋᔭᖃᕐᓂᕐᓴᐅᒃᐸᑦ, ᑖᓐᓇ ᐅᕙᓐᓄᑦ ᐃᓚᒋᔭᐅᔪᓐᓇᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 23:9

ᐊᑖᑕᒥᒡᓗ ᑍᓯᔪᒃᓴᐅᓐᖏᓚᓯ ᑕᒫᓂ ᓄᓇᒦᑦᑐᒥᒃ, ᐊᑕᐅᓯᑐᐊᒥᒃ ᐊᑖᑕᖃᕋᑦᓯ ᕿᓚᖕᒦᑦᑐᒥᒃ.

ᓘᑲᓯᐅᑉ ᐊᒡᓚᖏᑦ 10:27

ᑖᑦᓱᒪ ᑭᐅᕚ, “ᐊᑕᓂᖅ, ᒎᑎᓯ ᓇᒡᓕᒋᔭᒃᓴᕆᕙᓯ ᐆᒻᒪᑎᑦᓯᓐᓄᑦ ᑕᒤᓐᓄᑦ, ᑕᕐᓂᑦᓯᓐᓄᓪᓗ ᑕᒤᓐᓄᑦ, ᐱᔪᓐᓇᕐᓂᑦᓯᓐᓄᓪᓗ ᑕᒤᓐᓄᑦ, ᐃᓱᒤᓪᓗ ᑕᒫᑦ ᐊᑐᕐᓗᒍ; ᐃᓅᖃᑎᖕᓂᒃ ᐃᓕᒃᑐᑦ ᓇᒡᓕᒍᓱᒃᑐᒃᓴᐅᕗᑎᑦ.”

ᕉᒪᒥᐅᓄᑦ 3:30

ᒎᑎ ᐊᑕᐅᓯᐅᖕᒪᑦ; ᑭᐱᔭᐅᓯᒪᔪᑦ ᐸᓯᔭᒃᓴᐅᔪᓐᓃᕐᑎᓚᐅᕐᐰᑦ ᐅᒃᐱᕐᓂᒃᑯᑦ ᑭᐱᔭᐅᓯᒪᖏᑦᑐᑦᑕᐅᖅ ᐅᒃᐱᕐᓂᒃᑯᑦ ᑕᒪᑐᒧᖓᑦᓮᓐᓇᖅ ᐸᓯᔭᒃᓴᐅᔪᓐᓃᕐᑎᑕᐅᒋᕗᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:4

ᑍᒤᒻᒪᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓂᕿᒥᒃ ᓂᕆᖃᑦᑕᕐᓂᖅ ᐱᑦᔪᑎᒋᓪᓗᒍ; ᖃᐅᔨᒪᒐᑦᑕ ᒎᑎᓐᖑᐊᑦ ᓱᓇᐅᖏᑦᓯᐊᕐᒪᑕ ᓯᓚᕐᔪᐊᕐᒥ, ᒎᑎᑕᖃᖏᒻᒪᓪᓗ ᒎᑎᑑᔪᑉ ᐊᓯᐊᓂᒃ.

ᒐᓔᑎᐊᒥᐅᓄᑦ 3:20

ᐊᖅᑯᓵᒐᕐᑕᖃᕈᓐᓇᕐᐳᕐᓕ ᐃᓄᖕᒧᑦ ᐊᑕᐅᓯᐅᖏᑦᑐᒧᑦ ᐱᓇᓱᐊᕐᓗᓂ; ᒎᑎᓕ ᐊᑕᐅᓯᐅᕗᖅ ᑍᒤᓕᐅᕐᑐᖅ.

ᒨᓯᓯ ᑕᓪᓕᒪᖏᑦ 10:12

“ᒫᓐᓇᓕ ᐃᓴᕆᐊᓕᒥᐅᖑᔪᓯ, ᓈᓚᓚᐅᕆᑦᓯ ᐊᑕᓂᐅᑉ ᒎᑎᑦᓯ ᐊᑐᕐᑕᐅᖁᔭᖏᓐᓂᒃ ᐃᓕᑦᓯᓐᓄᑦ: ᑖᓐᓇ ᐊᑕᓂᖅ ᑐᒃᓯᐊᕐᕕᒋᔭᒃᓴᕆᕙᓯ ᐱᖁᔭᓕᒫᖏᓪᓗ ᒪᓕᒡᓗᒋᑦ, ᐅᖓᒋᔭᒃᓴᕆᕙᓯ, ᐱᔨᑦᓯᕐᓗᒍᓗ ᐆᒻᒪᒻᒧᑦ ᐃᓗᐃᑦᑐᒧᑦ ᑕᕐᓂᕐᓄᓪᓗ ᐃᓗᐃᑦᑐᒧᑦ,

ᒨᓯᓯ ᑕᓪᓕᒪᖏᑦ 30:6

ᐊᑕᓂᐅᓪᓗ ᒎᑎᑦᓯ ᑐᓂᓯᕕᒋᔪᒫᕐᐹᓯ ᑭᖑᕚᓯᓗ ᐃᓚᒋᓗᒋᑦ ᐆᒻᒪᑎᒥᒃ ᓈᓚᒍᓐᓇᕐᑐᒥᒃ, ᑖᑦᓱᒥᖓ ᐅᖓᒻᒪᕆᓕᖁᓪᓗᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ ᑕᕐᓂᑦᓯᓐᓄᓪᓗ ᐊᑕᖏᕐᑐᒧᑦ, ᑕᒫᓂᓗ ᓄᓇᒋᔭᑦᓯᓐᓂ ᓄᓇᑖᒃᑲᓐᓂᓕᖁᓪᓗᓯ.

ᒨᓯᓯ ᑕᓪᓕᒪᖏᑦ 6:4

“ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ ᐊᑕᓂᑑᕗᖅ.

ᑎᒧᑎᒧᑦ ᓯᕗᓪᓖᑦ 1:5

ᑕᒪᓐᓇ ᐃᓂᕐᑎᕆᑦᔪᑕᐅᖁᔭᕗᑦ ᓇᒡᓕᖕᓂᖅ ᓴᖅᑭᖁᓪᓗᒍ ᐆᒻᒪᑎᒥᑦ ᐃᑦᔪᕐᓁᑦᑐᒥᑦ ᐃᓱᒪᒥᓪᓗ ᐸᓯᔭᒃᓴᐅᓂᖃᖏᑦᑐᒥᑦ ᐱᓯᒪᔪᖅ, ᐅᒃᐱᕐᓂᒥᒡᓗ ᓱᓕᔪᒥᑦ.

ᑎᒧᑎᒧᑦ ᓯᕗᓪᓖᑦ 2:5

ᒎᑎ ᐊᑕᐅᓯᐅᖕᒪᑦ; ᐊᑕᐅᓯᐅᒋᕗᕐᑕᐅᖅ ᐃᓚᒌᓕᕐᑎᑦᓯᔪᖅ ᒎᑎᒥᒃ ᐃᓄᖕᓂᒡᓗ, ᑖᓐᓇᐅᕗᖅ ᙭ᔅᑑᓯ ᔩᓱᓯ ᑎᒥᑖᓚᐅᕐᑐᖅ,

ᔧᒥᓯᐅᑉ ᐊᒡᓚᖏᑦ 2:19

ᐊᑕᐅᓯᕐᒥᒃ ᒎᑎᒥᒃ ᐅᒃᐱᕆᔭᖃᕐᐳᑎᑦ; ᓈᒻᒪᑦᑎᐊᕐᑐᒥᒃ ᐱᕗᑎᑦ. ᐊᓂᕐᓂᕐᓗᐃᑦᑕᐅᖅ ᑍᒫᒃ ᐅᒃᐱᕐᒥᖕᒪᑕ ᓴᔪᒡᓗᑎᒡᓗ.

ᔫᑎᐅᑉ ᐊᒡᓚᖏᑦ 1:25

ᒎᑎᑐᐊᒧᑦ, ᐱᐅᓕᔨᑦᑎᒍᑦ ᔩᓱᓯ ᙭ᔅᑑᓯᒃᑯᑦ ᐊᑕᓂᑦᑎᒍᑦ, ᑖᓐᓇ ᐱᖃᕐᑐᖅ ᓂᕐᑐᕐᑕᐅᓂᕐᒥᒃ, ᐅᐱᒋᔭᐅᓂᕐᒥᒃ, ᐊᖓᔪᖅᑲᐅᓂᕐᒥᒃ, ᐱᔪᓐᓇᕐᓂᕐᒥᒡᓗ, ᓲᕐᓗ ᐱᒋᐊᕐᓂᕐᒥᑦ ᑍᒤᓚᐅᕐᒪᑦ ᑍᒤᒻᒪᓗ ᒫᓐᓇ ᑍᒤᖏᓐᓇᕐᓂᐊᕐᒪᓪᓗ ᐃᓱᖃᖏᑦᑐᒧᑦ. ᐋᒦᓐ.