ᒫᑎᐅᓯᐅᑉ ᐊᒡᓚᖏᑦ 9:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᑏ ᖃᐅᔨᓴᑦᓯᐊᓚᐅᕆᑦᓯ, ᒎᑎᐅᑉ ᐅᖃᐅᓯᖏᓐᓂ ᖃᓄᖅ ᑐᑭᖃᕐᒪᖔᑦ, ᐃᒫᒃ ᐅᖃᕐᓯᒪᔪᖅ: ‘ᓂᑲᒍᓱᖕᓂᖅ ᐱᔪᒪᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᓇᓛᒎᑦᓯᐊᕐᑐᓂᒃ ᑎᑭᑦᔪᑎᖃᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ ᕾᖁᔨᔭᕐᑐᕐᐳᖓ.”

Aglait Ijjurnaittut

¹³ Atii qaujisatsialaurissi, Guutiup uqausinginni qanuq tukiqarmangaat, imaak uqaqsimajuq: ‘Nikagusungniq pijumavara, uumajunik tunirrusirniunngittuq.’ Nalaaguutsiaqtunik tikijjutiqaqsimanngilanga, ajuqtulijunigli qaiqujijaqtuqpunga.”

ᒫᑎᐅᓯᐅᑉ ᐊᒡᓚᖏᑦ 9:13 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:3

ᐃᓱᐊᕐᑐᓂᒃ ᓈᒻᒪᑦᓯᐊᕐᑐᓂᒡᓗ ᐱᓇᓱᐊᕐᓂᖅ ᓈᒻᒪᒋᔭᐅᓂᕐᓴᐅᕗᖅ ᐊᑕᓂᕐᒧᑦ, ᑐᓂᕐᕈᑎᓂᑦ ᐆᑕᒃᓴᓂᑦ ᑐᓂᓯᓂᕐᒥᑦ.

ᕼᐆᓯᐊᑉ ᐊᒡᓚᖏᑦ 6:6

ᓇᒡᓕᖕᓂᓯ ᓱᖁᓯᔪᐃᑦᑐᖅ ᐱᔪᒪᕙᕋ ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ, ᒎᑎᒥᒃ ᖃᐅᔨᖁᕙᒃᑲ, ᑐᓂᕐᕈᑎᓂᑦ ᐃᑯᐊᓪᓚᑎᑦᓯᓂᑐᐃᓐᓇᐅᖏᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 12:3

ᔩᓱᓯᐅᑉ ᑭᐅᕔᑦ, “ᐊᑐᐊᕐᓯᓚᐅᕐᓯᒪᓐᖏᓚᓰ ᑍᕕᑎᐅᑉ ᐱᓂᐊᕐᓂᕆᓚᐅᕐᑕᖓᓂᒃ, ᑍᑦᓱᒪᓂ ᓇᖕᒥᓂᖅ ᐅᓇᑕᕐᑐᒃᓴᖁᑎᖏᓪᓗ ᑳᓕᕐᑎᓪᓗᒋᑦ?

ᒫᑎᐅᓯᐅᑉ ᐊᒡᓚᖏᑦ 12:5

ᐅᕝᕙᓗ ᐊᑐᐊᕐᓯᓚᐅᕐᓯᒪᓐᖏᓚᓰ ᓴᐸᑎᐅᓕᕌᖓᑦ ᑐᓂᕐᕈᓯᕐᑎᑦᓯᔩᑦ ᑐᒃᓯᐊᕐᕕᒃᔪᐊᕐᒥ ᓴᐸᑎᐅᑉ ᐱᖁᔭᖓᓂᒃ ᓱᕅᕙᖕᒪᑕ? ᑍᒤᒐᓗᐊᕐᑎᓪᓗᒋᓪᓕ ᑕᒪᑐᒥᖓ ᐸᓯᔭᒃᓴᐅᑦᔪᑎᖃᓐᖏᓛᑦ?

ᒫᑎᐅᓯᐅᑉ ᐊᒡᓚᖏᑦ 12:7

ᒎᑎᐅᑉ ᐅᖃᐅᓯᖏᓐᓂ ᐅᖃᕐᓯᒪᔪᑦ ᖃᐅᔨᒪᒍᑦᓯᒋᒃ ᖃᓄᖅ ᑐᑭᖃᕐᒪᖔᑕ, ᐃᒤᓕᔪᑦ, ‘ᓂᑲᒍᓱᖕᓂᖅ ᐱᔪᒪᔭᕆᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᑖᑦᓱᒪ ᑐᑭᖓ ᑐᑭᓯᒍᑦᓯᐅᒃ, ᐸᓯᔭᒃᓴᐅᖏᑦᑐᓂᒃ ᐸᓯᔭᒃᓴᓐᖑᕐᑎᑦᓯᓇᓱᐊᕋᔭᓐᖏᓚᓯ;

ᒫᑎᐅᓯᐅᑉ ᐊᒡᓚᖏᑦ 19:4

ᔩᓱᓯᐅᑉ ᑭᐅᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐊᑐᐊᕐᓯᓚᐅᓐᖏᓚᓰ? ᐅᖃᕐᑐᖃᕐᒪᑦ, ‘ᐱᒋᐊᕐᓂᕐᒥ ᐱᓐᖑᕐᑎᑦᓯᔪᖅ ᐱᓐᖑᕐᑎᑦᓯᓚᐅᕐᒪᑦ ᐊᖑᒻᒥᒃ ᐊᕐᓇᒥᒡᓗ.’

ᒫᑎᐅᓯᐅᑉ ᐊᒡᓚᖏᑦ 21:42

ᔩᓱᓯᐅᑉ ᐅᖃᐅᑎᕔᑦ, “ᒎᑎᐅᑉ ᐅᖃᐅᓯᖏᓐᓂᒃ ᐅᖃᓕᒫᓚᐅᕐᓯᒪᓐᖏᓚᓰ ᐃᒤᓕᔪᓂᒃ? ‘ᐅᔭᕋᒃ ᑐᓐᖓᕕᒃᓴᖅ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᓪᓚᕆᐊᓗᓐᖑᕐᐳᖅ ᑎᕆᖅᑰᓕᕐᓗᓂ; ᑕᒪᓐᓇ ᐊᑕᓂᐅᑉ ᓇᖕᒥᓂᖅ ᐱᓇᓱᐊᓚᐅᕐᐹ; ᐅᕙᑦᑎᓐᓄᓪᓗ ᑲᒪᓇᕐᑐᐊᓘᕗᖅ!’

ᒫᑎᐅᓯᐅᑉ ᐊᒡᓚᖏᑦ 3:2

ᐅᖃᕐᓗᓂ, “ᖃᕿᐊᓕᕆᑦᓯ, ᒎᑎᐅᑉ ᐊᑕᓂᐅᕕᖓ ᖃᒡᓕᓕᕐᒪᑦ!”

ᒫᑎᐅᓯᐅᑉ ᐊᒡᓚᖏᑦ 3:8

ᖃᕿᐊᓕᕐᓂᓯ ᓇᓗᓁᓕᕐᓯᐅᒃ ᐱᓂᐊᕐᓂᑦᓯᒍᑦ,

ᒫᑎᐅᓯᐅᑉ ᐊᒡᓚᖏᑦ 4:17

ᑕᕝᕙᓐᖓᑦ ᐱᒋᐊᕐᓗᒍ ᔩᓱᓯ ᐊᔪᕆᕐᑐᐃᓯᕗᖅ, ᐅᖃᕐᓗᓂ: “ᖃᕿᐊᓕᕆᑦᓯ, ᕿᓚᐅᑉ ᐊᑕᓂᐅᕕᐊ ᖃᒡᓕᓕᕐᒪᑦ!”

ᒫᑯᓯᐅᑉ ᐊᒡᓚᖏᑦ 12:26

ᑐᖁᖓᔪᑦ ᒪᑭᑎᑕᐅᓂᖓᓂᒃ ᐅᖃᕐᓯᒪᔪᓂᒃ ᐊᒡᓚᖕᓂ ᐊᑐᐊᕐᓯᓚᐅᕐᓯᒪᓐᖏᓚᓰ ᒨᓯᓯᐅᑉ ᐊᒡᓚᖏᓐᓂ ᐅᖃᐅᓯᖃᕐᑐᓂᒃ ᐅᕐᐱᒐᕐᒥᒃ ᐃᑯᐊᓚᔪᒥᒃ, ᑕᕝᕙᓂ ᐅᓂᒃᑲᐅᓯᕐᒥ ᒎᑎᐅᑉ ᒨᓯᓯ ᐅᖃᐅᑎᓚᐅᕐᒪᒍ, ‘ᐅᕙᖓ ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ?’

ᒫᑯᓯᐅᑉ ᐊᒡᓚᖏᑦ 12:33

ᐃᓄᒃ ᒎᑎᒥᒃ ᓇᒡᓕᒍᓱᒃᑐᒃᓴᐅᖕᒪᑦ ᐆᒻᒪᑎᒥᓄᑦ ᑕᒤᓐᓄᑦ, ᐃᓱᒪᒥᓄᓪᓗ ᑕᒤᓐᓄᑦ, ᐱᔪᓐᓇᕐᓂᕐᒥᓄᓪᓗ ᑕᒤᓐᓄᑦ, ᐃᓅᖃᑎᒥᓂᒡᓗ ᓇᒡᓕᒍᓱᒃᑐᒃᓴᐅᓪᓗᓂ ᐃᒻᒥᓂᒃ ᓇᒡᓕᒋᓂᕐᒥᑐᑦ, ᑖᒃᑯᐊᒃ ᐱᓪᓚᕆᐅᓂᕐᓴᐅᕘᒃ ᑐᓂᕐᕈᑕᐅᖁᔭᐅᔪᓂᑦ ᐆᒪᔪᕕᓂᕐᓂᒃ ᑐᓂᕐᕈᓯᕐᕕᒥ, ᑐᓂᕐᕈᑕᐅᖁᔭᐅᓯᒪᔪᓂᓪᓗ ᑕᒤᓐᓂᑦ.”

ᒫᑯᓯᐅᑉ ᐊᒡᓚᖏᑦ 2:17

ᔩᓱᓯᐅᑉ ᑐᓴᕋᒥᒋᑦ, ᐅᖃᐅᑎᕔᑦ, “ᖃᓄᐃᖏᑦᑐᑦ ᐋᓐᓂᐊᓯᐅᕐᑎᖃᕆᐊᖃᓐᖏᓚᑦ, ᖃᓂᒪᔪᓪᓕ ᑭᓯᒥ; ᐃᓗᐊᕐᑐᓂᒃ ᕾᖁᔨᔭᕐᑐᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ.”

ᓘᑲᓯᐅᑉ ᐊᒡᓚᖏᑦ 10:26

ᔩᓱᓯᐅᑉ ᑭᐅᕚ, “ᖃᓄᖅ ᐱᖁᔧᑦ ᐅᖃᕐᓯᒪᕚᑦ? ᖃᓄᕐᓕ ᑐᑭᓯᓯᒪᕕᒋᑦ?”

ᓘᑲᓯᐅᑉ ᐊᒡᓚᖏᑦ 19:10

ᐃᓅᑉ ᐃᕐᓂᖓ ᑎᑭᓯᒪᖕᒪᑦ ᐊᓯᐅᓯᒪᔪᑦ ᕿᓂᕆᐊᕐᓗᒋᑦ ᐱᐅᓕᔭᕐᑐᕐᓗᒋᓪᓗ.”

ᓘᑲᓯᐅᑉ ᐊᒡᓚᖏᑦ 24:47

᙭ᔅᑑᓯᐅᑉ ᐊᑎᖓᓂ ᓵᒋᐊᕆᐊᖃᕐᓂᕐᒥᒃ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᔪᓐᓇᕐᓂᖏᑦ ᐊᔪᕆᕐᑐᐃᔪᑕᐅᔭᕆᐊᖃᓕᕐᐳᑦ ᐃᓅᖃᑎᒌᒐᓴᒡᔪᐊᓄᑦ, ᔨᕉᓴᓕᒻᒥᑦ ᐱᒋᐊᕐᓗᓂ.

ᓘᑲᓯᐅᑉ ᐊᒡᓚᖏᑦ 5:31

ᔩᓱᓯᐅᑉ ᑭᐅᕔᑦ, “ᐃᓄᐃᑦ ᐋᓐᓂᐊᖏᑦᑐᑦ ᐋᓐᓂᐊᓯᐅᑎᒥᑦ ᑲᒪᒋᔭᐅᔭᕆᐊᖃᓐᖏᓚᑦ, ᖃᓂᒪᔪᓪᓕ ᑭᓯᒥ;

ᓘᑲᓯᐅᑉ ᐊᒡᓚᖏᑦ 5:32

ᐃᓗᐊᕐᑐᑦ ᕾᖁᔭᕐᑐᕐᓯᒪᓐᖏᓚᒃᑲ, ᐱᐅᖏᑦᑐᓕᔪᓪᓕ ᕾᖁᔭᕐᑐᕐᐸᒃᑲ ᓵᒋᐊᖁᓪᓗᒋᑦ.”

ᔪᐊᓇᓯᐅᑉ ᐊᒡᓚᖏᑦ 10:34

ᔩᓱᓯᐅᑉ ᑭᐅᕔᑦ, “ᐱᖁᔭᑦᓯᓐᓂ ᑎᑎᕋᕐᓯᒪᔪᖃᕐᐳᖅ, ‘ᐅᖃᐅᑎᕙᑦᓯ, ᐃᓕᑦᓯ ᒎᑎᐅᕗᓯ.’

ᐋᐴᓯᑕᓖᑦ ᐱᓂᐊᕐᓂᖏᑦ 11:18

ᑖᒃᑯᐊ ᑕᒪᑐᒥᖓ ᑐᓴᕋᒥᒃ ᓂᐱᖃᕈᓐᓃᕐᐳᑦ, ᒎᑎ ᓂᕐᑐᓕᕐᓗᒍ ᐅᖃᕐᐳᑦ, “ᔫᑎᐅᖏᑦᑐᓄᑦᑕᐅᖅ ᒎᑎ ᑐᓂᓯᕗᖅ ᓵᒋᐊᕐᓂᕐᒥᒃ ᐃᓅᓯᖃᕐᓇᕐᑐᒧᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:38

ᐲᑦᑐᕉᓯᐅᑉ ᐅᖃᐅᑎᕔᑦ, “ᖃᕿᐊᓕᕆᑦᓯ, ᐹᑉᑎᑕᐅᓗᓯᓗ ᑕᒪᑦᓯ ᔩᓱᓯ ᙭ᔅᑑᓯᐅᑉ ᐊᑎᖓᓂ, ᐊᔪᕐᓂᑦᓯᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᓯ; ᐊᓂᕐᓂᐅᑉ ᐃᑦᔪᕐᓁᑦᑑᑉ ᑐᓂᕐᕈᑖᓂᒃ ᐱᓂᐊᕐᐳᓯ ᑕᕝᕙ.

ᐋᐴᓯᑕᓖᑦ ᐱᓂᐊᕐᓂᖏᑦ 20:21

ᔫᑎᓄᑦ ᒍᕇᑭᓄᓪᓗ ᐊᑦᔨᒌᓂᒃ ᐅᖃᐅᑦᔪᐃᕙᓚᐅᕐᐳᖓ ᒎᑎᒧᑦ ᖃᕿᐊᓕᕐᓗᑎᒃ ᓵᒋᐊᖁᓪᓗᒋᑦ ᐊᔪᕐᓂᕐᒥᖕᓂᑦ; ᐅᒃᐱᖁᓪᓗᒋᓪᓗ ᐊᑕᓂᕐᒧᑦ ᔩᓱᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 3:19

ᑍᒤᒻᒪᑦ ᖃᕿᐊᓕᕆᑦᓯ, ᒎᑎᒧᓪᓗ ᓵᒋᐊᕐᓗᓯ, ᐱᐅᖏᑐᓕᓂᓯ ᑕᕝᕙ ᐲᔭᕐᓂᐊᕐᐰᑦ, ᓄᑖᒥᒡᓗ ᐱᔪᓐᓇᕐᓂᕐᑖᕐᑎᑕᐅᖃᑦᑕᕐᓂᐊᕐᐳᓯ ᐊᑕᓂᐅᑉ ᓇᔫᑎᓂᖓᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 5:31

ᒎᑎᐅᑉ ᐊᑕᓂᖑᕐᑎᓚᐅᕐᐹ ᑕᓕᕐᐱᖕᒥᓂ ᓯᕗᓕᕐᑎᖑᕐᑎᓪᓗᓂᐅᒃ ᐱᐅᓕᔨᖑᕐᑎᓪᓗᓂᐅᒡᓗ, ᐃᓴᕆᐊᓕᒥᐅᑦ ᖃᕿᐊᓕᕐᕕᒃᓴᖃᖁᓪᓗᒋᑦ ᐱᐅᖏᑦᑐᓕᓂᖏᓐᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᓪᓗ.

ᐲᑦᑐᕉᓯ ᐂᑉᐸᖏᑦ 3:9

ᐊᑕᓂᐅᑉ ᐊᖏᕐᓯᒪᓂᓂ ᑭᖑᕙᕐᑎᓐᖏᓛ ᐃᓚᖏᓐᓄᑦ ᑭᖑᕙᕐᑎᑕᐅᓇᓱᒋᔭᐅᒐᓗᐊᕐᒪᑦ, ᕿᓄᐃᓵᕐᐳᕐᓕ ᐃᓕᑦᓯᓐᓄᑦ, ᓇᓪᓕᐊᓐᓂᒡᓘᓐᓃᑦ ᐊᓯᐅᑐᐃᓐᓇᖁᔨᖏᓐᓇᒥ, ᑕᒤᓐᓂᒡᓕ ᐊᔪᕐᑐᓕᓂᕐᒥᖕᓂᑦ ᓵᒋᐊᕐᕕᒃᓴᖃᕐᑎᑦᑎᕗᖅ.