ᒫᑎᐅᓯᐅᑉ ᐊᒡᓚᖏᑦ 7:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᑎᕐᕕᒃ ᓂᕈᑭᑦᑑᕗᖅ ᐃᓅᓯᕐᒧᑦ ᓄᖑᓱᐃᑦᑐᒧᑦ ᑐᕌᖓᔪᖅ, ᐊᖅᑯᑎᖓ ᐱᔭᕐᓂᖏᑦᑑᓪᓗᓂ, ᐅᓄᖏᑦᑐᑦ ᑕᒪᓐᓇ ᓇᓂᕚᑦ.”

Aglait Ijjurnaittut

¹⁴ Itirvik nirukittuuvuq inuusirmut nungusuittumut turaangajuq, aqqutinga pijarninngittuulluni, ununngittut tamanna nanivaat.”

ᒫᑎᐅᓯᐅᑉ ᐊᒡᓚᖏᑦ 7:14 ပူးပေါင်းရင်းမြစ်များ

ᐃᓐᖏᕈᑎᑦ 16:11

ᖃᐅᔨᑎᓐᓂᐊᕐᐸᕐᒪ ᐊᖅᑯᒻᒥᒃ ᐃᓅᓯᕐᒧᑦ ᑕᓯᐅᕐᓯᔪᒥᒃ; ᓇᔪᕐᓂᕐᓂ ᖁᕕᐊᓱᖕᓂᕐᒥᒃ ᐃᓱᐊᕐᑐᒥᒃ ᐱᑕᖃᕐᒪᑦ, ᐊᒡᒐᖕᓂᓗ ᑕᓕᕐᐱᖕᓂ ᖁᕕᐊᓇᕐᑐᖃᕐᓗᓂ ᐃᓱᖃᖏᑦᑐᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:20

ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.

ᐂᓮᐊᓯᐅᑉ ᐊᒡᓚᖏᑦ 30:21

ᓴᖑᓕᕈᑦᓯ ᑕᓕᕐᐱᒧᑦ ᓴᐅᒥᒧᓪᓘᓐᓃᑦ, ᓯᐅᑎᑦᓯᓐᓄᑦ ᑐᓄᑦᓯᓐᓂ ᓂᐱᖓ ᑐᓴᕈᒫᕐᐸᓯ ᐅᖃᕐᑐᖅ, “ᑕᒪᑦᔭ ᐊᖅᑯᑎᒃᓴᓯ, ᐱᓱᒡᕕᒋᓕᕐᓯᐅᒃ.”

ᐂᓮᐊᓯᐅᑉ ᐊᒡᓚᖏᑦ 35:8

ᐅᓄᕐᑐᓄᑦ ᐊᑐᕐᑕᐅᕙᒃᑐᒥᒃ ᐊᖅᑯᑎᕐᔪᐊᕐᑕᖃᓕᕈᒫᕐᐳᖅ ᑍᑲᓂ, ᑍᔭᐅᓗᓂ “ᐃᑦᔪᕐᓁᑦᑑᑉ ᐊᖅᑯᑎᖓ.” ᐊᔪᕐᑐᓕᔪᓄᑦ ᑕᒪᓐᓇ ᐊᑐᕐᑕᐅᔪᓐᓇᕈᒫᓐᖏᓚᖅ, ᒎᑎᐅᓪᓕ ᐃᓄᖁᑎᖏᓐᓄᑐᐊᖅ ᐊᑐᕐᑕᐅᔪᒫᕐᐳᖅ, ᓯᓔᑦᑐᓪᓘᓐᓃᑦ ᑕᒫᓂ ᑕᒻᒪᕈᒫᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 57:14

ᐅᖃᕐᑐᖃᕈᒫᕐᐳᖅ, “ᓴᓇᒋᑦᓯ, ᓴᓇᒋᑦᓯ, ᐊᖅᑯᑎᒃᓴᖅ ᐱᔭᕇᓕᕐᓯᐅᒃ, ᐃᓄᖁᑎᒪ ᐊᑐᕐᓂᐊᕐᑕᖓᓂ ᐊᒡᕕᐊᕈᑎᒃᓮᑦ ᐲᔭᕐᑕᐅᓕᕐᓕᑦ.”

ᔨᕆᒤᐊᐅᑉ ᐊᒡᓚᖏᑦ 6:16

ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’

ᒫᑎᐅᓯᐅᑉ ᐊᒡᓚᖏᑦ 20:16

“ᑍᒤᒻᒪᑦ ᑭᖑᓪᓖᑦ ᓯᕗᓪᓕᐅᔪᒫᕐᐳᑦ, ᓯᕗᓪᓖᓪᓗ ᑭᖑᓪᓕᐅᔪᒫᕐᐳᑦ.”

ᒫᑎᐅᓯᐅᑉ ᐊᒡᓚᖏᑦ 22:14

“ᕾᖁᔭᐅᓯᒪᔪᑦ ᐅᓄᕐᐳᑦ, ᐅᓄᖏᑦᑐᓪᓕ ᓂᕈᐊᕐᑕᐅᕗᑦ.”

ᒫᑎᐅᓯᐅᑉ ᐊᒡᓚᖏᑦ 7:13

“ᐃᑎᕐᕕᑭᑦᑐᒃᑯᑦ ᐃᑎᕆᑦᓯ, ᐃᑎᕐᕕᒃ ᓂᕈᑐᖕᒪᑦ ᑲᑉᐱᐊᓇᕐᑐᕕᖕᒧᑦ ᑐᕌᖓᔪᖅ, ᐊᖅᑯᑎᖓ ᐱᔭᕐᓂᕐᑑᓪᓗᓂ, ᐊᒥᓱᑦ ᑕᒪᓐᓇ ᐊᑐᕐᐹᑦ.

ᒫᑎᐅᓯᐅᑉ ᐊᒡᓚᖏᑦ 7:15

“ᖃᐅᔨᓴᑦᓯᐊᕆᑦᓯ ᓇᓚᐅᑦᑍᔫᔮᕐᑐᓂᒃ ᓱᓕᖏᑦᑐᓂᒃ; ᑍᒃᑯᐊ ᓯᓚᑎᒥᒃᑎᒍᑦ ᓰᐱᐅᖅᑰᔨᓇᓱᐊᕐᓗᑎᒃ ᐃᓕᑦᓯᓐᓄᐊᕐᓂᐊᕐᒪᑕ, ᐃᓗᒥᒃᑎᒍᓪᓕ ᐹᔪᒪᔪᑎᑐᑦ ᐊᒪᕈᕐᑎᑐᑦ ᑍᒤᑉᐳᑦ.

ᒫᑯᓯᐅᑉ ᐊᒡᓚᖏᑦ 8:34

ᔩᓱᓯ ᐃᓄᖕᓂᒃ ᐃᓕᓐᓂᐊᕐᑎᒥᓂᒡᓗ ᕾᖁᔨᕗᖅ ᐅᖃᐅᑎᓪᓗᒋᑦ, “ᐅᕙᓐᓂᒃ ᒪᓕᒍᒪᔪᖅ, ᐃᒻᒥᓂᒃ ᐃᓱᒪᒋᔪᒃᓴᐅᓐᖏᓚᖅ ᓴᓐᓂᖓᔪᓕᖕᒥᓂᒡᓕ ᐃᕐᓱᒡᓗᓂ ᐅᕙᓐᓂᒃ ᒪᓕᒃᑐᒃᓴᐅᕗᖅ.

ᓘᑲᓯᐅᑉ ᐊᒡᓚᖏᑦ 12:32

“ᓯᕘᕋᖏᓪᓗᓯ, ᐅᓄᖏᒃᑲᓗᐊᕐᑐᓯ, ᐊᑖᑕᑦᓯ ᖁᕕᐊᓱᒡᓗᓂ ᑐᓂᓯᕕᒋᔪᒪᖕᒪᓯ ᐊᑕᓂᐅᕕᖕᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 16:2

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

ᔪᐊᓇᓯᐅᑉ ᐊᒡᓚᖏᑦ 16:33

ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᕉᒪᒥᐅᓄᑦ 9:32

ᓱᖕᒪᑦ ᐃᓗᐊᕐᓯᑎᑕᐅᓚᐅᓐᖏᓚᑦ? ᐅᒃᐱᕐᓂᑯᑦ ᕿᓂᓚᐅᖏᒻᒪᑕ, ᐱᓂᐊᕐᓂᒃᑯᓪᓕ ᕿᓂᓚᐅᕐᒪᑕ. ᑍᒤᒻᒪᑦ ᐹᓪᓚᓚᐅᕐᐳᑦ ᐅᔭᕋᖕᒧᑦ ᓈᑎᑕᐅᓪᓗᑎᒃ.