ᒫᑎᐅᓯᐅᑉ ᐊᒡᓚᖏᑦ 9:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᔩᓱᓯ ᑐᓄᒻᒧᑦ ᕿᕕᐊᕐᓗᓂ ᐊᕐᓇᖅ ᑕᑯᕚ, ᐅᖃᐅᑎᓪᓗᒍ, “ᐸᓃᒃ ᖁᕕᐊᓱᓕᕆᑦ! ᐅᒃᐱᕐᓂᕕᑦ ᐋᖅᑭᒃᐹᑎᑦ,” ᑕᕝᕙᑦᓮᓐᓇᖅ ᐊᕐᓇᖅ ᐋᖅᑭᒃᑕᐅᑦᓯᐊᕐᐳᖅ.

Aglait Ijjurnaittut

²² Jiisusi tunummut qiviarluni arnaq takuvaa, uqautillugu, “Paniik quviasulirit! Ukpirnivit aaqqikpaatit,” tavvatsainnaq arnaq aaqqiktautsiaqpuq.

ᒫᑎᐅᓯᐅᑉ ᐊᒡᓚᖏᑦ 9:22 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 15:28

ᑕᕝᕙ ᔩᓱᓯᐅᑉ ᑭᐅᕚ, “ᐊᕐᓈᖅ ᐅᒃᐱᕐᓃᑦ ᐊᖏᔫᕗᖅ! ᐱᔪᒪᔭᕐᓂᒃ ᑐᓂᓯᕕᐅᓂᐊᓕᕐᐳᑎᑦ.” ᑕᕝᕔᓐᓇᖅ ᐊᕐᓇᐅᑉ ᐸᓂᖓ ᐋᖅᑭᒃᐳᖅ.

ᒫᑎᐅᓯᐅᑉ ᐊᒡᓚᖏᑦ 17:18

ᔩᓱᓯᐅᑉ ᐊᓂᕐᓂᕐᓗᒃ ᐃᓂᕐᑎᕐᓗᒍ ᑕᕝᕙᓐᖓᑦ ᐊᓂᖁᕚ, ᐊᓂᕐᓂᕐᓗᒃ ᓄᑲᑉᐱᐊᒥᑦ ᐊᓂᕗᖅ, ᑕᕝᕙᑦᓮᓐᓇᖅ ᓄᑲᑉᐱᐊᖅ ᐋᖅᑭᒃᐳᖅ.

ᒫᑎᐅᓯᐅᑉ ᐊᒡᓚᖏᑦ 8:13

ᔩᓱᓯᓕ ᐅᓇᑕᕐᑐᒃᓮᑦ ᐊᖓᔪᖅᑳᖓᓐᓄᑦ ᐅᖃᕐᐳᖅ, “ᐊᖏᕐᕋᓕᕆᑦ; ᑕᒪᑐᒥᖓ ᐅᒃᐱᕆᔭᕐᓂᒃ ᑐᓂᓯᕕᐅᓂᐊᕐᐳᑎᑦ.” ᐅᓇᑕᕐᑐᒃᓮᓪᓗ ᐊᖓᔪᖅᑳᖓᑦᑕ ᐱᔨᖓ ᑕᕝᕔᓐᓇᖅ ᐋᖅᑭᒃᑕᐅᕗᖅ ᐃᑲᕐᕋᒥ ᑕᕝᕙᓂ.

ᒫᑎᐅᓯᐅᑉ ᐊᒡᓚᖏᑦ 9:2

ᐃᓄᐃᑦ ᐃᓚᖏᑕ ᐋᑦᓯᕕᒋᕚᑦ ᐊᖑᒻᒥᒃ ᓄᑭᖃᖏᑦᑐᒥᒃ, ᐃᒡᓕᕐᒥ ᓇᓚᔪᒥᒃ; ᔩᓱᓯᐅᑉ ᖃᐅᔨᒪᒐᒥᒋᑦ ᐅᒃᐱᕐᓂᖃᕐᓂᖏᓐᓂᒃ, ᐊᖑᑦ ᓄᑭᖃᖏᑦᑐᖅ ᐅᖃᐅᑎᕚ, “ᐃᕐᓃᒃ ᖁᕕᐊᓱᓕᕆᑦ! ᐊᔪᕐᓂᑎᑦ ᐃᓱᒪᒋᔭᐅᔪᓐᓁᕐᒪᑕ.”

ᒫᑎᐅᓯᐅᑉ ᐊᒡᓚᖏᑦ 9:29

ᐃᔨᖏᒃᑎᒃᑯᒡᓗ ᐊᒃᑐᕐᓗᒋᒃ ᐅᖃᕐᐳᖅ, “ᐅᒃᐱᕈᓱᖕᓂᓯᒃ ᒪᓕᒡᓗᒍ ᑍᒤᓕᕐᓕ.”

ᒫᑯᓯᐅᑉ ᐊᒡᓚᖏᑦ 10:52

ᔩᓱᓯᐅᑉ ᐅᖃᐅᑎᕚ, “ᐊᐅᓚᓕᕆᑦ, ᐅᒃᐱᕐᓂᕕᑦ ᐋᖅᑭᒃᐹᑎᑦ.” ᑕᕝᕔᓐᓇᕐᓗ ᑕᑯᔪᓐᓇᕐᓯᕗᖅ ᒪᓕᓕᕐᓗᒍᓗ.

ᒫᑯᓯᐅᑉ ᐊᒡᓚᖏᑦ 5:34

ᔩᓱᓯᐅᑉ ᐅᖃᐅᑎᕚ, “ᐸᓃᒃ ᐅᒃᐱᕐᓂᕕᑦ ᐋᖅᑭᒃᐹᑎᑦ; ᐃᓱᒪᔮᖏᓪᓗᑎᑦ ᕿᒪᕉᑎᓕᕆᑦ, ᐋᖅᑭᒃᑕᐅᒐᕕᑦ ᖃᓄᐃᑦᔪᑎᒋᔭᕐᓂᑦ.”

ᓘᑲᓯᐅᑉ ᐊᒡᓚᖏᑦ 17:19

ᔩᓱᓯᐅᑉ ᐅᖃᐅᑎᕚ, “ᒪᑭᓪᓗᑎᑦ ᑕᑉᕙᓐᖓ ᐂᓕᕆᑦ; ᐅᒃᐱᕈᓱᒃᑲᕕᑦ ᐋᖅᑭᑕᐅᕗᑎᑦ.”

ᓘᑲᓯᐅᑉ ᐊᒡᓚᖏᑦ 18:42

ᔩᓱᓯᐅᑉ ᐅᖃᐅᑎᕚ, “ᑕᐅᑐᓕᕆᑦ; ᐅᒃᐱᕈᓱᖕᓂᕐᓄᑦ ᐋᖅᑭᒃᑕᐅᕗᑎᑦ.”

ᓘᑲᓯᐅᑉ ᐊᒡᓚᖏᑦ 7:50

ᔩᓱᓯᐅᑉ ᐊᕐᓇᖅ ᐅᖃᐅᑎᕚ, “ᐅᒃᐱᕐᓂᕕᑦ ᐱᐅᓕᕚᑎᑦ; ᐃᓱᒪᔮᖏᓪᓗᑎᑦ ᐊᓂᓕᕆᑦ.”

ᓘᑲᓯᐅᑉ ᐊᒡᓚᖏᑦ 8:48

ᔩᓱᓯᐅᑉ ᐅᖃᐅᑎᕚ, “ᐸᓃᒃ ᐅᒃᐱᕐᓂᕕᑦ ᐋᖅᑭᒃᐹᑎᑦ; ᐃᓱᒪᔮᕈᓐᓃᕐᓗᑎᑦ ᐊᖏᕐᕋᓕᕆᑦ.”

ᔪᐊᓇᓯᐅᑉ ᐊᒡᓚᖏᑦ 4:53

ᐊᑖᑕᖓᑕ ᖃᐅᔨᕚ ᑕᕝᕙᓂ ᐃᑲᕐᕋᒥ ᔩᓱᓯᐅᑉ ᐅᖃᐅᑎᓚᐅᕐᒪᒍ, “ᐃᕐᓃᑦ ᐃᓅᓂᐊᕐᐳᖅ”; ᐃᒻᒥᓂᒡᓗ ᐃᒡᓗᒥᐅᖃᑎᓕᒫᖏᓪᓗ ᐅᒃᐱᓕᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:9

ᑖᓐᓇ ᑐᓵᓚᐅᕐᐳᖅ ᐸᐅᓗᓯ ᐊᔪᕆᕐᑐᐃᑎᓪᓗᒍ; ᐸᐅᓗᓯᐅᑉ ᑕᑯᓐᓇᓕᕐᐹ ᐅᒃᐱᕐᓂᖃᕐᓂᖓ ᐋᖅᑭᒃᑕᐅᔪᓐᓇᕐᓂᕐᒥᓂᒃ ᖃᐅᔨᒐᒥᐅᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 16:18

ᐅᓪᓗᓂᒃ ᐊᒥᓱᓂᒃ ᑖᓐᓇ ᑍᒤᓕᐅᕐᐳᖅ. ᐸᐅᓗᓯᐅᑉ ᐊᖏᔪᒥᒃ ᐊᑲᐅᒋᔪᓐᓃᕋᒥᐅᒃ, ᓵᕝᕕᒋᓪᓗᒍ ᐊᓂᕐᓂᕐᓗᒃ ᐅᖃᐅᑎᕚ, “ᔩᓱᓯ ᙭ᔅᑑᓯᐅᑉ ᐊᑎᖓᓂ ᐅᖃᐅᑎᕙᒋᑦ ᐆᒪᓐᖓᑦ ᐊᕐᓇᒥᑦ ᐊᓂᒋᑦ.” ᐊᓂᕐᓂᕐᓗᒃ ᑕᕝᕙᑦᓮᓐᓇᖅ ᑖᑦᓱᒪᖓᑦ ᐊᕐᓇᒥᑦ ᐊᓂᕗᖅ.

ᐄᑉᕈᐃᓄᑦ 4:2

ᐅᕙᒍᑦᑕᐅᖅ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑐᓴᕐᑎᑕᐅᓯᒪᒐᑦᑕ ᑍᒃᑯᑎᑐᓇᖅ; ᑍᒃᑯᐊᓕ ᑐᓴᕐᑕᒥᖕᓂᒃ ᐱᕙᓪᓕᕈᑎᖃᓚᐅᓐᖏᓚᑦ, ᑐᓴᕐᑎᓪᓗᒋᑦ ᐃᓚᓕᐅᕐᓯᓚᐅᖏᒻᒪᑕ ᐅᒃᐱᕐᓂᑯᑦ.