ᒫᑎᐅᓯᐅᑉ ᐊᒡᓚᖏᑦ 7:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐃᖅᑲᕐᑐᕐᑕᐅᕕᐅᑉ ᐅᓪᓗᖓᓂ, ᐊᒥᓱᑦ ᐅᕙᓐᓄᑦ ᐅᖃᕈᒫᕐᐳᑦ, ‘ᐊᑕᓃᖅ, ᐊᑕᓃᖅ! ᐊᑎᕐᓂ ᒎᑎᐅᑉ ᐅᖃᕐᑕᐅᖁᔭᖓᓂᒃ ᐅᖃᓪᓚᖃᑦᑕᓚᐅᕐᐳᒍᑦ, ᐊᑎᕐᓂᓗ ᐊᓂᕐᓂᕐᓗᐃᑦ ᐊᒥᓱᑦ ᐃᓄᖕᓂᑦ ᐊᓂᑎᖃᑦᑕᓚᐅᕐᐸᕗᑦ, ᐅᓄᕐᑐᓂᒡᓗ ᑲᒪᓇᕐᑐᓕᓂᕐᓂᒃ ᓴᖅᑭᑎᑦᓯᖃᑦᑕᓚᐅᕐᐳᒍᑦ!’

Aglait Ijjurnaittut

²² Iqqaqtuqtauviup ullungani, amisut uvannut uqarumaaqput, ‘Ataniq, Ataniq! Atirni Guutiup uqaqtauqujanganik uqallaqattalauqpugut, atirnilu anirnirluit amisut inungnit anitiqattalauqpavut, unuqtuniglu kamanaqtulinirnik saqqititsiqattalauqpugut!’

ᒫᑎᐅᓯᐅᑉ ᐊᒡᓚᖏᑦ 7:22 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 2:11

ᐊᖑᑎᐅᑉ ᐱᐅᔪᕆᓂᕐᒧᑦ ᑕᑯᔭᐅᑎᓐᓇᓱᐊᕐᓂᖓ ᒥᒃᓕᓕᕐᑎᑕᐅᔪᒫᕐᐳᖅ, ᐃᓄᐃᓪᓗ ᐱᐅᔪᕆᔪᑦ ᒥᑭᒡᓕᑎᑕᐅᓗᑎᒃ, ᐊᑕᓂᖅ ᑖᓐᓇᑐᐊᖅ ᐊᖏᒡᓕᑎᑕᐅᔪᒫᕐᐳᖅ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ.

ᐂᓮᐊᓯᐅᑉ ᐊᒡᓚᖏᑦ 2:17

ᐃᓅᓪᓗ ᐱᐅᔪᕆᓂᖓ ᒥᑭᒡᓕᑎᑦᓱᒫᕐᐹ, ᐃᓄᐃᓪᓗ ᐱᐅᔪᕆᓂᖏᑦ ᒥᑭᔪᕈᕐᑎᓪᓗᒋᑦ; ᐊᑕᓂᖅ ᑖᓐᓇᑐᐊᖅ ᐊᖏᔪᕈᕐᑎᑕᐅᔪᒫᕐᐳᖅ ᐅᓪᓗᒥ ᑖᑦᓱᒪᓂ.

ᒨᓯᓯ ᓯᑕᒪᖏᑦ 24:4

ᒎᑎᒧᑦ ᐅᖃᕐᑎᑕᐅᓂᖓ, ᑐᓵᔫᑉ ᒎᑎᐅᑉ ᓂᐱᖓᓂᒃ, ᑕᐅᑐᒃᑎᑕᐅᔫᓪᓗ ᐊᔪᒐᖃᖏᑦᑐᑉ ᑕᑯᑎᑦᓯᔪᑎᖏᓐᓂᒃ, ᐹᒻᒪᖓᔫᓪᓗ, ᐃᔨᖏᒃ ᐅᐃᑕᓪᓗᑎᒃ:

ᒨᓯᓯ ᓯᑕᒪᖏᑦ 31:8

ᒥᑎᐊᓂᒥᐅᓪᓗ ᐊᖓᔪᖅᑳᕐᔪᐊᖏᑦ ᑐᖁᑉᐰᑦ ᑐᖁᑕᐅᔪᑦ ᐃᓚᒋᓪᓗᒋᑦ ᐅᑯᐊ- ᐃᕕ, ᕆᑭᒻ, ᔫᕆ, ᕼᐊᕐ, ᐊᒻᒪᓗ ᕆᐸ, ᑕᓪᓕᒪᑦ ᒥᑎᐊᓂᒥᐅᑦ ᐊᖓᔪᖅᑳᕐᔪᐊᑦ. ᐸᓛᒻ-ᑕᐅᖅ ᐱᐅᕆᐅᑉ ᐃᕐᓂᖓ ᓴᕕᒃᔪᐊᒧᑦ ᑐᖁᓚᐅᕆᕚᑦ.

ᒫᑎᐅᓯᐅᑉ ᐊᒡᓚᖏᑦ 10:15

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᒎᑎᐅᑉ ᓂᑲᒋᓂᕐᓴᕆᓛᕐᐰᑦ ᓱᑑᒪᒥᐅᑦ ᒍᒨᕋᒥᐅᓪᓗ ᐃᓄᖏᑦ ᑖᒃᑯᓇᖓᑦ ᓄᓇᓕᖕᓂᑦ ᑐᓐᖓᓱᒃᑎᑦᓯᖏᑦᑐᓂᑦ.”

ᒫᑎᐅᓯᐅᑉ ᐊᒡᓚᖏᑦ 24:36

“ᑭᓇᒥᒡᓘᓐᓃᑦ ᖃᐅᔨᒪᔪᖃᓐᖏᓚᖅ, ᓯᓚᕐᔫᑉ ᓇᒡᒐᑎᒃᓴᖓᑕ ᐅᓪᓗᖓᓂᒃ ᐃᑲᕐᕋᖓᓂᒡᓘᓐᓃᑦ; ᐂᖏᓖᑦ ᐊᒡᓛᑦ ᕿᓚᖕᒦᑦᑐᑦ ᖃᐅᔨᒪᖏᓐᓂᕗᑦ, ᐃᕐᓂᐅᓪᓘᓐᓃᑦ ᖃᐅᔨᒪᖏᓐᓂᕚ, ᐊᑖᑕᒪ ᑭᓯᒥ ᖃᐅᔨᒪᕚ.

ᒫᑎᐅᓯᐅᑉ ᐊᒡᓚᖏᑦ 25:11

“ᑭᖑᓂᖓᒍᓪᓕ ᐊᕐᓁᑦ ᐃᓚᖏᑦ ᑎᑭᑉᐳᑦ, ᐅᖃᕐᓗᑎᒃ, ‘ᐊᑕᓃᖅ! ᐊᑕᓃᖅ! ᐅᒃᑯᐃᕈᑎᑎᒍᑦ.’

ᒫᑎᐅᓯᐅᑉ ᐊᒡᓚᖏᑦ 7:21

“ᐅᕙᓐᓂᒃ ᐊᑕᓂᖃᕐᓂᕋᕐᑐᓕᒫᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕐᓂᐊᓐᖏᓚᑦ, ᐊᑖᑕᒪᓕ ᕿᓚᖕᒦᑦᑑᑉ ᐱᓇᓱᐊᕐᑕᐅᖁᔭᖓᓂᒃ ᓈᓚᒃᑐᑦ ᑭᓯᒥ.

ᓘᑲᓯᐅᑉ ᐊᒡᓚᖏᑦ 10:12

ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᓄᓇᓖᑦ ᑖᒃᑯᐊ ᓂᑲᒋᔭᐅᖏᓐᓂᕐᓴᐅᔪᒫᕐᐳᑦ ᓱᑑᒪᒥᐅᓂᑦ.”

ᔪᐊᓇᓯᐅᑉ ᐊᒡᓚᖏᑦ 11:51

ᑕᒪᑐᒥᖓ ᐃᒻᒥᓂᒃ ᐅᖃᓚᐅᓐᖏᓚᖅ; ᐊᕐᕌᒍᒥᓕ ᑕᒪᑐᒪᓂ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᒻᒪᕆᒋᔭᐅᒐᒥ ᒎᑎᐅᑉ ᐅᖃᕐᑕᐅᖁᔭᖓᓂᒃ ᐅᖃᐅᓯᖃᓚᐅᕐᐳᖅ ᔩᓱᓯ ᑐᖁᑕᐅᔪᒃᓴᐅᖕᒪᑦ ᐃᓅᖃᑎᒌᒡᔪᐊᑦ ᐱᓪᓗᒋᑦ,

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:4

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᑖᕐᑐᒦᓐᖏᓚᓯ, ᑍᒤᒻᒪᑦ ᐅᓪᓘᑉ ᑍᑦᓱᒪ ᑎᒡᓕᒊᔭᕕᓂᕐᑐᑦ ᐅᐸᓗᐃᓂᐊᓐᖏᓛᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:10

ᑎᑭᒃᑯᓂ ᐱᓐᓇᕐᓇᕐᑎᑕᐅᓗᓂ ᐅᐱᓐᓇᕐᑎᑕᐅᓗᓂ, ᐅᒃᐱᕈᓱᒃᑐᓕᒫᓂᓪᓗ ᑲᒪᓂᐊᕆᔭᐅᔪᒫᕐᐳᖅ, ᐃᓕᑦᓯᑦᑕᐅᖅ ᐃᓚᒋᔭᐅᔪᒫᕐᐳᓯ ᐅᖃᐅᓰᑦ ᓇᓗᓁᕐᓯᓂᕆᔭᕗᑦ ᐅᒃᐱᕆᓚᐅᕋᑦᓯᐅᒃ.

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.

ᑎᒧᑎᒧᑦ ᐂᑉᐸᖏᑦ 1:18

ᐊᑕᓂᐅᑉ ᐱᔪᓐᓇᕐᑎᓪᓕᐅᒃ ᓈᒃᑭᒋᔭᐅᓂᕐᒥᒃ ᐊᑕᓂᕐᒥᑦ ᓇᓂᓯᖁᓪᓗᒍ ᐅᓪᓗᕐᒥ ᓇᓪᓕᐅᑦᓱᒫᕐᑐᒥ; ᖃᐅᔨᒪᕗᑎᓪᓗ ᐃᑲᔪᕐᓯᒪᓪᓚᕆᖕᓂᖓᓂᒃ ᐅᕙᓐᓄᑦ ᐃᐱᓲᓯᒥ.

ᑎᒧᑎᒧᑦ ᐂᑉᐸᖏᑦ 4:8

ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.