ᒫᑎᐅᓯᐅᑉ ᐊᒡᓚᖏᑦ 9:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᔩᓱᓯᐅᑉ ᑭᐅᕔᑦ, “ᑲᑎᑎᑕᐅᔪᖃᕐᑎᓪᓗᒍ ᖁᕕᐊᓱᒡᓗᑎᒃ ᓂᕆᖃᑎᒌᒃᑎᓪᓗᒋᑦ ᕾᖁᔭᐅᓯᒪᔪᑦ ᕿᒃᓵᒋᐊᖃᕐᑐᕆᕕᓯᐅᒃ, ᐅᐃᒃᓴᖅ ᓱᓕ ᑕᕝᕙᓃᑎᓪᓗᒍ? ᑍᒤᓲᖑᓐᖏᓚᑦ! ᐅᓪᓗᕐᓕ ᓇᓪᓕᐅᑎᔪᒫᕐᐳᖅ ᐅᐃᒃᓴᒥᒃ ᐊᕐᓵᕐᑕᐅᕕᖓᑦ, ᑕᕝᕙ ᑖᒃᑯᐊ ᓂᕆᑦᑍᓕᓕᑍᓐᓇᕈᒫᕐᐳᑦ.

Aglait Ijjurnaittut

¹⁵ Jiisusiup kiuvait, “Katititaujuqaqtillugu quviasuglutik niriqatigiiktillugit qaiqujausimajut qiksaagiaqaqturivisiuk, uiksaq suli tavvaniitillugu? Taimaisuungunngilat! Ullurli nalliutijumaaqpuq uiksamik aqsaaqtauvingat, tavva taakkua nirittaililitainnarumaaqput.

ᒫᑎᐅᓯᐅᑉ ᐊᒡᓚᖏᑦ 9:15 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 22:12

ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᕿᐊᔪᒃᓴᐅᓂᕅᓛᕐᐳᖅ ᐃᓕᑦᓯᓐᓂᒃ ᕿᒃᓵᒃᑐᒃᓴᐅᓂᕅᓪᓗᓂᓗ, ᓄᔧᔭᕐᓯᒪᔪᒃᓴᐅᓂᕅᓛᕐᐳᖅ ᐊᓐᓄᕌᕐᓯᒪᔪᒃᓴᐅᓂᕅᓪᓗᓂᓗ ᕿᒃᓵᒃᑐᕐᓯᐅᑎᓂᒃ.

ᒫᑎᐅᓯᐅᑉ ᐊᒡᓚᖏᑦ 9:14

ᑍᑦᓱᒪᓂ ᔪᐊᓇᓯ ᐹᑉᑎᑎᕆᔨᐅᑉ ᐃᓕᓐᓂᐊᕐᑎᖏᑦ ᔩᓱᓯᒧᐊᕐᐳᑦ, ᐊᐱᕆᓪᓗᒍ, “ᓱᖕᒪᑦ ᐹᕆᓯᓪᓗ ᓂᕆᑦᑍᓕᕙᒃᐱᑖ? ᐃᓕᓐᓂᐊᕐᑎᑎᓪᓕ ᓂᕆᑦᑍᓕᓚᐅᕐᓯᒪᑎᓐᓇᒋᑦ?”

ᒫᑎᐅᓯᐅᑉ ᐊᒡᓚᖏᑦ 9:16

“ᐊᓐᓄᕌᑐᖃᕐᒥᒃ ᐃᓚᓯᔪᖃᕐᐸᓐᖏᓚᖅ ᓄᑖᒥᒃ ᐃᕿᔭᑦᑐᒥᒃ, ᑖᑦᓱᒪ ᓄᑖᑉ ᐃᕿᓕᕈᓂ ᐊᓐᓄᕌᑐᖃᖅ ᐊᓕᒃᑐᕋᔭᕐᒪᒍ, ᐊᓐᓄᕌᑐᖃᐅᓪᓗ ᐊᖕᒪᔪᖓ ᐊᖏᒡᓕᒃᑲᓐᓂᑐᐃᓐᓇᕋᔭᕐᐳᖅ.

ᒫᑯᓯᐅᑉ ᐊᒡᓚᖏᑦ 2:19

ᔩᓱᓯᐅᑉ ᐅᖃᐅᑎᕔᑦ, “ᑲᑎᑎᑕᐅᔪᖃᕐᑎᓪᓗᒍ ᓂᕆᔭᕐᑐᖁᔭᐅᓯᒪᔪᑦ ᓂᕆᑦᑍᓕᓲᖑᕚᑦ ᐅᐃᒃᓴᖅ ᑕᕝᕙᓃᑎᓪᓗᒍ? ᖃᐅᔨᒪᕗᓯ ᐅᐃᒃᓴᖅ ᑕᕝᕙᓃᑎᓪᓗᒍ, ᓂᕆᑦᑍᓕᔪᓐᓇᖏᑦᑐᑦ.

ᒫᑯᓯᐅᑉ ᐊᒡᓚᖏᑦ 2:20

ᐅᓪᓗᐃᑦ ᓇᓪᓕᐅᑎᔪᒫᕐᐳᑦ, ᐅᐃᒃᓴᒥᒃ ᐊᕐᓵᕐᑕᐅᕕᖓᑦ, ᑕᕝᕙ ᓂᕆᑦᑍᓕᓕᕈᒫᕐᐳᑦ.

ᓘᑲᓯᐅᑉ ᐊᒡᓚᖏᑦ 17:22

ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐅᑎᔪᖃᓛᒦᔪ, ᐃᓅᑉ ᐃᕐᓂᖓᑕ ᐅᓪᓗᕐᒥᒃ ᓴᖅᑭᑉᕕᒃᓴᖓᓂᒃ ᑕᑯᔪᒪᓪᓕᕐᕕᒋᓯᒪᔭᑦᓯᓐᓂᒃ ᑭᓯᐊᓂ ᐅᓪᓗᕐᒥᒃ ᑕᑯᕕᒃᓴᕐᑕᖃᓛᒋᑦᑐᖅ.

ᓘᑲᓯᐅᑉ ᐊᒡᓚᖏᑦ 5:34

ᔩᓱᓯᐅᑉ ᐅᖃᐅᑎᕔᑦ, “ᑲᑎᑎᑕᐅᔪᓄᑦ ᓂᕆᔭᕐᑐᕐᓯᒪᔪᑦ ᓂᕆᑦᑍᓕᑎᑦᓱᓐᓇᕐᐱᓯᐅᒃ? ᐅᐃᒃᓴᖅ ᑕᕝᕙᓃᑦᑎᓪᓗᒍ?

ᓘᑲᓯᐅᑉ ᐊᒡᓚᖏᑦ 5:35

ᐅᓪᓗᐃᑦ ᓇᓪᓕᐅᑎᔪᒫᕐᐳᑦ ᐅᐃᒃᓴᒥᒃ ᐊᕐᓵᕐᑕᐅᕕᖓᑦ, ᑕᕝᕙ ᑕᒪᓐᓇ ᓇᓪᓕᐅᑎᒃᐸᑦ ᓂᕆᑦᑍᓕᓕᕈᒫᕐᐳᑦ.”

ᔪᐊᓇᓯᐅᑉ ᐊᒡᓚᖏᑦ 16:6

ᑕᒪᒃᑯᓂᖓᓕ ᐅᖃᐅᑎᒐᑦᓯ, ᐆᒻᒪᑎᑦᓯᒍᑦ ᕿᒃᓵᓕᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 3:29

ᐅᐃᒃᓴᖅ ᑖᓐᓇᐅᕗᖅ ᓄᓕᐊᒃᓴᒥᒃ ᓇᖕᒥᓂᓕᒃ; ᐅᐃᒃᓴᐅᓪᓕ ᐱᖃᓐᓇᕆᔭᖓᑕ, ᓴᓂᐊᓂ ᓇᖏᕐᑑᑉ ᑐᓴᕐᑑᓪᓗ, ᖁᕕᐊᓱᒍᑎᒋᕚ ᐅᐃᒃᓴᐅᑉ ᓂᐱᖓᓂᒃ ᑐᓴᕋᒥ; ᑍᒫᒃ ᑕᕝᕙ ᐅᕙᖓ ᓇᖕᒥᓂᖅ ᖁᕕᐊᓱᖕᓂᕋ ᓈᒻᒪᒃᓯᑦᓯᐊᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 14:23

ᐃᓚᒌᒃᑐᓂᑦ ᐊᑐᓂᑦ ᓂᕈᐊᕐᓯᔭᕇᕋᒥᒃ ᓯᕗᓕᕐᑎᐅᓂᐊᕐᑐᓂᒃ, ᑐᒃᓯᐊᕐᓂᒃᑯᑦ ᓂᕆᑦᑍᓕᓂᒃᑯᓪᓗ ᑐᓂᕔᑦ ᐊᑕᓂᕐᒧᑦ ᐅᒃᐱᕐᕕᒋᔭᒥᖕᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:5

ᑍᒤᒻᒪᑦ ᓄᓕᐊᕇᖑᔪᓯ ᐃᓕᑦᓯᓐᓄᑦ ᐱᑦᑍᓕᖃᑦᑕᐅᑎᓂᐊᕋᓯ ᑭᓯᐊᓂ ᐊᖏᖃᑎᒌᒃᑯᑦᓯ ᑍᒤᓕᐅᕈᒪᖏᓪᓗᓯ ᓯᕕᑭᑦᑐᒥᒃ, ᑐᒃᓯᐊᕐᓂᕐᒥᒃ ᐱᕕᒃᓴᖃᖔᕈᒪᓂᕐᒧᑦ; ᑭᖑᓂᖓᒍᓪᓕ ᐅᑎᖃᑦᑕᐅᑎᑦᓯᐊᕐᑐᒃᓴᐅᒋᕗᓯ, ᓵᑖᓇᓯᐅᑉ ᐆᒃᑐᕐᓗᐃᓂᖓᓂᑦ ᐃᓕᑦᓯᓐᓂᒃ ᓴᐳᑎᓯᒪᓂᐊᕋᑦᓯ ᐃᒃᓯᒎᕐᑍᓕᔪᓐᓇᖏᓐᓇᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:27

ᐱᓇᓱᐊᕐᓂᕐᒧᓪᓗ ᐊᒃᓱᕈᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓ ᓯᓂᔪᐃᑦᑑᖃᑦᑕᕐᓯᒪᕗᖓ ᐅᓐᓄᐊᒃᑯᑦ, ᑳᖃᑦᑕᕐᓯᒪᕗᖓ ᐃᒥᕈᖃᑦᑕᕐᓯᒪᓪᓗᖓᓗ; ᐅᓄᕐᑐᐃᕐᓱᓪᓗᖓ ᓂᕆᔭᒃᓴᖃᖃᑦᑕᕐᓯᒪᓐᖏᓚᖓ, ᐃᒃᑮᕐᓇᕐᑐᒦᖃᑦᑕᕐᓯᕗᖓ ᐊᓐᓄᕌᒃᓴᖃᕐᓇᖓᓗ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:9

ᐂᖏᓕᐅᓪᓗ ᐅᖃᐅᑎᕚᖓ, “ᐅᓇ ᑎᑎᕋᕈᒃ: ᓮᒪᕐᑎᑕᐅᓯᒪᕗᑦ ᓄᕐᕋᐅᔭᐅᑉ ᑲᑎᑎᑕᐅᓂᖓᑕ ᓂᕆᕕᒡᔪᐊᕈᑕᐅᓂᐊᕐᓂᖓᓄᑦ ᕾᖁᔭᐅᔪᑦ.” ᐂᖏᓕᓗ ᐅᖃᒃᑲᓐᓂᕐᐳᖅ, “ᑕᒪᒃᑯᐊ ᓱᓕᔪᒥᒃ ᒎᑎᐅᑉ ᐅᖃᐅᓯᕆᕔᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:2

ᐃᒡᓗᒐᓴᒡᔪᐊᓪᓗ ᐃᑦᔪᕐᓁᑦᑐᑦ ᑕᑯᕙᒃᑲ, ᔨᕉᓴᓕᒻ ᓄᑖᖅ, ᕿᓚᖕᒥᑦ ᐊᖅᑲᕐᑐᖅ ᒎᑎᒥᑦ, ᐊᑐᐃᓐᓇᕈᕐᓯᒪᓕᕐᑐᖅ ᓄᓕᐊᒃᓴᑐᑦ ᐊᓐᓄᕌᕐᓯᒪᑦᓯᐊᓕᕐᑐᑎᑐᑦ ᐅᐃᒃᓴᒥᓄᑦ ᐊᑐᐃᓐᓇᐅᓕᕐᑐᑎᑐᑦ.