ᒤᑲᐅᑉ ᐊᒡᓚᖏᑦ 7:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐅᓪᓗᖅ ᑎᑭᑦᓱᒫᕐᐳᖅ ᐊᕙᓗᕐᔪᐊᓕᐅᕐᕕᒃᓴᓯ, ᐅᓪᓗᕐᓗ ᑎᑭᑦᓱᒫᕐᐳᖅ ᓄᓇᖁᑎᓯ ᐊᖏᒡᓕᒋᐊᕐᑕᐅᕕᒃᓴᖓ.

ᒤᑲᐅᑉ ᐊᒡᓚᖏᑦ 7:11 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 2:8

ᐊᓴᐸᒧᓪᓗ ᑎᑎᕋᖁᒋᕙᒋᑦ, ᐊᖓᔪᖅᑳᕐᔪᐊᑉ ᓇᐹᕐᑐᓕᕆᔨᖁᑎᖓᓄᑦ, ᑖᑦᓱᒧᖓ ᕿᔪᖕᓂᒃ ᐃᑎᕐᑕᕐᕕᐅᑉ ᓴᐅᓂᒃᓴᖏᓐᓂᒃ ᑐᓂᓯᕕᐅᔪᓐᓇᖁᓪᓗᖓ ᑐᒃᓯᐊᕐᕕᒃᔪᐊᑉ ᐊᕙᓗᕐᔪᐊᖓᑕ ᑲᒪᔨᖃᕐᕕᒃᓴᖏᓐᓄᑦ, ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᓴᐅᓂᒃᓴᖏᓐᓂᒃ, ᐃᒡᓗᒋᒐᔭᕐᑕᒪᓗ ᓴᐅᓂᒃᓴᖏᓐᓂᒃ.” ᐊᖓᔪᖅᑳᕐᔪᐊᓪᓗ ᐱᔪᒪᔭᓐᓂᒃ ᑐᓂᓯᕕᒋᓚᐅᕐᐹᖓ, ᒎᑎᒪ ᐱᔪᓐᓇᕐᓂᖓᑕ ᓇᔪᓚᐅᕐᒪᖓ.

ᐂᓮᐊᓯᐅᑉ ᐊᒡᓚᖏᑦ 54:11

ᐋᓐᓂᐊᑎᑕᐅᔪᓯ, ᐊᖅᑯᓇᕐᒧᓪᓗ ᐃᒋᑕᐅᖃᑦᑕᕐᑐᓯ, ᐃᑲᔪᕐᑕᐅᓇᓯᓗ, ᑕᑯᒋᑦ, ᐃᓕᐅᕋᕐᓂᐊᕐᐸᑦᓯ ᐅᔭᖅᑲᓄᑦ ᐱᐅᔪᓄᑦ, ᑐᓐᖓᕕᓕᐅᕐᓗᓯᓗ ᐅᔭᕋᖕᓄᑦ ᑕᑯᒥᓇᕐᑐᕐᔪᐊᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 4:6

ᑲᔪᓯᓚᐅᕐᐳᒍᓪᓕ ᓴᓇᔭᑦᑎᓐᓂᒃ ᐊᕙᓗᕐᔪᐊᕐᒥᒃ, ᐊᑯᓂᐅᓗᐊᖏᑦᑐᕐᓗ ᐊᕝᕙᕈᓚᐅᕐᐹᑦ ᐳᕐᑐᓂᖓ, ᐃᓄᐃᑦ ᑲᑦᓱᖎᒻᒪᕆᓚᐅᕐᒪᑕ ᓴᓇᔭᒥᖕᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 4:3

ᑐᐱᐊᓕ ᐊᒧᓁᑎᒥᐅᖅ ᓇᖏᕐᐳᖅ ᑖᑦᓱᒪ ᓴᓂᐊᓂ, ᐅᖃᕐᓗᓂᓗ, “ᖃᓄᐃᑦᑐᒥᒃ ᐊᑭᓐᓇᓕᐅᕈᓐᓇᕐᐹᑦ? ᓴᓇᔭᖏᑦ ᑎᕆᒐᓂᐊᒧᓪᓘᓐᓃᑦ ᒪᔪᕐᕕᐅᒍᑎᒃ ᐅᕐᕈᑎᑕᐅᔪᓐᓇᕐᑐᑦ!”

ᓂᕼᐃᒤᐊᐅᑉ ᐊᒡᓚᖏᑦ 2:17

ᑭᖑᓂᖓᒍᓪᓕ ᐅᖃᐅᑎᓕᕐᐸᒃᑲ, “ᖃᐅᔨᒪᕗᓯ ᖃᓄᖅ ᐊᑲᐅᖏᑦᑐᒦᑎᒋᖕᒪᖔᑦᑕ, ᔨᕉᓴᓕᒻᓗ ᓯᖁᑦᑎᕐᑕᐅᓯᒪᓪᓗᓂ ᐃᑎᕐᑕᕐᕕᖏᓪᓗ ᐃᑯᐊᓚᓂᑰᓪᓗᑎᒃ. ᕾᓗᓯ ᔨᕉᓴᓕᐅᑉ ᐊᕙᓗᕐᔪᐊᖓ ᓴᓇᓚᐅᕐᓚᕗᑦ, ᓱᓇᐅᖏᓐᓂᕋᕐᑕᐅᓂᐊᓗᖕᒧᑦ ᐅᖁᒤᒃᓴᐅᑎᖃᕐᓂᐊᕈᓐᓁᕋᑦᑕ.”

ᑖᓂᐊᓕᐅᑉ ᐊᒡᓚᖏᑦ 9:25

ᐅᓇ ᖃᐅᔨᒍᒃ ᑐᑭᓯᑦᓯᐊᕐᓗᒍᓗ; ᐱᖁᔨᓂᖅ ᔨᕉᓴᓕᐅᑉ ᓴᓇᔭᐅᒃᑲᓐᓂᕐᓂᒃᓴᖓᓂᒃ ᐅᑎᕐᑎᑕᐅᑦᓯᐊᕐᓂᖓᓂᒡᓗ, ᐱᔪᒫᕐᐳᖅ ᐅᕐᓱᒧᑦ ᒥᖑᐊᕐᑕᐅᓯᒪᔪᖅ ᐊᐅᓚᑦᓯᔨ ᑎᑭᑉᐸᑦ, ᑭᖑᓂᖓᓂ ᓇᓪᓕᐅᓐᓃᑦ 7ᐃᑦ 7ᐃᕐᑐᕐᓗᒋᑦ. ᐊᒻᒪᓗ ᓇᓪᓕᐅᓐᓃᑦ 62 7ᐃᕐᑐᕐᓗᒋᑦ, ᐃᒡᓗᒐᓮᑦ ᓴᓇᔭᐅᒃᑲᓐᓂᕈᒫᕐᐳᑦ, ᐊᑐᕆᐊᖏᓪᓗ, ᑰᒃᕖᓪᓗ, ᑲᑉᐱᐊᓇᕐᑐᑦ ᓇᓪᓕᐅᑎᓯᒪᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 54:2

“ᑐᐲᑦ ᓂᕈᑦᑐᕆᐊᓕᕈᒃ, ᑐᐱᕐᐱᑦ ᓴᓂᕋᖏᑦ ᐅᖓᕙᕆᐊᓕᒃᑭᒃ; ᐱᐅᕐᓱᐊᖏᓪᓗᑎᑦ ᑐᐱᒃᓴᒥᒃ, ᓄᖃᕈᑎᑎᓪᓗ ᑕᑭᓕᒋᐊᕐᓗᒋᑦ ᐸᐅᒍᐊᖏᓪᓗ ᐊᑦᑕᕐᓁᓕᒋᐊᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 58:12

ᐃᒡᓗᒐᓴᒡᔪᐊᕕᓂᓯ ᓯᖁᑦᑎᕐᓯᒪᔪᑐᕾᑦ ᓇᑉᐸᕐᑎᕐᑕᐅᒃᑲᓐᓂᕈᒫᕐᐳᑦ; ᑐᓐᖓᕕᓕᐅᕐᓗᓯᓗ ᑭᖑᕚᑦᓯᓐᓄᑦ ᑭᖑᓕᕇᓄᑦ ᐅᓄᕐᑐᓄᑦ ᐱᒋᔭᐅᔪᒃᓴᓂᒃ; ᑍᔭᐅᓕᕈᒫᕐᐳᓯ ᐋᖅᑭᒃᓱᐃᔨᓂᒃ ᓯᖁᒥᓯᒪᓚᐅᕐᑐᓂᒃ, ᐊᖅᑯᑎᓂᒡᓗ ᐋᖅᑭᒃᓱᐃᔨᐅᓂᕋᕐᑕᐅᓗᓯ ᐊᑐᕐᑕᐅᔪᒃᓴᓂᒃ.”

ᐂᓮᐊᓯᐅᑉ ᐊᒡᓚᖏᑦ 61:4

ᐃᒡᓗᒐᓴᒡᔪᐊᓂᒃ ᓴᓇᓕᕈᒫᕐᐳᑦ ᐊᑯᓂ ᓯᖁᑦᑎᕐᓯᒪᓕᓚᐅᕐᑐᓂᒃ, ᒪᑭᑎᑦᓯᔪᒫᕐᓗᑎᒡᓗ ᐅᕐᕈᑎᑕᐅᓯᒪᔪᑐᖃᕐᓂᒃ; ᐃᒡᓗᒐᓴᒡᔪᐊᓪᓗ ᓄᑕᐅᓯᓕᕈᒫᕐᐰᑦ ᓯᖁᑦᑎᕐᓯᒪᔪᑦ, ᓯᖁᑦᑎᕐᓯᒪᓚᐅᕐᑐᑦ ᑭᖑᕚᕇᒐᓴᒡᔪᐊᓂ ᐅᓄᕐᑐᓂ.