ᒫᑎᐅᓯᐅᑉ ᐊᒡᓚᖏᑦ 9:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᑕᒪᓐᓇ ᐱᓂᐊᕐᓂᐅᕋᑖᕐᑐᖅ ᓯᐊᒻᒪᕐᑎᑕᐅᓕᕐᐳᖅ ᓇᒧᑐᐃᓐᓇᓕᒫᖅ ᑕᕝᕙᓂ ᓄᓇᖃᕐᑐᓄᑦ.

Aglait Ijjurnaittut

²⁶ Tamanna piniarniurataaqtuq siammaqtitauliqpuq namutuinnalimaaq tavvani nunaqaqtunut.

ᒫᑎᐅᓯᐅᑉ ᐊᒡᓚᖏᑦ 9:26 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 4:24

ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.

ᒫᑎᐅᓯᐅᑉ ᐊᒡᓚᖏᑦ 9:31

ᑖᒃᑯᐊᒡᓕ ᑕᕝᕙᓐᖓᑦ ᐊᓂᒐᒥᒃ ᔩᓱᓯᐅᑉ ᐱᓂᐊᕐᓂᖓ ᐅᖃᐅᓯᕆᓕᕐᐹᒃ ᓇᒧᑐᐃᓐᓇᓕᒫᖅ ᑕᕝᕙᓂ ᓄᓇᖃᕐᑐᓄᑦ.

ᒫᑯᓯᐅᑉ ᐊᒡᓚᖏᑦ 1:28

ᑕᕝᕔᓐᓇᖅ ᔩᓱᓯᐅᑉ ᐱᓂᐊᕐᓂᖓ ᐊᑯᓂᐅᖏᑦᑐᖅ ᑐᓴᐅᒪᔭᐅᓕᕐᐳᖅ ᒐᓕᓕᐊᑉ ᖃᓂᒋᔭᓕᒫᖓᓂ.

ᒫᑯᓯᐅᑉ ᐊᒡᓚᖏᑦ 1:45

ᐊᖑᑦ ᕿᒪᕉᑎᒐᒥ ᐅᖃᕐᑍᓕᒪᖏᑦᓯᐊᕐᓗᓂ ᐅᖃᖃᑦᑕᕐᐳᖅ, ᐅᖃᓗᐊᕐᓂᖓᓄᑦ ᔩᓱᓯ ᓴᖅᑭᔮᑦᓯᐊᕐᓗᓂ ᓄᓇᓕᖕᓄᐊᕈᓐᓁᓪᓕᕗᖅ, ᐃᓄᖃᖏᑦᑐᒥ ᑭᓯᐊᓂ ᐃᓂᖃᕈᓐᓇᓕᕐᐳᖅ; ᐃᓄᐃᑦ ᔩᓱᓯᒧᐊᕐᐳᑦ ᓇᑭᑐᐃᓐᓈᕐᓯᒪᔪᑦ.

ᒫᑯᓯᐅᑉ ᐊᒡᓚᖏᑦ 6:14

ᐊᖓᔪᖅᑳᕐᔪᐊᓪᓕ ᐃᕉᑕᓯᐅᑉ ᑕᒪᓐᓇ ᑐᓴᐅᒪᓕᕐᐹ; ᔩᓱᓯᐅᑉ ᐱᓇᓱᐊᕐᓂᖓ ᓇᓂᑐᐃᓐᓇᖅ ᑐᓴᐅᒪᔭᐅᓕᕐᒪᑦ. ᐃᓚᖏᑦ ᐅᖃᖃᑦᑕᕐᒪᑕ, “ᔪᐊᓇᓯ ᐹᑉᑎᑎᕆᔨ ᑐᖁᖓᔪᓂᑦ ᒪᑭᓯᒪᕗᖅ; ᑍᒤᒻᒪᑦ ᐱᔪᓐᓇᕐᓂᖃᕐᐳᖅ ᑲᒪᓇᕐᑐᓂᒃ ᐱᓇᓱᐊᕈᓐᓇᕐᓂᕐᒥᒃ.”

ᓘᑲᓯᐅᑉ ᐊᒡᓚᖏᑦ 4:14

ᔩᓱᓯ ᐅᑎᕐᐳᖅ ᒐᓕᓕᐊᒧᑦ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᔪᓐᓇᕐᓂᖓᑕ ᓇᔪᕐᓗᓂᐅᒃ, ᐅᖃᐅᓯᐅᓂᖓ ᒐᓕᓕᐊᑉ ᖃᓂᒋᔭᖓᓃᑦᑐᓕᒫᓄᑦ ᑐᓴᐅᒪᔭᐅᓕᕐᐳᖅ.

ᓘᑲᓯᐅᑉ ᐊᒡᓚᖏᑦ 4:37

ᔩᓱᓯᐅᑉ ᐅᓂᒃᑲᐅᓯᐅᓂᖓ ᑐᓴᐅᒪᔭᐅᓕᕐᐳᖅ ᑲᐱᕐᓂᐊᒥᐅᑦ ᖃᓂᒋᔭᖓᓃᑦᑐᓕᒫᓄᑦ.

ᓘᑲᓯᐅᑉ ᐊᒡᓚᖏᑦ 5:15

ᐊᖏᓂᕐᓴᒥᒡᓕ ᑐᓴᐅᒪᔭᐅᓕᕐᐳᖅ ᐅᖓᓯᒃᑐᒥᑦ ᐊᒡᓛᑦ; ᐃᓄᒐᓴᒡᔪᐊᓪᓗ ᐊᒥᓱᑦ ᕾᕗᑦ ᑐᓴᕈᒪᓪᓗᑎᒃ ᐋᖅᑭᒃᑕᐅᔪᒪᓪᓗᑎᒃᓗ ᐋᓐᓂᐊᒥᖕᓂᑦ.

ᓘᑲᓯᐅᑉ ᐊᒡᓚᖏᑦ 7:17

ᑕᒪᓐᓇ ᔩᓱᓯᐅᑉ ᐱᓂᐊᕐᓂᖓ ᐅᓂᒃᑲᐅᓯᐅᓕᕐᐳᖅ ᔫᑎᐊᒥ ᓄᓇᖃᕐᑐᓕᒫᓂᑦ, ᖃᓂᒋᔭᖓᓃᑦᑐᓕᒫᓂᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 26:26

ᐊᖓᔪᖅᑳᕐᔪᐊᖅ ᐊᒍᕆᐸ ᑕᒪᒃᑯᓂᖓ ᖃᐅᔨᒪᑦᓯᐊᕐᒪᑦ ᓯᕘᕋᖏᓪᓗᖓᓗ ᐅᖃᐅᑎᑦᓯᐊᕈᓐᓇᕐᐸᕋ; ᖃᐅᔨᒪᒐᒪ ᑕᒪᒃᑯᓂᖓ ᖃᐅᔨᒪᑦᓯᐊᕐᒪᑦ, ᑕᒪᓐᓇ ᐃᔨᕐᓯᒪᓗᓂ ᐱᓇᓱᐊᕐᑕᐅᖏᒻᒪᑦ.