ᒤᑲᐅᑉ ᐊᒡᓚᖏᑦ 7:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᕐᒧᑦ ᐱᐅᖏᑦᑐᓕᓚᐅᕋᒪ, ᕿᓄᐃᓵᕐᓗᖓ ᐊᑐᕈᒪᕙᕋ ᐊᑕᓂᐅᑉ ᓂᓐᖓᐅᓯᖓ, ᕿᓄᑦᔪᑎᒋᔭᓐᓂᒃ ᐋᖅᑭᒃᓯᓚᐅᖅᑳᕐᑎᓐᓇᒍ ᐃᓱᐊᕐᓯᑎᓪᓗᖓᓗ, ᖃᐅᒪᓂᕐᒧᐊᕈᑎᓂᐊᕐᐹᖓ ᖃᐅᔨᓗᒍᓗ ᐃᓱᐊᕐᓂᖓ.

ᒤᑲᐅᑉ ᐊᒡᓚᖏᑦ 7:9 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᐃᓐᖏᕈᑎᑦ 37:6

ᐃᓱᐊᕐᑐᓕᓃᑦ ᑕᕝᕙ ᐅᓪᓛᑉ ᖃᐅᓕᕐᓂᖓᑐᑦ ᖃᐅᒻᒪᒃᑎᓐᓂᐊᕐᐹ, ᐃᖅᑲᕐᑐᐃᑦᓯᐊᕐᓃᓪᓗ ᐅᓪᓗᓪᓗᐊᑉ ᖃᐅᒪᑦᓯᐊᕐᓂᖓᑐᑦ.

ᓴᒧᐃᓕ ᓯᕗᓪᓖᑦ 24:15

ᑍᒤᒻᒪᑦ ᐊᑕᓂᖅ ᐃᖅᑲᕐᑐᐃᓕᕐᓕ, ᓇᓗᓁᕐᓯᓗᓂᓗ ᓇᓕᕐᐳᒃ ᐸᓯᔭᒃᓴᐅᖕᒪᖔᑦ, ᑕᑯᓕᕐᓕ ᐱᓂᐊᕐᓂᑦᑎᓐᓂᒃ, ᖃᐅᔨᓴᕐᓗᖓ, ᐱᐅᓕᓗᖓᓗ ᐊᒡᒐᖕᓂᑦ.”

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᒪᓚᑬᑉ ᐊᒡᓚᖏᑦ 3:18

ᑕᕝᕙ ᑭᖑᓂᐊᒍᑦ ᖃᐅᔨᓕᕈᒫᕐᐳᓯ ᐃᓱᐊᕐᑐᓂᒃ ᐱᐅᖏᑦᑐᓂᒡᓗ, ᒎᑎᒥᒡᓗ ᐱᔨᑦᓯᕐᑐᑦ ᐱᔨᑦᓯᖏᑦᑐᓪᓗ ᐊᑦᔨᒌᖏᓐᓂᖏᓐᓂᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᐂᓮᐊᓯᐅᑉ ᐊᒡᓚᖏᑦ 46:13

ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”

ᐃᓐᖏᕈᑎᑦ 43:1

ᒎᑏ, ᐊᑭᓂᐊᕈᑎᓚᐅᓐᖓ, ᐃᓅᖃᑎᒌᒡᔪᐊᓄᓪᓗ ᒎᑎᖃᖏᑦᑐᓄᑦ ᐱᓂᐊᕐᓂᓐᓂᒃ ᐅᖃᓪᓚᒍᑎᓗᖓ; ᓴᐳᑎᓗᖓᓗ ᐃᓄᖕᓂᑦ ᐅᐃᕕᕆᒃᓯᔪᓂᑦ ᓱᓕᖏᑦᑐᓂᒡᓗ ᐱᓂᐊᕐᓂᖃᕐᑐᓂᑦ.

ᐃᓐᖏᕈᑎᑦ 7:6

ᐊᑕᓃᖅ, ᓂᓐᖓᐅᒪᓂᕐᒥᑦ ᒪᑭᓕᕆᑦ, ᐃᓕᖕᓂᒃ ᒪᑭᑎᓕᕆᑦ ᐊᑭᕋᕐᑐᕐᑎᒪ ᓂᓐᖓᐅᒪᓂᖏᑦ ᐱᑦᔪᑎᒋᓪᓗᒋᑦ. ᒪᑭᓕᕆᑦ, ᐅᕙᖓ ᐱᓪᓗᖓ ᐃᖅᑲᕐᑐᐃᖁᓪᓗᑎᑦ ᐱᖁᔨᓯᒪᒐᕕᑦ.

ᔫᐱᐅᑉ ᐊᒡᓚᖏᑦ 23:10

ᒎᑎᐅᓪᓕ ᐊᓪᓗᕐᓂᓕᒫᒃᑲ ᖃᐅᔨᒪᕔᑦ; ᐆᒃᑐᕋᕐᓯᒪᓕᕋᒥᖓ, ᒎᓗᑎᑐᑦ ᑍᒤᑎᓐᓂᐊᓕᕐᐹᖓ.

ᓴᒧᐃᓕ ᐂᑉᐸᖏᑦ 24:17

ᑍᕕᑎᐅᓪᓕ ᐂᖏᓕ ᐃᓄᖕᓂᒃ ᑐᖁᕅᔪᖅ ᑕᑯᒐᒥᐅᒃ, ᐊᑕᓂᕐᒧᑦ ᐅᖃᕐᐳᖅ, “ᐅᕙᖓ ᐊᔪᕐᑐᓕᓯᒪᕗᖓ, ᐅᕙᖓ ᐱᐅᖏᑦᑐᓕᓚᐅᕐᐳᖓ; ᐅᑯᐊᓕ ᐃᓄᐃᑦ ᖃᓄᐃᓕᐅᓚᐅᕐᐹ? ᑐᒃᓯᐊᕐᕕᒋᕙᒋᑦ ᐅᕙᓐᓂᒃ ᐃᓚᓐᓂᒡᓗ ᓱᒋᐊᕐᓯᖔᕐᑐᒃᓴᐅᕗᑎᑦ.”

ᓴᒧᐃᓕ ᓯᕗᓪᓖᑦ 26:10

ᑍᕕᑎᓗ ᐅᖃᕆᐊᓪᓚᒃᐳᖅ, “ᐊᑕᓂᖅ ᐆᒪᖕᒪᑦ, ᑲᐅᔨᒪᕗᖓ ᐊᑕᓂᐅᑉ ᓇᖕᒥᓂᖅ ᑐᖁᓛᕐᒪᒍ; ᐅᕝᕙᓗ ᑐᖁᕕᒃᓴᖓ ᓇᓪᓕᐅᑎᒃᐸᑦ; ᐅᕝᕙᓗ ᐅᓇᑕᕐᓂᒃᑯᑦ ᑐᖁᔪᒫᕐᐳᖅ.

ᓴᒧᐃᓕ ᓯᕗᓪᓖᑦ 25:39

ᑍᕕᑎᓕ ᑐᓴᕋᒥ ᓁᐳᓕᐅᑉ ᑐᖁᓂᖓᓂᒃ, ᐅᖃᕐᐳᖅ, “ᐊᑕᓂᖅ ᓂᕐᑐᕐᑕᐅᓕ ᐊᑭᒋᐊᓚᐅᕐᒪᑦ ᓁᐳᓪᒥᒃ, ᐅᕙᓐᓂᒃ ᒥᑕᐅᑎᖃᕐᓂᖓ ᐱᓪᓗᒍ, ᑕᒻᒪᕐᓂᕐᒥᓪᓗ ᓴᐳᑎᓚᐅᕐᒪᖓ; ᐊᑕᓂᐅᑉ ᓱᒋᐊᓚᐅᕐᐹ ᓁᐳᓪ ᐱᐅᖏᑦᑐᒥᒃ ᐱᓂᐊᓚᐅᕐᓂᖓ ᐱᓪᓗᒍ.” ᑍᕕᑎᓗ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᓄᓕᐊᕐᑖᕈᒪᓪᓗᓂ ᐊᐱᒊᓕᒥᒃ.

ᓴᒧᐃᓕ ᓯᕗᓪᓖᑦ 3:18

ᑍᒤᒻᒪᑦ ᓴᒧᐃᓕᐅᑉ ᐅᖃᐅᑎᓚᐅᕐᐹ ᐅᖃᐅᑎᔭᐅᑦᔪᑎᓕᒫᒥᓂᒃ ᓇᓪᓕᐊᓐᓂᒡᓘᓐᓃᑦ ᐅᖃᕐᑍᓕᒪᓇᓂ. ᐃᓔᓗ ᐅᖃᕐᐳᖅ, “ᐊᑕᓂᐅᕗᖅ; ᑖᑦᓱᒪ ᐱᐅᓂᕐᐹᖑᔪᕆᔭᓂ ᐊᑐᕐᓂᐊᕐᐹ.”

ᒨᓯᓯ ᐱᖓᔪᖏᑦ 26:41

ᑖᒃᑯᓂᖓ ᐊᑭᕋᕐᑐᓕᕈᑎᒋᓚᐅᕐᑕᓐᓂᒃ, ᐊᐅᓪᓚᕐᑎᑦᓯᑦᔪᑎᒋᓚᐅᕐᑕᓐᓂᒡᓗ ᐊᑭᕋᖏᑕ ᓄᓇᖏᓐᓄᑦ, ᑍᒫᒃ ᑭᖑᕚᓯ ᐃᒻᒥᖕᓂᒃ ᒥᑭᒡᓕᑎᕐᐸᑕ ᑕᕝᕙ ᐊᑭᓖᒐᔭᕐᐳᑦ ᐊᔪᕐᓂᕐᒥᖕᓄᑦ ᓱᒋᐊᕐᑕᐅᑦᔪᑎᒥᖕᓂᒃ ᐊᑭᕋᕐᑐᕐᓂᕐᒥᖕᓂᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:18

ᐊᑕᓂᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᐳᖅ, ᐊᑭᕋᕐᑐᓕᓚᐅᕋᒃᑭᑦ ᐱᖁᔭᖏᑦ ᑐᓴᕐᑕᐅᔪᒪᓕᕐᐳᖓ ᐃᓄᖕᓄᑦ ᐋᓐᓂᐊᓂᒃᑲ ᑕᑯᔭᐅᖁᓪᓗᒋᑦ. ᐃᓅᓱᒃᑐᖁᑎᒃᑲ ᐅᐃᒡᒐᓱᖁᑎᒃᑲᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᓯᒪᖕᒪᑕ.

ᐃᓐᖏᕈᑎᑦ 94:15

ᓈᒻᒪᓈᕐᑐᒥᒃ ᐱᓇᓱᐊᕐᕕᐅᓂᖅ ᐅᑎᕐᓂᐊᕐᐳᖅ ᐃᓱᐊᕐᑐᓕᔪᓄᑦ, ᐆᒻᒪᑎᒥᒍᓪᓗ ᐃᓱᐊᕐᑐᓕᔪᓕᒫᑦ ᑕᒪᑐᒥᖓ ᒪᓕᖕᓂᐊᕐᐳᑦ.

ᐃᓐᖏᕈᑎᑦ 119:154

ᓵᓐᖓᔭᐅᑦᔪᑎᒃᓴᕆᔭᕋ ᐲᕐᑎᓪᓗᒍ ᓴᐳᑎᓚᐅᓐᖓ; ᐃᓅᓯᕐᒥᒃ ᑐᓂᓚᐅᓐᖓ ᐊᖏᕈᑎᒋᓯᒪᔧᑦ ᒪᓕᒡᓗᒍ.

ᐂᓮᐊᓯᐅᑉ ᐊᒡᓚᖏᑦ 42:7

ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᖁᓪᓗᑎᑦ, ᑎᒍᔭᐅᓯᒪᔪᓂᒃ ᐊᓂᑎᑦᓯᖁᓪᓗᑎᑦ ᑎᒍᔭᐅᓯᒪᕕᖕᒥᑦ, ᑎᒍᔭᐅᓯᒪᕕᐅᓪᓗ ᑖᕐᓂᕐᐹᖓᓃᑦᑐᓂᒃ ᐊᓂᑎᑦᓯᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 56:1

ᐃᒫᒃ ᐊᑕᓂᖅ ᐅᖃᕐᐳᖅ: “ᐊᑦᔨᒌᒃᑎᑦᓯᓂᖅ ᐊᑐᕐᑕᐅᓕ, ᓇᓛᒎᕐᑐᒥᒡᓗ ᐱᓇᓱᐊᕐᓗᓯ, ᐱᐅᓕᒃᓯᓂᒃᓴᕋ ᖃᓂᑦᑑᓕᕐᒪᑦ, ᓴᐳᑦᔨᓂᕋᓗ ᓴᖅᑭᑎᓐᓂᐊᓕᕋᒃᑯ.

ᔨᕆᒤᐊᐅᑉ ᐊᒡᓚᖏᑦ 10:19

ᐅᖃᕐᓂᐊᕐᐳᖅ, “ᑲᑉᐱᐊᓐᓇᒦᒃ ᐊᖏᔪᒥᒃ ᐋᓐᓂᕐᓯᒪᔪᖓ! ᐃᑭᓕᕐᑕᐅᓂᒃᑲ ᒪᒥᑦᑐᓐᓁᓪᓕᕗᑦ. ᐃᓱᒪᓂᐊᕆᕗᓪᓕ, ‘ᐋᓂᐊᕆᒐᒃᑯ ᓇᖕᒥᓂᖅ ᕿᓄᐃᓵᕈᑎᒋᔭᕆᐊᖃᕐᐸᕋ.’

ᔨᕆᒤᐊᐅᑉ ᐊᒡᓚᖏᑦ 51:10

“ᐊᑕᓂᐅᑉ ᓮᒻᒪᐅᑎᓯᒪᖕᒪᑎᒍᑦ, ᕾᒋᑦᓯ, ᐅᖃᐅᓯᕆᓚᕗᑦ ᓮᐅᓂᒥ ᐊᑕᓂᐅᑉ ᒎᑎᑦᑕ ᐱᓂᐊᕐᓂᕆᔭᖏᑦ.

ᔫᐱᐅᑉ ᐊᒡᓚᖏᑦ 35:14

ᐅᖃᕋᓗᐊᕐᑐᑎᑦ ᒎᑎ ᑕᑯᔪᓐᓇᖏᓐᓂᕋᕐᓗᒍ, ᓱᓕᓕ ᑕᒪᓐᓇ ᑖᑦᓱᒪ ᓵᖓᓃᑉᐳᖅ, ᕿᓄᐃᓵᕐᓗᑎᑦ ᐅᑕᖅᑭᑦᓯᐊᑐᐃᓐᓇᕈᒃ.

ᐂᓮᐊᓯᐅᑉ ᐊᒡᓚᖏᑦ 51:22

ᐊᑕᓂᓯ ᐃᒫᒃ ᐅᖃᕐᐳᖅ, ᑖᓐᓇ ᐊᑕᓂᖅ ᒎᑎᓯ, ᓯᕐᓈᕐᑐᖅ ᐃᓄᖁᑎᒥᓂᒃ: “ᑕᑯᒋᑦᓯ ᐃᒥᐅᑦ ᐅᕐᕈᔮᕈᑎᒋᓚᐅᕐᑕᓯ ᐲᕐᐸᕋ ᐊᒡᒐᑦᓯᓐᓂᑦ, ᐃᒥᐅᑦ ᐃᒪᖃᓚᐅᕐᑐᖅ ᓂᓐᖓᐅᒪᓂᓐᓂᒃ, ᑕᕝᕙᓐᖓᑦ ᐃᒥᒃᑲᓐᓂᕐᓂᐊᕈᓐᓃᕐᐳᓯ.

ᔨᕆᒤᐊᐅᑉ ᐊᒡᓚᖏᑦ 14:7

ᐊᔪᕐᑐᓕᓂᕗᑦ ᐸᓯᔭᒃᓴᐅᑦᔪᑎᒋᒐᓗᐊᕐᐸᕗᑦ, ᐊᑕᓃᕐᓕ, ᐃᑲᔪᕐᑎᒍᑦ ᐊᑏᑦ ᐱᑦᔪᑎᒋᓗᒍ; ᑲᑕᒃᓯᒪᓂᕗᑦ ᐊᖏᔫᖕᒪᑦ, ᐃᓕᖕᓄᑦ ᐊᔪᕐᑐᓕᓚᐅᕋᑦᑕ.