ᒫᑎᐅᓯᐅᑉ ᐊᒡᓚᖏᑦ 5:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓇᓂᕈᐊᕐᒥᒃ ᐃᑭᑦᓯᔪᖃᕐᐸᒃᐹ ᖃᑦᑕᕐᒧᑦ ᐳᓯᑦᔪᑎᓂᐊᕐᑕᒥᓂᒃ; ᖃᐅᒻᒪᖅᑯᓪᓕ ᐃᑭᑕᐅᓲᖑᕗᖅ ᐃᓂᖓᓄᐊᕐᑕᐅᓪᓗᓂ, ᐃᒡᓗᒦᑦᑐᓕᒫᑦ ᖃᐅᒻᒪᒃᑎᑕᐅᖁᓪᓗᒋᑦ.

Aglait Ijjurnaittut

¹⁵ Naniruarmik ikitsijuqaqpakpaa qattarmut pusijjutiniaqtaminik; qaummaqqulli ikitausuunguvuq ininganuaqtaulluni, iglumiittulimaat qaummaktitauqullugit.

ᒫᑎᐅᓯᐅᑉ ᐊᒡᓚᖏᑦ 5:15 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 25:37

ᓇᓂᕈᐊᖃᕐᕕᒃ ᑖᓐᓇ 7ᓂᒃ ᑲᑎᓪᓗᒋᑦ ᓇᓂᕈᐊᖃᕐᕕᖃᕐᑐᒃᓴᐅᕗᖅ; ᐃᓕᓯᒪᔭᐅᔪᒃᓴᐅᕗᕐᓗ ᑕᑉᐹᓂ ᓯᕗᕌᓂ ᖃᐅᒪᑎᑦᓯᖁᓪᓗᒍ.

ᓴᑲᕅᐊᐅᑉ ᐊᒡᓚᖏᑦ 4:2

ᐅᖃᐅᑎᕚᖓᓗ, “ᓱᓇᒥᒃ ᑕᑯᕕᑦ?” ᑭᐅᕙᕋᓗ, “ᑕᑯᕗᖓ ᓇᓂᕈᐊᑉ ᐃᓂᖓᓂᒃ ᒎᓗᒥᒃ ᓴᓇᓯᒪᔪᒥᒃ, ᖄᖓᓂ ᐊᓪᓕᕋᐅᔭᕐᑕᓕᒃ ᐅᕐᓱᖃᕐᕕᖕᒥᒃ. ᓇᓂᕈᐊᓪᓗ ᐊᑐᓂᑦ ᐃᓂᖏᓐᓂᒃ 7ᓂᒃ ᓇᓂᕈᐊᕐᑕᖃᕐᐳᖅ, ᐊᑐᓂᓪᓗ ᑖᒃᑯᐊ 7ᓂᒃ ᐃᑯᐊᓚᒍᑎᖃᕐᐳᑦ.

ᒨᓯᓯ ᓯᑕᒪᖏᑦ 8:2

“ᐂᕉᓂ ᐅᖃᐅᑎᓚᐅᕈᒃ ᐃᒤᓕᓗᒍ, ‘ᓇᓂᕈᐊᑦ ᐋᖅᑭᒃᓱᓕᕈᕕᒋᑦ, ᓇᓂᕈᐊᑦ 7 ᖃᐅᒪᑎᑦᓯᔭᕆᐊᖃᕐᐳᑦ ᓇᓂᕈᐊᖃᕐᕕᐅᑉ ᓯᕗᓂᖓᓂᒃ.’”

ᒫᑯᓯᐅᑉ ᐊᒡᓚᖏᑦ 4:21

ᔩᓱᓯᐅᑉ ᐅᖃᐅᑎᕔᑦ, “ᓇᓂᕈᐊᕐᒥᒃ ᐃᑎᕐᓯᔪᖃᓲᖑᕚ ᐃᓕᓪᓗᒍ ᖃᑦᑕᐅᔭᐅᑉ ᐊᑖᓄᑦ, ᐅᕝᕙᓗ ᓯᓂᒃᕕᐅᑉ ᐊᑖᓄᑦ ᓇᓂᕈᐊᑉ ᐃᓂᖓᓄᐊᕐᑕᐅᒐᔭᓐᖏᓛᖅ?

ᓘᑲᓯᐅᑉ ᐊᒡᓚᖏᑦ 11:33

“ᓇᓂᕈᐊᕐᒥᒃ ᐃᑭᑦᓯᔪᖃᕌᖓᒥ ᐃᔨᕐᑕᐅᕙᓐᖏᓚᖅ, ᒪᒃᑲᐅᔭᐅᓪᓘᓐᓃᑦ ᐊᑖᓄᑦ ᐃᓕᔭᐅᕙᓐᖏᓚᖅ; ᓇᓂᕈᐊᒃᑯᕕᐅᓪᓕ ᐃᓂᖓᓄᑦ ᐃᓕᔭᐅᕙᒃᐳᖅ, ᐃᒡᓗᒧᑦ ᐃᑎᕐᑐᑦ ᖃᐅᒪᔪᒥᒃ ᑕᑯᖁᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 11:36

ᑎᒥᓕᒫᑦ ᖃᐅᒪᓯᐅᕐᐸᑦ, ᑖᕐᑑᓂᖃᖏᓪᓗᓂ, ᑕᕝᕙ ᑎᒥᓕᒫᑦ ᖃᐅᒪᓯᐅᕐᓂᐊᕐᐳᖅ, ᓇᓂᕈᐊᑎᑐᑦ ᐃᓕᖕᓂᒃ ᖃᐅᒪᑎᑦᓯᑦᓯᐊᕐᑐᑎᑐᑦ.”

ᓘᑲᓯᐅᑉ ᐊᒡᓚᖏᑦ 8:16

“ᓇᓂᕈᐊᕐᒥᒃ ᐃᑭᑦᓯᔪᖃᕌᖓᒥ ᒪᑐᔭᐅᕙᓐᖏᓚᖅ ᒪᒃᑲᐅᔭᒧᑦ, ᐅᕝᕙᓗ ᐃᒡᓕᐅᑉ ᐊᑖᓅᕐᓯᔪᖃᕐᐸᓐᖏᓚᖅ, ᓇᓂᕈᐊᒃᑯᕕᖕᒧᓪᓕ ᐃᓕᔭᐅᕙᒃᐳᑦ, ᐃᒡᓗᒧ ᐃᑎᕐᑐᑦ ᖃᐅᒪᔪᒥᒃ ᑕᑯᖁᓪᓗᒋᑦ.

ᐱᓕᐱᒥᐅᓄᑦ 2:15

ᐸᓯᔭᒃᓴᐅᖁᓇᓯ ᓴᓗᒪᑦᓯᐊᖁᓪᓗᓯᓗ, ᒎᑎᐅᑉ ᕿᑐᕐᖓᖏᑎᑐᑦ ᑕᕝᕙᓂ ᓯᓚᕐᔪᐊᕐᒥ ᐃᓅᑎᓪᓗᓯ ᑭᒡᓗᕐᒨᕐᑐᓂ ᐊᔪᕐᑐᓕᔪᓂᓗ, ᑖᒃᑯᐊ ᐊᑯᕐᖓᓐᓂ ᖃᐅᒪᓂᐅᔪᒃᓴᐅᒐᑦᓯ ᓄᓇᒥ ᓇᓂᕈᐊᑎᑐᑦ,

ᐄᑉᕈᐃᓄᑦ 9:2

ᑐᐱᖅ ᓇᑉᐸᕐᑕᐅᓚᐅᕐᐳᖅ. ᓯᓚᓪᓕᕐᒥᓗ ᓇᓂᕈᐊᖃᕐᕕᖃᕐᓗᓂ, ᓵᑕᖃᕐᖢᓂᓗ ᓂᐊᖂᔭᓄᑦ ᐃᑦᔪᕐᓁᑎᑕᐅᓯᒪᔪᓄᑦ ᐃᓂᒃᓴᒥᒃ; ᑕᒪᓐᓇᓗ ᑍᔭᐅᕗᖅ ᐃᑦᔪᕐᓁᑦᑐᕕᖕᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:5

ᐃᖅᑬᓕᕆᑦ ᓇᑭᑦ ᑲᑕᒃᐸᓪᓕᐊᓕᕐᓂᕐᒪᖔᕐᐱᑦ, ᖃᕿᐊᓕᕐᓗᑎᑦ ᓯᕗᓪᓕᕐᒥᒃ ᐱᓇᓱᐊᕐᐸᓚᐅᕐᑕᑎᑦ ᐱᓇᓱᐊᓕᒃᑭᑦ. ᑍᒤᓐᓂᐊᖏᒃᑯᕕᑦ, ᕾᓗᖓ ᖃᐅᒻᒪᖅᑯᑎᕕᑦ ᐃᓂᖓ ᐲᕆᐊᕐᑐᕈᒫᕐᐸᕋ, ᖃᕿᐊᓕᖏᒃᑯᕕᑦ.