ᒫᑎᐅᓯᐅᑉ ᐊᒡᓚᖏᑦ 9:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᖃᐅᔨᓂᐊᕋᑦᓯ, ᐃᓅᑉ ᐃᕐᓂᖓ ᐱᔪᓐᓇᕐᓂᖃᕐᒪᑦ, ᑕᒫᓂ ᓄᓇᕐᔪᐊᕐᒥ ᐊᔪᕐᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᓂᕐᒥᒃ,” ᑍᒤᒻᒪᑦ ᓄᑭᖃᖏᑦᑐᒧᑦ ᐅᖃᕐᐳᖅ, “ᒪᑭᑦᑎᑦ, ᓇᓪᓚᖓᕖᑦ ᑎᒍᓗᒍ, ᐊᖏᕐᕋᓕᕆᑦ!”

Aglait Ijjurnaittut

⁶ Qaujiniarassi, Inuup Irninga pijunnarniqarmat, tamaani nunarjuarmi ajurnirnik isumagijunnaiqsijunnarnirmik,” taimaimmat nukiqanngittumut uqaqpuq, “Makittit, nallangaviit tigulugu, angirralirit!”

ᒫᑎᐅᓯᐅᑉ ᐊᒡᓚᖏᑦ 9:6 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 43:25

ᐅᕙᖓ, ᓇᖕᒥᓂᖅ ᐅᕙᖓᐅᕗᖅ ᐊᔪᕐᑐᓕᓂᓯ ᐲᔭᓚᐅᕐᐸᒃᑲ ᐅᕙᖓ ᓇᖕᒥᓂᖅ ᐱᑦᔪᑎᒋᓪᓗᖓ, ᐃᖅᑲᐅᒪᓂᐊᕈᓐᓃᕐᐸᒃᑲᓗ ᐊᔪᕐᓂᓯ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 4:24

ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 8:20

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᐳᑦ, ᐃᓅᓪᓕ ᐃᕐᓂᖓ ᓇᓪᓚᖓᕕᒃᓴᖃᓐᖏᓚᕐᓘᓐᓃᑦ ᑕᕾᕐᓯᕐᕕᒃᓴᒥᒃ.”

ᒫᑎᐅᓯᐅᑉ ᐊᒡᓚᖏᑦ 9:2

ᐃᓄᐃᑦ ᐃᓚᖏᑕ ᐋᑦᓯᕕᒋᕚᑦ ᐊᖑᒻᒥᒃ ᓄᑭᖃᖏᑦᑐᒥᒃ, ᐃᒡᓕᕐᒥ ᓇᓚᔪᒥᒃ; ᔩᓱᓯᐅᑉ ᖃᐅᔨᒪᒐᒥᒋᑦ ᐅᒃᐱᕐᓂᖃᕐᓂᖏᓐᓂᒃ, ᐊᖑᑦ ᓄᑭᖃᖏᑦᑐᖅ ᐅᖃᐅᑎᕚ, “ᐃᕐᓃᒃ ᖁᕕᐊᓱᓕᕆᑦ! ᐊᔪᕐᓂᑎᑦ ᐃᓱᒪᒋᔭᐅᔪᓐᓁᕐᒪᑕ.”

ᒫᑎᐅᓯᐅᑉ ᐊᒡᓚᖏᑦ 9:5

ᓇᓪᓕᐊᑦ ᐱᔭᕐᓂᕐᓂᕐᓴᐅᕚ? ᐅᖃᕐᓗᓂ, ‘ᐊᔪᕐᓂᑎᑦ ᐃᓱᒪᒋᔭᐅᔪᓐᓁᕐᐳᑦ,’ ᐅᕝᕙᓗ ᐅᖃᕐᓗᓂ, ‘ᒪᑭᓪᓗᑎᑦ ᐱᓱᓕᕆᑦ’?

ᒫᑎᐅᓯᐅᑉ ᐊᒡᓚᖏᑦ 9:7

ᐊᖑᑦ ᒪᑭᓐᓇᒥ ᐊᖏᕐᕋᕐᐳᖅ.

ᒫᑯᓯᐅᑉ ᐊᒡᓚᖏᑦ 2:10

ᖃᐅᔨᓂᐊᕋᑦᓯ ᐃᓅᑉ ᐃᕐᓂᖓ ᐱᔪᓐᓇᕐᓂᖃᕐᒪᑦ ᑕᒫᓂ ᓄᓇᒥ ᐊᔪᕐᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᒪᑦ,” ᑖᑦᓱᒧᖓ ᓄᑭᖃᖏᑦᑐᒧᑦ ᐅᖃᕐᐳᖅ,

ᒫᑯᓯᐅᑉ ᐊᒡᓚᖏᑦ 2:7

“ᓱᖕᒪᓄᓇ ᑍᒫᒃ ᐅᖃᓕᕆᕙ? ᑕᒪᓐᓇ ᒎᑎᒥᒃ ᐅᖃᕐᓂᕐᓘᑎᖃᕐᓂᐅᕗᖅ! ᒎᑎ ᑖᓐᓇᑐᐊᑦᓯᐊᖅ ᐊᔪᕐᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᐳᖅ.”

ᓘᑲᓯᐅᑉ ᐊᒡᓚᖏᑦ 5:21

ᑕᕝᕙ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᐊᐱᕆᓕᕐᐳᑦ, ᐅᖃᕐᓗᑎᒃ, “ᓱᖕᒪᓄᓇ ᒎᑎᒥᒃ ᐅᖃᕐᓂᕐᓘᑎᖃᕐᐹ? ᒎᑎ ᑭᓯᒥ ᐱᐅᖏᑦᑐᓕᓂᕐᓂᒃ ᐃᓱᒪᒋᔪᓐᓁᕐᓯᔪᓐᓇᕐᑐᑑᕗᖅ.”

ᔪᐊᓇᓯᐅᑉ ᐊᒡᓚᖏᑦ 10:28

ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᕕᒋᕙᒃᑲ, ᐊᓯᐅᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒃᓘᓐᓃᑦ ᐊᕐᓵᕐᑕᐅᓂᐊᓐᖏᓚᖓ ᑖᒃᑯᓂᖓ ᐱᓯᒪᔭᓐᓂ.

ᔪᐊᓇᓯᐅᑉ ᐊᒡᓚᖏᑦ 17:2

ᐃᕐᓃᑦ ᑐᓂᓯᕕᒋᓯᒪᒐᕕᐅᒃ ᐱᔪᓐᓇᕐᓂᕐᒥᒃ ᐃᓄᓕᒫᓄᑦ, ᐃᓅᓯᕐᒥᒃ ᓄᖑᓱᐃᑦᑐᒥᒃ ᑐᓂᓯᖁᓪᓗᒍ ᑐᓂᓯᒪᔭᓕᒫᕐᓄᑦ ᑖᑦᓱᒧᖓ.

ᔪᐊᓇᓯᐅᑉ ᐊᒡᓚᖏᑦ 5:27

ᐃᕐᓂᓂ ᑐᓂᓯᕕᒋᕚ ᐱᔪᓐᓇᕐᓂᕐᒥᒃ ᐃᖅᑲᕐᑐᐃᔪᓐᓇᖁᓪᓗᒍ, ᐃᓅᑉ ᐃᕐᓂᕆᖕᒪᒍ.

ᔪᐊᓇᓯᐅᑉ ᐊᒡᓚᖏᑦ 5:8

ᔩᓱᓯᐅᑉ ᐅᖃᐅᑎᕚ, “ᒪᑭᒋᑦ, ᓇᓚᕖᑦ ᑎᒍᓗᒍ, ᐱᓱᓕᕆᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 9:34

ᐲᑦᑐᕉᓯᐅᑉ ᐅᖃᐅᑎᕚ, “ᐃᓂᐊᓯ, ᔩᓱᓯ ᙭ᔅᑑᓯᐅᑉ ᐋᖅᑭᒃᐹᑎᑦ; ᒪᑭᓪᓗᑎᑦ ᓇᓚᕖᑦ ᐃᒧᓕᕈᒃ.” ᑕᕝᕔᓐᓇᖅ ᒪᑭᑉᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:10

ᓇᓪᓕᐊᓐᓂᒃ ᐃᓱᒪᒋᔪᓐᓁᕐᓯᒍᑦᓯ, ᐅᕙᖓᑦᑕᐅᖅ ᐃᓱᒪᒋᔪᓐᓁᕐᕕᒋᕙᕋ. ᐃᓱᒪᒋᔪᓐᓁᕐᓯᒍᒪ ᖃᓄᑐᐃᓐᓇᖅ, ᐃᓱᒪᒋᔪᓐᓁᕐᕕᒋᕙᕋ ᙭ᔅᑑᓯᐅᑉ ᓵᖓᓂ ᐱᑦᔪᑎᒋᓪᓗᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:20

ᑍᒤᒻᒪᑦ ᑎᓕᔭᐅᓯᒪᕗᒍᑦ ᙭ᔅᑑᓯ ᐃᓇᖏᕐᓗᒍ, ᒎᑎ ᐅᕙᑦᑎᒍᑦ ᐃᓄᖕᓂᒃ ᐃᓇᑦᓯᕗᖅ. ᑍᒤᒻᒪᑦ ᐃᓇᑉᐸᑦᓯ ᙭ᔅᑑᓯᒃᑯᑦ, ᒎᑎᒥᒃ ᐃᓚᓐᓇᕆᔭᕐᑖᓕᕆᑦᓯ.

ᐃᐱᓯᒥᐅᓄᑦ 4:32

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.

ᑯᓘᓯᐊᒥᐅᓄᑦ 3:13

ᐃᓕᑦᓯᓐᓄᑦ ᐃᑲᔪᕐᑐᖃᑦᑕᐅᑎᓗᓯ, ᓱᓇᒥᒡᓗ ᓈᒻᒪᒃᓴᖏᑦᔪᑎᖃᕐᑐᖃᕐᐸᑦ ᓇᓕᑦᓯᓐᓄᑦ, ᐃᓱᒪᒋᔪᓐᓁᖃᑎᒌᖃᑦᑕᕐᓗᓯ; ᐊᑕᓂᐅᑦᑕᐅᖅ ᐃᓱᒪᒋᔪᓐᓁᕐᕕᒋᓚᐅᕐᒪᓯ, ᑍᒫᒃᑕᐅᖅ ᐃᓱᒪᒋᔪᓐᓁᕐᓯᖃᑦᑕᕆᑦᓯ.