ᒫᑎᐅᓯᐅᑉ ᐊᒡᓚᖏᑦ 7:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐱᐅᖏᑦᑑᒐᓗᐊᕐᑐᓯ, ᐱᐅᔪᓂᒃ ᑐᓂᓯᔭᕆᐊᒃᓴᖅ ᕿᑐᕐᖓᑦᓯᓐᓄᑦ ᖃᐅᔨᒪᒐᑦᓯ; ᐊᑖᑕᓯᓕ ᕿᓚᖕᒦᑦᑐᖅ ᐱᐅᔪᓂᒃ ᑐᓂᓯᔭᕆᐊᒃᓴᖅ ᖃᐅᔨᒪᑦᓯᐊᕐᓂᕐᓴᐅᕗᖅ ᑐᒃᓯᐊᕐᕕᒋᔨᒥᓄᑦ.

Aglait Ijjurnaittut

¹¹ Piunngittuugaluaqtusi, piujunik tunisijariaksaq qiturngassinnut qaujimagassi; Ataatasili qilangmiittuq piujunik tunisijariaksaq qaujimatsiarniqsauvuq tuksiarvigijiminut.

ᒫᑎᐅᓯᐅᑉ ᐊᒡᓚᖏᑦ 7:11 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᒨᓯᓯ ᓯᕗᓪᓖᑦ 8:21

ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᓴᒧᐃᓕ ᐂᑉᐸᖏᑦ 7:19

ᑍᒤᒃᑲᓗᐊᕐᒪᑦ ᓱᓕᓕ ᐊᖏᓂᕐᓴᒥᒃ ᐱᓇᓱᐊᓕᕆᕗᑎᑦ ᐊᑕᓃᖅ ᒎᑏ; ᐊᖏᕈᑎᖃᕐᐳᑎᑦ ᑭᖑᕚᓐᓄᑦ ᓯᕗᓂᕐᒥ ᑎᑭᑦᓱᒫᕐᑐᓄᑦ, ᑕᑯᑎᓪᓗᖓᓗ ᓯᕗᓂᕐᒥ ᑭᖑᕚᕇᖑᔪᒫᕐᑐᓂᒃ, ᐊᑕᓃᖅ ᒎᑏ!

ᔫᐱᐅᑉ ᐊᒡᓚᖏᑦ 15:16

ᐃᓄᒃ ᐱᐅᖏᑦᑐᓕᓂᕐᒥᒃ ᐃᒥᖃᑦᑕᕐᐳᖅ ᐃᒥᐅᔮᕐᑎᓪᓗᒍ, ᐄᓛᒃ, ᐃᓄᒃ ᓇᕐᕈᓇᕐᑐᐊᓘᕗᖅ; ᓱᓇᐅᖏᑦᓯᐊᕐᓗᓂᓗ.

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐃᓐᖏᕈᑎᑦ 85:12

ᐄᓛᒃ ᐊᑕᓂᖅ ᐱᐅᔪᒥᒃ ᑐᓂᓯᓂᐊᕐᐳᖅ, ᑕᕝᕙ ᓄᓇᕗᑦ ᐱᕈᕐᑎᑦᓯᓂᐊᕐᐳᖅ ᐱᕈᕐᑐᒥᓂᒃ.

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᐃᓐᖏᕈᑎᑦ 86:5

ᐊᑕᓃᖅ, ᐱᐅᔫᒐᕕᑦ ᐃᓱᒪᒋᔪᓐᓁᕐᕕᖃᕐᓗᑎᓪᓗ, ᓇᒡᓕᖕᓂᖃᕐᐳᑎᓪᓗ ᓱᖁᓯᔪᐃᑦᑐᒥᒃ ᑕᒤᓐᓄᑦ ᐃᓕᖕᓄᑦ ᓂᓪᓕᐊᕕᖃᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 49:15

“ᐊᕐᓇᐅᑉ ᕿᑐᕐᖓᓂ ᐊᒫᒪᒃᑎᑕᓂ ᐳᐃᒍᕈᓐᓇᕐᐸᐅᒃ? ᐃᕐᓂᐊᕆᓚᐅᕐᑕᓂ ᓇᒡᓕᒋᖏᑦᓱᓐᓇᕐᐸᐅᒃ? ᐊᒡᓛᑦ ᐳᐃᒍᑐᐃᓇᕆᐊᖃᕐᐳᑦ, ᐅᕙᖓᓕ ᐳᐃᒍᕐᓂᐊᓐᖏᓚᒋᑦ.

ᐂᓮᐊᓯᐅᑉ ᐊᒡᓚᖏᑦ 63:7

ᐊᑕᓂᐅᑉ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐅᓂᒃᑲᐅᓯᕆᔪᒪᕙᕋ, ᐊᑕᓂᐅᓪᓗ ᓂᕐᑐᕐᓇᕐᓂᖓ, ᐊᑕᓂᐅᓪᓗ ᐱᓂᐊᕐᓂᕆᓯᒪᔭᓕᒫᖏᑦ ᐅᕙᑦᑎᓐᓄᑦ, ᐱᑦᓯᐊᕐᓂᕆᖃᑦᑕᕐᓯᒪᔭᖏᓪᓗ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᖏᓐᓄᑦ ᐱᓂᐊᕐᓂᕆᕙᓚᐅᕐᑕᖏᑦ ᑖᒃᑯᓂᖓ ᓂᑲᒍᓱᖕᓂᕐᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᔨᕆᒤᐊᐅᑉ ᐊᒡᓚᖏᑦ 33:14

“ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᐊᖏᕐᓂᕆᓚᐅᕐᑕᕋ ᐃᓴᕆᐊᓕᒥᐅᓄᑦ ᔫᑕᒥᐅᓄᓪᓗ ᓇᓚᐅᑦᓯᑎᑦᓱᒫᕋᒃᑯ.

ᕼᐆᓯᐊᑉ ᐊᒡᓚᖏᑦ 14:2

ᐅᖃᐅᓯᕐᓂᒃ ᑎᒍᓯᓕᕆᑦ ᐅᑎᕐᓗᑎᓪᓗ ᐊᑕᓂᕐᒧᑦ, ᐅᖃᐅᑎᓗᒍᓗ, “ᐱᐅᖏᑦᑐᓕᓂᓕᒫᑦ ᐲᔭᒃᑭᑦ; ᐱᐅᔪᑦ ᐃᓚᓕᐅᕐᓗᒋᑦ ᓮᒻᒪᕐᑎᑎᒍᑦ ᑕᕝᕙ ᑐᓂᓯᓂᐊᕐᐳᒍᑦ ᖃᓂᑦᑕ ᐱᕈᕐᑎᑕᖏᓐᓂᒃ.

ᒤᑲᐅᑉ ᐊᒡᓚᖏᑦ 7:18

ᑭᓇ ᐃᓕᒃᑐᑦ ᒎᑎᐅᕙ, ᐃᓱᒪᒋᔪᓐᓁᕐᓯᔪᓐᓇᕐᑐᖅ ᐱᐅᖏᑦᑐᓕᓂᕐᓂᒃ ᐊᔪᕐᑐᓕᓂᕐᓂᒡᓗ ᐊᒥᐊᒃᑰᔪᓄᑦ ᐃᓄᖁᑎᒥᓄᑦ ᑭᖑᕚᕆᔭᐅᔪᓄᑦ, ᓂᓐᖓᐅᒤᓐᓇᕈᓐᓇᖏᑦᑐᖅ ᖁᕕᐊᒋᔭᖃᕋᒥ ᓇᒡᓕᖕᓂᕐᒥᒃ ᓱᖁᓯᔪᐃᑦᑐᒥᒃ.

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᒫᑎᐅᓯᐅᑉ ᐊᒡᓚᖏᑦ 23:9

ᐊᑖᑕᒥᒡᓗ ᑍᓯᔪᒃᓴᐅᓐᖏᓚᓯ ᑕᒫᓂ ᓄᓇᒦᑦᑐᒥᒃ, ᐊᑕᐅᓯᑐᐊᒥᒃ ᐊᑖᑕᖃᕋᑦᓯ ᕿᓚᖕᒦᑦᑐᒥᒃ.

ᒫᑎᐅᓯᐅᑉ ᐊᒡᓚᖏᑦ 7:10

ᐅᕝᕙᓗ ᕿᑐᕐᖓᓯ ᐃᖃᓗᖕᒥᒃ ᑐᒃᓯᕋᕐᑎᓪᓗᒍ, ᖁᒡᓗᒋᐊᒥᒃ ᐂᑦᑐᕋᔭᕐᐱᓯᐅᒃ?

ᔪᐊᓇᓯᐅᑉ ᐊᒡᓚᖏᑦ 3:16

ᒎᑎᐅᑉ ᓯᓚᕐᔪᐊᕐᒥᐅᑦ ᓇᒡᓕᒋᓪᓚᕆᒃᑲᒥᒋᑦ ᐃᕐᓂᑐᐊᓂ ᑐᓂᓚᐅᕐᐹ, ᑕᒪᕐᒥᒃ ᑖᑦᓱᒧᖓ ᐅᒃᐱᕐᑐᑦ ᐊᓯᐅᖁᓇᒋᑦ ᓄᖑᓱᐃᑦᑐᒥᒡᓕ ᐃᓅᓯᖃᖁᓪᓗᒋᑦ.

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.

ᕉᒪᒥᐅᓄᑦ 3:9

ᖃᓄᕐᓕ ᑍᒪ; ᔫᑎᐅᔪᒍᑦ ᐱᐅᓂᕐᓴᐅᕕᑖ? ᑍᒤᓐᖏᓚᖅ! ᐅᖃᕇᓚᐅᕐᐳᖓ ᔫᑎᓪᓗ ᒍᕇᑭᓪᓗ ᐊᑦᔨᒌᖕᓂᕋᕐᓗᒋᑦ ᐊᔪᕐᓂᒧᑦ ᓵᓚᐅᓯᒪᔪᐃᓐᓇᐅᖕᒪᑕ,

ᕉᒪᒥᐅᓄᑦ 8:32

ᑖᑦᓱᒪ ᓇᖕᒥᓂᖅ ᐃᕐᓂᓂ ᐊᓐᓂᕆᓇᒍ ᐅᕙᑦᑎᓐᓄᓕᒫᖅ ᑐᓂᓚᐅᕐᒪᒍ, ᑕᕝᕙᓖ ᑐᓂᓯᓂᐊᓐᖏᓛᑎᒍᑦ ᓱᓇᓕᒫᓂᒃ ᑖᑦᓱᒨᓇ?

ᒐᓔᑎᐊᒥᐅᓄᑦ 3:22

ᐊᒡᓔᑦ ᓇᓗᓁᕐᓯᕗᑦ, ᐃᓘᓐᓇᑎᒃ ᐊᔪᕐᓂᕐᒧᑦ ᐱᑎᑕᐅᓯᒪᓂᖏᓐᓂᒃ, ᑍᒤᒻᒪᑦ ᐊᖏᕈᑕᐅᓯᒪᔪᖅ ᑐᓐᖓᕕᖃᕐᑐᖅ ᐅᒃᐱᕐᓂᒃᑯᑦ ᔩᓱᓯ ᙭ᔅᑑᓯᒧᑦ ᑐᓂᔭᐅᔪᓐᓇᖁᓪᓗᒍ ᐅᒃᐱᕐᑐᓄᑦ.

ᔧᒥᓯᐅᑉ ᐊᒡᓚᖏᑦ 1:17

ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

ᔪᐊᓇᓯ ᓯᕗᓪᓖᑦ 3:1

ᖃᐅᔨᒋᑦᓯ ᖃᓄᐃᑦᑐᒥᒃ ᓇᒡᓕᖕᓂᕐᒥᒃ ᐊᑕᑖᐅᑉ ᑐᓂᓯᕕᒋᖕᒪᖔᑎᒍᑦ, ᒎᑎᐅᑉ ᕿᑐᕐᖓᖏᓐᓂᒃ ᑍᔭᐅᔪᓐᓇᕐᓯᖁᓪᓗᑕ; ᑕᕝᕙ ᕿᑐᕐᖓᐅᓕᕐᐳᒍᑦ! ᑍᒤᒻᒪᑦ ᓯᓚᕐᔪᐊᕐᒥᐅᑦ ᐃᓕᑕᕆᓐᖏᓛᑎᒍᑦ ᑖᓐᓇ ᐃᓕᑕᕆᖏᓐᓇᒥᑦᔪᒃ.

ᔪᐊᓇᓯ ᓯᕗᓪᓖᑦ 4:10

ᑕᒪᓐᓇ ᑕᕝᕙ ᓇᒡᓕᖕᓂᖅ, ᒎᑎ ᓇᒡᓕᒋᓯᒪᒐᑦᑎᒎᖏᑦᑐᖅ ᑖᑦᓱᒪᓕ ᓇᒡᓕᒋᖄᓚᐅᕐᒪᑎᒍᑦ ᐃᕐᓂᓂᓗ ᑎᓕᓚᐅᕐᒪᒍ ᐊᔪᕐᓂᕗᑦ ᑖᑦᓱᒨᓇ ᐃᓱᒪᒋᔪᓐᓁᕐᑕᐅᖁᓪᓗᒋᑦ.