ᒫᑎᐅᓯᐅᑉ ᐊᒡᓚᖏᑦ 8:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᔩᓱᓯ ᑕᓯᐅᑉ ᐊᑭᐊᓄᑦ ᑎᑭᒻᒪᑦ ᓄᓇᐅᑉ ᒑᑕᕋᒥᐅᑦ ᓄᓇᖓᑕ ᐃᓚᖓᓃᑦᑐᒧᑦ, ᐊᖑᑏᖕᓄᑦ ᒪᕐᕉᖕᓄᑦ ᐅᐸᒃᑕᐅᕗᖅ, ᐃᓗᕖᑦ ᕾᕈᓱᖏᓐᓂᑦ ᐱᔫᖕᓄᑦ, ᐊᓂᕐᓂᕐᓗᖕᒧᑦ ᐃᑎᕐᑕᐅᓯᒪᔫᖕᓄᑦ, ᑲᑉᐱᐊᓇᒻᒪᕆᓕᕐᒪᑎᒃ ᐃᓄᖕᓄᑦ ᑕᒪᓐᓇ ᓄᓇ ᓇᔪᕐᑕᖓᒃ ᐅᐸᒃᑕᐅᔪᒪᔪᓐᓃᓚᐅᕐᐳᖅ.

Aglait Ijjurnaittut

²⁸ Jiisusi tasiup akianut tikimmat nunaup Gaataramiut nunangata ilanganiittumut, angutiingnut marruungnut upaktauvuq, iluvit qairusunginnit pijuungnut, anirnirlungmut itiqtausimajuungnut, kappianammarilirmatik inungnut tamanna nuna najuqtangak upaktaujumajunniilauqpuq.

ᒫᑎᐅᓯᐅᑉ ᐊᒡᓚᖏᑦ 8:28 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 10:38

ᔩᓱᓯ ᓈᓴᕇᑎᒥᐅᖅ ᒎᑎᐅᑉ ᑯᕝᕕᕆᓚᐅᕐᑕᖓ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐱᔪᓐᓇᕐᓂᕐᒥᒡᓗ; ᑖᓐᓇ ᓇᒧᑐᐃᓐᓇᖅ ᐂᖃᑦᑕᓚᐅᕐᐳᖅ ᐱᐅᔪᓂᒃ ᐱᓇᓱᐊᕐᓗᓂ, ᐃᓅᓕᒃᓯᓪᓗᓂᓗ ᓵᑖᓇᓯᒧᑦ ᓵᓚᐅᓯᒪᔪᓂᒃ, ᒎᑎᐅᑉ ᐃᓚᒋᓚᐅᕐᒪᒍ.

ᒫᑎᐅᓯᐅᑉ ᐊᒡᓚᖏᑦ 4:24

ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.

ᐃᓗᐊᕐᓮᔩᑦ ᐊᒡᓚᖏᑦ 5:6

ᓴᒻᒐᕆ ᐃᓅᑎᓪᓗᒍ, ᐊᓇᑎᐅᑉ ᐃᕐᓂᖓᑕ, ᔧᓕᓗ ᐃᓅᑎᓪᓗᒍ, ᐃᓄᒋᐊᒃᑐᕐᔪᐊᑦ ᐊᖅᑯᓵᖃᑦᑕᕐᑐᑦ ᓄᖅᑲᓚᐅᕐᐳᑦ, ᐊᐅᓪᓚᑲᑕᒃᑏᓪᓗ ᐊᖅᑯᑎᐅᒐᔪᖏᑦᑐᓂᒃ ᐊᑐᖃᑦᑕᓕᕐᓗᑎᒃ

ᒨᓯᓯ ᓯᕗᓪᓖᑦ 15:21

ᐊᒧᕅᑎᓄᓪᓗ, ᑬᓇᓂᒥᐅᓄᓪᓗ, ᒋᕐᒐᓮᑎᓄᓪᓗ, ᔨᐳᓮᑎᓄᓪᓗᑦᑕᐅᖅ.”

ᒨᓯᓯ ᓯᕗᓪᓖᑦ 10:16

ᑬᓇᓂ ᑭᖑᕚᖃᓚᐅᕆᕗᖅ ᔨᐳᓮᑎᓂᒃ, ᐊᒧᕅᑎᓂᒡᓗ, ᒋᕐᒐᓮᑎᓂᒡᓗ,

ᒨᓯᓯ ᑕᓪᓕᒪᖏᑦ 7:1

“ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᓐᓂᐊᕐᐹᓯ ᓄᓇᑖᕆᓂᐊᕐᑕᑦᓯᓐᓄᑦ, ᐃᓅᖃᑎᒌᒡᔪᐊᓪᓗ ᐅᓄᕐᑐᑦ ᑕᒫᓂ ᓄᓇᖃᕐᑐᑦ ᓅᑎᓐᓂᐊᕐᐰᑦ, ᓵᓚᒃᓴᖁᓪᓗᓯ ᐃᓅᖃᑎᒌᒡᔪᐊᑦ 7ᐃᑦ ᐊᐅᓪᓚᕐᑎᓐᓂᐊᕐᐰᑦ ᐃᓕᑦᓯᓐᓂᑦ ᐃᓄᒋᐊᖕᓂᕐᓴᐅᔪᑦ ᓴᓐᖏᓂᕐᓴᐅᔪᓪᓗ; ᕼᐃᑍᑎᒥᐅᑦ, ᒋᕐᒐᓮᑎᒥᐅᓪᓗ, ᐊᒧᕅᑎᒥᐅᓪᓗ, ᑬᓇᓂᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᑎᒥᐅᓪᓗ, ᔨᐳᓮᑎᒥᐅᓪᓗ.

ᒫᑎᐅᓯᐅᑉ ᐊᒡᓚᖏᑦ 8:27

ᑖᒃᑯᐊ ᑲᒪᓂᐊᒻᒪᕆᒃᐳᑦ, ᐅᖃᕐᓗᑎᒃ, “ᐅᓈ ᖃᓄᐃᑦᑑᒐᒥ ᐊᒡᓛᑦ ᐊᓄᕆᐅᑉ ᐃᒪᐅᓪᓗ ᓈᓚᒃᑕᖓᑦ?”