ᒫᑎᐅᓯᐅᑉ ᐊᒡᓚᖏᑦ 5:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓱᓕᔪᒥᒃ ᐅᖃᐅᑎᕙᑦᓯ, ᕿᓚᒃ ᓄᓇᕐᔪᐊᕐᓗ ᓄᖑᓚᐅᖅᑳᕐᑎᓐᓇᒋᒃ, ᐱᖁᔧᑦ ᓈᓂᖏᑦ ᐋᖅᑭᒋᐊᕈᑎᖏᓪᓗ ᐊᑐᕈᓐᓃᕐᑐᖃᑦᔮᓐᖏᓚᑦ, ᑕᒪᕐᒥᑦᓯᐊᖅ ᓇᓚᐅᑦᓯᓚᐅᖅᑳᕐᑎᓐᓇᒋᑦ.

Aglait Ijjurnaittut

¹⁸ Sulijumik uqautivassi, qilak nunarjuarlu nungulauqqaaqtinnagik, piqujait naaningit aaqqigiarutingillu aturunniiqtuqajjaanngilat, tamarmitsiaq nalautsilauqqaaqtinnagit.

ᒫᑎᐅᓯᐅᑉ ᐊᒡᓚᖏᑦ 5:18 ပူးပေါင်းရင်းမြစ်များ

ᐃᓐᖏᕈᑎᑦ 102:26

ᑖᒃᑯᐊ ᓄᖑᓐᓂᐊᕐᐳᑦ, ᐃᕝᕕᓪᓕ ᑍᒤᖏᓐᓇᕐᓂᐊᕐᐳᑎᑦ; ᐄᓛᒃ, ᓱᓇᓕᒫᑦ ᓄᑕᐅᔪᓐᓃᕐᐸᓪᓕᐊᓂᐊᕐᐳᑦ ᐊᓐᓄᕌᑎᑐᑦ; ᐅᓕᒡᔪᐊᑎᑐᑦ ᐊᓯᑦᔨᕈᕕᒋᑦ, ᑕᕝᕙ ᐊᓯᑦᔨᕐᓂᐊᕐᐳᑦ.

ᐃᓐᖏᕈᑎᑦ 111:8

ᓱᖁᓯᕐᓂᐊᓐᖏᓚᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ, ᓱᓕᓂᒃᑯᑦ ᐱᓇᓱᐊᕐᓂᐅᖕᒪᑕ ᐋᖅᑭᒃᓯᒪᑦᓯᐊᕐᑐᒃᑯᓪᓗ.

ᐃᓐᖏᕈᑎᑦ 119:152

ᐊᑯᓂᐅᓕᕐᑐᖅ ᐃᓕᓮᑦᔪᑎᖕᓂᒃ ᖃᐅᔨᓯᒪᓕᕐᐳᖓ; ᐃᓱᖃᖏᑦᑐᒥᒃ ᑐᓐᖓᓂᕐᑖᕐᑎᓚᐅᕋᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 40:8

ᐃᕕᒃᓱᒊᑦ ᑐᖁᓕᕙᖕᒪᑕ ᐱᕈᕐᑐᓪᓗ ᑐᖁᓕᕙᒃᑭᓪᓗᑎᒃ; ᒎᑎᐅᓪᓕ ᐅᖃᐅᓯᖏᑦ ᑍᒤᓕᖎᓐᓇᕐᓂᐊᕐᐳᑦ ᐃᓱᖃᖏᑦᑐᒧᑦ.

ᐂᓮᐊᓯᐅᑉ ᐊᒡᓚᖏᑦ 44:26

ᑭᓇ ᓱᓕᓂᖏᓐᓂᒃ ᓇᓗᓁᕐᓯᕙᒃᐸ ᐱᔨᖏᑕ ᐅᖃᐅᓯᕆᔭᖏᓐᓂᒃ, ᐱᓇᓱᐊᕐᐸᒡᓗᓂᓗ ᑎᓕᔭᖏᑕ ᐅᖃᐅᓯᖏᓐᓂᒃ; ᑭᓇ ᔨᕉᓴᓕᒥᒃ ᐅᖃᐅᓯᖃᕐᐸ, ‘ᑖᓐᓇ ᐃᓄᖃᓕᕈᒫᕆᕗᖅ,’ ᔫᑕᐅᓪᓗ ᐃᒡᓗᒐᓴᖏᓐᓄᑦ, ‘ᐃᒡᓗᒐᓴᖏᑦ ᓴᓇᔭᐅᒃᑲᓐᓂᓕᕈᒫᕆᕗᑦ,’ ᐃᒡᓗᕕᓂᖏᓪᓗ ᓯᖁᑦᑎᕐᓯᒪᔪᑦ ᒪᑭᑎᑦᓱᒫᕐᐸᒃᑲ;

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᒫᑎᐅᓯᐅᑉ ᐊᒡᓚᖏᑦ 10:15

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᒎᑎᐅᑉ ᓂᑲᒋᓂᕐᓴᕆᓛᕐᐰᑦ ᓱᑑᒪᒥᐅᑦ ᒍᒨᕋᒥᐅᓪᓗ ᐃᓄᖏᑦ ᑖᒃᑯᓇᖓᑦ ᓄᓇᓕᖕᓂᑦ ᑐᓐᖓᓱᒃᑎᑦᓯᖏᑦᑐᓂᑦ.”

ᒫᑎᐅᓯᐅᑉ ᐊᒡᓚᖏᑦ 10:23

ᓄᓇᓕᖕᓂᑦ ᐊᑭᕋᕐᑐᕐᑕᐅᒍᑦᓯ, ᑕᕝᕙᓐᖓᑦ ᕿᒫᒋᑦᓯ ᓄᓇᐅᑉ ᐊᓯᐊᓄᑦ, ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ ᐃᓴᕆᐊᓕᐅᑉ ᐃᒡᓗᒐᓴᒡᔪᐊᖏᑦ ᐃᖏᕐᕋᔭᕇᕐᕕᒋᓂᐊᖏᓐᓇᑦᓯᐅᒃ, ᐃᓅᑉ ᐃᕐᓂᖓ ᑎᑭᓚᐅᖄᕐᑎᓐᓇᒍ.

ᒫᑎᐅᓯᐅᑉ ᐊᒡᓚᖏᑦ 10:42

ᓇᓪᓕᐊᑦ ᐃᒥᕐᒥᒃ ᓂᒡᓕᓇᕐᑐᒥᒃ ᐃᒥᕐᑎᑦᓯᔪᖅ ᒪᓕᒡᑎᓐᓂᑦ ᒥᑭᓐᓂᕐᐸᐅᔪᒥᒃ, ᐃᒥᕐᑎᑕᐅᔫᑉ ᐅᕙᓐᓄᑦ ᒪᓕᒡᑎᐅᓂᖓ ᐱᑦᔪᑎᒋᓗᒍ, ᑖᓐᓇ ᓱᓕᒻᒪᕆᒡᓗᖓ ᐅᖃᐅᑎᕙᑦᓯ ᐊᑭᓕᕐᑕᐅᑦᓯᐊᕈᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 11:11

ᓱᓕᔪᒥᒃ ᐅᖃᐅᑎᕙᑦᓯ, ᔪᐊᓇᓯ ᐹᑉᑎᑎᕆᔨ ᐃᓄᓕᒫᓂᑦ ᐃᓅᓯᒪᔪᓂᑦ ᐱᓪᓚᕆᐅᓂᕐᐸᐅᕗᖅ; ᒎᑎᐅᓪᓕ ᐊᑕᓂᐅᕕᖓᓂ ᒥᑭᒡᓕᑎᕐᑐᖅ, ᑖᓐᓇ ᔪᐊᓇᓯᒥᑦ ᐱᓪᓚᕆᐅᓂᕐᓴᐅᕗᖅ.

ᒫᑎᐅᓯᐅᑉ ᐊᒡᓚᖏᑦ 13:17

ᓱᓕᔪᒥᒃ ᐅᖃᐅᑎᕙᑦᓯ, ᓇᓚᐅᑦᑍᔪᑦ ᐊᒥᓱᑦ, ᒎᑎᐅᓪᓗ ᐃᓄᖁᑎᖏᑦ ᐊᒥᓱᑦ, ᑕᑯᔪᒪᓚᐅᕐᐳᑦ ᑕᑯᔭᑦᓯᓐᓂᒃ, ᑕᑯᓚᐅᓐᖏᓚᓪᓗ, ᑐᓴᕈᒪᒻᒪᕆᓚᐅᕐᐳᑦ ᑐᓵᔭᑦᓯᓐᓂᒃ, ᑐᓴᓚᐅᕋᑎᒡᓗ.”

ᒫᑎᐅᓯᐅᑉ ᐊᒡᓚᖏᑦ 16:28

ᓱᓕᔪᒥᒃ ᐅᖃᐅᑎᕙᑦᓯ! ᐅᕙᓃᑦᑐᖃᕐᐳᖅ ᐃᓅᑉ ᐃᕐᓂᖓᑕ ᐊᖓᔪᖅᑳᕐᔪᐊᖑᕐᓂᕆᓂᐊᕐᑕᖓᓂᒃ ᑕᑯᓚᐅᖅᑳᕋᑎᒃ ᑐᖁᓂᐊᖏᑦᑐᓂᒃ.”

ᒫᑎᐅᓯᐅᑉ ᐊᒡᓚᖏᑦ 17:20

ᔩᓱᓯᐅᑉ ᑭᐅᕔᑦ, “ᐅᒃᐱᕐᓂᑭᓗᐊᕋᑦᓯ, ᓱᓕᔪᒥᒃ ᐅᖃᐅᑎᕙᑦᓯ, ᐅᒃᐱᕐᓂᖃᕈᑦᓯ ᐱᕈᕐᓯᐊᒃᓴᐅᑉ ᑲᓐᖓᕐᓲᑎᒃᓴᕐᑕᖓᑐᑦ ᒥᑭᔪᑯᓗᒃᑎᑐᑦ ᒪᔅᑕᕐᑦᑐᑦ, ᐆᒧᖓ ᖃᖅᑲᒧᑦ ᐅᖃᕈᓐᓇᕐᐳᓯ, ‘ᐅᕙᓐᖓᑦ ᓅᑦᒋᑦ ᐊᕗᖓ,’ ᑕᕝᕙᓐᖓᓪᓗ ᓅᓐᓂᐊᕐᐳᖅ; ᓱᓇᓕᒫᓂᒃ ᐊᔪᕐᑕᖃᕐᓂᐊᓐᖏᓚᓯ.” [

ᒫᑎᐅᓯᐅᑉ ᐊᒡᓚᖏᑦ 18:18

“ᓱᓕᔪᒥᒃ ᐅᖃᐅᑎᕙᑦᓯ, ᓄᓇᕐᔪᐊᕐᒥ ᕿᓚᒃᓱᕐᑕᓯ ᑖᒃᑯᐊ ᕿᓚᖕᒥ ᕿᓚᒃᓱᕐᓯᒪᔪᒫᕆᕗᑦ, ᕿᓚᕈᑦᔮᕐᑕᓯᓗ ᓄᓇᕐᔪᐊᕐᒥ ᑖᒃᑯᐊᑦᑕᐅᖅ ᕿᓚᕈᑦᔮᕐᓯᒪᔪᒫᕆᕗᑦ ᕿᓚᖕᒥ.

ᒫᑎᐅᓯᐅᑉ ᐊᒡᓚᖏᑦ 18:3

ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᐱᐅᓯᑦᓯᓐᓂᒃ ᐊᓯᑦᔨᕐᓗᓯ ᑭᓯᐊᓂᐅᕗᖅ ᓱᕈᓯᑯᓗᒃᑐᑦ ᑍᒤᓕᕐᓗᓯ, ᐊᓯᑦᔨᓐᖏᒃᑯᑦᓯ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᕐᓂᐊᖏᒻᒪᕆᒃᐳᓯ.

ᒫᑎᐅᓯᐅᑉ ᐊᒡᓚᖏᑦ 19:23

ᔩᓱᓯ ᐃᓕᓐᓂᐊᕐᑎᒥᓄᑦ ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓄᖕᓄᑦ ᐊᔪᕐᓴᖏᑦᑐᓄᑦ ᒎᑎᐅᑉ ᐊᑕᓂᐅᕕᖓᓄᑦ ᐃᑎᕆᐊᒃᓴᖅ ᐊᔪᕐᓇᑲᓴᖕᓂᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 19:28

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ: ᐃᓅᑉ ᐃᕐᓂᖓ ᐃᒃᓯᕙᐅᑕᕐᔪᐊᕐᒥᓄᑦ ᐱᕕᐊᕐᓇᕐᑐᒧᑦ ᐃᖏᓪᓗᓂ ᓄᑖᒥᒃ ᐱᒋᐊᒃᑲᓐᓂᓕᕐᐸᑦ, ᑕᕝᕙ ᐃᓕᑦᓯ ᒪᓕᒃᑎᐅᔪᓯ ᐅᕙᓐᓄᑦ, ᐃᒃᓯᕙᖃᑕᐅᔪᒫᕐᐳᓯ ᐃᒃᓯᕙᐅᑕᕐᔪᐊᓂ 12ᓂ, ᐃᓴᕆᐊᓕᒥᐅᑦ ᑭᖑᕚᕇᑦ 12 ᐊᖓᔪᖅᑲᐅᕕᒋᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 21:21

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐅᒃᐱᕈᑦᓯ ᖁᓚᖏᑦᓯᐊᕐᓗᓯ, ᑍᒫᒃᑕᐅᖅ ᐱᔪᓐᓇᕐᐳᓯ ᐱᓂᐊᕐᓂᕆᕋᑖᕐᑕᑦᑐᑦ ᓇᐹᕐᑐᒧᑦ, ᑍᒤᑦᑐᑐᐃᓐᓇᕐᒨᓐᖏᑦᑐᕐᓕ, ᐊᒡᓛᑦ ᖃᖅᑲᒧᑦ ᐆᒧᖓ ᐅᖃᕈᑦᓯ, ‘ᑕᕝᕙᓐᖓᑦ ᖃᖓᑦᑕᕐᓗᑎᑦ ᐃᒫᓄᑦ ᑲᑕᓕᕆᑦ,’ ᑕᕝᕙ ᑍᒤᓐᓂᐊᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 21:31

ᓇᓪᓕᐊᒃ ᑍᒪ ᐊᑖᑕᒥ ᐱᓇᓱᐊᕐᑕᐅᖁᔭᖓᓂᒃ ᐱᓇᓱᐊᓚᐅᕐᐹ?” ᑖᒃᑯᐊ ᑭᐅᕚ, “ᑖᓐᓇ ᐊᖓᔪᒃᖠᖅ.” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑦ ᐊᖑᓐᓂᐊᕐᑏᓪᓗ ᐊᑐᒐᐅᓪᓗᑎᒃ ᓯᕗᓪᓕᐅᓗᑎᒃ ᐃᓕᑦᓯᓐᓂᑦ ᒎᑎᐅᑉ ᐊᑕᓂᐅᕕᖓᓄᐊᖅᑳᕈᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 23:36

ᓱᓕᔪᒥᒃ ᐅᖃᐅᑎᕙᑦᓯ, ᓱᒋᐊᕐᑕᐅᓂᖅ ᑕᒪᓐᓇ ᑎᑭᑦᓱᒫᕐᐳᖅ ᐅᓪᓗᒥ ᐃᓅᔪᓄᑦ.”

ᒫᑎᐅᓯᐅᑉ ᐊᒡᓚᖏᑦ 24:2

ᔩᓱᓯᐅᑉ ᐅᖃᐅᑎᕔᑦ, “ᑕᒪᒃᑯᐊᓕᒫᑦ ᑕᑯᒥᓇᕐᓂᖏᑦ ᑕᑯᒐᓗᐊᕐᑕᓯ, ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐅᔭᕅᑦ ᐃᓂᒥᓂ ᖃᓕᕇᒃᑐᖃᕈᓐᓃᕈᒫᕐᐳᑦ; ᐃᓘᓐᓇᓕᒫᖓ ᓯᖁᒥᑕᐅᔪᒫᕐᒪᑦ.”

ᒫᑎᐅᓯᐅᑉ ᐊᒡᓚᖏᑦ 24:47

ᓱᓕᔪᒥᒃ ᐅᖃᐅᑎᕙᑦᓯ, ᑖᓐᓇ ᐊᖓᔪᖅᑳᖓᑕ ᐊᖓᔪᖅᑳᓐᖑᕐᑎᓐᓂᐊᕐᐹ ᐱᖁᑎᓕᒫᒥᓄᑦ.

ᒫᑎᐅᓯᐅᑉ ᐊᒡᓚᖏᑦ 25:12

ᐅᐃᒃᓴᐅᓪᓕ ᑭᐅᕔᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᑭᓇᒃᑰᖕᒪᖔᑦᓯ ᐃᓕᑕᕆᓐᖏᓚᑦᓯ!’

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 25:45

ᑕᕝᕙ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᒥᑭᓐᓂᕐᐸᐅᔪᑦ ᐱᓇᓱᐊᕐᕕᒋᖏᓐᓇᑦᓯᐅᒃ, ᑕᕝᕙ ᐅᕙᓐᓂᒃ ᐱᓇᓱᐊᕐᕕᖃᓚᐅᓐᖏᓚᓯ.’

ᒫᑎᐅᓯᐅᑉ ᐊᒡᓚᖏᑦ 5:26

ᓱᓕᑦᓯᐊᕐᓗᖓ, ᐅᖃᐅᑎᕙᒋᑦ, ᑕᕝᕙᓃᓕᕋᔭᕋᕕᑦ, ᐊᑭᓕᕆᐊᖃᕐᑕᓕᒫᕐᓂᒃ ᐊᑭᓖᓚᐅᖏᓐᓂᕐᓂ.”

ᒫᑎᐅᓯᐅᑉ ᐊᒡᓚᖏᑦ 6:16

“ᓂᕆᑦᑍᓕᔭᕌᖓᑦᓯ, ᑕᒃᑯᕐᒨᕐᑐᑎᑐ ᑍᒤᑦᑐᒃᓴᐅᓐᖏᓚᓯ ᑮᓇᕐᒥᖕᓂᒃ ᑕᑯᒥᓇᕈᓐᓃᕐᑎᑦᓯᔪᑎᑐᑦ, ᑕᐅᑦᑐᒥᒍᑦ ᑕᑯᒃᓴᐅᓇᓱᐊᕐᐸᖕᒪᑕ ᓂᕆᑦᑍᓕᓂᕐᒥᖕᓂᒃ ᖃᐅᔨᔭᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:2

“ᑍᒤᒻᒪᑦ ᑐᓂᕐᕈᓯᕈᑦᓯ, ᑐᓂᓯᓂᓯ ᖃᐅᔨᔭᐅᓇᓱᐊᕐᓗᓯ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᔭᕆᐊᖃᓐᖏᓚᓯ, ᑕᒃᑯᕐᒨᕐᑐᑎᑐᑦ ᑖᒃᑯᐊ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ, ᑍᒤᓕᐅᕐᐸᖕᒪᑕ ᐃᓄᖕᓄᑦ ᓂᕐᑐᕐᑕᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 8:10

ᔩᓱᓯᐅᑉ ᑕᒪᓐᓇ ᑐᓴᕋᒥᐅᒃ ᑲᒪᓂᐊᕆᕚ, ᒪᓕᒡᑎᓂ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑍᒫᒃ ᐅᒃᐱᕐᓂᖃᕐᑎᒋᔪᒥᒃ, ᖃᐅᔨᓚᐅᓐᖏᓚᖓ ᐃᓴᕆᐊᓕᒥ.

ᒫᑯᓯᐅᑉ ᐊᒡᓚᖏᑦ 10:15

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᒎᑎᐅᑉ ᐊᑕᓂᐅᕕᖓᓂᒃ ᓄᑕᕋᑯᓗᒃᑎᑐᑦ ᐃᓚᓕᐅᕐᓯᖏᑦᑐᖅ ᑕᑉᕗᖓ ᐃᑎᕐᓂᐊᓐᖏᓚᖅ.”

ᒫᑯᓯᐅᑉ ᐊᒡᓚᖏᑦ 10:29

ᔩᓱᓯ ᐅᖃᕐᐳᖅ, “ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐃᒡᓗᒥᓂᒃ ᕿᒤᔪᖅ, ᐅᕝᕙᓗ ᖃᑕᓐᖑᑎᒥᓂᒃ, ᐅᕝᕙᓗ ᓇᔭᒥᓂᒃ, ᐊᓈᓇᒥᓂᒃ ᐊᑖᑕᒥᓂᒡᓘᓐᓃᑦ, ᕿᑐᕐᖓᒥᓂᒡᓘᓐᓃᑦ, ᓄᓇᒥᓂᒡᓘᓐᓃᑦ, ᐅᕙᖓ ᐱᓪᓗᖓ ᐅᖃᐅᓰᓪᓗ ᑐᓴᕈᒥᓇᕐᑐᑦ ᐱᑦᔪᑎᒋᓗᒋᑦ,

ᒫᑯᓯᐅᑉ ᐊᒡᓚᖏᑦ 11:23

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᖃᖅᑲᒧᑦ ᐆᒧᖓ ᐅᖃᕐᐸᑦ, ᑕᕝᕙᓐᖓᑦ ᖃᖓᑦᑕᕆᑦ ᑕᕆᐅᕐᒧᓪᓗ ᑲᑕᒃᓗᑎᒃ, ᐆᒻᒪᑎᒥᒍᑦ ᖁᓚᖏᓪᓗᓂ, ᐅᒃᐱᕐᓗᓂᓗ ᐅᖃᐅᓯᕆᔭᒥ ᑍᒤᓐᓂᐊᕐᓂᖓᓂᒃ, ᑕᕝᕙ ᑍᒤᓕᕐᓂᐊᕐᐳᖅ.

ᒫᑯᓯᐅᑉ ᐊᒡᓚᖏᑦ 12:43

ᐃᓕᓐᓂᐊᕐᑎᓂ ᕾᖁᓪᓗᒋᑦ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑖᓐᓇ ᐅᐃᒡᒐᕐᓂᖅ ᐊᔪᕐᓴᕐᑐᖅ ᑐᓂᓯᕗᖅ ᐊᖏᓂᕐᐹᒥᒃ ᐊᓯᓕᒫᒥᓂᑦ.

ᒫᑯᓯᐅᑉ ᐊᒡᓚᖏᑦ 13:30

ᓱᓕᔪᒥᒃ ᐅᖃᐅᑎᕙᑦᓯ, ᒫᓐᓇ ᐃᓅᔪᑦ ᓄᖑᓚᐅᖅᑳᕐᑎᓐᓇᒋᑦ ᑕᒪᒃᑯᐊ ᑕᒪᕐᒥᒃ ᓇᓪᓕᐅᑎᔪᒫᕐᐳᑦ.

ᒫᑯᓯᐅᑉ ᐊᒡᓚᖏᑦ 14:18

ᑕᕝᕙᓂ ᓂᕆᕕᖕᒥ ᓂᕆᖃᑎᒌᒃᑎᓪᓗᒋᑦ, ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐃᓚᑦᓯᓐᓄᑦ ᐱᔭᐅᑎᑕᐅᓂᐊᕐᐳᖓ, ᑕᕝᕙᓂ ᓂᕆᖃᑎᒋᔭᓐᓄᑦ.”

ᒫᑯᓯᐅᑉ ᐊᒡᓚᖏᑦ 14:25

ᓱᓕᔪᒥᒃ ᐅᖃᐅᑎᕙᑦᓯ, ᐸᐅᕐᖎᑦ ᐃᑦᑎᖓᓂᒃ ᐃᒥᕐᓂᐊᕈᓐᓃᕐᐳᖓ ᐅᓪᓗᖅ ᑍᓐᓇ ᓇᓪᓕᐅᑎᖅᑳᕐᑎᓐᓇᒍ ᓄᑖᒥᒃ ᐃᒥᕈᒫᕐᕕᒃᓴᕋ ᒎᑎᐅᑉ ᐊᑕᓂᐅᕕᖓᓂ.”

ᒫᑯᓯᐅᑉ ᐊᒡᓚᖏᑦ 14:30

ᔩᓱᓯᐅᑉ ᐅᖃᐅᑎᕚ, “ᓱᓕᔪᒥᒃ ᐅᖃᐅᑎᕙᒋᑦ, ᐅᓪᓗᒥ, ᐊᒡᓛᑦ ᐅᓐᓄᒥ ᑕᒪᑐᒪᓂ, ᐊᖑᑎᕕᐊᖅ ᒪᕐᕈᐃᕐᓱᕐᓗᓂ ᓂᓪᓕᓚᐅᕐᑎᓐᓇᒍ, ᐱᖓᓱᐃᕐᑐᕐᓗᑎᑦ ᐅᕙᓐᓂᒃ ᖃᐅᔨᒪᖏᓐᓂᕋᖃᑦᑕᕐᓂᐊᕐᐳᑎᑦ.”

ᒫᑯᓯᐅᑉ ᐊᒡᓚᖏᑦ 14:9

ᓱᓕᔪᒥᒃ ᐅᖃᐅᑎᕙᑦᓯ, ᓇᓂᓕᒫᖅ ᐅᖃᐅᓰᑦ ᑐᓴᕈᒥᓇᕐᑐᑦ ᐅᖃᐅᓯᐅᓕᕌᖓᑕ ᓯᓚᕐᔪᐊᓕᒫᒥ, ᑖᑦᓱᒪ ᐊᕐᓇᐅᑉ ᐱᓂᐊᕐᓂᕆᔭᖓ ᐅᖃᐅᓯᐅᕙᖕᓂᐊᕐᐳᖅ ᑖᓐᓇ ᐃᖅᑲᐅᒪᔭᐅᓗᓂ.”

ᒫᑯᓯᐅᑉ ᐊᒡᓚᖏᑦ 3:28

“ᓱᓕᔪᒥᒃ ᐅᖃᐅᑎᕙᑦᓯ, ᐃᓄᐃᑦ ᐊᔪᕐᑐᓕᓂᕐᓂᑦ ᒎᑎᒥᒡᓘᓐᓃᑦ ᐅᖃᕐᓂᕐᓗᒃᓯᒪᒐᓗᐊᕐᐸᑕ ᐃᓱᒪᒋᔪᓐᓁᕐᕕᐅᔪᒫᕐᐳᑦ;

ᒫᑯᓯᐅᑉ ᐊᒡᓚᖏᑦ 6:11

ᓄᓇᓕᖕᓄᑦ ᑎᑭᒍᑦᓯ ᐃᓄᖏᓐᓂᑦ ᑐᓐᖓᓱᒃᑎᑕᐅᖏᒃᑯᑦᓯ, ᐃᓕᑦᓯᓐᓂᒡᓗ ᓈᓚᒍᒪᖏᑉᐸᑕ, ᕿᒪᓕᕈᑦᓯᒋᒃ ᐃᑎᒐᓯ ᓴᓃᔭᕐᑕᒃᓴᕆᕙᓯ ᑕᒪᓐᓇ ᓇᓗᓁᒃᑯᑕᐅᓂᐊᕐᒪᑦ ᓈᒻᒪᒋᔭᐅᖏᓐᓂᖏᓐᓂᒃ.”

ᒫᑯᓯᐅᑉ ᐊᒡᓚᖏᑦ 8:12

ᔩᓱᓯᓕ ᐊᖏᔪᒥᒃ ᐊᓂᕐᓴᐅᒥᓪᓗᓂ ᐅᖃᐅᑎᕔᑦ, “ᓱᖕᒪ ᐅᓪᓗᒥᐅᓕᕐᑐᖅ ᐃᓄᐃᑦ ᑲᒪᓇᕐᑐᓕᖁᔨᕚᑦ? ᓱᓕᔪᒥᒃ ᐅᖃᐅᑎᕙᑦᓯ, ᓇᓗᓁᒃᑯᑕᕐᒥᒃ ᐅᓪᓗᒥᐅᔪᖅ ᐃᓄᐃᑦ ᑐᓂᓯᕕᐅᓂᐊᓐᖏᓚᑦ.”

ᒫᑯᓯᐅᑉ ᐊᒡᓚᖏᑦ 9:1

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐃᓚᖏᑦ ᑐᖁᓂᐊᓐᖏᓚᑦ ᒎᑎᐅᑉ ᐊᑕᓂᐅᕕᖓᓂᒃ ᐱᔪᓐᓇᕐᓂᖃᕐᓗᓂ ᑎᑭᓚᐅᖏᓐᓂᖓᓂ.”

ᒫᑯᓯᐅᑉ ᐊᒡᓚᖏᑦ 9:41

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᓐᓄᑦ ᐃᒥᕐᑎᑕᐅᒍᑦᓯ ᙭ᔅᑑᓯᐅᑉ ᐊᑎᖓᓂᒃ ᐱᒍᑦᔨᓂᑦᓯᓐᓄᑦ, ᑖᓐᓇ ᐃᒥᕐᑎᑦᓯᔪᖅ ᐊᓯᐅᔨᓂᐊᖏᒻᒪᕆᒃᐳᖅ ᐊᑭᓕᕐᑕᐅᓂᒃᓴᒥᓂᒃ.”

ᓘᑲᓯᐅᑉ ᐊᒡᓚᖏᑦ 11:51

ᐂᐱᓕᐅᑉ ᑐᖁᑕᐅᓂᖓᓂᑦ ᓴᑲᕅᐊᐅᑉ ᑐᖁᑕᐅᓂᖓ ᑎᑭᓪᓗᒍ, ᑖᓐᓇ ᑐᖁᑕᐅᓚᐅᕐᒪᑦ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ. ᐃᓛᒃ ᐅᖃᐅᑎᕙᑦᓯ, ᒫᓐᓇ ᐅᑯᐊ ᐃᓅᔪᑦ ᓱᒋᐊᕐᑕᐅᔪᒫᕐᐳᑦ ᑍᒃᑯᐊ ᑕᒪᕐᒥᑦᓯᐊᖅ ᓱᒋᐊᕐᑕᐅᑦᔪᑎᒋᓗᒋᑦ!

ᓘᑲᓯᐅᑉ ᐊᒡᓚᖏᑦ 12:37

ᓮᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᖅ ᐱᔩᑦ ᐊᖓᔪᖅᑳᒥᖕᓄᑦ ᑎᑭᑕᐅᔪᑦ ᐃᖅᑯᒪᑦᓯᐊᕐᑎᓪᓗᒋᑦ ᐅᐸᓗᖕᒊᕐᓯᒪᓗᑎᒡᓗ; ᓱᓕᔪᒥᒃ ᐅᖃᐅᑎᕙᑦᓯ, ᐊᖓᔪᖅᑳᖓ ᓵᓕᓴᕐᒥᒃ ᐊᑎᓯᓂᐊᕐᐳᖅ, ᑖᒃᑯᐊ ᐃᖏᖁᓗᒋᑦ ᓂᕆᕕᖕᒥ, ᓂᕆᓂᐊᕐᑕᖏᓐᓂᒃ ᐱᔨᑦᓯᕋᕐᓂᐊᕐᐰᑦ.

ᓘᑲᓯᐅᑉ ᐊᒡᓚᖏᑦ 13:35

ᑕᑯᒋᑦ, ᐃᒡᓗᓯ ᕿᒪᒃᑕᐅᔪᒫᓕᕐᐳᖅ. ᐅᖃᐅᑎᕙᑦᓯ, ᑕᑯᓂᐊᕈᓐᓃᕐᐸᑦᓯᖓ ᐅᖃᓚᐅᖅᑳᕐᑎᓐᓇᓯ, ‘ᒎᑎᐅᑉ ᓮᒻᒪᕐᓕᐅᒃ ᐊᑕᓂᐅᑉ ᐊᑎᖓᓂ ᑎᑭᑦᑐᖅ!’”

ᓘᑲᓯᐅᑉ ᐊᒡᓚᖏᑦ 16:17

ᐱᔭᕆᐊᑭᓐᓂᕐᓴᐅᕗᖅ ᕿᓚᒡᓗ ᓄᓇᕐᔪᐊᕐᓗ ᓄᖑᑉᐸᑎᒃ, ᐱᖁᔭᓂ ᓈᓂᑯᓘᓪᓘᓐᓃᑦ ᐊᑕᐅᓯᐅᑉ ᐊᑐᕐᑎᑕᐅᒐᔭᖏᓐᓂᖓᓂᑦ.

ᓘᑲᓯᐅᑉ ᐊᒡᓚᖏᑦ 18:17

ᓱᓕᔪᒥᒃ ᐅᖃᐅᑎᕙᑦᓯ, ᒎᑎᐅᑉ ᐊᑕᓂᐅᕕᖓᓂᒃ ᓄᑕᕋᑯᓗᒃᑎᑐᑦ ᐃᓚᓕᐅᕐᓯᖏᑦᑐᖅ ᑖᓐᓇ ᑕᕝᕗᖓ ᐃᑎᕐᓂᐊᓐᖏᓚᖅ.”

ᓘᑲᓯᐅᑉ ᐊᒡᓚᖏᑦ 18:29

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐊᖏᕐᕋᒥᓂᒃ ᕿᒤᔪᖅ ᓄᓕᐊᒥᓂᒃ, ᖃᑕᓐᖑᑎᒥᓂᒡᓗ ᐊᖓᔪᖅᑳᒥᓂᒡᓗ ᕿᑐᕐᖓᒥᓂᒡᓘᓪᓃᑦ, ᒎᑎᐅᑉ ᐊᑕᓂᐅᕕᖓ ᐱᑦᔪᑎᒋᓗᒍ,

ᓘᑲᓯᐅᑉ ᐊᒡᓚᖏᑦ 23:43

ᔩᓱᓯᐅᑉ ᐅᖃᐅᑎᕚ, “ᓱᓕᔪᒥᒃ ᐅᖃᐅᑎᕙᒋᑦ, ᐅᓪᓗᒥ ᐂᑉᐸᕆᓂᐊᕐᐸᕐᒪ ᖁᕕᐊᓇᕐᑐᕕᖕᒥ.”

ᓘᑲᓯᐅᑉ ᐊᒡᓚᖏᑦ 4:24

ᐃᒫᒡᓗ ᐅᖃᕆᕗᖅ, “ᓱᓕᔪᒥᒃ ᐅᖃᐅᑎᕙᑦᓯ, ᓇᓚᐅᑦᑍᔪᒥᒃ ᐃᓚᓕᐅᕐᑕᐅᔪᖃᓚᐅᕐᓯᒪᓐᖏᓚᖅ ᐱᕈᕐᓴᕕᕕᓂᕐᒥᓂ.

ᔪᐊᓇᓯᐅᑉ ᐊᒡᓚᖏᑦ 1:51

ᐅᖃᐅᑎᓪᓗᒋᓪᓗ, “ᓱᓕᑦᓯᐊᕐᑐᒥᒃ ᐅᖃᐅᑎᕙᑦᓯ, ᕿᓚᒃ ᐊᖕᒪᕐᑐᖅ ᑕᑯᔪᒫᕐᐸᓯ, ᒎᑎᐅᓪᓗ ᐂᖏᓕᖏᑦ ᒪᔪᕋᕐᑐᑦ ᐊᖅᑲᕐᑎᕐᑐᓪᓗ ᐃᓅᑉ ᐃᕐᓂᖓᓄᑦ.”

ᔪᐊᓇᓯᐅᑉ ᐊᒡᓚᖏᑦ 10:1

“ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐃᑎᕐᑕᕐᕕᒃᑯᑦ ᐃᑎᖏᑦᑐᖅ ᓰᐱᒃᑯᕕᖕᒧᑦ ᐊᓯᐊᒍᓪᓕ ᐃᓯᕐᑕᕐᕕᐅᖏᑦᑐᒃᑯᑦ ᐊᕙᓗ ᒪᔪᕐᓗᒍ ᐃᓯᕐᑐᖅ ᑎᒡᓕᒃᑎᐅᓪᓗᓂ ᑎᒎᕅᔨᐅᕗᖅ ᐱᒋᓐᖏᑕᒥᓂᒃ.

ᔪᐊᓇᓯᐅᑉ ᐊᒡᓚᖏᑦ 10:7

ᑕᕝᕙ ᔩᓱᓯᐅᑉ ᐅᖃᕐᕕᒋᒃᑲᓐᓂᓕᕐᐰᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐅᕙᖓ ᓰᐲᑦ ᐃᑎᕐᑕᕐᕕᒋᕚᖓ.

ᔪᐊᓇᓯᐅᑉ ᐊᒡᓚᖏᑦ 12:24

ᓱᓕᔪᒥᒃ ᐅᖃᐅᑎᕙᑦᓯᒃ: ᓂᐊᖂᔭᒃᓴᐅᑉ ᑲᓐᖓᕐᓲᑎᒃᓴᕐᑕᖓ ᑖᓐᓇᑑᒐᔭᕐᐳᖅ ᓄᓇᒧᐊᕐᑕᐅᓗᓂ ᑐᖁᖏᒃᑯᓂ, ᑐᖁᒍᓂᓕ, ᓂᐊᖂᔭᒃᓴᓂᒃ ᐊᒥᓱᓂᒃ ᐱᕈᕐᑎᑦᓯᒐᔭᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 13:16

ᓱᓕᔪᒥᒃ ᐅᖃᐅᑎᕙᑦᓯ, ᐱᔨ ᐊᖏᓂᕐᓴᐅᓐᖏᓚᖅ ᐊᖓᔪᖅᑳᒥᓂᑦ; ᑎᓕᔭᐅᓯᒪᔪᕐᓗ ᐊᖏᓂᕐᓴᐅᖏᓐᓂᕗᖅ ᑎᓕᔨᒥᓂᑦ.

ᔪᐊᓇᓯᐅᑉ ᐊᒡᓚᖏᑦ 13:38

ᔩᓱᓯᐅᑉ ᑭᐅᕚ, “ᑐᖁᑕᐅᓂᕐᒧᑦ ᐊᑐᐃᓐᓇᐅᓕᕐᐲᑦ ᐱᑦᔪᑎᒋᓗᖓ? ᓱᓕᔪᒥᒃ ᐅᖃᐅᑎᕙᒋᑦ, ᐊᖑᑎᕕᐊᖅ ᓂᓪᓕᖅᑳᕐᑎᓐᓇᒍ, ᐱᖓᓱᐃᕐᑐᕐᓗᑎᑦ ᐅᕙᓐᓂᒃ ᖃᐅᔨᒪᖏᓐᓂᕋᕐᓂᐊᕐᐳᑎᑦ.”

ᔪᐊᓇᓯᐅᑉ ᐊᒡᓚᖏᑦ 14:12

ᓱᓕᔪᒥᒃ ᐅᖃᐅᑎᕙᑦᓯ, ᐅᕙᓐᓄᑦ ᐅᒃᐱᕐᑑᑉ ᐱᓂᐊᕐᓃᑦ ᐱᓂᐊᕐᓂᕆᔭᒃᑲ ᐱᓂᐊᕈᑎᒋᓂᐊᕆᕔᑦ; ᐊᖏᓂᕐᓴᓂᒡᓗ ᑖᒃᑯᓇᖓᑦ ᐱᓇᓱᐊᕈᒫᕐᐳᖅ, ᐊᑖᑕᒧᑦ ᐂᓂᐊᕋᒪ.

ᔪᐊᓇᓯᐅᑉ ᐊᒡᓚᖏᑦ 16:20

ᓱᓕᔪᒥᒃ ᐅᖃᐅᑎᕙᑦᓯ, ᕿᐊᓗᓯᓗ ᐅᒡᒍᐊᓛᕐᐳᓯ, ᓯᓚᕐᔪᐊᕐᒥᐅᓪᓕ ᖁᕕᐊᓱᓛᕐᐳᑦ; ᐃᓕᑦᓯᓕ ᕿᒃᓵᒍᒫᕐᐳᓯ, ᕿᒃᓵᖕᓂᓯᓕ ᖁᕕᐊᓱᓂᖑᕐᑎᑕᐅᓛᕆᕗᖅ.

ᔪᐊᓇᓯᐅᑉ ᐊᒡᓚᖏᑦ 16:23

“ᐅᓪᓗᖅ ᓇᓪᓕᐅᑎᒃᐸᑦ ᐅᕙᓐᓂᒃ ᐊᐱᕐᓲᕈᓐᓃᕈᒫᕐᐳᓯ. ᓱᓕᔪᒥᒃ ᐅᖃᐅᑎᕙᑦᓯ, ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᓱᓇᑐᐃᓐᓇᕐᒥᒃ, ᑖᑦᓱᒪ ᑐᓂᓯᕕᒋᓂᐊᕐᐹᓯ ᐊᑎᓐᓂ.

ᔪᐊᓇᓯᐅᑉ ᐊᒡᓚᖏᑦ 21:18

ᓱᓕᔪᒥᒃ ᐅᖃᐅᑎᕙᒋᑦ, ᐃᓅᓱᒃᑑᑎᓪᓗᑎᑦ, ᐃᓕᖕᓂᒃ ᑕᑦᓯᕈᓯᕐᓗᑎᑦ ᐂᕙᓚᐅᕐᐳᑎᑦ ᐂᕕᒋᔪᒪᔭᕐᓄᑦ; ᐃᑦᑑᓕᕈᕕᓪᓕ ᑕᓖᒃᑭᒃ ᐃᓴᒍᒫᕐᐹᒃᑭᒃ, ᐊᓯᕕᓪᓗ ᑕᑦᓯᕈᓯᕈᒫᕐᐹᑎᑦ ᐂᑎᓪᓗᑎᑦ ᐂᕕᒋᔪᒪᓐᖏᑕᕐᓄᑦ.”

ᔪᐊᓇᓯᐅᑉ ᐊᒡᓚᖏᑦ 3:11

ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᖃᐅᔨᒪᔭᑦᑎᓐᓂᒃ ᐅᖃᓲᖑᕗᒍᑦ, ᑕᑯᓚᐅᕐᑕᑦᑎᓐᓂᒡᓗ ᐅᓂᒃᑳᕐᓗᑕ; ᐅᖃᐅᓯᕆᔭᑦᑎᓐᓂᒡᓕ ᐅᒃᐱᓐᖏᓚᓯ.

ᔪᐊᓇᓯᐅᑉ ᐊᒡᓚᖏᑦ 3:3

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑑᑉ, ᒎᑎᐅᑉ ᐊᑕᓂᐅᕕᖓ ᑕᑯᔪᓐᓇᓐᖏᓛ.”

ᔪᐊᓇᓯᐅᑉ ᐊᒡᓚᖏᑦ 3:5

ᔩᓱᓯᐅᑉ ᑭᐅᕚ, “ᓱᓕᑦᓯᐊᕐᑐᒥᒃ ᐅᖃᐅᑎᕙᒋᑦ, ᓄᑖᒥᒃ ᐃᕐᓂᐊᖑᖏᑦᑐᖅ ᐃᒪᕐᒧᑦ ᐊᓂᕐᓂᕐᒧᓪᓗ ᐃᑦᔪᕐᓁᑦᑐᒧᑦ, ᒎᑎᐅᑉ ᐊᑕᓂᐅᕕᖓᓄᑦ ᐃᑎᕈᓐᓇᓐᖏᓚᖅ.

ᔪᐊᓇᓯᐅᑉ ᐊᒡᓚᖏᑦ 5:19

ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐃᕐᓂᖅ ᐃᒥᓃᓐᓇᖅ ᐱᓇᓱᐊᕈᓐᓇᓐᖏᓚᖅ, ᐱᓇᓱᐊᕐᐳᕐᓕ ᐊᑖᑕᐅᑉ ᐱᓇᓱᐊᕐᑕᖏᓐᓂᒃ ᑕᑯᔭᒥᓂᒃ, ᐊᑖᑕᐅᑉ ᐱᓇᓱᐊᕐᑕᖓ ᐃᕐᓂᖓᑕᑦᑕᐅᖅ ᐱᓇᓱᐊᕆᕚ.

ᔪᐊᓇᓯᐅᑉ ᐊᒡᓚᖏᑦ 6:26

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ; ᕿᓂᕐᐸᑦᓯᓐᖓ ᓇᓗᓁᒃᑯᑍᑦ ᑕᑯᓚᐅᕐᑕᓯ ᐱᑦᔪᑎᒋᓇᒋᑦ, ᓂᕆᓚᐅᕋᑦᓯᓕ ᓂᐊᖂᔭᓂᒃ ᐊᕿᐊᑦᑐᕐᓗᓯ ᐱᑦᔪᑎᖃᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 6:32

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᒨᓯᓯᐅᑉ ᓂᐊᖂᔭᒥᒃ ᕿᓚᖕᒥᑦ ᐱᔪᒥᒃ ᑐᓂᓯᕕᒋᓚᐅᓐᖏᓛᓯ; ᐊᑖᑕᒪᓕ ᓂᐊᖂᔭᒥᒃ ᓂᕿᒃᓴᓪᓚᕆᖕᒥᒃ ᑐᓂᓯᕕᒋᕚᓯ ᕿᓚᖕᒥᑦ ᐱᔪᒥᒃ.

ᔪᐊᓇᓯᐅᑉ ᐊᒡᓚᖏᑦ 6:47

ᓱᓕᔪᒥᒃ, ᓱᓕᔪᒥᒃ ᐅᖃᐅᑎᕙᑦᓯ; ᐅᕙᓐᓄᑦ ᐅᒃᐱᕐᑐᖅ ᐃᓅᓯᖃᕐᐳᖅ ᓄᖑᓱᐃᑦᑐᒥᒃ.

ᔪᐊᓇᓯᐅᑉ ᐊᒡᓚᖏᑦ 6:53

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐃᓅᑉ ᐃᕐᓂᖓᑕ ᑎᒥᖓᓂᒃ ᓂᕆᖏᒃᑯᑦᓯ ᐊᐅᖓᓂᒡᓗ ᐃᒥᖏᒃᑯᑦᓯ, ᐃᓅᓯᖃᕈᓐᓇᓐᖏᓚᓯ ᐃᓗᑦᓯᓐᓃᑦᑐᒥᒃ.

ᔪᐊᓇᓯᐅᑉ ᐊᒡᓚᖏᑦ 8:34

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐊᔪᕐᑐᓕᔪᖅ ᐊᔪᓕᕐᑎᑕᐅᓯᒪᕗᖅ ᐊᔪᕐᓂᕐᒧᑦ.

ᔪᐊᓇᓯᐅᑉ ᐊᒡᓚᖏᑦ 8:51

ᓱᓕᔪᒥᒃ ᐅᖃᐅᑎᕙᑦᓯ, ᓇᓪᓕᐊᑦ ᐅᖃᐅᓯᓐᓂᒃ ᒪᓕᒃᑐᖅ, ᑖᓐᓇ ᑐᖁᓂᐊᓐᖏᓚᖅ.”

ᔪᐊᓇᓯᐅᑉ ᐊᒡᓚᖏᑦ 8:58

ᔩᓱᓯᐅᑉ ᑭᐅᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐂᑉᕋᕼᐋᒻ ᐃᓅᓚᐅᕐᑎᓐᓇᒍ, ᑕᑉᕙᐅᓚᐅᕐᐳᖓ.”

ᐲᑦᑐᕉᓯ ᓯᕗᓪᓖᑦ 1:25

ᐊᑕᓂᐅᓪᓕ ᐅᖃᐅᓯᖓ ᓱᖁᓯᕐᓂᐊᓐᖏᓚᖅ ᐃᓱᖃᖏᑦᑐᒧᑦ.” ᐅᖃᐅᓯᕐᓗ ᑕᒪᑦᔭ ᐊᔪᕆᕐᑐᐃᑦᔪᑕᐅᓚᐅᕐᑐᖅ ᐃᓕᑦᓯᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:11

ᑕᕝᕙ ᑕᑯᓕᕆᕗᖓ ᐃᒃᓯᕙᐅᑕᕐᔪᐊᕐᒥᒃ ᖃᑯᕐᑕᒥᒃ ᑕᕝᕙᓂᓗ ᐃᒃᓯᕚᕐᑐᒥᒃ; ᑖᑦᓱᒪᓕ ᓇᔪᕐᑕᖓᓂᑦ ᓄᓇᕐᔪᐊᖅ ᕿᓚᒡᓗ ᕿᒪᒃᓯᕘᒃ, ᐃᓂᒃᓴᖃᕈᓐᓃᕐᓗᑎᒡᓗ.