ᒤᑲᐅᑉ ᐊᒡᓚᖏᑦ 4:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᖃᐅᔨᒪᓐᖏᓚᓪᓕ ᐊᑕᓂᐅᑉ ᐃᓱᒪᖓᓂᒃ, ᐱᓇᓱᐊᕈᒪᔭᖓᓗ ᑐᑭᓯᔭᐅᓯᒪᖏᒻᒪᑦ; ᑲᑎᕐᓱᕈᒫᕐᐰᑦ ᓂᐊᖂᔭᒃᓮᑦ ᑲᑎᕐᓱᕐᑕᐅᕙᖕᓂᖏᑎᑐᑦ ᐃᕖᔭᕐᑕᐅᕕᖕᓂ ᐊᓇᐅᓕᕐᑕᐅᓪᓗᑎᒃ.

ᒤᑲᐅᑉ ᐊᒡᓚᖏᑦ 4:12 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 55:8

ᐃᓱᒪᒃᑲ ᐃᓱᒪᒋᔭᑦᓯ ᐊᑦᔨᒋᓐᖏᒻᒪᒋᑦ, ᐱᓂᐊᕐᓂᓯᓗ ᐱᓂᐊᕐᓂᕐᒪ ᐊᑦᔨᒋᖏᑦᓯᐊᕐᓗᓂᒋᑦ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 29:11

ᐃᓱᒪᒋᓯᒪᓪᓗᒋᑦ ᐋᖅᑭᒃᓱᐃᑦᔪᑎᒋᓯᒪᔭᒃᑲ ᐃᓕᑦᓯᓐᓄᑦ ᖃᐅᔨᒪᒐᒃᑭᑦ, ᐊᑕᓂᖅ ᐅᖃᕐᐳᖅ, ᐃᓕᑦᓯᓐᓂᒃ ᐱᔪᓐᓇᕐᓯᑎᑦᓯᔪᒪᓯᒪᓂᕋ, ᐊᓯᕈᐃᔪᒪᓗᖓᐅᖏᑦᑐᖅ ᐋᖅᑭᒃᓱᐃᓯᒪᒐᒪ ᓂᕆᐅᒋᔭᒃᓴᖃᖁᓪᓗᓯ ᓯᕗᓂᒃᓴᖃᖁᓪᓗᓯᓗ.

ᓘᑲᓯᐅᑉ ᐊᒡᓚᖏᑦ 3:17

ᑖᑦᓱᒪ ᐃᕖᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓕᕆᕝᕕᖕᒥᓂ ᓂᐊᖂᔭᒃᓴᑦ ᐃᕖᔭᕐᓂᐊᕐᐰᑦ, ᓂᐊᖂᔭᒃᓴᑦ ᐴᖅᑲᕐᓗᒋᑦ ᓂᐊᖂᔭᒃᓴᒃᑯᕕᖕᒥᓄᑦ, ᐃᕕᐅᓂᖏᑦ ᐃᑭᓐᓂᐊᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᐂᓮᐊᓯᐅᑉ ᐊᒡᓚᖏᑦ 21:10

ᐃᕝᕕᑦ ᓂᐊᖂᔭᒃᓴᑎᑐᑦ ᐊᓇᐅᓕᕐᑕᐅᓪᓗᑎᑦ ᐃᕖᔭᕐᑕᐅᓯᒪᔪᑎᑦ, ᖃᓄᕐᓕ ᐅᖃᐅᓯᕐᒥᒃ ᑐᓴᕐᓯᒪᕗᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᑐᓴᓚᐅᕐᑕᓐᓂᒃ ᐃᓴᕆᐊᓕᒥᐅᑦ ᒎᑎᖓᓐᓂᑦ ᐅᖃᐅᓯᒃᓴᒥᒃ ᐃᓕᖕᓄᑦ.”

ᐃᓐᖏᕈᑎᑦ 147:19

ᑖᑦᓱᒪ ᐅᖃᐅᓯᓂ ᖃᐅᔨᔭᐅᑎᑉᐹ ᔧᑯᒧᑦ, ᐊᑐᕐᑕᐅᖁᔭᓂ ᐃᓱᐊᕆᔭᓂᓗ ᐃᓴᕆᐊᓕᒧᑦ ᖃᐅᔨᔭᐅᑎᓪᓗᒋᑦ.

ᐃᓐᖏᕈᑎᑦ 147:20

ᐃᓅᖃᑎᒌᒡᔪᐊᑦ ᓇᓪᓕᐊᓪᓘᓐᓃᑦ ᑍᒤᓕᐅᕐᕕᒋᓚᐅᓐᖏᓔᑦ; ᑖᑦᓱᒪ ᐃᓱᐊᕆᔭᖏᑦ ᖃᐅᔨᒪᔭᐅᓐᖏᓚᑦ ᑖᒃᑯᓄᖓ. ᐊᑕᓂᖅ ᓂᕐᑐᕐᑕᐅᓕ!

ᐂᓮᐊᓯᐅᑉ ᐊᒡᓚᖏᑦ 10:7

ᐊᓯᕆᐊᓕ ᑍᒫᒃ ᐱᔪᒪᓚᐅᓐᖏᓚᖅ, ᑍᒫᒡᓗ ᐃᓱᒪᖃᓚᐅᕋᓂ; ᐃᓱᒪᒥᒍᓪᓕ ᐊᓯᕈᐃᔪᒪᕗᖅ, ᐃᓅᖃᑎᒌᒡᔪᐊᓪᓗ ᖃᑦᓰᓐᓇᐅᖏᑦᑐᑦ ᓄᖑᑦᓱᒪᕔᑦ;

ᐂᓮᐊᓯᐅᑉ ᐊᒡᓚᖏᑦ 29:7

ᐃᓅᖃᑎᒌᒡᔪᐊᓂᓪᓗ ᐊᑦᔨᒌᖏᑦᑐᓂᑦ ᐱᓯᒪᓪᓗᑎᒃ ᐅᓇᑕᕆᐊᓚᐅᕐᑐᑦ ᐃᒡᓗᒐᓴᒡᔪᐊᓂᒃ ᐊᕅᐅᓪᒥᒃ, ᒎᑎᐅᑉ ᑐᓂᕐᕈᓯᕐᕕᖁᑎᖓᓂᒃ ᐱᑕᖃᕐᑐᒥᒃ ᐅᓇᑕᐅᑎᖏᑦ ᐊᐅᓚᑦᔪᑎᓕᒫᖏᓪᓗ ᑕᕝᕔᓐᓇᖅ ᐱᑕᖃᓚᐅᕐᓯᒪᖏᑦᑐᑎᑐᑦ ᓄᖑᑕᐅᔪᒫᕐᐳᑦ ᓯᓐᓇᒃᑐᕐᑎᑐᑦ ᐅᓐᓄᐊᒥ ᐃᓱᒪᒋᔭᐅᑐᐃᓐᓇᕐᑐᕕᓂᕐᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 51:20

ᐊᑕᓂᖅ ᐅᖃᕐᐳᖅ, “ᑲᐅᑕᕆᕙᒋᑦ ᓱᒋᐅᑎᒋᓪᓗᑎᓪᓗ ᐅᓇᑕᕐᑎᓪᓗᖓ; ᐊᑐᕐᓗᑎᑦ ᐃᓅᖃᑎᒌᒡᔪᐊᓂᒃ ᐊᐅᓚᑦᔧᓯᒪᕗᖓ, ᐊᑐᕐᓗᑎᓪᓗ ᐊᖓᔪᖅᑲᐅᕕᒃᔪᐊᓂᒃ ᐊᓯᕈᐃᓯᒪᕗᖓ.

ᔪᐃᓕᐅᑉ ᐊᒡᓚᖏᑦ 3:2

ᐃᓅᖃᑎᒌᒡᔪᐊᑦ ᐊᓯᖏᑦ ᑲᑎᑎᑦᓱᒫᕐᐸᒃᑲ, ᔨᕼᐆᓴᐸᐅᓪᓗ ᓇᕐᓴᖓᓄᐊᕈᑎᔪᒫᕐᐸᒃᑲ, ᑍᑲᓂᓗ ᐃᖅᑲᕐᑐᕈᒫᕐᐸᒃᑲ, ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐱᓪᓗᒋᑦ, ᑖᒃᑯᐊ ᐃᓄᖁᑎᓐᓂᒃ ᓯᐊᒻᒪᕐᑎᑦᓯᓚᐅᕐᑐᑦ ᐃᓅᖃᑎᒌᒡᔪᐊᓄᑦ; ᓄᓇᖁᑎᓐᓂᒡᓗ ᐊᕕᒃᑐᐃᓚᐅᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 51:33

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ; ᐹᐱᓘᓂᒥᐅᑦ ᐸᓂᖓ ᓂᐊᖂᔭᒃᓴᓂᒃ ᓴᓃᔧᕕᒃᑎᑐᑦ ᑍᒤᑉᐳᖅ, ᑐᓪᓕᕋᕐᑕᐅᓚᐅᕐᓗᓂ ᑲᑎᕐᓱᐃᕕᒃᓴᖓ ᓇᓪᓕᐅᑎᔪᒫᕆᕗᖅ.”