ᒫᑎᐅᓯᐅᑉ ᐊᒡᓚᖏᑦ 4:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᑕᕝᕙ ᔩᓱᓯᐅᑉ ᑭᐅᕚ, “ᓵᑖᓇᓰ ᐅᕙᓐᓂᑦ ᐊᐅᓪᓚᕆᑦ! ᒎᑎᐅᑉ ᐅᖃᐅᓯᖏᓐᓂ ᑎᑎᕋᕐᓯᒪᖕᒪᑦ, ‘ᐊᑕᓂᕐᒧᑦ ᒎᑎᖕᓄᑦ ᑐᒃᓯᐊᕐᑐᒃᓴᐅᕗᑎᑦ ᑖᓐᓇ ᑭᓯᒥ ᐱᔨᑦᓯᕐᑕᒃᓴᕆᕙᑦ!’”

Aglait Ijjurnaittut

¹⁰ Tavva Jiisusiup kiuvaa, “Saataanasi uvannit aullarit! Guutiup uqausinginni titiraqsimangmat, ‘Atanirmut Guutingnut tuksiaqtuksauvutit taanna kisimi pijitsiqtaksarivat!’”

ᒫᑎᐅᓯᐅᑉ ᐊᒡᓚᖏᑦ 4:10 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 21:1

ᓵᑖᓇᓯ ᐱᓇᓱᐊᓕᕐᐳᖅ ᐃᓴᕆᐊᓕᒥᐅᑦ ᐊᑭᕋᕐᑐᕐᓗᒋᑦ, ᑍᕕᑎᓗ ᑲᔪᖏᕐᓴᕐᐹ ᐃᓴᕆᐊᓕᑎᓂᒃ ᓈᓮᖁᓪᓗᒍ.

ᔫᐱᐅᑉ ᐊᒡᓚᖏᑦ 1:12

ᑕᕝᕙ ᐊᑕᓂᖅ ᓵᑖᓇᓯᒧᑦ ᐅᖃᕐᐳᖅ, “ᑕᑯᒋᑦ, ᐱᖁᑎᓕᒫᖏᑦ ᐱᔪᓐᓇᕐᓂᕐᓄᐊᕐᐸᒃᑲ, ᔫᐱᓕ ᓇᖕᒥᓂᖅ ᐋᓐᓂᕐᑍᓕᒍ.” ᑍᒤᒻᒪᑦ ᓵᑖᓇᓯ ᑕᕝᕙᓐᖓᑦ ᕿᒪᕉᑎᕗᖅ.

ᔫᐱᐅᑉ ᐊᒡᓚᖏᑦ 1:6

ᐅᓪᓗᕐᓕ ᓇᓪᓕᐅᑎᖕᒪᑦ ᕿᓚᖕᒥᐅᑍᑦ ᐊᑕᓂᐅᑉ ᓵᖓᓅᕐᕕᒃᓴᖓᑦ, ᓵᑖᓇᓯᑦᑕᐅᖅ ᐊᑭᕋᕐᑐᕐᑎ ᑖᒃᑯᓄᖓ ᐃᓚᒋᔭᐅᓚᐅᕆᕗᖅ.

ᔫᐱᐅᑉ ᐊᒡᓚᖏᑦ 2:1

ᐅᓪᓗᕐᓕ ᓇᓪᓕᐅᑎᖕᒥᖕᒪᑦ ᕿᓚᖕᒥᐅᑍᑦ ᐊᑕᓂᐅᑉ ᓵᖓᓄᐊᕐᕕᒃᓴᖓᑦ, ᓵᑖᓇᓯᑦᑕᐅᖅ ᐃᓚᒋᔭᐅᒋᕗᖅ.

ᐃᓐᖏᕈᑎᑦ 109:6

ᐱᐅᖏᑦᑐᖅ ᐊᖓᔪᖅᑳᓐᖑᕐᑎᒍᒃ ᑖᑦᓱᒧᖓ; ᑕᓕᕐᐱᐊᓄᓪᓗ ᓵᑖᓇᓯ ᓂᑯᕕᑎᓪᓗᒍ.

ᒨᓯᓯ ᐂᑉᐸᖏᑦ 23:25

ᐊᑕᓂᖅ ᒎᑎᓯ ᐱᔨᑦᓯᒐᒃᓴᕆᕙᓯ, ᑕᕝᕙ ᓂᕿᒃᓴᓯ ᐃᒥᒃᓴᓯᓗ ᓮᒻᒪᕐᑎᓐᓂᐊᕐᐸᒃᑲ; ᖃᓂᒪᓇᕐᑐᓪᓗ ᐃᓕᑦᓯᓐᓂᑦ ᐲᔭᕐᓂᐊᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 30:22

ᒎᑎᓐᖑᐊᕕᓂᓯ ᓯᐅᓪᕕᕆᒥᒃ ᒎᓗᒥᒡᓗ ᖄᐹᕐᓯᒪᔪᑦ, ᐃᒋᐅᖅᑲᕈᒫᕐᐸᓯ ᓴᓂᕐᑎᑐᑦ ᕾᒐᓛᕐᓗᓯᓗ ᐅᖃᐅᑎᔪᒫᕐᐸᓯ, “ᑕᑯᓐᓇᕈᒪᔪᓐᓃᕐᐸᑦᓯ!”

ᒫᑎᐅᓯᐅᑉ ᐊᒡᓚᖏᑦ 16:23

ᔩᓱᓯᐅᑉ ᐲᑦᑐᕉᓯ ᓵᓪᖢᒍ ᐅᖃᐅᑎᕚ, “ᓵᑖᓇᓰ, ᑐᓄᓐᓅᐊᕆᑦ! ᐊᑐᕆᐊᖃᕐᑕᓐᓂᒃ ᐊᒡᕕᐊᕋᓱᐊᕋᕕᑦ; ᑕᒪᓐᓇ ᐃᓱᒪᒋᔧᑦ ᒎᑎᒥᑦ ᐱᖏᒻᒪᑦ, ᐃᓄᑐᐃᓐᓇᕐᒥᓪᓕ ᐱᕗᖅ!”

ᒫᑯᓯᐅᑉ ᐊᒡᓚᖏᑦ 1:13

ᐃᓄᖃᖏᑦᑐᒦᓚᐅᕐᐳᖅ ᐅᓪᓗᓂᒃ 40ᓂᒃ, ᓵᑖᓇᓯᒧᑦ ᐱᐅᓐᖏᑐᒧᑦ ᐱᔪᒥᓵᕐᑕᐅᓪᓗᓂ; ᓂᕐᔪᑏᓪᓗ ᓄᔪᐊᕐᑐᑦ ᑕᒫᓃᓚᐅᕆᕗᑦ; ᐂᖏᓖᓪᓕ ᐅᐸᒃᐹᑦ ᐃᑲᔪᕐᓗᒍ.

ᓘᑲᓯᐅᑉ ᐊᒡᓚᖏᑦ 10:18

ᔩᓱᓯᐅᑉ ᑭᐅᕔᑦ, “ᓵᑖᓇᓯ ᑕᑯᓚᐅᕐᐸᕋ ᕿᓚᖕᒥᑦ ᑲᑕᒃᑐᖅ ᖃᐅᒻᒫᓪᓚᒃᑐᑎᑐᑦ.

ᓘᑲᓯᐅᑉ ᐊᒡᓚᖏᑦ 11:18

ᓵᑖᓇᓯᑦᑕᐅᖅ ᐊᒡᒍᕐᓗᓂ ᐃᒻᒥᓄᑦ ᐊᑭᕋᕐᑐᓕᕈᓂ, ᖃᓄᖅ ᐊᑕᓂᐅᕕᖓ ᒪᑭᑕᔪᓐᓇᕋᔭᕐᐹ? ᐅᖃᕋᑦᓯ ᐊᓂᕐᓂᕐᓗᖕᓂᒃ ᐊᓂᑎᑦᓯᖃᑦᑕᕐᓂᕋᕐᓗᖓ ᐱᐅᓪᓯᐹᐱᒃᑯᑦ.

ᓘᑲᓯᐅᑉ ᐊᒡᓚᖏᑦ 13:16

ᐅᓇᓕ ᐊᕐᓇᖅ, ᐂᑉᕋᕼᐋᒻ ᑭᖑᕚᖓ ᓵᑖᓇᓯᐅᑉ ᕿᓚᒃᓱᕐᓯᒪᓚᐅᕐᑕᖓ ᐊᕐᕌᒍᓂᒃ 18ᓂᒃ, ᑖᓐᓇ ᕿᓚᕈᑦᔮᕐᑕᐅᔭᕆᐊᖃᓐᖏᓛᖅ ᓴᐸᑎᒥ?”

ᓘᑲᓯᐅᑉ ᐊᒡᓚᖏᑦ 22:3

ᓵᑖᓇᓯ ᐃᑎᓚᐅᕐᐳᖅ ᔫᑕᓯᒧᑦ ᐃᔅᑲᕆᐊᑎᒥᒃ ᑍᔭᐅᔪᒧᑦ, ᑖᑦᓱᒧᖓ ᐃᓕᓐᓂᐊᕐᑎᓄᑦ 12ᓄᑦ ᐃᓚᒋᔭᐅᔪᒧᑦ;

ᓘᑲᓯᐅᑉ ᐊᒡᓚᖏᑦ 22:31

“ᓮᒨᓃ, ᓮᒨᓃ, ᓈᓚᒋᑦ! ᓵᑖᓇᓯ ᐱᔪᒪᒐᓗᐊᕐᐳᖅ ᐊᑕᖏᕐᓗᓯ ᓴᓃᔭᕈᒪᓪᓗᓯ ᐱᕈᕐᓰᕕᓕᕆᔨᐅᑉ ᓂᐊᖂᔭᒃᓴᓂᒃ ᓴᓃᔧᓂᖓᑐᑦ,

ᓘᑲᓯᐅᑉ ᐊᒡᓚᖏᑦ 4:8

ᔩᓱᓯᐅᑉ ᑭᐅᕚ, “ᐊᒡᓚᖕᓂ ᑎᑎᕋᕐᓯᒪᕗᖅ, ‘ᐊᑕᓂᖅ ᒎᑎᒋᔧᑦ ᑐᒃᓯᐊᕐᕕᒋᔭᒃᓴᕆᕙᑦ, ᑖᓐᓇᑐᐊᕐᓗ ᐱᔨᑦᓯᕐᑕᒃᓴᕆᕙᑦ.’”

ᔪᐊᓇᓯᐅᑉ ᐊᒡᓚᖏᑦ 13:27

ᔫᑕᓯᐅᑉ ᓂᐊᖂᔭᖅ ᑎᒍᖕᒪᒍ, ᓵᑖᓇᓯᐅᑉ ᐃᑎᕐᕕᒋᕚ. ᔩᓱᓯᐅᑉ ᐅᖃᐅᑎᕚ, “ᑐᐊᕕᕐᓗᑎᑦ ᐱᔭᕆᐊᖃᕐᑍᑦ, ᐱᓇᓱᐊᓕᕈᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᐋᐴᓯᑕᓖᑦ ᐱᓂᐊᕐᓂᖏᑦ 5:3

ᐲᑦᑐᕉᓯᐅᑉ ᐅᖃᐅᑎᕚ, “ᐊᓇᓁᐊᓰ, ᓲᖅ ᓵᑖᓇᓯ ᐆᒻᒪᑎᖕᓂ ᐱᕕᒃᓴᕐᑖᕐᑎᑉᐱᐅᒃ? ᓴᒡᓗᑎᒻᒪᑎᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑮᓇᐅᔧᑦ ᓂᐅᕐᕈᑎᒋᔭᕕᑦ ᐃᓚᖏᑦ ᐱᓯᒪᔪᒪᓪᓗᒌᑦ?

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:5

ᐊᖑᑦ ᑍᓐᓇ ᑍᒤᓕᐅᕐᑐᖅ ᓵᑖᓇᓯᒧᑦ ᑐᓂᓕᕐᓯᐅᒃ ᑎᒥᖓ ᐊᓯᕈᕐᑕᐅᓂᐊᕐᒪᑦ, ᑕᕐᓂᖓᓕ ᐱᐅᓕᔭᐅᖁᓪᓗᒍ ᐊᑕᓂᐅᑉ ᔩᓱᓯᐅᑉ ᐅᓪᓗᒃᓴᖓᓂ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 7:5

ᑍᒤᒻᒪᑦ ᓄᓕᐊᕇᖑᔪᓯ ᐃᓕᑦᓯᓐᓄᑦ ᐱᑦᑍᓕᖃᑦᑕᐅᑎᓂᐊᕋᓯ ᑭᓯᐊᓂ ᐊᖏᖃᑎᒌᒃᑯᑦᓯ ᑍᒤᓕᐅᕈᒪᖏᓪᓗᓯ ᓯᕕᑭᑦᑐᒥᒃ, ᑐᒃᓯᐊᕐᓂᕐᒥᒃ ᐱᕕᒃᓴᖃᖔᕈᒪᓂᕐᒧᑦ; ᑭᖑᓂᖓᒍᓪᓕ ᐅᑎᖃᑦᑕᐅᑎᑦᓯᐊᕐᑐᒃᓴᐅᒋᕗᓯ, ᓵᑖᓇᓯᐅᑉ ᐆᒃᑐᕐᓗᐃᓂᖓᓂᑦ ᐃᓕᑦᓯᓐᓂᒃ ᓴᐳᑎᓯᒪᓂᐊᕋᑦᓯ ᐃᒃᓯᒎᕐᑍᓕᔪᓐᓇᖏᓐᓇᑦᓯ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:14

ᑕᒪᓐᓇᓗ ᑲᒪᓇᓐᖏᓚᖅ ᓵᑖᓇᓯ ᐊᒡᓛᑦ ᓇᖕᒥᓂᖅ ᓴᖅᑭᔮᕈᓐᓇᕐᒪᑦ ᖃᐅᒪᔫᑉ ᐂᖏᓕᖏᑎᑐᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 12:7

ᓂᕐᑑᑎᓗᐊᓕᖁᓇᖓ ᑕᒪᒃᑯᐊ ᑕᑯᑎᑕᐅᓃᑦ ᐊᖏᔪᑦ ᐱᓪᓗᒋᑦ, ᑎᒥᒃᑯᑦ ᐊᑲᐅᓐᖏᓗᑕᕐᑖᑎᑕᐅᓚᐅᕐᐳᖓ, ᓵᑖᓇᓯᐅᑉ ᑎᓕᔭᖓᓂᒃ ᐅᕙᓐᓄᑦ ᐋᓐᓂᐊᑎᑦᓯᔭᕐᑐᕐᑐᒥᒃ, ᐱᐅᔪᕆᓕᖁᓇᖓ ᐅᕙᓐᓂᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:11

ᓵᑖᓇᓯᒧᑦ ᓵᓚᒋᔭᐅᓕᖁᓇᑕ; ᑖᑦᓱᒪ ᖃᓄᐃᓕᐅᕋᓱᐊᕐᓂᖓ ᖃᐅᔨᒪᒐᑦᑎᒍᑦ.

ᒨᓯᓯ ᑕᓪᓕᒪᖏᑦ 10:20

ᐊᑕᓂᖅ ᒎᑎᒋᔭᓯ ᓈᓚᒐᒃᓴᕆᕙᓯ ᑖᓐᓇᓗ ᑭᓯᒥ ᑐᒃᓯᐊᕐᕕᒋᓗᒍ. ᑖᑦᓱᒧᖓᓗ ᓱᖁᓯᔪᐃᑦᑑᔪᒃᓴᐅᕗᓯ ᑖᑦᓱᒪᓗ ᐊᑎᖓᒍᑦ ᑭᓯᐊᓂ ᐊᖏᒻᒪᕆᒃᑐᒃᓴᐅᕗᓯ.

ᔧᒥᓯᐅᑉ ᐊᒡᓚᖏᑦ 4:7

ᑍᒤᒻᒪᑦ, ᒎᑎᒧᑦ ᑐᓂᒻᒪᕆᓕᕆᑦᓯ. ᓵᑖᓇᓯ ᐊᑭᕋᕐᑐᕐᓯᐅᒃ ᑖᑦᓱᒪ ᑕᕝᕙ ᕿᒫᓂᐊᕐᐹᓯ.

ᔮᓱᐊᑉ ᐊᒡᓚᖏᑦ 24:14

“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ.

ᐲᑦᑐᕉᓯ ᓯᕗᓪᓖᑦ 5:9

ᐅᓇᖕᒥᓱᒃᑎᖏᒃᑯᑦᓯᐅᒃ ᐅᒃᐱᕐᓂᕐᒦᑦᓯᐊᕐᓗᓯ, ᖃᐅᔨᒪᓗᓯᓗ ᐅᒃᐱᕐᑐᑦᑕᐅᖅ ᐊᓯᓯ ᓯᓚᕐᔪᐊᕐᒥ ᑍᒫᓪᓗᐊᖅ ᐅᖁᒤᑦᑐᒦᑎᑕᐅᖃᑦᑕᕐᒥᖕᒪᑕ.

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”