ᒫᑎᐅᓯᐅᑉ ᐊᒡᓚᖏᑦ 9:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐃᓄᒋᐊᒃᑐᕐᔪᐊᓪᓕ ᑕᑯᒐᒥᒋᑦ, ᐃᓚᑦᓱᒋᓕᕐᐰᑦ, ᐃᓱᒪᔮᕐᒪᑕ ᐃᑲᔪᕐᑎᒃᓴᖃᕐᑑᔮᕋᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ.

Aglait Ijjurnaittut

³⁶ Inugiakturjualli takugamigit, ilatsugiliqpait, isumajaarmata ikajuqtiksaqaqtuujaaratik, siipititut paiqsijiqanngittutitut.

ᒫᑎᐅᓯᐅᑉ ᐊᒡᓚᖏᑦ 9:36 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 22:17

ᐅᖃᐅᑎᕚ, “ᐃᓴᕆᐊᓕᒥᐅᓕᒫᑦ ᑕᑯᕙᒃᑲ ᐊᕕᒃᑐᕐᓯᒪᑎᓪᓗᒋᑦ ᖃᖅᑲᐅ ᖄᖏᓐᓂ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ; ᐊᑕᓂᕐᓗ ᐅᖃᕐᐳᖅ, ‘ᐅᑯᐊ ᐊᖓᔪᖅᑳᖃᖏᑦᑐᑦ; ᐊᑐᓂᑦ ᐊᖏᕐᕋᒥᖕᓄᑦ ᐊᖏᕐᕋᐅᓕᕐᓕᑦ ᐅᓇᑕᕈᓐᓃᕐᓗᑎᒃ.’”

ᑯᕉᓂᑲ ᐂᑉᐸᖏᑦ 18:16

ᐅᖃᐅᑎᕚᓗ, “ᐃᓴᕆᐊᓕᒥᐅᓕᒫᑦ ᑕᑯᓚᐅᕐᐸᒃᑲ ᓯᐊᒻᒪᕐᓯᒪᑎᓪᓗᒋᑦ ᖃᖅᑬᑦ ᖄᖏᓐᓂ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ; ᐊᑕᓂᕐᓗ ᐅᖃᕐᐳᖅ, ‘ᐅᑯᐊ ᐊᖓᔪᖅᑳᖃᖏᑦᑐᑦ; ᐊᑕᖏᕐᓗᑎᒃ ᐊᑐᓂᑦ ᐊᖏᕐᕋᓕᕐᓕᑦ ᐃᓱᒫᓗᖏᓪᓗᑎᒃ.’”

ᐂᓮᐊᓯᐅᑉ ᐊᒡᓚᖏᑦ 13:14

“ᕿᒫᔪᒫᕐᐳᑦ ᒐᔨᐊᓕᑎᑐᑦ ᐆᒪᔪᕐᓯᐅᕐᑐᒥᑦ ᕿᒫᔪᑎᑐᑦ, ᓰᐱᑎᑐᓪᓗ ᐰᕐᓯᔨᖃᖏᑦᑐᑎᑐᑦ; ᐃᓄᓕᒫᑦ ᓵᓐᖓᓕᕈᒫᕐᐳᑦ ᐃᓅᖃᑎᒥᖕᓄᑦ, ᐃᓄᓕᒫᓪᓗ ᓇᖕᒥᓂᖅ ᓄᓇᒥᖕᓄᑦ ᕿᒫᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 50:6

“ᐃᓄᖁᑎᒃᑲ ᓰᐱᑎᑐᑦ ᐊᓯᐅᓯᒪᓚᐅᕐᒪᑕ, ᐰᕐᓯᔨᖏᑕ ᑕᒻᒪᕐᑎᓚᐅᕐᒪᒋᑦ, ᖃᖅᑲᓂᓗ ᐃᓂᖃᓕᕐᑎᓪᓗᒋᑦ, ᐃᖏᕐᕋᖃᑦᑕᑐᐃᓐᓇᓕᕐᓗᑎᒃ ᖃᖅᑲᑎᒍᑦ ᐱᖑᕐᑎᒍᓪᓗ, ᒥᕐᖑᐃᕐᓯᕐᕕᒃᓴᒥᖕᓂᒃ ᐳᐃᒍᕋᒥᒃ.

ᓴᑲᕅᐊᐅᑉ ᐊᒡᓚᖏᑦ 10:2

ᒎᑎᓐᖑᐊᑦ ᓂᓪᓕᐊᖕᒪᑕ ᐅᐃᕕᕆᒃᓯᓂᕐᒥᒃ, ᓯᓚᕐᔪᐊᕐᒥᓗ ᓇᓚᐅᑦᑍᔩᑦ ᑕᑯᕙᖕᒪᑕ ᓱᓕᖏᑦᑐᓂᒃ, ᓂᕆᐅᒋᔭᒃᓴᓂᒡᓗ ᓱᓕᖏᑦᑐᓂᒃ ᐅᖃᐅᓯᖃᕐᐸᒃᓗᑎᒃ; ᓮᒻᒪᕐᓮᓪᓚᕆᒃᐸᖏᒻᒪᑕ, ᑍᒤᒻᒪᑦ ᐃᓄᐃᑦ ᓇᒧᑐᐃᓐᓇᖅ ᐱᓱᒃᐳᑦ ᐃᓱᒪᔮᕐᓗᑎᒃ, ᓰᐱᑎᑐᑦ ᐰᕐᓯᔨᖃᖏᑦᑐᑎᑐᑦ.

ᓴᑲᕅᐊᐅᑉ ᐊᒡᓚᖏᑦ 11:16

ᒪᑭᑎᑦᓯᔪᒫᕐᐳᖓ ᓰᐱᓕᕆᔨᒥᒃ ᑕᒫᓂ ᓄᓇᒥ, ᐊᓯᐅᓯᒪᔪᓂᒃ ᑲᒪᓂᐊᖏᑦᑐᒥᒃ, ᐃᓅᓱᒃᑐᓂᒡᓗ ᕿᓂᕐᓂᐊᖏᑦᑐᒥᒃ, ᐋᓐᓂᕐᓯᒪᔪᓂᒡᓗ ᐋᖅᑭᒃᓯᓇᓱᐊᖏᑦᑐᒥᒃ, ᖃᓄᐃᖏᑦᑐᓂᒡᓗ ᓂᕆᑎᑦᓯᓂᐊᖏᑦᑐᒥᒃ: ᓰᐱᓂᒡᓕ ᖁᐃᓂᔪᓂᒃ ᓂᕿᖃᕈᒫᕐᐳᖅ, ᐃᑎᒐᖏᓐᓂᒡᓗ ᐲᔧᔪᒫᕐᐳᖅ.

ᒨᓯᓯ ᓯᑕᒪᖏᑦ 27:17

ᓯᕗᓪᓕᕐᐸᐅᓗᓂ ᐊᓂᖃᑦᑕᕐᓂᐊᕐᑐᒥᒃ ᓯᕗᓪᓕᕐᐸᐅᓗᓂᓗ ᐃᑎᖃᑦᑕᕐᓂᐊᕐᑐᒥᒃ, ᐊᐅᓪᓚᓕᕌᖓᑕ ᑎᑭᓕᕌᖓᑕᓗ ᑕᓯᐅᕐᑎᐅᓂᐊᕐᑐᒥᒃ, ᐊᑕᓂᐅᑉ ᐃᓄᒋᐊᒃᑐᕐᔪᐊᖁᑎᖏᑦ ᓰᐱᑎᑐᑦ ᑲᒪᔨᖃᖏᑦᑐᑎᑐᑦ ᑍᒤᖁᓇᒋᑦ.”

ᒫᑎᐅᓯᐅᑉ ᐊᒡᓚᖏᑦ 10:6

ᒪᑯᓄᖓᓕ ᓰᐱᓄᑦ ᐊᓯᐅᓯᒪᔪᓄᑦ ᐂᓕᕆᑦᓯ, ᐃᓴᕆᐊᓕᒥᐅᑦ ᐃᓄᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 14:14

ᔩᓱᓯ ᐅᒥᐊᒥᑦ ᓂᐅᒐᒥ ᐃᓄᒐᓴᒡᔪᐊᓂᒃ ᑕᑯᕗᖅ, ᐃᓚᑦᓱᒋᓕᕐᓗᒋᑦ, ᖃᓂᒪᔨᐊᖏᑦ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 15:24

ᑕᕝᕙ ᑭᐅᕚ, “ᑎᓕᔭᐅᓯᒪᑐᐃᓐᓇᕐᐳᖓ ᓰᐱᓄᑦ ᐊᓯᐅᓯᒪᔪᓄᑦ ᐃᓴᕆᐊᓕᒥᐅᓄᑦ.”

ᒫᑎᐅᓯᐅᑉ ᐊᒡᓚᖏᑦ 15:32

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐃᒻᒥᓄᑦ ᕾᖁᓪᓗᒋᑦ ᐅᖃᐅᑎᕔᑦ, “ᐅᑯᐊ ᐃᓄᒐᓴᒡᔪᐊᑦ ᐃᓚᑦᓱᒋᕙᒃᑲ, ᐅᓪᓗᓂᒃ ᐱᖓᓱᓂᒃ ᐅᕙᓐᓃᒻᒪᑕ ᓂᕆᓚᐅᕋᑎᒃ; ᑳᒃᑎᓪᓗᒋᑦ ᐊᐅᓪᓚᕐᑎᑐᐃᓐᓇᕈᒪᓐᖏᓚᒃᑲ, ᐊᖏᕐᕋᕋᓱᐊᓕᕐᓗᑎᒃ ᐊᖅᑯᑎᒥᖕᓂ ᓄᑮᕈᑎᑐᐃᓐᓇᕆᐊᖃᕐᒪᑕ.”

ᒫᑯᓯᐅᑉ ᐊᒡᓚᖏᑦ 6:34

ᔩᓱᓯᓕ ᐅᒥᐊᒥᑦ ᓂᐅᒐᒥ ᐃᓄᖕᓂᒃ ᐅᓄᕐᑐᒻᒪᕆᖕᓂᒃ ᑕᑯᒐᒥ, ᓇᒡᓕᒍᓱᒻᒪᕆᓕᕐᐳᖅ ᑖᒃᑯᓂᖓ, ᓰᐱᑎᑐᑦ ᑍᒤᒻᒪᑕ ᐰᕐᓯᔨᖃᖏᑦᑐᑎᑐᑦ. ᑍᒤᒻᒪᑦ ᐊᔪᕆᕐᑐᓕᕐᐰᑦ ᐊᒥᓱᓂᒃ ᐊᑦᔨᒌᖏᑦᑐᓂᒃ.

ᒫᑯᓯᐅᑉ ᐊᒡᓚᖏᑦ 8:2

“ᐅᑯᐊ ᐃᓄᒐᓴᒡᔪᐊᑦ ᐃᓚᑦᓱᒋᕙᒃᑲ, ᐅᕙᑦᑎᓐᓃᓕᕐᒪᑕ ᐅᓪᓗᓂᒃ ᐱᖓᓱᓂᒃ, ᓂᕿᒃᓴᖃᕋᑎᒃ;

ᐄᑉᕈᐃᓄᑦ 4:15

ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖃᖏᓐᓇᑦᑕ ᐃᓚᑦᓱᒍᓱᒍᓐᓇᖏᑦᑐᒥᒃ ᓴᓐᖐᓐᓂᑦᑎᓐᓂᒃ, ᐃᓘᓐᓈᒍᓪᓕ ᖃᓄᑐᐃᓐᓇᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓯᒪᕗᖅ ᐅᕙᑦᑎᑐᑦ, ᐊᔪᕐᑐᓕᓚᐅᕋᓂᓕ.

ᐄᑉᕈᐃᓄᑦ 5:2

ᓇᖕᒥᓂᕐᓕᑦᑕᐅᖅ ᓴᓐᖏᑦᑑᒐᒥᒃ ᐅᓄᕐᑐᑎᒍᑦ, ᓂᑲᒍᓱᒍᓐᓇᕐᐳᑦ ᓇᓗᓂᕐᒧᑦ ᑕᒻᒪᕐᑐᓂᒃ.