ᒫᑎᐅᓯᐅᑉ ᐊᒡᓚᖏᑦ 4:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙᓂ ᐃᓄᐃᑦ ᑖᕐᑐᒦᑦᑐᑦ ᖃᐅᒪᔪᕐᔪᐊᖅ ᑕᑯᕚᑦ, ᑐᖂᓪᓗ ᑕᕐᕋᓕᓂᖓᓃᑦᑐᓄᑦ ᖃᐅᒪᔪᖅ ᓴᖅᑭᑉᐳᖅ.”

Aglait Ijjurnaittut

¹⁶ Tavvani inuit taaqtumiittut Qaumajurjuaq takuvaat, Tuquullu tarralininganiittunut qaumajuq saqqippuq.”

ᒫᑎᐅᓯᐅᑉ ᐊᒡᓚᖏᑦ 4:16 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 10:22

ᓄᓇᒧᑦ ᑖᕐᑐᕐᔪᐊᒧᑦ ᓇᓗᓕᕐᓇᕐᑐᒧᓪᓗ, ᑕᕝᕙᓂ ᖃᐅᒪᔪᖅ ᑖᕐᑐᕐᔪᐊᑎᑐᑦ ᑍᒤᑉᐳᖅ.”

ᔫᐱᐅᑉ ᐊᒡᓚᖏᑦ 3:5

ᐅᓪᓗᖅ ᑍᓐᓇ ᓄᒫᓇᕐᓯᓗᓂ ᑖᕐᓯᒻᒪᕆᓕᕐᓕ. ᓄᕗᔭᓄᑦ ᐅᓕᒃᑕᐅᓕ; ᕿᕐᓈᖓᔪᓄᑦ ᑲᑉᐱᐊᓵᕐᑕᐅᓕ.

ᔫᐱᐅᑉ ᐊᒡᓚᖏᑦ 34:22

ᑖᕐᓂᕐᑕᖃᓐᖏᓚᖅ ᑐᖂᓪᓘᓐᓃᑦ ᐃᓂᖓᓂ ᐱᐅᖏᑦᑐᓕᔪᓄᑦ ᐃᔨᕐᕕᐅᔪᓐᓇᕋᔭᕐᑐᒥᒃ.

ᐃᓐᖏᕈᑎᑦ 44:19

ᓯᖁᒥᑦᑎᐊᕐᓯᒪᒐᑦᑎᒍᑦ ᔮᑯᓄᑦ ᑎᕆᒐᓂᐊᖑᔮᕐᑐᓄᑦ ᐃᓂᒋᔭᐅᓕᕐᓗᑕ, ᐅᓕᒃᓯᒪᒐᑦᑎᒍᓪᓗ ᑐᖂᑉ ᑕᕐᕋᓕᓂᖓᓄᑦ.

ᐂᓮᐊᓯᐅᑉ ᐊᒡᓚᖏᑦ 9:1

ᑖᕐᑐᒦᑦᓱᒫᓐᖏᓚᑦ ᐃᓱᒪᔮᕐᓇᕐᑐᒦᓚᐅᕐᑐᑦ. ᓯᐳᓗᓂᐅᑉ ᓈᑉᑕᓕᐅᓪᓗ ᑭᖑᕚᖏᑕ ᓄᓇᖓᑦ ᓯᕗᓂᖓᓂ ᓇᕐᕈᓇᕐᓯᑎᑕᐅᓚᐅᕐᑐᖅ ᐅᓪᓗᓂᓕ ᑭᖑᓪᓕᕐᓂ ᐊᖅᑯᑦ ᐱᓐᓇᕐᓇᕐᓯᑎᑦᓱᒫᕐᐹ ᐃᒪᕐᕕᖕᒨᖓᔪᖅ, ᓄᓇ ᔪᐊᕐᑕᓂᐅᑉ ᐅᖓᑖᓃᑦᑐᖅ, ᒐᓕᓖᓪᓗ ᔫᑎᐅᖏᑦᑐᓂᒃ ᐃᓄᓕᒃ.

ᐂᓮᐊᓯᐅᑉ ᐊᒡᓚᖏᑦ 9:2

ᐃᓄᐃᑦ ᑖᕐᑐᒥ ᐃᓅᔪᑦ ᖃᐅᒪᔪᕐᔪᐊᒥᒃ ᑕᑯᓯᒪᕗᑦ. ᓄᓇᖃᕐᑐᓪᓗ ᑐᖂᑉ ᑕᕐᕋᓕᓂᖓᓂ, ᒫᓐᓇᓕ ᖃᐅᒪᔪᒧᑦ ᖃᐅᒻᒪᒃᑎᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 13:16

ᐊᑕᓂᖅ ᒎᑎᓯ ᓂᕐᑐᕐᓯᐅᒃ ᑖᕐᓯᑎᑦᓯᖏᓐᓂᖓᓂ, ᐹᓪᓚᖁᓇᓯ ᖃᖅᑬᑦ ᑕᕐᕆᑎᑕᐅᓕᕐᐸᑕ ᑖᕐᑐᒧᑦ, ᖃᐅᒪᔪᒥᒃ ᕿᓂᕋᓗᐊᕈᑦᓯ ᑖᑦᓱᒪ ᑖᕐᓯᑎᑦᓱᒫᑉᐹ ᑖᕐᑐᕐᔪᐊᖑᓕᕐᓗᓂ.

ᐂᒨᓯᐅᑉ ᐊᒡᓚᖏᑦ 5:8

ᑖᓐᓇ ᐅᓪᓗᕆᐊᑦ ᐃᓂᒋᔭᖏᑕ ᖃᓄᐃᓕᖓᓂᖏᓐᓂᒃ ᓴᓇᓚᐅᕐᑐᖅ, ᑖᕐᑐᕐᔪᐊᕐᒥᒡᓗ ᒧᒥᒃᑎᑦᓯᕙᒃᑐᖅ ᐅᓪᓛᓐᖑᕐᑎᓪᓗᒍ, ᐅᓪᓗᕐᒥᒡᓗ ᑖᕐᓯᑎᑦᓯᕙᒃᑐᖅ ᐅᓐᓄᐊᖑᓕᕐᓗᓂ, ᑕᕆᐅᕐᔪᐊᒥᒃ ᕾᖁᔨᕙᒃᑐᖅ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ, ᐊᑎᖃᕐᐳᖅ ᐊᑕᓂᕐᒥᒃ.

ᒤᑲᐅᑉ ᐊᒡᓚᖏᑦ 7:8

ᖁᕕᐊᓲᑎᒋᑦᑍᓕᓐᖓ ᐊᑭᕌᒃ! ᐹᓪᓚᒃᑲᓗᐊᕈᒪ ᒪᑭᑦᓱᒫᕐᐳᖓ, ᑖᕐᑐᒥ ᐃᒃᓯᕙᒐᓗᐊᕈᒪ, ᐊᑕᓂᖅ ᖃᐅᒪᓂᕆᔪᒫᕐᐸᕋ.

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”