ᒫᑎᐅᓯᐅᑉ ᐊᒡᓚᖏᑦ 3:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐹᕆᓯᓪᓕ ᓵᑦᔪᓰᓪᓗ ᐊᒥᓱᑦ ᑎᑭᑎᓂ ᐹᑉᑎᑦᓯᕕᖕᒥᓄᑦ ᑕᑯᒐᒥᒋᑦ, ᐅᖃᐅᑎᕔᑦ, “ᖁᒡᓗᒋᐊᖑᔮᕐᑐᓯ, ᑭᐊ ᕿᒫᖁᕚᓯ ᒎᑎᐅᑉ ᓂᓐᖓᖕᓂᖓᓂᑦ ᐱᔪᒫᕐᑐᒥᑦ?

Aglait Ijjurnaittut

⁷ Paarisilli Saajjusiillu amisut tikitini paaptitsivingminut takugamigit, uqautivait, “Quglugiangujaaqtusi, kia qimaaquvaasi Guutiup ninngangninganit pijumaaqtumit?

ᒫᑎᐅᓯᐅᑉ ᐊᒡᓚᖏᑦ 3:7 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 3:15

ᐊᕐᓇᕐᓗ ᐊᑭᕋᕇᒃᑎᓐᓂᐊᓕᕐᐸᑦᓯᒃ, ᑭᖑᕚᑎᓪᓗ ᑭᖑᕚᖏᓪᓗ ᐊᑭᕋᕇᒃᓗᑎᒃ; ᑖᑦᓱᒪ ᑭᖑᕚᖓᑕ ᓂᐊᖁᐃᑦ ᑎᒡᓘᔭᕐᑎᑦᓱᒫᕐᐹ, ᐃᕝᕕᓪᓕ ᑭᖑᕚᖓ ᑭᖕᒥᖓᒍᑦ ᑎᒡᓘᔭᕐᑎᑦᓱᒫᕐᐸᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:4

ᐱᖁᔭᓂᒃ ᒪᓕᖏᑦᑐᑦ ᐱᐅᖏᑦᑐᓕᔪᓂᒃ ᓂᕐᑐᐃᕗᑦ, ᐱᖁᔭᓂᒡᓕ ᒪᓕᑦᓯᐊᕐᑐᑦ ᐅᓇᑕᖃᑎᒋᕚᑦ.

ᐂᓮᐊᓯᐅᑉ ᐊᒡᓚᖏᑦ 59:5

ᖁᒡᓗᒋᐊᑦ ᑐᖁᓐᓇᕐᑐᓖᑦ ᒪᓐᓂᖏᓐᓂᒃ ᑐᑭᕐᑎᑦᓯᕙᒃᐳᑦ ᐋᓯᕙᐅᓪᓗ ᓄᓗᐊᖏᓐᓂᒃ ᑭᓪᓔᔧᕙᒃᓗᑎᒃ, ᖁᒡᓗᒋᐊᑦ ᒪᓐᓂᖏᓐᓂᒃ ᓂᕆᔪᖅ ᑐᖁᓂᐊᕐᐳᖅ, ᑐᓪᓖᔪᓪᓗ ᖁᒡᓗᒋᐊᓂᒃ ᑐᖁᓐᓇᕐᑐᓕᖕᓂᒃ ᓴᖅᑭᕝᕕᐅᕙᒃᐳᑦ.

ᔨᕆᒤᐊᐅᑉ ᐊᒡᓚᖏᑦ 51:6

ᐹᐱᓘᓂᒥᑦ ᕿᒫᓕᕆᑦᓯ ᐃᓅᔪᒪᒍᑦᓯ, ᐊᔪᕐᑐᓕᓂᖏᓐᓄᑦ ᐊᓯᕈᕐᑕᐅᑦᔪᑎᖃᕐᑍᓕᒋᑦᓯ, ᐊᑕᓂᐅᑉ ᐊᑭᓂᐊᕐᓂᒃᓴᖓ ᓇᓪᓕᐅᑎᖕᒪᑦ, ᐊᑕᓂᐅᑉ ᐊᑭᓂᐊᕐᕕᒋᓂᐊᕐᒪᒋᑦ ᐊᑭᓂᐊᕐᕕᐅᔭᕆᐊᖃᕐᓂᖏᑦ ᒪᓕᒡᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 6:10

ᑭᓇᒃᑯᑦ ᐃᓂᕐᑎᕆᑦᔪᑎᓐᓂᒃ ᑐᓴᕈᓐᓇᕐᓂᐊᕐᐹᑦ? ᑭᓇᒃᑯᓐᓄᓪᓗ ᓈᓚᒃᑕᐅᔪᓐᓇᕐᓂᐊᕐᐳᖔ? ᑐᓵᔪᒪᔪᖃᕈᓐᓃᕐᒪᑦ, ᑕᑯᒋᑦ ᓈᓚᒃᑐᖃᕈᓐᓇᕈᓐᓃᕐᐳᖅ. ᐊᑕᓂᐅᑉ ᐅᖃᐅᓯᖏᑦ ᑐᓴᕐᑕᐅᔭᕆᐊᒃᓴᖅ ᐱᐅᒋᔭᐅᔪᓐᓂᕐᒪᑕ, ᖁᕕᐊᒋᔭᐅᓇᑎᒡᓗ.

ᒫᑎᐅᓯᐅᑉ ᐊᒡᓚᖏᑦ 12:24

ᐹᕆᓯᑦ ᑕᒪᑐᒥᖓ ᑐᓴᕋᒥᒃ, ᐅᖃᕐᐳᑦ, “ᐅᓇ ᔩᓱᓯ ᐊᓂᕐᓂᕐᓗᖕᓂᒃ ᐃᓄᖕᒥᑦ ᐊᓂᑎᑦᓯᖃᑦᑕᕐᑐᖅ ᐊᓂᕐᓂᕐᓗᐃᑦ ᐊᖓᔪᖅᑳᖓᓐᓄᑦ ᐱᐅᓪᓯᐹᐱᒧᑦ ᐱᔪᓐᓇᕐᓂᖃᕐᑎᑕᐅᓪᓗᓂ ᑍᒤᓕᐅᖃᑦᑕᕐᑐᖅ.”

ᒫᑎᐅᓯᐅᑉ ᐊᒡᓚᖏᑦ 12:34

ᐃᓕᑦᓯ ᖁᒡᓗᒋᐊᖑᔪᓯ ᖃᓄᖅ ᐱᐅᔪᓂᒃ ᐅᖃᕈᓐᓇᕐᐱᓰ? ᐱᐅᖏᑦᑑᑎᓪᓗᓯ, ᐆᒻᒪᑎᐅᑉ ᑕᑕᑦᔪᑎᖓᓂᒃ ᐃᓄᒃ ᐅᖃᐅᓯᖃᓲᖑᕘᖅ.

ᒫᑎᐅᓯᐅᑉ ᐊᒡᓚᖏᑦ 15:12

ᑕᕝᕙ ᐃᓕᓐᓂᐊᕐᑎᖏᑕ ᐅᐸᒃᓗᒍ ᐅᖃᐅᑎᕚᑦ, “ᖃᐅᔨᒪᕖᑦ ᐹᕆᓯᑦ ᐅᖃᐅᓯᕆᔭᕐᓄᑦ ᐃᓗᐊᕈᓐᓃᕐᑎᑕᐅᖕᒪᑕ?”

ᒫᑎᐅᓯᐅᑉ ᐊᒡᓚᖏᑦ 16:1

ᐹᕆᓯᑦ ᐃᓚᖏᑦ ᓵᑦᔪᓰᓪᓗ ᔩᓱᓯᒧᐊᕐᐳᑦ ᐆᒃᑐᕈᒪᓪᓗᒍ; ᑍᒤᒻᒪᑦ ᑲᒪᓇᕐᑐᓕᖁᕚᑦ, ᑕᑯᑎᑕᐅᔪᒪᓪᓗᑎᒃ ᓇᓗᓁᒃᑯᑕᕐᒥᒃ ᕿᓚᖕᒥᑦ ᐱᔪᒥᒃ.

ᒫᑎᐅᓯᐅᑉ ᐊᒡᓚᖏᑦ 16:6

ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑲᒪᑦᓯᐊᕆᑦᓯ ᐃᒃᐱᒍᓱᑦᓯᐊᕐᓗᓯᓗ ᐹᕆᓯᑦ ᓵᑦᔪᓰᓪᓗ ᐳᕙᓪᓚᖅᑯᑎᖏᓐᓂᒃ.”

ᒫᑎᐅᓯᐅᑉ ᐊᒡᓚᖏᑦ 22:15

ᑕᕝᕙ ᐹᕆᓯᑦ ᐊᓯᐊᓄᐊᕐᓗᑎᒃ ᐃᓱᒪᒃᓴᕐᓯᐅᖃᑎᒌᓕᕐᐳᑦ ᔩᓱᓯᒥᒃ ᐊᐱᕐᓱᕐᓗᒍ ᐱᕕᒃᓮᕈᑦᔨᓇᓱᐊᕈᒪᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 22:23

ᐅᓪᓗᒥ ᑕᕝᕙᓂᑦᓮᓐᓇᖅ ᓵᑦᔪᓰᑦ ᔩᓱᓯᒧᐊᕐᐳᑦ, ᐅᒃᐱᕆᔭᖃᕐᑐᑦ ᑐᖁᖓᔪᓂᑦ ᒪᑭᑦᑐᖃᓛᖏᓐᓂᖓᓂᒃ;

ᒫᑎᐅᓯᐅᑉ ᐊᒡᓚᖏᑦ 22:34

ᐹᕆᓯᑦ ᑐᓴᕋᒥᒃ ᔩᓱᓯᐅᑉ ᓵᑦᔪᓰᑦ ᐅᖃᐅᓯᒃᓮᕈᑎᖕᒪᒋᑦ, ᐃᒻᒥᖕᓄᑦ ᑲᑎᕗᑦ,

ᒫᑎᐅᓯᐅᑉ ᐊᒡᓚᖏᑦ 23:33

ᖁᒡᓗᒋᐊᖑᔪᓯ, ᐃᕐᓂᐅᔪᓯᓗ ᖁᒡᓗᒋᐊᕐᔪᐊᓄᑦ, ᖃᓄᖅ ᐃᓕᑦᓯᓐᓂᒃ ᓴᐳᑎᔪᓐᓇᕋᓱᒋᕕᓯ ᑲᑉᐱᐊᓇᕐᑐᕕᖕᒥᑦ?

ᒫᑎᐅᓯᐅᑉ ᐊᒡᓚᖏᑦ 5:20

ᐅᖃᐅᑎᕙᑦᓯᓕ ᐃᒫᒃ: ᒎᑎᐅᑉ ᐊᑕᓂᐅᕕᖓᓄᐊᕈᓐᓇᕐᓂᐊᕐᐳᓯ, ᑭᓯᐊᓂ ᐱᖁᔭᓂᒃ ᐃᓕᓮᔨᓂᑦ ᐹᕆᓯᓂᓪᓗ ᐊᑐᑦᓯᐊᕐᓂᕐᓴᐅᒍᑦᓯ ᒎᑎᐅᑉ ᐱᓂᐊᕐᑕᐅᖁᔭᖏᓐᓂᒃ.”

ᒫᑯᓯᐅᑉ ᐊᒡᓚᖏᑦ 12:13

ᐹᕆᓯᑦ ᐃᓚᖏᑦ ᐃᕉᑕᓯᐅᓪᓗ ᒪᓕᒃᑎᖏᑕ ᐃᓚᖏᑦ ᔩᓱᓯᒧᐊᖁᔭᐅᕗᑦ, ᐊᐱᕐᓱᕐᓗᒍ ᓇᓗᓕᕐᑎᓐᓇᓱᐊᕈᒪᓪᓗᒍ.

ᒫᑯᓯᐅᑉ ᐊᒡᓚᖏᑦ 12:18

ᑭᖑᓂᖓᒍᑦ ᓵᑦᔪᓰᑦ ᐅᐸᒃᐹᑦ, ᑖᒃᑯᐊ ᐃᓄᖕᓂᒃ ᑐᖁᖓᔪᓂᑦ ᒪᑭᕝᕕᒃᓴᖃᖏᓐᓂᕅᕙᒃᑐᑦ, ᔩᓱᓯᒧᐊᕐᐳᑦ ᐊᐱᕆᓪᓗᒍ ᐅᖃᕐᐳᑦ,

ᒫᑯᓯᐅᑉ ᐊᒡᓚᖏᑦ 8:15

ᖃᐅᔨᒪᓇᓱᐊᖁᓪᓗᒋᑦ ᐅᖃᐅᑎᕔᑦ, “ᑲᒪᑦᓯᐊᕆᑦᓯ, ᐅᑦᔨᕐᓱᕐᓗᓯ ᐹᕆᓯᑦ ᐃᕉᑕᓯᐅᓪᓗ ᐳᕙᓪᓚᖅᑯᑎᖏᓐᓂᒃ.”

ᓘᑲᓯᐅᑉ ᐊᒡᓚᖏᑦ 16:14

ᐹᕆᓯᑦ ᑮᓇᐅᔭᓂᒃ ᐱᓪᓚᕆᖁᑎᖃᕋᒥ, ᑕᒪᑐᒥᖓ ᑐᓴᕋᒥᒃ, ᔩᓱᓯ ᒥᑕᐅᑎᒋᕚᑦ.

ᓘᑲᓯᐅᑉ ᐊᒡᓚᖏᑦ 18:11

ᐹᕆᓯ ᐃᓄᑑᓪᓗᓂ ᓇᖏᕐᐳᖅ ᑐᒃᓯᐊᕐᓗᓂ, ‘ᒎᑏ, ᖁᔭᒋᕙᒋᑦ ᐊᓯᑦᑐᑦ ᑍᒤᖏᓐᓇᒪ, ᐱᔪᒪᑐᔪᐊᓗᒃᑎᑐᑦ, ᑎᒡᓕᑐᔪᐊᓗᒃᑎᑐᓪᓘᓐᓃᑦ, ᓄᓕᐊᒥᖕᓂᒃ ᐊᓯᓐᓂᐊᕐᐸᒃᑐᑎᑐᑦ, ᐆᑐᓇᖅ ᕉᒪᒥᐅᑦ ᑮᓇᐅᔧᕐᑎᑦᓯᔨᖓᑐᑦ.

ᓘᑲᓯᐅᑉ ᐊᒡᓚᖏᑦ 7:30

ᐹᕆᓯᓪᓕ ᐱᖁᔭᓂᒡᓗ ᐃᓕᓮᔩᑦ ᓱᓕᔪᕐᓴᓐᖏᓚᑦ ᒎᑎᐅᑉ ᐱᓇᓱᐊᕐᓂᖓᓂᒃ ᑖᒃᑯᓄᖓ, ᐹᑉᑎᑕᐅᔪᒪᓇᑎᒡᓗ ᔪᐊᓇᓯᒧᑦ.

ᔪᐊᓇᓯᐅᑉ ᐊᒡᓚᖏᑦ 1:24

ᑖᒃᑯᐊ ᐹᕆᓯᒃᑯᓐᓂᑦ ᑎᓕᔭᐅᓯᒪᓚᐅᕐᐳᑦ,

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᔪᐊᓇᓯᐅᑉ ᐊᒡᓚᖏᑦ 9:40

ᐹᕆᓯᓪᓕ ᑕᕝᕙᓃᑦᑐᑦ ᐃᓚᖏᑦ, ᑕᒪᑐᒥᖓ ᐅᖃᕐᑎᓪᓗᒍ ᑐᓴᕋᒥᒃ ᐅᖃᐅᑎᕚᑦ, “ᑕᐅᑐᖏᓐᓂᕕᑖ?”

ᐋᐴᓯᑕᓖᑦ ᐱᓂᐊᕐᓂᖏᑦ 15:5

ᐅᒃᐱᕐᑐᓪᓕ ᐃᓚᖏᑦ ᐹᕆᓯᓄᑦ ᐃᓚᒋᔭᐅᔪᑦ ᐅᖃᓕᕐᐳᑦ, “ᑍᒃᑯᐊ ᑭᐱᔭᐅᔭᕆᐊᖃᕐᐳᑦ ᒨᓯᓯᐅᓪᓗ ᐱᖁᔭᖏᓐᓂᒃ ᒪᓕᖁᔭᐅᓗᑎᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 20:31

ᑍᒤᒻᒪᑦ ᖃᐅᔨᓴᑦᓯᐊᓕᕆᑦᓯ, ᐃᖅᑲᐅᒪᓗᓯᓗ ᖁᕝᕕᐅᖃᑦᑕᕐᓗᖓ ᐅᓪᓗᒃᑯᑦ ᐅᓐᓄᐊᒃᑯᓪᓗ ᓄᖅᑲᓚᐅᕐᓯᒪᓇᖓ ᐊᔪᕆᕐᑐᖃᑦᑕᓚᐅᕋᑦᓯ ᐊᕐᕌᒍᓂᒃ ᐱᖓᓱᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:5

ᐊᑯᓂᐊᓗᒃ ᖃᐅᔨᒪᓕᕐᒪᑕ ᐅᕙᓐᓂᒃ ᐅᖃᑦᓯᐊᕈᓐᓇᕐᓗᑎᒃ ᐅᖃᕈᒪᒍᑎᒃ; ᐹᕆᓯᓄᑦ ᐃᓚᒋᔭᐅᓚᐅᕋᒪ ᑍᒃᑯᓄᖓ ᒪᓕᒋᐊᖃᕐᑕᒥᖕᓂᒃ ᐊᑐᕋᓱᒃᑲᐅᓂᕐᐹᖑᔪᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 5:17

ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ ᐃᓚᒋᔭᓐᖏᓪᓗ ᓵᑦᔪᓰᑦ, ᐃᓱᒪᒋᔭᐅᓐᖏᓗᐊᕋᓱᒋᓕᕋᒥᒃ ᓈᒻᒪᒃᓴᕈᒃᓃᕐᐳᑦ.

ᕉᒪᒥᐅᓄᑦ 1:18

ᒎᑎᐅᑉ ᓂᓐᖓᐅᓯᖓ ᕿᓚᖕᒥᑦ ᓴᖅᑭᑎᑕᐅᖕᒪᑦ ᒎᑎᖃᖏᑦᑐᓕᒫᓄᑦ ᐃᓄᐃᓪᓗ ᐱᐅᖏᑐᓕᐅᕐᓂᖏᓐᓄᑦ ᓱᓕᓂᕐᒥᒃ ᐊᒡᕕᐊᕐᓯᔪᓄᑦ ᐱᐅᖏᑦᑐᓕᐅᕐᓂᕐᒥᖕᓄᑦ.

ᕉᒪᒥᐅᓄᑦ 5:9

ᑍᒤᒻᒪᓪᓕ, ᒫᓐᓇ ᐸᓯᔭᒃᓴᐅᔪᓐᓃᕐᑎᑕᐅᕗᒍᑦ ᑖᑦᓱᒪ ᐊᐅᖓᓄᑦ, ᐊᖏᓂᕐᓴᒥᒡᓗ ᑖᑦᓱᒨᓇ ᐱᐅᓕᔭᐅᔪᒫᕐᐳᒍᑦ ᒎᑎᐅᑉ ᓂᓐᖓᐅᓯᖓᓂᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:10

ᐃᕐᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᕐᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ.

ᐄᑉᕈᐃᓄᑦ 11:7

ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.

ᐄᑉᕈᐃᓄᑦ 6:18

ᒎᑎ ᑍᒤᓕᐅᓚᐅᕐᐳᖅ, ᓴᖅᑭᑎᑦᓯᔪᒪᓪᓗᓂ ᒪᕐᕉᖕᓄᑦ ᓱᖁᓯᔪᐃᑦᑑᖕᓄᑦ ᒎᑎ ᓴᒡᓗᔭᕆᐊᒃᓴᖅ ᐊᔪᕐᓇᒻᒪᕆᖕᓂᖓᓂᒃ, ᐅᕙᒍᑦ ᓴᐳᑦᔭᐅᓂᕐᒥᒃ ᓂᕆᐅᒋᔭᒃᓴᕐᑖᕐᓯᒪᔪᒍᑦ ᑲᔪᖏᕐᓴᕐᑕᐅᒻᒪᕆᖁᓪᓗᑕ.

ᔪᐊᓇᓯ ᓯᕗᓪᓖᑦ 3:10

ᑕᒪᑐᒨᓇ ᓇᓗᓇᓐᖏᓚᖅ ᑭᓇᒃᑯᑦ ᒎᑎᐅᑉ ᕿᑐᕐᖓᕆᖕᒪᖔᒋᑦ, ᑭᓇᑯᓪᓗ ᓵᑖᓇᓯᐅᑉ ᕿᑐᕐᖓᕆᖕᒪᖔᒋᑦ: ᓇᓪᓕᐊᑦ ᓇᓛᒎᕐᑐᒥᒃ ᐱᓇᓱᐊᖏᑦᑐᖅ ᒎᑎᒥᑦ ᐱᓐᖏᓚᖅ; ᐅᕝᕙᓗ ᐃᓅᖃᑎᒥᓂᒃ ᓇᒡᓕᒍᓱᖏᑦᑐᖅ.