ᒫᑯᓯᐅᑉ ᐊᒡᓚᖏᑦ 10:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᔩᓱᓯᐅᑉ ᑕᑯᓴᕐᓗᒍ ᓇᒡᓕᒋᓪᓗᓂᐅᒃ ᐅᖃᐅᑎᕚ, “ᐊᑕᐅᓯᕐᒥᒃ ᓱᓕ ᐱᓐᖏᓚᑎᑦ; ᐂᓗᑎᑦ ᐱᖁᑎᖕᓂᒃ ᓂᐅᕐᕈᑎᖃᕆᐊᕐᑐᕆᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᒃᓴᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

Aglait Ijjurnaittut

²¹ Jiisusiup takusarlugu nagligilluniuk uqautivaa, “Atausirmik suli pinngilatit; ailutit piqutingnik niurrutiqariaqturit, kiinaujaqtaatillu ajuqsaqtunut tunirrutigilugit, tavva piksaqatsiarniaqputit qilangmi; atii qailirit, maliglunga.”

ᒫᑯᓯᐅᑉ ᐊᒡᓚᖏᑦ 10:21 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 34:19

ᑖᓐᓇᓗ ᐊᖑᑦ ᐃᓅᓱᒃᑐᖅ ᐱᒋᐊᑦᓴᐅᑎᒋᓚᐅᕐᐳᖅ ᐃᓱᒪᓕᐅᕈᑕᐅᔪᒥᒃ, ᐅᖓᓕᕋᒥ ᔧᑰᑉ ᐸᓂᖓᓂᒃ. ᐅᐱᒋᔭᐅᓂᕐᐹᐅᓕᕐᓗᓂᓗ ᐃᓚᒥᓂᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:23

ᓱᓕᔪᖅ ᓂᐅᕕᐊᕆᒍᒃ, ᓂᐅᕐᕈᑎᒋᓂᐊᕐᓇᒍᓗ; ᓯᓚᑐᓂᕐᓗ ᓂᐅᕕᐊᕆᒍᒃ, ᐃᓕᓐᓂᐊᕐᑎᑕᐅᓂᕐᓗ, ᑐᑭᓯᑦᓯᐊᕐᓂᕐᓗ.

ᒫᑎᐅᓯᐅᑉ ᐊᒡᓚᖏᑦ 16:24

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 19:21

ᔩᓱᓯᐅᑉ ᐅᖃᐅᑎᕚ, “ᓈᒻᒪᑦᓯᐊᕈᒪᒍᕕᑦ, ᐱᖁᑎᓕᒫᑎᑦ ᓂᐅᕐᕈᑎᒋᔭᕐᑐᒃᑭᑦ, ᑮᓇᐅᔭᕐᑖᑎᓪᓗ ᐊᔪᕐᓴᕐᑐᓄᑦ ᑐᓂᕐᕈᑎᒋᓗᒋᑦ, ᑕᕝᕙ ᐱᖁᑎᖃᑦᓯᐊᕐᓂᐊᕐᐳᑎᑦ ᕿᓚᖕᒥ; ᐊᑏ ᕾᓕᕆᑦ, ᒪᓕᒡᓗᖓ.”

ᒫᑯᓯᐅᑉ ᐊᒡᓚᖏᑦ 10:22

ᑖᑦᓱᒪ ᑕᒪᓐᓇ ᑐᓴᕋᒥᐅᒃ ᑮᓇᕐᓕᕐᐳᖅ, ᑕᕝᕙᓐᖓᑦ ᕿᒪᕉᑎᓕᕐᐳᖅ ᕿᒃᓵᒻᒪᕆᒡᓗᓂ; ᐊᔪᕐᓴᖏᑦᑐᕐᔪᐊᖑᒐᒥ.

ᒫᑯᓯᐅᑉ ᐊᒡᓚᖏᑦ 8:34

ᔩᓱᓯ ᐃᓄᖕᓂᒃ ᐃᓕᓐᓂᐊᕐᑎᒥᓂᒡᓗ ᕾᖁᔨᕗᖅ ᐅᖃᐅᑎᓪᓗᒋᑦ, “ᐅᕙᓐᓂᒃ ᒪᓕᒍᒪᔪᖅ, ᐃᒻᒥᓂᒃ ᐃᓱᒪᒋᔪᒃᓴᐅᓐᖏᓚᖅ ᓴᓐᓂᖓᔪᓕᖕᒥᓂᒡᓕ ᐃᕐᓱᒡᓗᓂ ᐅᕙᓐᓂᒃ ᒪᓕᒃᑐᒃᓴᐅᕗᖅ.

ᓘᑲᓯᐅᑉ ᐊᒡᓚᖏᑦ 10:42

ᐊᑕᐅᓯᕐᓕ ᐱᔭᕆᐊᖃᓗᐊᕐᑐᑑᕗᖅ. ᒥᐊᕆ ᐱᐅᓂᕐᓴᒥᒃ ᐱᔪᒪᖕᒪᑦ, ᑖᓐᓇ ᐊᕐᓵᕐᑕᐅᓂᐊᓐᖏᓚᖅ ᑕᒪᑐᒥᖓ.”

ᓘᑲᓯᐅᑉ ᐊᒡᓚᖏᑦ 12:33

ᐱᖁᑎᓯ ᓂᐅᕐᕈᑎᒋᓯᐅᒃ, ᑮᓇᐅᔧᑦ ᑐᓂᓗᒋᑦ ᐊᔪᕐᓴᕐᑐᓄᑦ; ᐴᒃᓴᕐᑖᕆᑦᓯ ᐱᑐᖃᓐᖑᕐᓂᐊᖏᑦᑐᓂᒃ, ᐱᒃᓴᕐᑖᕐᓗᓯᓗ ᕿᓚᖕᒥ ᓄᖑᓐᓂᐊᖏᑦᑐᓂᒃ, ᑎᒡᓕᒃᑎᓄᑦ ᐱᔭᐅᔪᓐᓇᖏᑦᑐᓂᒃ, ᖁᐱᕐᕈᓄᓪᓗ ᖃᓪᓗᓈᕐᑕᓂᒃ ᓂᕆᓲᓄᑦ ᓱᒃᑯᑕᐅᓂᐊᖏᑦᑐᓂᒃ.

ᓘᑲᓯᐅᑉ ᐊᒡᓚᖏᑦ 16:9

“ᐅᖃᐅᑎᕙᑦᓯ, ᐃᓚᓐᓈᖃᕋᓱᐊᕆᑦᓯ ᓯᓚᕐᔪᐊᕐᒥᐅᑦ ᐊᔪᕐᓴᖏᑦᔪᑎᖏᑦ ᐊᑐᕐᓗᒋᑦ, ᐊᔪᕐᓴᓕᕈᑦᓯ ᑐᓐᖓᓱᒃᑎᑕᐅᖁᓪᓗᓯ ᐊᖏᕐᕋᒃᓴᑦᓯᓄᑦ ᐃᓱᖃᖏᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 18:22

ᔩᓱᓯᐅᑉ ᑐᓴᕋᒥᐅᒃ, ᐅᖃᐅᑎᕚ, “ᓱᓕ ᐊᑕᐅᓯᕐᒥᒃ ᐱᓯᒪᓐᖏᓚᑎᑦ. ᐱᖁᑎᓕᒫᑎᑦ ᓂᐅᕐᕈᑎᒋᔭᕐᑐᒃᑭᑦ ᑮᓇᐅᔭᑖᕆᔮᑎᓪᓗ ᑐᓂᐅᖃᐅᑎᒋᓗᒋᑦ ᐊᔪᕐᓴᕐᑐᓄᑦ, ᕿᓚᖕᒥ ᑕᕝᕙ ᐱᖁᑎᖃᑦᓯᐊᕐᓂᐊᕐᐳᑎᑦ; ᕾᓗᑎᑦ ᒪᓕᓐᖓ.”

ᓘᑲᓯᐅᑉ ᐊᒡᓚᖏᑦ 19:41

ᔨᕉᓴᓕᒻ ᖃᒡᓕᓪᓗᒍ ᑕᑯᓐᓇᓕᕋᒥᐅᒃ ᖁᕝᕕᐅᕈᑎᒋᕚ,

ᓘᑲᓯᐅᑉ ᐊᒡᓚᖏᑦ 9:23

ᔩᓱᓯᐅᑉ ᑕᕝᕙᓃᑦᑐᓕᒫᑦ ᐅᖃᐅᑎᕔᑦ, “ᐅᕙᓐᓂᒃ ᒪᓕᒍᒪᔪᖃᕐᐸᑦ, ᐃᓱᒪᒥᓂᒃ ᐃᓅᔪᒪᔪᒃᓴᐅᓐᖏᓚᖅ, ᓴᓐᓂᖓᔪᓕᒃᓴᒥᓂᒃ ᖃᐅᑕᒫᑦ ᐊᒡᔭᕐᓯᔪᒃᓴᐅᕗᖅ ᒪᓕᒡᓗᖓᓗ.

ᔪᐊᓇᓯᐅᑉ ᐊᒡᓚᖏᑦ 12:26

ᓇᓪᓕᐊᑦ ᐅᕙᓐᓂᒃ ᐱᔨᑦᓯᕐᑐᖅ, ᐅᕙᓐᓂᒃ ᒪᓕᒃᑐᒃᓴᐅᕗᖅ; ᓇᔪᒐᓐᓂᓗ, ᓇᔫᑎᔪᒃᓴᐅᕗᖅ; ᐅᕙᓐᓂᒃ ᐱᔨᑦᓯᕐᓂᐊᕐᑐᖅ, ᐊᑖᑕᒪ ᓂᕐᑐᕐᓇᕐᑎᑦᓱᒫᕐᐹ.”

ᔪᐊᓇᓯᐅᑉ ᐊᒡᓚᖏᑦ 16:33

ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:45

ᐱᖁᑎᑎᒃ ᓄᓇᖁᑎᑎᒡᓗ ᓂᐅᑦᕈᑎᒋᓚᐅᕐᐰᑦ ᐊᑭᖏᑦ ᐅᒃᐱᕐᑐᓕᒫᓄᑦ ᑐᓂᐅᖅᑲᐅᑎᒋᓪᓗᒋᑦ, ᐱᔭᕆᐊᖃᕐᓂᖏᑦ ᒪᓕᒡᓗᒋᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:15

ᖁᕕᐊᓱᒃᑲᔭᕐᐳᖓ ᓇᖕᒥᓂᖅ ᑐᓂᑦᔪᑎᒋᒍᒪ ᓱᓇᓕᒫᓐᓂᒡᓗ ᑕᕐᓂᓯ ᐱᑦᔪᑎᒋᓗᒋᑦ. ᓇᒡᓕᒋᖏᓐᓂᕐᓴᕆᒐᔭᕐᐱᓯᓐᖔ? ᓇᒡᓕᒋᓂᕐᓴᕆᒍᑦᓯ.

ᑎᒧᑎᒧᑦ ᐂᑉᐸᖏᑦ 3:12

ᐅᒃᐱᑦᓯᐊᕐᑑᔪᒪᔪᓕᒫᑦ ᙭ᔅᑑᓯ ᔩᓱᓯᒥ ᐊᑭᕋᕐᑐᕐᑕᐅᓂᐊᕐᒪᑕ,

ᐄᑉᕈᐃᓄᑦ 10:34

ᐃᓚᑦᓱᒍᓱᓚᐅᕐᐳᓯᓗ ᑎᒍᔭᐅᓯᒪᕕᖕᒦᑦᑐᓂᒃ, ᐱᖁᑎᑦᓯᓐᓂᒡᓗ ᐊᕐᓵᕐᑕᐅᒐᓗᐊᕋᑦᓯ ᖁᕕᐊᓱᒡᓗᓯ ᐊᑐᕈᓐᓇᓚᐅᕐᐸᓯ, ᖃᐅᔨᒪᒐᑦᓯ ᓇᖕᒥᓂᖅ ᐱᖁᑎᖃᕋᑦᓯ ᐱᐅᓂᕐᓴᒥᒃ ᓄᖑᓐᓂᐊᖏᑦᑐᒥᒡᓗ.

ᔧᒥᓯᐅᑉ ᐊᒡᓚᖏᑦ 2:10

ᑭᓇᑐᐃᓐᓇᖅ ᐱᖁᔭᓂᒃ ᑕᒤᓐᓂᒃ ᒪᓕᑦᓯᐊᕐᑑᑉ ᐊᑕᐅᓯᕐᓕ ᒪᓕᖏᒃᑯᓂᐅᒃ ᑕᕝᕙ ᐱᖁᔭᑦ ᑕᒪᕐᒥᒃ ᐸᓯᔭᒃᓴᐅᑦᔪᑎᒋᕔᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:14

ᐅᓄᖏᑦᑑᒐᓗᐊᓂᒡᓕ ᓈᒻᒪᒃᓴᖏᑦᔪᑎᒃᓴᖃᕐᐳᖓ ᐃᓕᖕᓄᑦ: ᓇᔪᕐᑕᕐᓂ ᒪᓕᒃᑐᕐᑕᖃᕐᒪᑦ ᐸᓛᒻᒥᐅᑉ ᐊᔪᕆᕐᑑᓯᖏᓐᓂᒃ, ᑖᓐᓇ ᐹᓚᒃ ᐊᔪᕆᕐᑐᐃᓚᐅᕐᒪᑦ ᐃᓴᕆᐊᓕᒥᐅᓂᒃ ᐊᒡᕕᐊᕈᑎᒃᓴᓕᐅᕆᓪᓗᓂ, ᓂᕆᑎᓪᓗᒋᑦ ᒎᑎᓐᖑᐊᓄᑦ ᑐᓂᕐᕈᑕᐅᔪᕕᓂᕐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓪᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:20

ᓈᒻᒪᒃᓴᖏᑦᔪᑎᖃᕐᐳᖓᓕ ᐃᓕᖕᓄᑦ ᐃᒤᑦᑐᒥᒃ, ᐊᕐᓇᖅ ᔨᓴᐱᐊᓕ ᓱᖁᑎᒋᓐᖏᓐᓇᕕᐅᒃ, ᓇᓚᐅᑦᑍᔫᓂᕋᕐᑎᓪᓗᒍ ᐊᔪᕆᕐᑐᐃᓂᕐᒥᒍᑦ ᑕᒻᒪᕐᑎᑦᓯᓕᕐᒪᑦ ᐱᔨᓐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᓪᓗᓂᒋᑦ ᓂᕆᑎᑦᓯᕙᒡᓗᓂᓗ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:4

ᐆᒥᖓᓕ ᓈᒻᒪᒃᓴᖏᑦᔪᑎᖃᕐᐳᖓ ᐃᓕᖕᓄᑦ, ᓯᕗᓪᓕᕐᒥᒃ ᓇᒡᓕᖕᓂᕆᓚᐅᕐᑕᕐᑐᑦ ᓇᒡᓕᖕᓂᖃᕈᓐᓃᕋᕕᑦ.