12 ᐊᖓᒃᑯᖁᑎᓯ ᐊᓯᕈᕈᒫᕐᐸᒃᑲ, ᓯᕗᓂᒃᓴᒧᓪᓗ ᓇᓚᐅᑦᑍᔨᒃᓴᖃᕈᓐᓁᕐᓗᓯ.
ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.
ᐅᓪᓗᒥ ᑖᑦᓱᒪᓂ ᐃᓄᐃᑦ ᐃᒋᐅᖅᑬᓕᕈᒫᕐᐳᑦ ᒎᑎᓐᖑᐊᒥᖕᓂᒃ ᓯᐅᓪᕕᕆᓂᒃ ᒎᑎᓐᖑᐊᒥᖕᓂᒡᓗ ᒎᓗᓂᒃ, ᓇᖕᒥᓂᖅ ᓴᓇᓚᐅᕐᑕᒥᖕᓄᑦ ᑐᒃᓯᐊᕐᕕᒋᖃᑦᑕᕈᒪᓪᓗᒋᑦ, ᐃᒋᑦᓯᔪᒫᕐᐳᑦ ᓄᓇᐅᑉ ᐃᓗᐊᓂᒥᐅᑕᕐᓄᑦ ᐊᕕᓐᖓᐅᔮᕐᑐᓄᑦ ᐊᕕᓐᖓᐅᔮᕐᑐᓄᓪᓗ ᐃᓴᕈᓕᖕᓄᑦ.
ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.
ᒎᑎᓐᖑᐊᓪᓗ ᐊᑕᖏᑦᓯᐊᕐᓗᑎᒃ ᐱᑕᖃᕈᓐᓃᕈᒫᕐᐳᑦ.
ᑍᒤᒻᒪᑦ ᑕᒪᑐᒧᖓ ᔧᑰᑉ ᐊᔪᕐᑐᓕᓯᒪᓂᖏᑦ ᐃᓱᒪᒋᔪᓐᓁᕐᑕᐅᔪᓐᓇᕐᓯᔪᒫᕐᐳᑦ, ᑭᓯᐊᓂ ᐅᒃᐱᖏᑦᑐᑦ ᒎᑎᓐᖑᐊᖏᑦ ᐅᔭᕋᖕᓂᑦ ᓴᓇᓯᒪᔪᑦ ᓯᖃᓪᓕᔭᐅᓗᑎᒃ ᓱᓇᐅᔪᓐᓃᕐᑎᑕᐅᒃᐸᑕ. ᒎᑎᓐᖑᐊᒧᑦ ᐊᓯᕋᒧᑦ ᑐᒃᓯᐊᕐᓗᑎᒃ ᐳᔫᕐᑎᑦᓯᑦᔪᑎᐅᖃᑦᑕᕐᑐᑦ ᐊᑐᕐᑕᐅᔪᓐᓃᕐᐸᑕ.
“ᐃᓅᖃᑎᒌᒡᔪᐊᑦ, ᓄᓁᕐᓂᐊᓕᕐᑕᓯ, ᓈᓚᖃᑦᑕᓚᐅᕐᒪᑕ ᓯᕗᓂᒃᓴᒥᒃ ᓇᓚᐅᑦᑍᓇᓱᐊᖃᑦᑕᕐᑐᓂᒃ ᓇᓚᐅᑦᑍᑦᔪᑎᖃᕋᓱᒃᑐᓂᒡᓗ; ᐃᓕᑦᓯᓕ, ᐊᑕᓂᐅᑉ ᒎᑎᑦᓯ ᑕᒪᒃᑯᓂᖓ ᐊᑐᖁᓐᖏᓛᓯ.
ᐊᒥᐊᒃᑯᖓᓂᒡᓗ ᒎᑎᓕᐅᕐᐳᖅ, ᓴᓇᓪᓗᓂ ᐃᓄᓐᖑᐊᓕᐅᕐᐳᖅ. ᐅᑯᕕᒋᓪᓗᒍᓗ ᑐᒃᓯᐊᕐᕕᒋᕚ, ᑐᒃᓯᐊᕐᕕᒋᓕᕋᒥᐅᒃ ᐅᖃᐅᑎᕚ, “ᓴᐳᑎᓚᐅᓐᖓ ᒎᑎᒋᒐᒃᑭᑦ!”
ᐃᒡᓗᓯᓗ ᐃᑯᐊᓪᓚᒍᒫᕐᐰᑦ ᐃᖅᑲᕐᑐᕐᑕᐅᔪᒫᕐᐳᓯᓗ ᐊᕐᓇᒐᓴᒡᔪᐊᓄᑦ ᑕᑯᓐᓇᕐᑕᐅᑎᓪᓗᓯ; ᐊᕐᓇᕐᓂᐊᕐᑎᐅᓂᓯ ᓄᖅᑲᕐᑎᑦᓱᒫᕐᐸᕋ, ᐊᔪᕐᑐᓕᓂᕐᒧᓪᓗ ᑐᓂᓯᖃᑦᑕᕐᓂᓯ ᓄᖅᑲᕐᑎᓪᓗᒍ.
ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.
“ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᒪᑐᐃᕐᓯᔪᖃᕈᒫᕐᐳᖅ ᐃᒥᕐᒥᒃ ᐳᐊᓚᔪᒥᒃ ᑍᕕᑎᐅᑉ ᑭᖑᕚᖏᓐᓄᑦ, ᔨᕉᓴᓕᒥᓗ ᓄᓇᖃᕐᑐᓕᒫᓄᑦ, ᑖᒃᑯᐊ ᐊᔪᕐᓂᖏᑕ ᓴᓗᒤᑦᑐᓪᓗ ᓴᓗᒻᒪᕐᓴᕐᑕᐅᕕᒃᓴᖓᓂᒃ.
