ᒤᑲᐅᑉ ᐊᒡᓚᖏᑦ 2:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᒪᑭᓪᓗᑎᑦ ᐊᐅᓪᓚᓕᕆᑦ, ᑖᓐᓇ ᑕᕾᕐᓯᕐᕕᒋᖏᓐᓇᕕᐅᒃ; ᓱᕈᕐᑎᕐᑕᐅᓯᒪᓕᕐᒪᑦ ᐊᓯᕈᕐᑕᐅᓪᓗᓂᓗ, ᓯᖁᒥᑕᐅᓪᓚᕆᖕᓂᐊᕐᐳᖅ ᐋᖅᑭᒍᓐᓁᓪᓕᓗᓂ.

ᒤᑲᐅᑉ ᐊᒡᓚᖏᑦ 2:10 ပူးပေါင်းရင်းမြစ်များ

ᒨᓯᓯ ᑕᓪᓕᒪᖏᑦ 12:9

ᓄᓇᒧᑦ ᐊᑕᓂᐅᑉ ᒎᑎᑦᓯ ᑐᓂᔪᒪᓯᒪᔭᖓᓄᑦ ᓱᓕ ᑎᑭᐅᑎᓚᐅᖏᓐᓇᑦᓯ, ᑕᕝᕙᓂ ᓄᓇᖃᓕᕈᑦᓯ ᐃᓱᒫᓗᖏᓪᓗᓯ ᐃᓅᔪᓐᓇᓛᕋᑦᓯ.

ᐃᓐᖏᕈᑎᑦ 106:38

ᐸᓯᔭᒃᓴᐅᖏᑦᑐᒥᒃ ᐊᐅᖕᒥᒃ ᑯᕕᓯᓚᐅᕐᐳᑦ, ᐊᒡᓛᑦ ᐃᕐᓂᖏᑦᑕ ᐸᓂᖏᑦᑕᓗ ᐊᐅᖏᓐᓂᒃ, ᑐᓂᕐᕈᓯᖃᑦᑕᓕᓚᐅᕐᒪᑕ ᑬᓇᓂᒥᐅᑦ ᒎᑎᓐᖑᐊᖏᓐᓄᑦ: ᓄᓇᓗ ᓇᕐᕈᓇᕐᓯᑎᑕᐅᓚᐅᕐᐳᖅ ᐊᐅᖕᒧᑦ.

ᔨᕆᒤᐊᐅᑉ ᐊᒡᓚᖏᑦ 10:18

ᐃᒫᒃ ᐊᑕᓂᖅ ᐅᖃᕐᐳᖅ: “ᑕᑯᒋᑦ, ᑕᒫᓂ ᓄᓇᖃᕐᑐᓂᒃ ᐃᒋᑦᓯᓂᐊᕐᐳᖓ ᒫᓐᓇ ᓇᓪᓕᐅᑦᑐᒥ, ᐅᖁᒤᑦᑐᒧᐊᕐᑎᓐᓂᐊᕐᐸᒃᑲᓗ ᕿᒫᕕᒃᓴᖃᕈᓐᓁᖁᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 9:19

ᓮᐅᓂᒥᐅᓂᑦ ᕿᐊᔪᑦ ᑐᓴᕐᓴᐅᕗᑦ, “ᓱᕋᑦᓯᐊᕐᐳᒍᑦ, ᑲᓐᖑᓇᕐᑐᕐᔪᐊᒥᒃ ᐊᑐᓕᕐᐳᒍᑦ, ᓄᓇᕗᑦ ᕿᒪᒡᓗᒍ ᑭᓯᐊᓂᐅᓕᕐᐳᖅ ᐃᒡᓗᕕᓂᕋᓗᐊᕗᑦ ᓱᕋᒃᑎᕐᑕᐅᖕᒪᑕ.”

ᐃᓐᖏᕈᑎᑦ 95:11

ᑍᒤᒻᒪᑦ ᓂᓐᖓᒡᓗᖓ ᐊᖏᒻᒪᕆᓚᐅᕐᐳᖓ, “ᑕᕾᕐᓯᕐᕕᐅᖁᔭᓐᓄᑦ ᐃᑎᓛᕈᓐᓃᕐᐳᑦ.”

ᑯᕉᓂᑲ ᐂᑉᐸᖏᑦ 7:20

ᑕᕝᕙ ᓄᓱᒍᒫᕐᐸᒋᑦ ᓄᓇᒥᑦ ᑐᓂᓚᐅᕐᑕᓐᓂᑦ ᐃᓕᖕᓄᑦ; ᐃᒡᓗᒥᓪᓗ ᑕᕝᕙᓐᖓᑦ ᐃᑦᔪᕐᓁᑎᓚᐅᕐᑕᓐᓂᑦ ᐊᑎᓐᓂ, ᕿᒪᒍᒫᕐᐸᕋ ᓵᓐᖓᔪᓐᓃᕐᓗᒍ, ᐅᖃᐅᓯᐅᖃᑦᑕᓕᕈᒫᕐᐳᕐᓗ ᐅᖃᕐᓂᕐᓘᑕᐅᓗᓂ ᐃᓄᓕᒫᓄᑦ ᐊᖅᑯᓵᕐᑐᓄᑦ.

ᐊᑕᓃᑦ ᐂᑉᐸᖏᑦ 17:6

ᕼᐆᓯᐊ ᐊᕐᕌᒍᓂᒃ 9ᓂᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓴᒥᐊᕆᐊᒥᐅᑦ ᓵᓚᒋᒐᒥᒋᑦ ᑎᒍᓚᐅᕐᐰᑦ ᐃᓄᖏᑦ ᐊᐅᓪᓚᕈᑎᓪᓗᓂᒋᑦ ᓄᓇᑖᕐᑎᑉᐰᑦ ᐊᓯᕆᐊᑉ ᓄᓇᓕᖏᑦᑕ ᐃᓚᖏᓐᓂ ᕼᐋᓚᒥᒃ, ᐃᓚᖏᓪᓗ ᕼᐂᐸᒥ ᑰᑉ ᓯᓈᓃᑦᑐᒥ ᒎᔭᓂᐅᑉ ᓄᓇᖓᓂ, ᐃᓚᖏᓪᓗ ᒥᑏᔅᒥᐅᑦ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 15:29

ᐲᑲ ᐊᖓᔪᖅᑳᕐᔪᐊᖑᑎᓪᓗᒍ ᐃᓴᕆᐊᓕᓄᑦ, ᑎᒡᓚᑦ-ᐰᓕᓴ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᓵᓚᖃᕐᓂᕐᒥᓄᑦ ᓄᓇᓕᖕᓂᒃ ᑎᒍᓯᖃᑦᑕᓚᐅᕐᐳᖅ, ᐂᔮᓐᒥᐅᓂᒃ, ᐊᐱᐅᓪ-ᐱᑦ-ᒫᑲᒥᐅᓂᒃ, ᔭ-ᓄᐊᒥᐅᓂᒃ, ᑭᑎᔅ-ᓯᒥᐅᓂᒃ ᕼᐂᔭᒥᐅᓂᒡᓗ, ᒋᓕᐊᑎᐅᑉ ᓄᓇᓕᖏᑦ, ᒐᓕᓖᓪᓗ, ᓈᑉᑕᓕᒥᐅᓪᓗ ᐃᓄᖏᓐᓂᒃ ᑎᒍᓯᓪᓗᓂ ᐊᓯᕆᐊᒧᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᒨᓯᓯ ᑕᓪᓕᒪᖏᑦ 30:18

ᓇᓗᓁᕐᓯᕕᒋᕙᑦᓯ ᑕᕝᕙ ᐅᓪᓗᒥ, ᓄᖑᑎᑕᐅᔪᒫᕐᐳᓯ; ᐊᑯᓂᐅᖏᑦᑐᖅ ᐃᓅᔪᒫᕐᐳᓯ ᓄᓇᒥ ᓄᓇᑖᕆᓂᐊᓕᕐᑕᑦᓯᓐᓂ ᔪᐊᕐᑕᓂᐅᑉ ᑰᖓᑕ ᐊᑭᐊᓂ ᓄᓇᖁᑎᑖᕆᔭᕐᑐᕐᑕᑦᓯᓐᓂ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.

ᔨᕆᒤᐊᐅᑉ ᐊᒡᓚᖏᑦ 3:2

ᐱᖑᐃᑦ ᖄᖏᓐᓄᑦ ᑕᑯᓴᓕᕆᑦᓯ, ᐊᓯᓐᓂᐊᕐᕕᒋᓯᒪᓐᖏᑕᑦᓯᓐᓂᒃ ᐱᑕᖃᕐᐹ? ᐊᖅᑯᑏᑦ ᓴᓂᕌᓂ ᐅᑕᖅᑭᕗᓯ ᐅᖓᒋᔭᑦᓯᓐᓂᒃ, ᓄᓇᖁᑎᖃᖏᑦᑐᑎᑐᑦ ᑍᒤᓪᓗᓯ ᓲᕐᓗ ᐃᓄᖃᔪᐃᑦᑐᒦᑦᑐᑎᑐᑦ ᐋᕋᑉᒥᐅᑎᑐᑦ, ᓄᓇ ᓇᕐᕈᓇᕐᓯᑎᑉᐸᓯ ᐊᖑᓐᓂᐊᕐᑎᑎᑐᑦ ᐃᓕᖅᑯᓯᖃᕐᓂᑦᓯᓐᓄᑦ ᐱᐅᖏᑦᑐᓕᓂᑦᓯᓐᓄᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 36:17

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᓄᓇᒥᖕᓃᓪᓗᑎᒃ, ᓄᓇᒥᖕᓂᒃ ᓇᕐᕈᓇᕐᓯᑎᑦᓯᓚᐅᕐᒪᑕ ᐃᓕᖅᑯᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ; ᐃᓕᖅᑯᓯᖏᑦ ᓵᓐᓂ ᓴᓗᒤᑦᑑᓚᐅᕐᐳᑦ ᐊᕐᓇᐅᑉ ᐊᐅᓈᕐᕕᖕᒥᓄᑦ ᓇᓪᓕᐅᑎᕕᐅᓯᒪᓂᖓᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 36:19

ᓯᐊᒻᒪᕐᑎᓚᐅᕐᐸᒃᑲ ᐃᓅᖃᑎᒌᒡᔪᐊᓄᑦ, ᓄᓇᓕᒡᔪᐊᓂᓗ ᓄᓇᑖᕐᑎᓪᓗᒋᑦ; ᐃᓕᖅᑯᓯᖏᑦ ᐱᓂᐊᕐᓂᖏᓪᓗ ᒪᓕᒡᓗᒋᑦ ᓵᓐᖓᓕᓚᐅᕐᐸᒃᑲ.