ᒫᑎᐅᓯᐅᑉ ᐊᒡᓚᖏᑦ 5:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᒫᓐᓇᓕ ᐅᖃᐅᑎᕙᑦᓯ: ᐃᓅᖃᑎᒥᓄᑦ ᓂᓐᖓᒃᑐᖅ ᐃᖅᑲᕐᑐᐃᕕᖕᒧᐊᕐᑕᐅᓂᐊᕐᐳᖅ; ᐃᓅᖃᑎᒥᓂᒡᓗ ᐊᑑᑎᒃᓴᖃᖏᓐᓂᕅᔪᖅ ᑖᓐᓇ ᔫᑎᑦ ᐃᖅᑲᕐᑐᐃᔨᖏᓐᓄᐊᕐᑕᐅᓂᐊᕐᐳᖅ, ᐃᓅᖃᑎᒥᓂᒡᓗ ᓱᓇᒃᓴᐅᖏᓐᓂᕅᔪᖅ, ᑖᓐᓇ ᐃᑯᒪᕐᔪᐊᕐᒧᑦ ᐱᑎᑕᒃᓴᐅᕗᖅ.

Aglait Ijjurnaittut

²² Maannali uqautivassi: inuuqatiminut ninngaktuq iqqaqtuivingmuaqtauniaqpuq; inuuqatiminiglu atuutiksaqanginniraijuq taanna Juutit iqqaqtuijinginnuaqtauniaqpuq, inuuqatiminiglu sunaksaunginniraijuq, taanna ikumarjuarmut pititaksauvuq.

ᒫᑎᐅᓯᐅᑉ ᐊᒡᓚᖏᑦ 5:22 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:4

ᐊᖓᔪᖏᓪᓕ ᖃᐅᔨᓕᕋᒥᒃ ᐊᑖᑕᖓᑕ ᓇᒡᓕᒋᓂᕐᓴᕆᖕᒪᒍ ᐃᕐᓂᓕᒫᒥᓂᑦ ᑕᒤᓐᓂᑦ, ᑕᕝᕙ ᐆᒥᒋᓕᕐᐹᑦ ᐊᒡᓛᑦ ᑐᓐᖓᓇᕐᑐᓂᒃ ᐅᖃᐅᑎᔪᓐᓁᓪᓕᓪᓗᒍ.

ᒨᓯᓯ ᓯᕗᓪᓖᑦ 37:8

ᐊᖓᔪᖏᑕᓗ ᐊᐱᕆᕚᑦ, “ᐅᕙᑦᑎᓐᓄᑦ ᐊᖓᔪᖅᑳᓐᖑᓛᕐᑐᕆᕖᑦ? ᐊᐅᓚᑦᓯᓕᕐᓗᑎᓪᓗ ᐅᕙᑦᑎᓐᓂᒃ?” ᑕᕝᕙ ᐆᒥᒋᒋᐊᓪᓚᓕᕐᐹᑦ ᓯᓐᓇᒃᑐᕐᓂᖓᓄᑦ ᐅᖃᐅᓯᖏᓐᓄᓪᓗ.

ᓴᒧᐃᓕ ᐂᑉᐸᖏᑦ 16:7

ᓯᒥᐂᑉ ᐅᖃᕐᓂᕐᓗᐊᕕᒋᓚᐅᕐᐹ ᐅᖃᐅᑎᓪᓗᒍᓗ, “ᐊᐅᓪᓚᓚᐅᕆᑦ! ᐊᐅᓪᓚᓚᐅᕆᑦ! ᑐᖁᕅᔩ! ᐱᖁᔭᓂᒃ ᓯᖁᑦᑎᕆᔩ!

ᓴᒧᐃᓕ ᐂᑉᐸᖏᑦ 6:20

ᑭᖑᓂᖓᒍᑦ ᑍᕕᑎ ᐊᖏᕐᕋᒥᓄᐊᕐᐳᖅ ᐃᓚᒥᓄᑦ, ᒤᑲᐅᓪᓕ ᓴᐅᓕᐅᑉ ᐸᓂᖓᑕ ᐸᕐᕆᐊᕐᐹ, ᐅᖃᐅᑎᓪᓗᒍᓗ, “ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᐃᒻᒥᓂᒃ ᐅᐱᓐᓇᕐᑎᑉᐳᖅ ᐅᓪᓗᒥ, ᐃᒻᒥᓂᒃ ᑕᑯᔭᐅᑎᓚᐅᕐᒪᑦ ᐱᔨᒥᓄᑦ ᐊᕐᓇᓄᑦ, ᓯᓔᑦᑐᑎᑐᑦ ᑲᓐᖑᓱᒐᓂ ᐊᓐᓄᕅᔭᓚᐅᕐᐳᖅ ᑕᑯᓐᓇᕐᑎᓪᓗᒋᑦ!”

ᐊᑕᓃᑦ ᓯᕗᓪᓖᑦ 21:4

ᐂᕼᐊᑉᓗ ᐃᓱᒪᔮᕐᓗᓂ ᕿᒃᓵᒡᓗᓂᓗ ᐊᖏᕐᕋᕐᐳᖅ ᓁᐹᑦ ᔨᔭᕆᐅᓪᒥᐅᑕᐅᑉ ᐅᖃᐅᓯᖏᑦ ᐱᓪᓗᒋᑦ, ᐅᖃᓚᐅᕐᒪᑦ, “ᑐᓂᓂᐊᓐᖏᓚᒋᑦ ᓯᕗᓕᕕᓂᓐᓂᑦ ᐱᑖᕆᓚᐅᕐᑕᓐᓂᒃ.” ᐃᒡᓕᕐᒥᓄᑦ ᓇᓪᓚᕋᒥ ᑐᓄᑉᐳᖅ, ᓂᕆᔪᒪᔪᓐᓃᕐᓗᓂᓗ.

ᑯᕉᓂᑲ ᐂᑉᐸᖏᑦ 16:10

ᐂᓴᓕ ᓂᓐᖓᒃᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ, ᑎᒍᕚᓗ ᐊᑦᓱᖏᐅᑎᒧᐊᕐᓗᒍ, ᑎᒍᔭᐅᓯᒪᕕᖕᒧᐊᕐᐹ, ᓂᓐᖓᐅᑎᒻᒪᕆᒃᐹ ᑕᒪᓐᓇ ᐱᓪᓗᒍ. ᐃᓚᖏᓪᓗ ᐃᓄᐃᑦ ᓂᑲᒋᓇᒋᑦ ᐅᖁᒤᒃᓴᕐᑎᓕᕐᐰᑦ ᑍᑦᓱᒪᓂᐅᑎᓪᓗᒍ.

ᑯᕉᓂᑲ ᐂᑉᐸᖏᑦ 19:5

ᐋᖅᑭᒃᓱᐃᔨᓂᒡᓗ ᑎᓕᓯᕗᖅ ᓄᓇᖃᕐᑐᓕᒫᓄᑦ, ᓴᐴᓗᑕᓕᖕᓄᑦ ᐃᒡᓗᒐᓴᓕᒫᓄᑦ ᔫᑕᒦᑦᑐᓄᑦ, ᐃᒡᓗᒐᓴᖕᓂᑦ ᐃᒡᓗᒐᓴᖕᓄᑦ.

ᓂᕼᐃᒤᐊᐅᑉ ᐊᒡᓚᖏᑦ 5:8

ᐅᖃᐅᑎᓕᓚᐅᕐᐸᒃᑲᓗ, “ᐱᔪᓐᓇᕐᓂᓕᒫᑦᑎᓐᓄᑦ, ᔫᑎᐅᖃᑎᕗᑦ ᐅᑎᕐᑎᓐᓇᓱᓚᐅᕐᐸᕗᑦ ᓂᐅᕕᐊᕆᓪᓗᒋᑦ ᐃᓅᖃᑎᒌᒡᔪᐊᓂᑦ, ᐃᒻᒥᖕᓂᒃ ᓂᐅᕐᕈᑎᒋᕙᓕᕐᓂᕐᒪᑕ ᔫᑎᐅᖏᑦᑐᓄᑦ, ᒫᓐᓇᓗ ᖃᑕᓐᖑᑎᓯ ᓇᖕᒥᓂᖅ ᓂᐅᕐᕈᑎᒋᓕᕆᕗᑦ ᐃᓕᑦᓯᓐᓄᑦ, ᔫᑎᐅᖃᑎᓯ!” ᓯᕗᓕᕐᑏᑦ ᓂᓪᓕᕐᑐᖃᓚᐅᓐᖏᓚᑦ ᐅᖃᐅᓯᒃᓴᖃᕋᑎᒡᓗ.

ᐃᓐᖏᕈᑎᑦ 109:3

ᐊᕙᑎᓕᒫᓐᓃᑦ ᐆᒥᓱᖕᓂᕐᒧᑦ ᐅᖃᐅᓯᖃᕐᐳᑦ; ᐊᑭᕋᕐᑐᕐᐹᖓ ᓱᓇᒥᒃ ᐱᑦᔪᑎᒃᓴᖃᕋᑎᒃ.

ᐃᓐᖏᕈᑎᑦ 14:1

ᓯᓔᑦᑐᖅ ᐆᒻᒪᑎᒥᒍᑦ ᐅᖃᕐᒪᑦ, “ᒎᑎᑕᖃᓐᖏᓚᖅ.” ᐊᔪᕐᑐᓕᔪᐊᓘᕗᑦ, ᐱᓂᐊᕐᓂᖏᓪᓗ ᐱᐅᖏᑦᑑᓪᓗᑎᒃ, ᓇᓪᓕᐊᓐᓂᒡᓘᓐᓃᑦ ᐱᐅᔪᒥᒃ ᐱᓂᐊᕐᓂᖃᕐᑐᖃᓐᖏᓚᑦ.

ᐃᓐᖏᕈᑎᑦ 25:3

ᐃᓛᒃ, ᐃᓘᓐᓇᑎᒃ ᐃᓕᖕᓂᒃ ᓂᕆᐅᒃᑐᑦ ᑲᓐᖑᓱᒃᑎᑕᐅᓂᐊᓐᖏᓚᑦ; ᑲᓐᖑᓱᒃᑎᑕᐅᔭᕆᐊᖃᕐᐳᓪᓕ ᐱᑦᔪᑎᒃᓴᖃᕋᑎᒃ ᑲᑉᐱᐊᒋᔭᐅᔪᓂᒃ ᐱᓇᓱᐊᕐᑐᑦ.

ᐃᓐᖏᕈᑎᑦ 35:19

ᐱᑦᔪᑎᒋᓗᖓ ᖁᕕᐊᓲᑎᖃᕐᑎᑦᑍᓕᒃᑭᑦ ᐅᕙᓐᓂᒃ ᐱᑦᔪᑎᒃᓴᖃᕋᑎᒃ ᐊᑭᕋᕐᑐᕐᑐᑦ; ᐆᒥᓱᖕᓂᕐᒧᓪᓗ ᐃᔨᒥᖕᓂᒃ ᓯᑯᓐᖏᓪᓚᒃᑎᑦᑍᓕᒃᑭᑦ ᐅᕙᓐᓂᒃ ᐆᒥᓱᒃᑐᑦ ᓱᓇᐅᖏᑦᑐᒧᑦ.

ᐃᓐᖏᕈᑎᑦ 37:8

ᓂᓐᖓᐅᒪᓂᐊᕐᓇᒃ, ᓂᓐᖓᐅᒪᔮᕐᓂᕐᓗ ᐊᑐᕐᓂᐊᕐᓇᒍ; ᐃᓱᒪᔮᕐᓂᐊᕐᓇᒃ ᐃᓕᖕᓂᒃ ᐊᑲᐅᖏᑦᑐᒧᑦ ᑎᑭᑕᐅᑎᖁᓇᒃ.

ᐃᓐᖏᕈᑎᑦ 49:10

ᑕᑯᓐᓇᕐᒪᑕ ᓯᓚᑐᔪᑦᑕᐅᖅ ᑐᖁᓂᖏᓐᓂᒃ; ᑍᒫᒃᑕᐅᖅ ᓯᓔᑦᑐᑦ ᐃᓕᓯᒤᑦᑐᓪᓗ ᑐᖁᒋᕗᑦ, ᐊᒃᓗᐃᑦᔪᑎᑎᒃ ᕿᒪᒡᓗᒋᑦ ᐊᓯᒥᖕᓄᑦ.

ᐃᓐᖏᕈᑎᑦ 69:4

ᐅᕙᓐᓂᒃ ᐆᒥᓱᒃᑐᑦ ᐱᑦᔪᑎᒃᓴᖃᕋᑎᒃ ᐅᓄᕐᓂᕐᓴᐅᕗᑦ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᐊᔪᖏᑦᑐᕐᔪᐊᖑᕗᑦ ᐅᕙᓐᓂᒃ ᑐᖁᑦᓯᔪᒪᔪᑦ, ᓱᓕᖏᑦᑐᒧᑦ ᐊᑭᕋᕐᑐᕐᑎᒋᕙᒃᑲ. ᓱᓇᒥᒃ ᑎᒡᓕᓚᐅᕐᓇᖓ, ᐅᑎᕐᑎᑦᓯᔭᕆᐊᖃᕐᐳᖓ?

ᐃᓐᖏᕈᑎᑦ 7:4

ᐃᓅᖃᑎᓐᓂᒃ ᐊᑭᓂᐊᕐᓯᒪᒍᒪ ᐱᐅᖏᑦᑐᒥᒃ ᐅᕙᓐᓂᒃ ᖃᓄᐃᓕᐅᖏᑦᑐᒥᒃ; ᐊᑭᕋᕐᑐᕐᑎᓐᓂᒡᓘᓐᓃᑦ ᑎᒡᓕᒐᕐᕕᖃᕐᓯᒪᒍᒪ ᐱᑦᔪᑎᒃᓴᖃᖏᓪᓗᖓ,

ᐃᓐᖏᕈᑎᑦ 92:6

ᐃᒃᐱᒍᓱᖏᑦᑑᑉ ᑕᒪᓐᓇ ᖃᐅᔨᒪᓐᖏᓛ, ᓯᓔᑦᑑᓪᓗ ᑐᑭᓯᔪᓐᓇᕋᓂᐅᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:16

ᓯᓚᑐᔪᖅ ᓯᕘᕋᒐᒥ ᐱᐅᖏᑦᑐᒥᒃ ᐊᑐᕐᑍᓕᕗᖅ, ᓯᓔᑦᑐᕐᓕ ᐃᓱᒤᓐᓇᕐᕆᓪᓗᓂ ᐊᑐᕆᐊᖃᓐᖏᑕᓂ ᑲᒪᒋᑦᓯᐊᓐᖏᓛ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:6

ᓯᓔᑦᑐᖅ ᐂᕙᓂᕐᒥᒃ ᐱᒋᐊᕐᑎᑦᓯᕗᖅ, ᖃᓂᖓ ᑏᒐᕐᑐᕐᑕᐅᓂᕐᒥᒃ ᑲᔪᖏᕐᓮᕗᖅ.

ᔨᕆᒤᐊᐅᑉ ᐊᒡᓚᖏᑦ 17:11

ᐊᕿᒡᒋᐅᔭᑎᑐᑦ ᒪᓐᓂᒋᓐᖏᑕᒥᓂᒃ ᐃᕙᓕᕐᑐᑎᑐᑦ, ᐊᖑᑦ ᓈᒻᒪᓈᖏᑦᑐᒃᑯᑦ ᐊᒃᓱᐃᓕᓯᒪᔪᖅ ᑍᒤᑦᑑᕗᖅ, ᐃᓅᓯᖓᑕ ᐃᓚᖓᓂ ᐊᓯᐅᔨᔪᒫᕐᐳᖅ, ᐃᓅᓯᐊᑕᓗ ᐃᓱᐊᓂ ᓯᓔᑦᑑᓂᖓ ᓇᓗᓇᕈᓐᓃᕈᒫᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:52

ᑎᖕᒥᐊᑎᑐᑦ ᐱᔭᐅᓇᓱᒃᐳᖓ ᐊᑭᕋᓄᑦ ᐱᑦᔪᑎᒃᓴᖃᕋᑎᒃ.

ᑖᓂᐊᓕᐅᑉ ᐊᒡᓚᖏᑦ 3:13

ᓂᐱᑯᓁᓴ ᓂᓐᖓᒃᑐᐊᓘᒐᒥ, ᓵᑐᕌᑭ, ᒥᓵᑭᓗ, ᐊᐱᓐᑎᒎᓗ, ᕾᑕᐅᖁᕔᑦ. ᑖᒃᑯᐊᓗ ᐊᖓᔪᖅᑳᕐᔪᐊᑉ ᓵᖓᓄᑦ ᐱᑎᑕᐅᕗᑦ.

ᑖᓂᐊᓕᐅᑉ ᐊᒡᓚᖏᑦ 3:19

ᓂᐱᑯᓁᓴᓕ ᓂᓐᖓᒃᑐᒻᒪᕆᐊᓘᒐᒥ, ᓵᑐᕌᑭᒧᑦ, ᒥᓵᑭᒧᓪᓗ, ᐊᐱᓐᑎᒎᒧᓪᓗ, ᑮᓇᖓ ᐊᓯᑦᔨᕐᐳᖅ ᑖᒃᑯᓄᖓ: ᐱᖁᔨᕗᖅ ᐃᒐᐅᑉ ᐃᑯᒪᖓ ᐃᑯᐊᓪᓚᒃᑎᑕᐅᖁᓪᓗᒍ ᐆᓇᕐᓂᕆᕙᒃᑕᖓᓂᑦ 7ᐃᕐᑑᑎᓪᓗᐊᖓᓂᒃ ᐆᓇᕐᓂᕐᓴᐅᓕᖁᓪᓗᒍ.

ᐅᐸᑍᐊᑉ ᐊᒡᓚᖏᑦ 1:10

“ᐊᑲᐅᖏᑦᑐᓕᓂᕆᓚᐅᕐᑕᑎᑦ ᓄᑲᕐᓄᑦ ᔧᑯᒧᑦ ᐱᑦᔪᑎᒋᓪᓗᒋᑦ, ᑲᓐᖑᓱᖕᓂᕐᒧᑦ ᐅᓕᒃᑕᐅᔪᒫᕐᐳᑎᑦ, ᓄᖑᑕᐅᓗᑎᓪᓗ ᐃᓱᖃᖏᑦᑐᒧᑦ.

ᐅᐸᑍᐊᑉ ᐊᒡᓚᖏᑦ 1:12

ᓄᑬᓪᓗ ᖁᕕᐊᓲᑎᒋᔭᒃᓴᕆᓚᐅᓐᖏᓚᑦ ᐱᓂᕐᓗᒃᑕᐅᕕᐊᓂ; ᔫᑕᐅᑉ ᑭᖑᕚᖏᑦ ᖁᕕᐊᓲᑎᒋᓂᐊᕐᓇᒋᑦ ᑲᑉᐱᐊᓱᖕᓂᖏᑕ ᐅᓪᓗᖏᓐᓂ; ᐱᐅᔪᕆᔪᒃᓴᐅᓚᐅᓐᖏᓚᑎᑦ ᐅᓪᓗᖏᑕ ᑲᑉᐱᐊᓱᒃᑎᑕᐅᕕᖏᓐᓂ.

ᒫᑎᐅᓯᐅᑉ ᐊᒡᓚᖏᑦ 10:17

ᖃᐅᔨᓴᑦᓯᐊᕆᑦᓯ, ᐊᖑᑏᑦ ᐃᓚᖏᓐᓄᑦ ᑎᒍᔭᐅᔪᒫᕐᐳᓯ ᐃᖅᑲᕐᑐᕐᑕᐅᕕᖕᒧᓪᓗ ᐋᑕᐅᓗᓯ, ᐃᓯᖁᔭᐅᔪᓐᓃᕈᒫᕐᐳᓯᓗ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓄᑦ.

ᒫᑎᐅᓯᐅᑉ ᐊᒡᓚᖏᑦ 10:28

ᓯᕘᕋᒋᓂᐊᕋᓯᒋᒃ ᑎᒥᒥᒃ ᑐᖁᑦᓯᔪᑦ ᑕᕐᓂᕐᒥᒡᓕ ᑐᖁᑦᓯᔪᓐᓇᖏᑦᑐᑦ; ᓯᕘᕋᒋᓯᐅᒃᓕ, ᑕᒤᓐᓂᒃ ᐊᓯᕈᐃᔪᓐᓇᕐᑐᖅ ᑎᒥᒥᒃ ᑕᕐᓂᕐᒥᒡᓗ ᐃᑯᒪᕐᔪᐊᕐᒥ.

ᒫᑎᐅᓯᐅᑉ ᐊᒡᓚᖏᑦ 12:24

ᐹᕆᓯᑦ ᑕᒪᑐᒥᖓ ᑐᓴᕋᒥᒃ, ᐅᖃᕐᐳᑦ, “ᐅᓇ ᔩᓱᓯ ᐊᓂᕐᓂᕐᓗᖕᓂᒃ ᐃᓄᖕᒥᑦ ᐊᓂᑎᑦᓯᖃᑦᑕᕐᑐᖅ ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓄᑦ ᐱᐅᓪᓯᐹᐱᒧᑦ ᐱᔪᓐᓇᕐᓂᖃᕐᑎᑕᐅᓪᓗᓂ ᑍᒤᓕᐅᖃᑦᑕᕐᑐᖅ.”

ᒫᑎᐅᓯᐅᑉ ᐊᒡᓚᖏᑦ 17:5

ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”

ᒫᑎᐅᓯᐅᑉ ᐊᒡᓚᖏᑦ 18:21

ᑕᕝᕙ ᐲᑦᑐᕉᓯ ᔩᓱᓯᒧᐊᕐᐳᖅ ᐅᖃᕐᓗᓂ, “ᐊᑕᓃᖅ, ᐅᒃᐱᕐᑑᖃᑎᒪ ᐊᔪᕐᑐᓕᕕᒋᖃᑦᑕᕐᐸᖓ, ᖃᑦᓰᕐᑐᕐᓗᖓ ᐃᓱᒪᒋᔪᓐᓁᕐᕕᒋᔭᒃᓴᕆᕙᕌ? 7ᐃᕐᓱᕐᓗᖔ ᓈᒻᒪᒃᐸ?”

ᒫᑎᐅᓯᐅᑉ ᐊᒡᓚᖏᑦ 18:35

“ᑍᒫᒃᑕᐅᖅ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᕕᒋᒐᔭᕆᕚᓯ ᐅᒃᐱᕐᑑᖃᑎᑦᓯᓐᓂᒃ ᐃᓱᒪᒋᔪᓐᓁᕐᕕᖃᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᑦ ᐱᔪᒥᒃ.”

ᒫᑎᐅᓯᐅᑉ ᐊᒡᓚᖏᑦ 23:15

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᓄᓇᒃᑯᑦ ᐃᖏᕐᕋᕙᒃᑐᓯ ᐃᒪᒃᑯᓪᓗ ᐅᒥᐊᕐᑐᕐᓗᓯ ᐃᑳᕐᐸᒃᑐᓯ ᐊᑕᐅᓯᑯᓗᖕᒥᒃ ᒪᓕᒃᑎᑖᕆᐊᕐᑐᕐᓗᓯ; ᒪᓕᒃᑎᑖᕌᖓᑦᓯ, ᑲᑉᐱᐊᓇᕐᑐᕕᖕᒧᐊᕐᑐᒃᓴᓐᖑᕐᑎᑉᐸᓯ ᐃᓕᑦᓯᓐᓂᑦ ᒪᕐᕈᐊᕐᑎᓪᓗᐊᕐᑐᒥᒃ ᐱᐅᖏᓐᓂᕐᓴᐅᓕᕐᑎᓪᓗᒍ!

ᒫᑎᐅᓯᐅᑉ ᐊᒡᓚᖏᑦ 23:33

ᖁᒡᓗᒋᐊᖑᔪᓯ, ᐃᕐᓂᐅᔪᓯᓗ ᖁᒡᓗᒋᐊᕐᔪᐊᓄᑦ, ᖃᓄᖅ ᐃᓕᑦᓯᓐᓂᒃ ᓴᐳᑎᔪᓐᓇᕋᓱᒋᕕᓯ ᑲᑉᐱᐊᓇᕐᑐᕕᖕᒥᑦ?

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒫᑎᐅᓯᐅᑉ ᐊᒡᓚᖏᑦ 26:59

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖏᑦ ᑲᑎᒪᔨᕐᔪᐊᓕᒫᓪᓗ ᓴᒡᓗᓪᓗᑎᒃ ᐱᑦᔪᑎᒃᓴᕐᓯᐅᕋᓱᐊᕐᐳᑦ ᔩᓱᓯᒥᒃ ᑐᖁᑕᐅᑎᑦᓯᔪᒪᓪᓗᑎᒃ;

ᒫᑎᐅᓯᐅᑉ ᐊᒡᓚᖏᑦ 3:17

ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ ᐅᖃᕐᑐᒥᒃ, “ᐅᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ.”

ᒫᑎᐅᓯᐅᑉ ᐊᒡᓚᖏᑦ 5:34

ᒫᓐᓇᓕ ᐅᖃᐅᑎᕙᑦᓯ: ᓱᓇᑐᐃᓐᓇᕐᒥᒃ ᑍᓯᖃᓯᐅᑦᔨᓗᓯ ᐊᖏᒻᒪᕆᒃᑐᒃᓴᐅᓐᖏᓚᓯ, ᕿᓚᒡᓘᓐᓃᑦ ᑍᖃᓯᐅᑎᓗᒍ, ᒎᑎᐅᑉ ᐃᒃᓯᕙᐅᑕᕐᔪᐊᕆᖕᒪᒍ.

ᒫᑎᐅᓯᐅᑉ ᐊᒡᓚᖏᑦ 5:44

ᒫᓐᓇᓕ ᐅᖃᐅᑎᕙᑦᓯ: ᐊᑭᕋᕐᑐᕐᑎᓯ ᓇᒡᓕᒋᓯᒋᒃ, ᐃᓕᑦᓯᓐᓂᒃ ᐅᖃᐅᓯᖃᕐᓗᒃᑐᑦ ᓮᒻᒪᑎᑕᐅᖁᓯᒋᒃ, ᐊᑭᕋᕐᑐᕐᓂᕐᒧᑦ ᐅᖁᒤᒃᓴᕐᑎᑦᓯᔪᑦ ᑐᒃᓯᐅᑎᓯᒋᒃ,

ᒫᑯᓯᐅᑉ ᐊᒡᓚᖏᑦ 14:55

ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᐃᖅᑲᕐᑐᐃᔨᓕᒫᖏᓪᓗ ᔩᓱᓯᐅᑉ ᑐᖁᑕᐅᑦᔪᑎᒃᓴᖓᓂᒃ ᓇᓗᓁᕐᑕᐅᑎᑦᓯᓇᓱᐊᕐᐳᑦ; ᑭᓯᐊᓂ ᑐᖁᑕᐅᑦᔪᑎᒃᓴᒥᒃ ᓇᓂᓯᓚᐅᓐᖏᓚᑦ.

ᒫᑯᓯᐅᑉ ᐊᒡᓚᖏᑦ 15:1

ᐅᓪᓛᖑᓕᕐᒪᑦ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᑲᑎᒪᖃᑎᖃᓕᕐᐳᑦ ᔫᑎᑦ ᐊᖓᔪᖅᑳᖏᓐᓂᒃ ᐱᖁᔭᓂᒡᓗ ᐃᓕᓮᔨᓂᒃ, ᐃᖅᑲᕐᑐᐃᔨᓕᒫᓂᒡᓗ. ᔩᓱᓯ ᕿᓚᒃᓱᕐᐹᑦ, ᐊᐅᓪᓚᕈᑎᓪᓗᒍ, ᐰᓛᑑᓯᒧᑦ ᐂᑦᑑᑎᒋᕚᑦ.

ᓘᑲᓯᐅᑉ ᐊᒡᓚᖏᑦ 12:5

ᐅᖃᐅᑎᔪᒪᕙᑦᓯ ᓯᕘᕋᒋᔭᕆᐊᖃᕐᑕᑦᓯᓐᓂᒃ: ᑖᓐᓇ ᓯᕘᕋᒋᓯᐅᒃ, ᑐᖁᑦᓯᔭᕇᕈᓂ, ᐱᔪᓐᓇᕐᓂᖃᕐᒥᔪᖅ ᑲᑉᐱᐊᓇᕐᑐᕕᖕᒧᑦ ᐃᒋᑦᓯᓂᕐᒥᒃ; ᐃᓛᒃ, ᐅᖃᐅᑎᕙᑦᓯ ᑖᓐᓇ ᓯᕘᕋᒋᓯᐅᒃ!

ᓘᑲᓯᐅᑉ ᐊᒡᓚᖏᑦ 22:66

ᐅᓪᓛᓐᖑᕐᑎᓪᓗᒍ ᖃᐅᒪᓕᕐᒪᑦ, ᑐᒃᓯᐊᕐᕕᒡᔪᐊᑉ ᐊᖓᔪᖅᑳᖏᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ, ᐱᖁᔭᓂᒡᓗ ᐃᓕᓮᔩᑦ ᑲᑎᕗᑦ; ᔩᓱᓯ ᑲᑎᒪᔪᑦ ᓵᖓᓐᓄᐊᕐᑎᑉᐹᑦ, ᐅᖃᕐᓗᑎᒃ,

ᔪᐊᓇᓯᐅᑉ ᐊᒡᓚᖏᑦ 11:47

ᑕᕝᕙ ᐹᕆᓯᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᑲᑎᒪᔨᓂᒃ ᑲᑎᒪᖃᑎᖃᕐᓗᑎᒃ ᐅᖃᕐᐳᑦ, “ᖃᓄᐃᓕᐅᕆᐊᖃᓕᕐᐱᑖ? ᑖᓐᓇ ᐊᒥᓱᓂᒃ ᓇᓗᓁᒃᑯᑕᕐᓂᒃ ᐱᓇᓱᐊᖃᑦᑕᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 15:25

ᑕᒪᓐᓇᓕ ᑍᒤᑉᐳᖅ ᐱᖁᔭᖏᓐᓂ ᐅᖃᕐᓯᒪᔪᑦ ᓇᓚᐅᑦᓯᖁᓪᓗᒋᑦ ᐃᒤᓕᔪᑦ: ‘ᐱᑦᔪᑎᒃᓴᖃᕋᑎᒃ ᐆᒥᒋᕚᖓ.’

ᔪᐊᓇᓯᐅᑉ ᐊᒡᓚᖏᑦ 7:20

ᐃᓄᒋᐊᒃᑐᕐᔪᐊᑦ ᑭᐅᕚᑦ, “ᐊᓂᕐᓂᕐᓗᖕᒥᒃ ᐃᓗᒻᒥᕐᑕᐅᓯᒪᕗᑎᑦ! ᑭᓇᒨᑦ ᑐᖁᑕᐅᓇᓱᐊᕐᐲᑦ?”

ᔪᐊᓇᓯᐅᑉ ᐊᒡᓚᖏᑦ 8:48

ᑕᕝᕙ ᔫᑎᑦ ᔩᓱᓯ ᐊᐱᕆᕚᑦ, “ᓇᓚᐅᑦᓯᓐᖏᓚᒎᑦ ᐅᖃᕐᑎᓪᓗᑕ ᓴᒥᐊᕆᐊᕐᒥᐅᑕᐅᕗᑎᑦ ᐊᓂᕐᓂᕐᓗᖕᒥᒡᓗ ᐃᓗᒻᒥᕐᑕᐅᓯᒪᓪᓗᑎᑦ?”

ᐋᐴᓯᑕᓖᑦ ᐱᓂᐊᕐᓂᖏᑦ 17:18

ᐃᐱᑭᐅᕌᓯᒧᑦᑕᐅᖅ ᒪᓕᒡᑎᐅᔪᑦ ᐃᐱᑭᐅᕆᐊᓂᒃ ᑍᔭᐅᔪᑦ, ᔨᓄᒧᑦ ᒪᓕᒡᑎᐅᔪᑦ ᓯᑑᑭᓂᒃ ᑍᔭᐅᔪᑦ ᐃᓕᓮᔩᑦ ᐂᕙᖃᑎᒋᕔᑦ. ᑖᒃᑯᐊ ᐅᖃᕐᐳᑦ, “ᐅᓇ ᖃᐅᔨᒪᓇᓂ ᐅᖃᓪᓚᒐᓱᒃᑐᖅ ᖃᓄᖅ ᐅᖃᕋᓱᐊᕐᐸ?” ᐊᓯᖏᑦ ᐅᖃᕐᐳᑦ, “ᐅᓇ ᐅᖓᓯᒃᑐᒥᐅᑦ ᒎᑎᖓᓂᒃ ᐅᖃᐅᓯᖃᕋᓱᒃᐸᓪᓔᔪᖅ.” ᐸᐅᓗᓯ ᐊᔪᕆᕐᑐᐃᑦᔪᑎᖃᓚᐅᕐᒪᑦ ᔩᓱᓯᒥᒃ ᒪᑭᕝᕕᒃᓴᐅᔪᒫᕐᑐᒥᒡᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 22:30

ᖃᐅᑎᓪᓗᒍ ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᑐᑭᓯᑦᓯᐊᕈᒪᒐᒥ ᓱᖕᒪᑦ ᐸᐅᓗᓯ ᐸᓯᔭᐅᖕᒪᖔᑦ ᔫᑎᓄᑦ, ᕿᓚᒃᓱᕐᓯᒪᑦᔪᑎᖏᑦ ᐲᕐᑕᐅᖁᕔᑦ ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᑦ ᔫᑎᑦ ᐃᖅᑲᕐᑐᐃᔨᕐᔪᐊᖏᑦ ᑲᑎᖁᕔᑦ. ᐸᐅᓗᓯᓗ ᑖᒃᑯᐊ ᓵᖓᓐᓄᐊᕐᑎᑉᐹ.

ᐋᐴᓯᑕᓖᑦ ᐱᓂᐊᕐᓂᖏᑦ 23:1

ᐸᐅᓗᓯ ᔫᑎᑦ ᐃᖅᑲᕐᑐᐃᔨᕐᔪᐊᖏᓐᓄᑦ ᑕᑯᓴᓪᓗᐊᕐᓗᓂ ᐅᖃᐅᑎᕔᑦ, “ᔫᑎᐅᖃᑎᒃᑳ, ᐃᓅᓚᐅᕐᐳᖓ ᐃᓅᓯᕆᔭᓐᓂ ᒎᑎᐅᑉ ᓵᖓᓂ ᐃᓱᒫᓗᑎᒃᓴᖃᕐᓇᖓ ᐃᓱᒪᒃᑯᑦ ᐅᓪᓗᒥᒧᑦ ᑎᑭᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:20

ᐅᕝᕙᓘᓐᓃᑦ ᐅᑯᐊ ᐅᕙᓃᑦᑐ ᒫᓐᓇ ᓇᓗᓁᕐᓯᔪᒃᓴᐅᕗᑦ ᖃᐅᔨᓯᒪᔭᒥᖕᓂᒃ ᔫᑎᑦ ᐃᖅᑲᕐᑐᐃᔨᕐᔪᐊᖏᓐᓄᑦ ᐃᖅᑲᕐᑐᕐᑕᐅᑎᓪᓗᖓ ᓱᓇᒥᒃ ᐸᓯᔭᒃᓴᐅᑦᔪᑎᖃᓚᐅᕐᒪᖔᕐᒪ.

ᐋᐴᓯᑕᓖᑦ ᐱᓂᐊᕐᓂᖏᑦ 4:15

ᑲᑎᒪᕕᒋᔭᒥᖕᓂᑦ ᐊᓂᖁᒐᒥᑦᔪᒃ, ᐃᒻᒥᖕᓄᑦ ᐅᖃᖃᑎᒌᓕᕐᐳᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 5:21

ᑕᒪᓐᓇ ᑐᓴᕋᒥᑦᔪᒃ, ᖃᐅᑎᓪᓗᒍ ᑐᒃᓯᐊᕐᕕᒡᔪᐊᕐᒧᐊᕐᐳᑦ ᐊᔪᕆᕐᑐᐃᓕᕐᓗᑎᒃ. ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖓᑦ ᐃᓚᒋᔭᖏᓪᓗ ᑲᑎᖁᔨᓕᕐᐳᑦ ᐃᓴᕆᐊᓕᒥᐅᑦ ᐊᖓᔪᖅᑳᖏᓐᓂᒃ ᑲᑎᒪᔨᕐᔪᐊᑦ ᑲᑎᒪᖁᓪᓗᒋᑦ; ᐱᖁᔨᓪᓗᑎᒃ ᐋᐴᓯᑕᓖᑦ ᑎᒍᔭᐅᓯᒪᕕᖕᒥᑦ ᐂᔭᐅᖁᓪᓗᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:27

ᐋᐴᓯᑕᓖᑦ ᑕᕝᕗᓐᖓᐅᑎᒐᒥᑦᔪᒃ, ᑲᑎᒪᔨᕐᔪᐊᑦ ᓵᖓᓐᓄᐊᕐᐰᑦ, ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦᑕ ᐊᐱᕐᓱᕐᐰᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 6:12

ᑍᒤᓕᖕᒪᑕ ᐅᐃᒪᔮᕐᑎᑦᓯᓕᕐᐳᑦ ᐃᓄᖕᓂᒃ ᔫᑎᓪᓗ ᐊᖓᔪᖅᑳᖏᓐᓂᒃ ᐱᖁᔭᓂᒡᓗ ᐃᓕᓮᔨᓂᒃ, ᑖᒃᑯᐊ ᓯᑎᐹᓇᓯ ᑎᒍᕚᑦ ᑲᑎᒪᔨᕐᔪᐊᓄᓪᓗ ᐋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 6:15

ᑲᑎᒪᔨᕐᔪᐊᑦ ᑲᑎᒪᖃᑕᐅᔪᑦ ᑕᑯᓐᓇᓕᕐᐳᑦ ᓯᑎᐹᓇᓯᒥᒃ ᑮᓇᖓᑕ ᑕᐅᑦᑐᐊ ᑕᑯᕚᑦ ᐂᖏᓕᐅᑉ ᑮᓇᖓᑐᑦ ᑍᒤᓕᕐᑐᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 7:37

ᑖᓐᓇ ᒨᓯᓯ ᐃᓴᕆᐊᓕᒥᐅᓄᑦ ᐅᖃᓚᐅᕐᐳᖅ, ‘ᒎᑎᐅᑉ ᑎᓕᓯᕕᒋᔪᒫᕐᐹᓯ ᓇᓚᐅᑦᑍᔪᒥᒃ ᐃᓅᖃᑎᑦᓯ ᐃᓚᖓᓐᓂᒃ ᑍᒫᑦᓮᓐᓇᖅ ᑎᓕᓚᐅᕋᒥᖓ.’

ᕉᒪᒥᐅᓄᑦ 12:10

ᓇᒡᓕᒃᑎᒌᒋᑦᓯ ᐅᒃᐱᖃᑎᒌᑦ ᓇᒡᓕᖕᓂᖓᑐᑦ; ᐊᓯᑦᓯᓂᒃ ᐅᐱᒋᔭᖃᕐᓂᖅ ᐊᒃᓱᕉᑎᒋᓯᐅᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:10

ᑎᒡᓕᒃᐸᒃᑐᑦ, ᐱᔪᒪᕕᒡᔪᐊᕐᑏᑦ, ᐋᖓᔮᕐᑏᑦ, ᐊᓯᒥᖕᓂᒡᓗ ᐅᖃᕐᓂᕐᓗᑎᖃᕐᐸᒃᑐᑦ, ᑎᒡᓕᒐᕐᑏᑦ, ᑕᒪᒃᑯᐊᓕᒫᑦ ᒎᑎᐅᑉ ᐊᑕᓂᐅᕕᖓᓂᒃ ᑭᖑᕐᖑᑦᔨᓂᐊᖏᒻᒪᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 6:6

ᐅᒃᐱᕐᑑᖃᑎᒌᖑᔪᓯᓕ ᐅᒃᐱᖏᑦᑐᓄᑦ ᐃᖅᑲᕐᑐᐃᔨᓄᑦ ᐃᖅᑲᕐᑐᕐᑕᐅᑎᑦᓯᖔᖃᑦᑕᕐᐳᓯ ᐅᒃᐱᕐᑑᖃᑎᑦᓯᓐᓂᒃ?

ᒨᓯᓯ ᑕᓪᓕᒪᖏᑦ 15:11

ᐊᔪᕐᓴᕐᑐᑦ ᓄᖑᓚᐅᕐᓯᒪᓂᐊᖏᒻᒪᑕ ᓄᓇᒥ; ᑍᒤᒻᒪᑦ ᑕᕝᕙ ᐱᖁᓪᓚᕆᒃᐸᑦᓯ, ᐊᓐᓂᕈᓱᖏᓪᓗᓯ ᐃᑲᔪᕆᐊᖃᕐᐳᓯ ᖃᑕᓐᖑᑎᑦᓯᓐᓂᒃ, ᐱᖃᖏᑦᑐᓂᒃ ᐊᔪᕐᓴᕐᑐᓂᒡᓗ ᓄᓇᒥ.”

ᒨᓯᓯ ᑕᓪᓕᒪᖏᑦ 16:18

“ᐋᖅᑭᒃᓱᐃᔨᒃᓴᓂᒃ ᑎᓕᓯᔪᒃᓴᐅᕗᓯ ᐊᖓᔪᖅᑳᖑᓂᐊᕐᑐᓂᒡᓗ ᐊᑕᓂᐅᑉ ᑐᓂᓯᒪᔭᖏᓐᓂ ᓄᓇᑦᓯᓐᓂ, ᑭᖑᕚᖑᖃᑎᒌᑦ ᒪᓕᒡᓗᒋᑦ; ᑖᒃᑯᐊᓗ ᐋᖅᑭᒃᓱᐃᔨᐅᔪᒃᓴᐅᕗᑦ ᐃᓄᖕᓂᒃ ᐊᑦᔨᒌᒃᑎᑦᓯᓗᑎᒃ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 4:6

ᑍᒤᒻᒪᑦ ᐃᓄᒃ ᐅᒃᐱᕐᑑᖃᑎᒥᓂᒃ ᙭ᔅᑑᓯᒥ ᐅᖁᒤᑎᑦᓯᑦᑍᓕᓕ ᓄᓕᐊᕐᓂᕐᒧᑦ ᐅᐃᕕᕐᕆᓇᒍᓗ ᓱᓇᑐᐃᓐᓇᕐᒧᑦ, ᑕᒪᑐᒥᖓ ᐅᖃᐅᑎᓚᐅᕐᐸᑦᓯ, ᐅᓗᕆᐊᓇᕐᓂᖓᓂᒃ ᐊᑕᓂᖅ ᓱᒋᐊᕐᓯᕙᖕᒪᑦ ᑍᒤᓕᐅᕐᑐᓕᒫᓂᒃ.

ᑍᑑᓯᒧᑦ 3:2

ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 5:9

ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

ᔧᒥᓯᐅᑉ ᐊᒡᓚᖏᑦ 2:20

ᓯᓔᑦᑐᑎᑦ ᑕᑯᑎᑕᐅᔪᒪᕖ ᐅᒃᐱᕐᓂᐅᑉ ᐱᓂᐊᕐᓂᕐᒥᒃ ᐃᓚᖃᖏᑦᑑᑉ ᐊᑑᑎᖃᖏᓐᓂᖓᓂᒃ?

ᔧᒥᓯᐅᑉ ᐊᒡᓚᖏᑦ 3:6

ᐅᖃᕐᑕᐅᖅ ᐃᑯᒪᐅᕗᖅ. ᓯᓚᕐᔪᐊᖑᓪᓗᓂᓗ ᐱᐅᖏᑦᑑᓕᕐᑎᑎᑦᔪᓇᕐᖢᓂᓗᑦ. ᑎᒥᑦᑕ ᐃᓚᒋᖕᒪᒍ, ᐃᑦᓴᒃᓯᕗᖅ ᑎᒥᑦᑎᓐᓂᒃ ᐃᑯᐊᓪᓔᕗᖅ ᐃᓅᓯᓕᒫᑦᑎᓐᓂᒃ, ᑲᑉᐱᐊᓇᕐᑐᕕᐅᑉ ᐃᑯᒪᓐᖓᓄᑦ.

ᐲᑦᑐᕉᓯ ᓯᕗᓪᓖᑦ 2:23

ᐅᖃᕐᓂᕐᓗᒡᕕᐅᒐᓗᐊᕋᒥ, ᐅᖃᐅᓯᕐᓗᖕᒧᑦ ᑭᐅᓚᐅᓐᖏᓚᖅ; ᐊᒃᓱᕈᕐᓇᑐᒦᑎᑕᐅᒐᓗᐊᕋᒥ, ᐊᑭᓂᐊᓚᐅᓐᖏᓚᖅ; ᑕᑎᖃᓚᐅᕐᐳᕐᓕ ᑖᑦᓱᒥᖓ ᓈᒻᒪᑦᓯᐊᕐᑐᒥᒃ ᐃᖅᑲᕐᑐᐃᔪᒥᒃ.

ᐲᑦᑐᕉᓯ ᓯᕗᓪᓖᑦ 3:9

ᐱᐅᖏᑦᑐᖅ ᐊᑭᓂᐊᕐᑍᓕᓗᒍ ᐱᐅᖏᑦᑐᒧᑦ ᐅᕝᕙᓗ ᐅᖃᕐᓂᕐᓗᖕᓂᖅ ᐅᖃᕐᓂᕐᓗᖕᓂᕐᒧᑦ; ᓮᒻᒪᕐᑎᑕᐅᖁᔨᒋᑦᓯ, ᑕᒪᑐᒧᖓ ᕾᖁᔭᐅᓯᒪᒐᑦᓯ, ᓮᒻᒪᕐᑎᑕᐅᖁᓪᓗᓯᑦᑕᐅᖅ.

ᔪᐊᓇᓯ ᓯᕗᓪᓖᑦ 2:9

ᓇᓪᓕᐊᑦ ᖃᐅᒪᔪᒦᓐᓂᕋᕐᓗᓂ ᐅᖃᕐᐸᑦ ᐃᓅᖃᑎᒥᓂᒡᓗ ᐆᒥᓱᒡᓗᓂ ᑖᓐᓇ ᓱᓕ ᑖᕐᑐᒦᖏᓐᓇᕐᐳᖅ.

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.

ᔪᐊᓇᓯ ᓯᕗᓪᓖᑦ 5:16

ᓇᓪᓕᐊᑦ ᐅᒃᐱᕐᑑᖃᑎᒥᓂᒃ ᐊᔪᕐᑐᓕᑎᓪᓗᒍ ᑕᑯᔪᖅ ᐊᔪᕐᑐᓕᖏᑉᐸᑦ ᑐᖁᓐᓇᕐᑐᒥᒃ, ᑍᒤᑐᖅ ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᒎᑎᐅᓪᓗ ᐃᓅᓯᕐᒥᒃ ᑐᓂᓯᕕᒋᓂᐊᕐᐹ ᑐᖁᓐᓇᕐᑐᒥᒃ ᐊᔪᕐᑐᓕᖏᑉᐸᑦ. ᐊᔪᕐᑐᓕᓂᕐᑕᖃᕐᐳᖅ ᑐᕌᕐᑐᒥ ᑐᖁᒧᑦ; ᑍᒤᑦᑐᒥᒡᓕ ᑐᒃᓯᐅᑦᔭᐅᖁᔨᓗᖓ ᐅᖃᓐᖏᓚᖓ.

ᔫᑎᐅᑉ ᐊᒡᓚᖏᑦ 1:9

ᐂᖏᓖᓪᓕ ᐊᖓᔪᖅᑳᖓᑦ ᒤᑯᓪ, ᐊᑭᕋᕐᑐᕐᓗᓂ ᓵᑖᓇᓯᒥᒃ, ᒨᓯᓯᐅᑉ ᑎᒥᖓᓂᒃ ᐂᕝᕙᑦᔪᑎᖃᕐᓗᑎᒃ, ᒤᑯᓪ ᐅᖃᐅᓯᖃᓚᐅᓐᖏᓚᖅ ᓵᑖᓇᓯᐅᑉ ᐃᖅᑲᕐᑐᕐᑕᐅᓂᒃᓴᖓᓂᒃ, ᐅᖃᑐᐃᓐᓇᓚᐅᕐᐳᕐᓕ, “ᐊᑕᓂᐅᑉ ᓱᒋᐊᕐᓕᑎᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:14

ᑕᕝᕙ ᑐᖁ ᑐᖁᖓᔪᓪᓗ ᐃᓂᖓᑦ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒋᑕᐅᕘᒃ. ᑖᓐᓇ ᑕᓯᖅ ᐃᑯᒪᕐᔪᐊᖅ ᑕᕝᕙ ᑐᑰᑉ ᐂᑉᐸᖓ;