ᒫᑎᐅᓯᐅᑉ ᐊᒡᓚᖏᑦ 9:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᐊᓂᕐᓂᕐᓗᒡᓕ ᐃᓄᖕᒥᑦ ᐊᓂᑎᑕᐅᖕᒪᑦ, ᑖᓐᓇ ᐅᖃᕈᓐᓇᖏᑦᑐᖅ ᐅᖃᓪᓚᓕᕐᐳᖅ, ᐃᓄᐃᓪᓗ ᑲᒪᓂᐊᒻᒪᕆᓕᕐᐳᑦ, ᐅᖃᕐᓗᑎᒃ, “ᑍᒫᒃ ᑕᑯᓚᐅᕐᓯᒪᖏᒻᒪᕆᒃᐳᒍᑦ ᐃᓴᕆᐊᓕᒥ!”

Aglait Ijjurnaittut

³³ Anirnirlugli inungmit anititaungmat, taanna uqarunnanngittuq uqallaliqpuq, inuillu kamaniammariliqput, uqarlutik, “Taimaak takulauqsimanngimmarikpugut Isarialimi!”

ᒫᑎᐅᓯᐅᑉ ᐊᒡᓚᖏᑦ 9:33 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 5:8

ᐃᓔᓴ ᒎᑎᐅᑉ ᐃᓄᖁᑎᖓ ᑐᓴᕋᒥ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓄᕌᒥᓂᒃ ᐊᓕᒃᓯᖕᒪᑦ, ᐅᖃᐅᑦᔭᐅᒃᑲᕐᐹ ᐃᒫᒃ, “ᖃᓄᐃᒻᒪᑦ ᐊᓐᓄᕌᑎᑦ ᐊᓕᒃᐱᒌᑦ? ᑍᓐᓇ ᐊᖑᑦ ᐅᕙᓐᓄᑦ ᕾᑎᑕᐅᓚᐅᕐᓕ ᖃᐅᔨᓂᐊᕐᒪᑦ ᒎᑎᒧᑦ ᐅᖃᕐᑎᑕᖃᕐᓂᖓᓂᒃ ᐃᓴᕆᐊᓕᒥᐅᓂ.”

ᐃᓐᖏᕈᑎᑦ 76:1

ᔫᑕᒥᐅᓂᑦ ᒎᑎ ᖃᐅᔨᒪᔭᐅᕗᖅ ᐊᑎᖓᓗ ᐊᖏᔪᕐᔪᐊᖑᕗᖅ ᐃᓴᕆᐊᓕᒥ.

ᐂᓮᐊᓯᐅᑉ ᐊᒡᓚᖏᑦ 35:6

ᑐᓯᐊᑦᑐᑦ ᐱᒡᓕᕐᑕᓕᕈᒫᕐᐳᑦ ᑐᒃᑐᑎᑐᑦ, ᐅᖃᕈᓐᓇᖏᑦᑐᓪᓗ ᐃᓐᖏᓕᕐᓗᑎᒃ ᖁᕕᐊᓱᖕᓂᕐᒧᑦ, ᐃᒪᖅ ᑰᓕᕈᒫᕐᒪᑦ ᓱᓇᖃᔪᐃᑦᑐᒃᑯᑦ, ᑰᒐᓛᖃᓕᕐᓗᓂᓗ ᓄᓇᒥ ᓯᐅᕋᕐᔪᐊᒥ.

ᔨᕆᒤᐊᐅᑉ ᐊᒡᓚᖏᑦ 32:20

ᐄᑦᔨᑉᑎᒥ ᓇᓗᓁᒃᑯᑕᓂᒃ ᑲᒪᓇᕐᑐᕐᔪᐊᓂᒡᓗ ᑐᑭᓯᑦᔪᑕᐅᔪᓐᓇᕐᑐᓂᒃ ᐱᓂᐊᖃᑦᑕᕐᓯᒪᕗᑎᑦ, ᐅᓪᓗᒥᓗ ᓱᓕ ᐱᓂᐊᕐᓂᕆᕙᒃᐸᑎᑦ ᐃᓄᓕᒫᓂᒃ ᐃᓴᕆᐊᓕᒥᐅᓂᒃ ᐊᓯᖏᓐᓂᒡᓗ ᐃᓅᖃᑎᒌᒡᔪᐊᓂᒃ ᖃᐅᔨᒪᔭᐅᑦᔪᑎᒋᕙᑎᓪᓗ ᓇᓂᑐᐃᓐᓇᖅ, ᐅᓪᓗᒥᒧᑦ.

ᒫᑎᐅᓯᐅᑉ ᐊᒡᓚᖏᑦ 8:10

ᔩᓱᓯᐅᑉ ᑕᒪᓐᓇ ᑐᓴᕋᒥᐅᒃ ᑲᒪᓂᐊᕆᕚ, ᒪᓕᒡᑎᓂ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑍᒫᒃ ᐅᒃᐱᕐᓂᖃᕐᑎᒋᔪᒥᒃ, ᖃᐅᔨᓚᐅᓐᖏᓚᖓ ᐃᓴᕆᐊᓕᒥ.

ᒫᑎᐅᓯᐅᑉ ᐊᒡᓚᖏᑦ 9:32

ᑖᒃᑯᐊᒃ ᐊᖑᑏᒃ ᒪᕐᕉᒃ ᑕᕝᕙᓐᖓᑦ ᐊᓂᖕᒪᑎᒃ, ᔩᓱᓯᒧᐊᕈᑦᔨᔪᖃᕐᐳᖅ ᐊᖑᒻᒥᒃ ᐅᖃᕈᓐᓇᖏᑦᑐᒥᒃ, ᐊᓂᕐᓂᕐᓗᖕᒧᑦ ᐃᑎᕐᑕᐅᓯᒪᔪᒥᒃ.

ᒫᑯᓯᐅᑉ ᐊᒡᓚᖏᑦ 2:12

ᑖᓐᓇ ᒪᑭᑉᐳᖅ, ᑕᕝᕔᓐᓇᖅ ᓇᓪᓚᖓᕕᓂ ᑎᒍᓪᓗᓂᐅᒃ ᑕᕝᕙᓐᖓᑦ ᐊᓂᕗᖅ ᑕᑯᓐᓇᕐᑎᓪᓗᒋᑦ; ᑖᒃᑯᐊ ᑕᒪᕐᒥᒃ ᑲᒪᓂᐊᒻᒪᕆᒃᐳᑦ ᒎᑎ ᓂᕐᑐᕐᓗᒍ, ᐅᖃᕐᐳᑦ, “ᑍᒤᑦᑐᒥᒃ ᑕᑯᓚᐅᕐᓯᒪᖏᒻᒪᕆᒃᐳᒍᑦ!”

ᓘᑲᓯᐅᑉ ᐊᒡᓚᖏᑦ 11:14

ᔩᓱᓯ ᐊᓂᑎᑦᓯᑎᓪᓗᒍ ᐊᓂᕐᓂᕐᓗᖕᒥᒃ ᐅᖃᕈᓐᓇᖏᑎᑦᓯᔪᒥᒃ; ᐊᓂᕐᓂᕐᓗᒃ ᐃᓄᖕᒥᑦ ᐊᓂᖕᒪᑦ, ᐅᖃᕈᓐᓇᖏᑦᑐᖅ ᐅᖃᕈᓐᓇᕐᓯᕗᖅ, ᐃᓄᐃᑦ ᑲᒪᒻᒪᕆᓕᕐᐳᑦ,

ᓘᑲᓯᐅᑉ ᐊᒡᓚᖏᑦ 7:9

ᔩᓱᓯᐅᑉ ᑕᒪᓐᓇ ᑐᓴᕋᒥᐅᒃ ᑲᒪᓂᐊᕈᑎᒋᕚ, ᐃᓄᒋᐊᒃᑐᑦ ᒪᓕᒃᑎᓂ ᑕᑯᓴᕐᓗᒋᑦ ᐅᖃᐅᑎᕔᑦ, “ᐅᖃᐅᑎᕙᑦᓯ, ᐃᓴᕆᐊᓕᒥᐅᓂ ᑍᒫᒃ ᐅᒃᐱᕐᓂᖃᕐᑎᒋᔪᒥᒃ ᖃᐅᔨᓚᐅᓐᖏᓚᖓ.”