ᒫᑎᐅᓯᐅᑉ ᐊᒡᓚᖏᑦ 6:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ “ᑍᒤᒻᒪᑦ ᐃᓱᒪᔮᕈᑎᖃᕐᓂᐊᕋᓯ ᐃᓱᒪᓗᓯ ᐃᒫᒃ; ᓇᑭᓪᓕ ᓂᕆᔭᒃᓴᖃᕐᓂᐊᓕᕐᐱᑖ? ᐅᕝᕙᓘᓐᓃᑦ ᓇᑭᓪᓕ ᐃᒥᒃᓴᖃᕐᓂᐊᓕᕐᐱᑖ? ᓱᓇᒥᒡᓗ ᐊᓐᓄᕌᒃᓴᖃᕐᓂᐊᓕᕐᐱᑖ?

Aglait Ijjurnaittut

³¹ “Taimaimmat isumajaarutiqarniarasi isumalusi imaak; nakilli nirijaksaqarnialiqpita? Uvvaluunniit nakilli imiksaqarnialiqpita? Sunamiglu annuraaksaqarnialiqpita?

ᒫᑎᐅᓯᐅᑉ ᐊᒡᓚᖏᑦ 6:31 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 25:9

ᐊᒪᔧᐊᓗ ᐅᖃᕐᐳᖅ ᒎᑎᐅᑉ ᐃᓄᖁᑎᖓᓄᑦ, “ᖃᓄᐃᓕᐅᕐᑐᒃᓴᐅᓕᕐᐱᑕᓕ ᐊᑭᓕᐅᑎᒋᓚᐅᕐᑕᒃᑲ 100 ᑖᓚᓐᑏᑦ ᐅᓇᑕᕐᑐᒃᓴᓄᑦ ᐃᓴᕆᐊᓕᒥᐅᓅᑦ ᐱᑦᔪᑎᒋᓗᒋᑦ?” ᒎᑎᐅᑉ ᐃᓄᖁᑎᖓ ᑭᐅᕗᖅ, “ᐊᑕᓂᐅᑉ ᑖᒃᑯᓇᓐᖓᑦ ᐅᓄᕐᓂᕐᓴᓂᒃ ᑐᓂᓯᕕᒋᔪᓐᓇᕐᐹᑎᑦ.”

ᐃᓐᖏᕈᑎᑦ 111:5

ᓂᕿᒃᓴᓂᒃ ᑐᓂᓯᖃᑦᑕᕐᐳᖅ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒋᓯᒪᔭᒥᓂᒃ ᐃᖅᑲᐅᒪᑦᓮᓐᓇᕐᐳᖅ.

ᐃᓐᖏᕈᑎᑦ 37:3

ᐊᑕᓂᖅ ᑕᑎᒋᒍᒃ, ᐱᐅᔪᓂᒡᓗ ᐱᓂᐊᕐᓗᑎᑦ; ᓄᓇᒥ ᐃᓂᖃᕐᑎᓪᓗᑎᑦ ᑲᑉᐱᐊᓇᖏᑦᑐᒥ ᐃᓅᖁᓪᓗᑎᑦ ᓱᖁᓯᔪᐃᑦᑑᓂᖓᓂ.

ᐃᓐᖏᕈᑎᑦ 55:22

ᐅᖁᒤᒃᓴᐅᑎᒋᔭᑎᑦ ᐊᑕᓂᕐᒧᑦ ᑐᓂᒃᑭᑦ, ᑖᑦᓱᒪ ᑕᕝᕙ ᓴᐳᑎᓂᐊᕐᐹᑎᑦ; ᐃᓄᐃᑦ ᓱᓕᑦᓯᐊᕋᓱᐊᕐᑐᑦ ᓵᓚᒋᔭᐅᑎᓚᐅᕐᓯᒪᓂᐊᓐᖏᓔᑦ.

ᒫᑎᐅᓯᐅᑉ ᐊᒡᓚᖏᑦ 15:33

ᑕᕝᕙ ᐃᓕᓐᓂᐊᕐᑎᖏᑕ ᐅᖃᐅᑎᕚᑦ, “ᓇᑭᓪᓕ ᑖᒃᑯᓄᖓ ᓈᒻᒪᒃᑐᓂᒃ ᓂᕿᒃᓴᕐᑖᕐᓂᐊᕐᐱᑖ? ᑕᒫᓂ ᓱᓇᖃᔪᐃᑦᑐᒥ ᐃᓄᒐᓴᒡᔪᐊᑦ ᓂᕆᑎᑕᐅᖁᓪᓗᒋᑦ?”

ᒫᑎᐅᓯᐅᑉ ᐊᒡᓚᖏᑦ 4:4

ᔩᓱᓯᐅᑉ ᑭᐅᕚ, “ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᕗᖅ, ‘ᐃᓄᒃ ᓂᐊᖂᔭᑐᐃᓐᓇᕐᒥᒃ ᐃᓅᑦᔪᑎᖃᓐᖏᓚᖅ, ᒎᑎᐅᓪᓕ ᐅᖃᐅᓯᖏᓐᓂᒃ ᖃᓂᖓᓂᑦ ᐊᓂᔪᓂᒃ ᑕᒤᓐᓂᒃ ᐃᓅᑦᔪᑎᒃᓴᖃᕐᐳᖅ.’”

ᒫᑎᐅᓯᐅᑉ ᐊᒡᓚᖏᑦ 6:25

“ᑍᒤᒻᒪᑦ ᐅᖃᐅᑎᕙᑦᓯ: ᐃᓅᓯᑦᓯᓐᓂᒃ ᐃᓱᒪᔮᕈᑎᖃᕐᓂᐊᕋᓯ ᓂᕿᓂᒃ, ᐃᒥᒃᓴᑦᓯᓐᓂᒡᓘᓐᓃᑦ, ᐊᓐᓄᕌᒃᓴᑦᓯᓐᓂᒡᓘᓐᓃᑦ. ᐃᓅᓯᓰ ᐊᓐᓂᕐᓇᕐᓂᕐᓴᐅᓐᖏᓚᖅ ᓂᕿᓂᑦ, ᑎᒥᓯᓘ ᐊᑐᕐᓂᕐᓴᐅᓐᖏᓚᖅ ᐊᓐᓄᕌᓂᑦ?

ᒫᑎᐅᓯᐅᑉ ᐊᒡᓚᖏᑦ 6:27

ᓇᓪᓕᓯ ᐃᓅᓯᕐᒥᓂᒃ ᐅᐃᒍᓯᔪᓐᓇᕐᐹ ᐃᓱᒪᔮᕈᑎᒋᓗᓂᐅᒃ?

ᓘᑲᓯᐅᑉ ᐊᒡᓚᖏᑦ 10:41

ᐊᑕᓂᐅᑉ ᑭᐅᕚ, “ᒫᑖ, ᒫᑖ, ᐃᓱᒪᔮᕈᑎᖃᓗᐊᕋᕕᑦ ᐱᓇᓱᐊᒐᒃᓴᕕᑦ ᐅᓄᕐᓂᖏᓐᓂᒃ;

ᓘᑲᓯᐅᑉ ᐊᒡᓚᖏᑦ 12:11

“ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᑦ ᐋᑕᐅᒍᑦᓯ ᐃᖅᑲᕐᑐᕐᑕᐅᓂᐊᕐᓗᓯ ᐊᐅᓚᑦᓯᔨᓄᑦ ᐊᖓᔪᖅᑳᕐᔪᐊᓄᓪᓗ, ᐃᓱᒪᔮᕐᓂᐊᕋᓯ ᖃᓄᖅ ᑭᒡᒍᓯᒃᓴᖃᕐᓂᐊᕐᒪᖔᑦᓯ ᐅᕝᕙᓗ ᖃᓄᖅ ᐅᖃᕐᓂᐊᕐᒪᖔᑦᓯ;

ᓘᑲᓯᐅᑉ ᐊᒡᓚᖏᑦ 12:22

ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᑍᒤᒻᒪᑦ ᐅᖃᐅᑎᕙᑦᓯ, ᐃᓱᒪᔮᕈᑎᑲᖁᓇᓯ ᐃᓅᑦᔪᑎᒋᓂᐊᕐᑕᑦᓯᓐᓂᒃ, ᓱᓇᒥᒃ ᓂᕆᓂᐊᕐᒪᖔᑦᓯ, ᑎᒥᑦᓯᓗ ᐊᑐᕐᓂᐊᕐᑕᖏᓐᓂᒃ ᓱᓇᒥᒃ ᐊᓐᓄᕌᖃᕐᓂᐊᕐᒪᖔᑦᓯ.

ᓘᑲᓯᐅᑉ ᐊᒡᓚᖏᑦ 12:29

“ᑍᒤᒻᒪᑦ ᐃᓱᒪᔮᕐᓂᐊᕋᓯ ᓱᓇᒥᒃ ᓂᕿᒃᓴᖃᕐᓂᐊᕐᒪᖔᑦᓯ ᐃᒥᒃᓴᖃᕐᓂᐊᕐᒪᖔᑦᓯᓘᓐᓃᑦ.

ᐱᓕᐱᒥᐅᓄᑦ 4:6

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.

ᐲᑦᑐᕉᓯ ᓯᕗᓪᓖᑦ 5:7

ᐃᓱᒫᓗᒍᑎᓕᒫᓯ ᑖᑦᓱᒧᖓ ᐱᑎᓯᒋᒃ, ᑖᑦᓱᒪ ᑲᒪᒋᑦᓯᐊᕈᒪᖕᒪᓯ.