ᒫᑎᐅᓯᐅᑉ ᐊᒡᓚᖏᑦ 8:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᐳᑦ, ᐃᓅᓪᓕ ᐃᕐᓂᖓ ᓇᓪᓚᖓᕕᒃᓴᖃᓐᖏᓚᕐᓘᓐᓃᑦ ᑕᕾᕐᓯᕐᕕᒃᓴᒥᒃ.”

Aglait Ijjurnaittut

²⁰ Jiisusiup kiuvaa, “Tiriganiat sitiqaqput, tingmiallu ulluqaqput, Inuulli Irninga nallangaviksaqanngilarluunniit taqaiqsirviksamik.”

ᒫᑎᐅᓯᐅᑉ ᐊᒡᓚᖏᑦ 8:20 ပူးပေါင်းရင်းမြစ်များ

ᐃᓐᖏᕈᑎᑦ 84:3

ᐊᒡᓛᑦ ᖁᐸᓄᐊᑦ ᐊᖏᕐᕋᒃᓴᒥᖕᓂᒃ ᓇᒡᕚᕐᐳᑦ ᑕᕝᕙᓂ, ᖁᐸᓄᐊᓪᓗ ᐸᐱᑯᑖᓖᑦ ᑕᕝᕙᓂ ᐅᓪᓗᓕᐅᕐᓯᒪᓪᓗᑎᒃ, ᕿᑐᕐᖓᒥᓂᒃ ᐃᕙᕕᖃᕈᒪᓪᓗᓂ, ᑐᓂᕐᕈᓯᕐᕕᖁᑎᕕᑦ ᓴᓂᐊᓂ, ᕿᓚᖕᒥᐅᒐᓴᕐᔪᐃᑦ ᐊᑕᓂᖓᑦ, ᐊᖓᔪᖅᑳᕐᔪᐊᕆᔭᕋ ᒎᑎᒐᓗ.

ᓘᑲᓯᐅᑉ ᐊᒡᓚᖏᑦ 2:7

ᑕᕝᕙᓂ ᓄᑕᕋᕐᑖᕆᐅᕈᑎᒥᓂᒃ ᐃᕐᓂᕐᑖᕐᐳᖅ, ᐊᓐᓄᕌᓂᒃ ᐃᒻᒧᓯᕐᐹ, ᐆᒪᔪᐃᑦ ᓂᕆᕕᖓᓄᑦ ᐃᓕᓪᓗᒍ, ᓯᓂᒃᑕᕐᕕᖕᒥ ᐃᓂᒃᓴᖃᖏᓐᓇᒥᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:9

ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᖃᐅᔨᒪᒐᑦᓯᐅᒃ, ᐊᔪᕐᓴᖏᒃᑲᓗᐊᕐᓗᓂ, ᐊᔪᓴᑑᓕᓚᐅᕐᒪᑦ ᐱᑦᔪᑎᒋᓪᓗᓯ, ᐊᔪᕐᓴᓕᕐᓂᖓᓄᑦ ᐊᔪᕐᓴᕈᓃᕐᑎᑕᐅᖁᓪᓗᓯ.

ᓘᑲᓯᐅᑉ ᐊᒡᓚᖏᑦ 2:16

ᑐᐊᕕᕐᓗᑎᒃ ᐂᓕᕐᐳᑦ, ᓇᓂᓯᓪᓗᑎᒃ ᒥᐊᕆᒥᒃ ᔫᓯᐱᒥᒡᓗ, ᓄᑕᕋᑯᓗᖕᒥᒡᓗ ᐆᒪᔪᑦ ᓂᕆᕕᖓᓂ ᓇᓚᔪᒥᒃ.

ᓘᑲᓯᐅᑉ ᐊᒡᓚᖏᑦ 2:12

ᐃᒫᒃ ᖃᐅᔨᒪᑦᔪᑎᖃᕐᓂᐊᕐᐳᓯ; ᓄᑕᕋᑯᓗᒃ ᑕᑯᓂᐊᕐᐸᓯ ᐊᓐᓄᕌᕕᓂᕐᓂᒃ ᐃᒻᒧᓯᕐᓯᒪᔪᖅ ᐆᒪᔪᐃᓪᓗ ᓂᕐᕆᕕᐊᓂ ᐃᓕᓯᒪᔪᖅ.”

ᐃᓐᖏᕈᑎᑦ 109:22

ᐊᔪᕐᓴᕋᒪ ᐃᑲᔪᕐᑕᐅᔭᕆᐊᖃᓕᕐᓗᖓᓗ, ᐆᒻᒪᑎᒐ ᐋᓐᓂᕐᓯᒪᖕᒪᑦ ᐃᓗᓐᓂ.

ᐃᓐᖏᕈᑎᑦ 69:29

ᐋᓐᓂᐊᖃᕐᐳᖓᓕ ᐅᖁᒤᒃᓴᕐᓗᖓᓗ, ᒎᑏ, ᐱᐅᓕᒃᓯᓂᕐᐱᑦ ᖁᑦᓯᒃᑐᒧᑦ ᐂᑎᓪᓛᖓ.

ᓘᑲᓯᐅᑉ ᐊᒡᓚᖏᑦ 8:3

ᔪᐊᓇᓗ ᑦᓲᓴᐅᑉ ᓄᓕᐊᖓ, ᐃᕉᑕᓯᐅᑉ ᐃᒡᓗᒥᓂ ᐊᖓᔪᖅᑳᖁᑎᖓᑕ; ᓲᓵᓇᓗ, ᐊᕐᓁᓪᓗ ᐊᓯᖏᑦ ᐊᒥᓱᑦ, ᖃᓄᑐᐃᓐᓇᖅ ᐃᑲᔪᕐᐸᒃᑐᑦ ᐃᑲᔫᑎᒋᔪᓐᓇᕐᑕᒥᒃᑎᒍᑦ ᔩᓱᓯᒥᒃ ᐃᓕᓐᓂᐊᕐᑎᖏᓐᓂᒡᓗ.

ᒫᑎᐅᓯᐅᑉ ᐊᒡᓚᖏᑦ 12:32

ᓇᓪᓕᐊᓪᓗ ᐊᑭᕋᕐᑐᕐᑐᖅ ᐃᓅᑉ ᐃᕐᓂᖓᓂᒃ ᐃᓱᒪᒋᔪᓐᓁᕐᑕᐅᓂᐊᕐᐳᖅ; ᓇᓪᓕᐊᓪᓕ ᐊᑭᕋᕐᑐᕐᐸᑦ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓱᒪᒋᔪᓐᓁᕐᑕᐅᓂᐊᓐᖏᓚᖅ, ᒫᓐᓇ ᓇᓪᓕᐅᑦᑐᒥ ᐱᔪᒫᕐᑐᒥᓗ.”

ᐃᓐᖏᕈᑎᑦ 104:17

ᑕᕝᕙᓂ ᑎᖕᒥᐊᑦ ᐅᓪᓗᓕᐅᕐᐳᑦ; ᑎᖕᒥᐊᑦ ᓂᐅᑯᑖᓕᑦ ᓯᑐᐊᕆᒃᓂᒃ ᐊᑎᓖᑦ ᑕᕝᕙᓂ ᐊᖏᕐᕋᖃᕐᐳᑦ ᓇᐹᕐᑐᓂ ᑐᖑᔪᐃᓐᓇᕐᑐᓂ.

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 17:9

ᖃᖅᑲᒥᑦ ᐊᖅᑲᓕᕐᓗᑎᒃ, ᔩᓱᓯᐅᑉ ᐃᓂᕐᑎᕐᐰᑦ, ᐅᖃᕐᓗᓂ, “ᑕᒪᑐᒥᖓ ᑕᑯᑎᑕᐅᓂᑦᓯᓐᓂᒃ ᑭᓇᑐᐃᓐᓇᕐᒧᑦ ᐅᖃᕐᑍᓕᒋᑦᓯ; ᐃᓅᑉ ᐃᕐᓂᖓ ᒪᑭᓚᐅᖅᑳᕐᑎᓐᓇᒍ ᑐᖁᖓᔪᓂᑦ.”

ᒫᑎᐅᓯᐅᑉ ᐊᒡᓚᖏᑦ 16:27

ᐃᓅᑉ ᐃᕐᓂᖓ ᑎᑭᑦᓱᒫᕐᒪᑦ ᐂᖏᓖᖁᑎᓂ ᐃᓚᒋᓗᒋᑦ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂᑦ, ᑕᕝᕙᓂ ᐊᑐᓂᑦ ᐊᑭᓕᕈᒫᕐᐰᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 16:13

ᑕᕝᕙ ᔩᓱᓯ ᓯᓴᕆᐊ ᐱᓕᐰᑉ ᓄᓇᖓᑕ ᖃᓂᒋᔮᓄᐊᕐᐳᖅ, ᑕᕝᕙᓂ ᐃᓕᓐᓂᐊᕐᑎᓂ ᐊᐱᕆᕔᑦ, “ᐃᓅᑉ ᐃᕐᓂᖓ ᐃᓄᖕᓂᑦ ᑭᓇᐅᓇᓱᒋᔭᐅᕚ?”

ᒫᑎᐅᓯᐅᑉ ᐊᒡᓚᖏᑦ 12:40

ᔫᓇ ᐃᒪᕐᒥᐅᑖᓘᑉ ᐃᓗᐊᓃᓚᐅᕐᒪᑦ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ, ᑍᒫᒃᑕᐅᖅ ᐃᓅᑉ ᐃᕐᓂᖓ ᐅᓪᓗᓂᒃ ᐱᖓᓱᓂᒃ ᐅᓐᓄᐊᓂᒡᓗ ᐱᖓᓱᓂᒃ ᓄᓇᕐᔪᐊᑉ ᐃᑎᓂᖓᑕ ᐃᓗᐊᓃᑦᓱᒫᕆᕗᖅ.

ᒫᑎᐅᓯᐅᑉ ᐊᒡᓚᖏᑦ 12:8

ᐃᓅᑉ ᐃᕐᓂᖓ ᓴᐸᑎᒧᑦ ᐊᑕᓂᐅᖕᒪᑦ.”

ᐃᓐᖏᕈᑎᑦ 40:17

ᐊᔪᕐᓴᕐᑑᕗᖓᓕ ᐃᑲᔪᕐᑕᐅᔭᕆᐊᖃᕐᓗᖓᓗ; ᓱᓕᓕ ᐊᑕᓂᐅᑉ ᐃᓱᒪᒋᕚᖓ. ᐃᑲᔪᕐᑎᒋᕙᒋᑦ ᓴᐳᑦᔨᔨᒋᓪᓗᑎᓪᓗ; ᒎᑏᒃ, ᐃᑲᔪᕐᓇᓵᕐᓂᐊᕐᓇᖓ.

ᑖᓂᐊᓕᐅᑉ ᐊᒡᓚᖏᑦ 7:13

“ᑕᑯᑎᑕᐅᑎᓪᓗᖓ ᐅᓐᓄᐊᒥ ᑕᑯᕗᖓ ᐃᓅᑉ ᐃᕐᓂᖓᑕ ᐊᑦᔨᖓᓂᒃ ᓄᕗᔭᓃᑦᑐᒥᒃ, ᑍᒪᖓᑐᖃᕐᓗ ᐃᓅᔪᖅ ᐅᐸᒃᐹ, ᓇᔪᒐᖓᓄᐊᕐᑎᑕᐅᓪᓗᓂᓗ.

ᐃᓐᖏᕈᑎᑦ 104:12

ᑕᒫᓂ ᓇᐹᕐᑐᓂ ᕿᓚᐅᑉ ᑎᖕᒥᐊᖏᑦ ᐊᖏᕐᕋᖃᕆᕗᑦ; ᓂᑦᔮᖃᑦᑕᕐᐳᑦ ᓇᐹᕐᑐᐃᑦ ᐊᕙᓚᖓᔪᖏᓐᓂ.

ᒫᑎᐅᓯᐅᑉ ᐊᒡᓚᖏᑦ 13:37

ᔩᓱᓯᐅᑉ ᑭᐅᕔᑦ, “ᐊᖑᑦ ᐱᕈᕐᑐᒃᓴᓂᒃ ᐱᐅᔪᓂᒃ ᑲᓐᖓᕐᓱᐃᔪᖅ, ᑖᓐᓇᐅᕗᖅ ᐃᓅᑉ ᐃᕐᓂᖓ;

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᓘᑲᓯᐅᑉ ᐊᒡᓚᖏᑦ 9:58

ᔩᓱᓯᐅᑉ ᑭᐅᕚ, “ᑎᕆᒐᓂᐊᑦ ᓯᑎᖃᕐᐳᑦ, ᑎᖕᒥᐊᓪᓗ ᐅᓪᓗᖃᕐᖢᑎᒃ; ᐃᓅᓪᓕ ᐃᕐᓂᖓ ᓇᓂᑐᐃᓐᓇ ᓯᓂᒡᕕᒃᓴᖃᓐᖏᓚᕐᓘᓐᓃᑦ.”

ᓘᑲᓯᐅᑉ ᐊᒡᓚᖏᑦ 12:8

“ᐅᖃᐅᑎᕙᑦᓯ, ᓇᓪᓕᐊᑦ ᐃᓄᖕᓄᑦ ᐅᕙᓐᓂᒃ ᐅᖃᐅᓯᓕᒃ ᑍᒫᓪᓗᐊᖅ ᐃᓅᑉ ᐃᕐᓂᖓᑕ ᐅᖃᐅᓯᕆᔪᒫᕆᕚ ᒎᑎᐅᑉ ᐂᖏᓕᖏᓐᓄᑦ;

ᓘᑲᓯᐅᑉ ᐊᒡᓚᖏᑦ 18:8

ᐅᖃᐅᑎᕙᑦᓯ, ᐃᓄᖁᑎᓂ ᑕᕝᕔᓐᓇᖅ ᐃᑲᔪᕈᒪᒐᔭᕐᐰᑦ. ᐃᓅᑉ ᐃᕐᓂᖓ ᓄᓇᕐᔪᐊᕐᒧᑦ ᑎᑭᒃᑯᓂ, ᐅᒃᐱᕐᓂᖃᑦᓯᐊᕐᑐᓂᒃ ᓇᓂᓯᒐᔭᕐᐹ?”

ᓘᑲᓯᐅᑉ ᐊᒡᓚᖏᑦ 21:36

ᑍᒪᓐᖓᑦ ᖃᐅᔨᓴᑦᓮᓐᓇᕆᑦᓯ, ᑐᒃᓯᐊᖃᑦᑕᕐᓗᓯ ᐱᔪᓐᓇᕐᓂᖃᕐᑎᑕᐅᖁᓪᓗᓯ ᐊᓂᒍᐃᔪᓐᓇᖁᓪᓗᓯ ᑕᒪᒃᑯᐊ ᐱᔪᒫᕐᑐᑦ ᐊᑐᓕᕐᐸᑕ, ᓇᖏᕈᓐᓇᖁᓪᓗᓯᓗ ᐃᓅᑉ ᐃᕐᓂᖓᑕ ᓵᖓᓂ.”

ᔪᐊᓇᓯᐅᑉ ᐊᒡᓚᖏᑦ 1:51

ᐅᖃᐅᑎᓪᓗᒋᓪᓗ, “ᓱᓕᑦᓯᐊᕐᑐᒥᒃ ᐅᖃᐅᑎᕙᑦᓯ, ᕿᓚᒃ ᐊᖕᒪᕐᑐᖅ ᑕᑯᔪᒫᕐᐸᓯ, ᒎᑎᐅᓪᓗ ᐂᖏᓕᖏᑦ ᒪᔪᕋᕐᑐᑦ ᐊᖅᑲᕐᑎᕐᑐᓪᓗ ᐃᓅᑉ ᐃᕐᓂᖓᓄᑦ.”

ᔪᐊᓇᓯᐅᑉ ᐊᒡᓚᖏᑦ 3:13

ᕿᓚᓕᐊᕐᑐᖃᓚᐅᕐᓯᒪᓐᖏᓚᖅ, ᕿᓚᖕᒥᑦ ᐊᖅᑲᕐᑐᖅ ᑭᓯᒥ, ᑕᕝᕙ ᐃᓅᑉ ᐃᕐᓂᖓ.

ᔪᐊᓇᓯᐅᑉ ᐊᒡᓚᖏᑦ 3:14

“ᓲᕐᓗ ᒨᓯᓯᐅᑉ ᖁᒡᓗᒋᐊᓐᖑᐊᖅ ᓇᑉᐸᕐᑎᓚᐅᕐᒪᒍ ᐃᓄᖃᖏᑦᑐᒥ, ᑍᒫᒃᑕᐅᖅ ᐃᓅᑉ ᐃᕐᓂᖓ ᓇᑉᐸᕐᑕᐅᔭᕆᐊᖃᕐᐳᖅ,

ᔪᐊᓇᓯᐅᑉ ᐊᒡᓚᖏᑦ 6:27

ᓂᕿᒃᓴᒥᒃ ᓄᖑᓴᕅᑦᑐᒥᒃ ᐱᓇᓱᐊᕐᓂᐊᕋᓯ, ᓂᕿᒃᓴᒥᒡᓕ ᐱᓇᓱᐊᓕᕆᑦᓯ ᐃᓅᓯᕐᑖᕐᓇᕐᑐᒥᒃ ᓄᖑᓱᐃᑦᑐᒧᑦ, ᐃᓅᑉ ᐃᕐᓂᖓᑕ ᑐᓂᓂᐊᕐᑕᖓᓂᒃ ᐃᓕᑦᓯᓐᓄᑦ; ᑖᓐᓇ ᒎᑎᐅᑉ ᐊᑖᑕᐅᑉ ᓇᓗᓁᒃᑯᓯᕐᓯᒪᖕᒪᒍ ᓈᒻᒪᒃᓴᕐᓂᕐᒥᓂᒃ.”

ᔪᐊᓇᓯᐅᑉ ᐊᒡᓚᖏᑦ 6:53

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐃᓅᑉ ᐃᕐᓂᖓᑕ ᑎᒥᖓᓂᒃ ᓂᕆᖏᒃᑯᑦᓯ ᐊᐅᖓᓂᒡᓗ ᐃᒥᖏᒃᑯᑦᓯ, ᐃᓅᓯᖃᕈᓐᓇᓐᖏᓚᓯ ᐃᓗᑦᓯᓐᓃᑦᑐᒥᒃ.

ᔪᐊᓇᓯᐅᑉ ᐊᒡᓚᖏᑦ 6:62

ᖃᓄᕐᓕ ᐃᓱᒪᕕᓰ ᐃᓅᑉ ᐃᕐᓂᖓ ᑕᑯᒐᔭᕈᑦᓯᐅᒃ ᖁᒻᒧᐊᓕᕐᑎᓪᓗᒍ ᓯᕗᕐᖓᓂ ᐃᓂᒋᓚᐅᕐᑕᒥᓄᑦ?

ᔪᐊᓇᓯᐅᑉ ᐊᒡᓚᖏᑦ 12:34

ᐃᓄᒋᐊᒃᑐᕐᔪᐊᑦ ᑭᐅᕚᑦ, “ᐱᖁᔭᑦᑎᓐᓂᑦ ᑐᓴᕐᓯᒪᕗᒍᑦ ᙭ᔅᑑᓯᒎᖅ ᐃᓱᖃᖏᑦᑐᒧᑦ ᐃᓅᔪᒫᕐᒪᑦ. ᖃᓄᐃᒻᒪᓪᓕ ᐅᖃᕐᐱᑦ ᐃᓅᑉ ᐃᕐᓂᖓ ᓇᑉᐸᕐᑎᑕᐅᔭᕆᐊᖃᕐᐳᖅ; ᑭᓁᓐᓇ ᐃᓅᑉ ᐃᕐᓂᖓ?”

ᔪᐊᓇᓯᐅᑉ ᐊᒡᓚᖏᑦ 13:31

ᔫᑕᓯ ᐊᓂᖕᒪᑦ, ᔩᓱᓯ ᐅᖃᕐᐳᖅ, “ᒫᓐᓇ ᐃᓅᑉ ᐃᕐᓂᖓ ᓂᕐᑐᕐᓇᕐᑎᑕᐅᕗᖅ, ᒎᑎ ᑖᑦᓱᒨᓇ ᓂᕐᑐᕐᓇᕐᑎᑕᐅᒋᕗᖅ;

ᐋᐴᓯᑕᓖᑦ ᐱᓂᐊᕐᓂᖏᑦ 7:56

ᐅᖃᕐᓗᓂ, “ᑕᑯᒋᑦ, ᕿᓚᒃ ᐊᖕᒪᕐᑐᖅ ᑕᑯᕙᕋ, ᐃᓅᓪᓗ ᐃᕐᓂᖓ ᓇᖏᕐᑐᖅ ᒎᑎᐅᑉ ᑕᓕᕐᐱᐊᓂ.”