ᒫᑎᐅᓯᐅᑉ ᐊᒡᓚᖏᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᔪᕐᓂᕐᒥᓂᒃ ᖃᕿᐊᓕᕐᒪᑕ, ᑖᑦᓱᒪ ᐹᑉᑎᑉᐰᑦ ᑰᖕᒥ ᔪᐊᕐᑕᓂᒥ.

Aglait Ijjurnaittut

⁶ ajurnirminik qaqialirmata, taassuma paaptippait kuungmi Juartanimi.

ᒫᑎᐅᓯᐅᑉ ᐊᒡᓚᖏᑦ 3:6 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 19:18

ᐊᒥᓱᑦ ᐅᒃᐱᓕᕐᑐᑦ ᕾᕗᑦ, ᑕᒻᒪᕐᓯᒪᓂᕆᓚᐅᕐᑕᒥᖕᓂᒃ ᐅᖃᐅᓯᖃᕐᓗᑎᒃ, ᐱᓂᐊᕐᓗᖕᓂᕆᓚᐅᕐᑕᒥᖕᓂᒡᓗ ᓴᖅᑭᑎᑦᓯᓪᓗᑎᒃ.

ᔪᐊᓇᓯ ᓯᕗᓪᓖᑦ 1:9

ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ.

ᐄᑉᕈᐃᓄᑦ 9:10

ᓂᕿᓄᑦ ᑍᒤᓕᐅᕆᐊᖃᓚᐅᕐᐳᑦ ᐃᒥᒃᓴᒧᓪᓗ ᓱᓇᑐᐃᓐᓇᕐᓂᒡᓗ ᐊᑦᔨᒌᖏᑦᑐᓂᒃ ᓴᓗᒻᒪᕐᑕᐅᑦᔪᑎᒃᓴᒧᑦ ᐱᐅᓯᕆᔭᐅᔪᑦ ᒪᓕᒃᑕᐅᓚᐅᕐᐳᑦ ᓄᑖᖅ ᐋᖅᑭᒋᐊᕐᑕᐅᔪᒫᕐᑐᖅ ᐊᑐᓕᓚᐅᖏᓐᓂᖓᓂ.

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᐄᑉᕈᐃᓄᑦ 6:2

ᐃᓕᓮᓗᑕ ᐹᑉᑎᑕᐅᓂᕐᒥᒃ, ᐸᑎᒻᒥᔭᐅᓂᕐᒥᒡᓗ, ᑐᖁᖓᔪᓪᓗ ᒪᑭᕝᕕᒃᓴᖓᓂᒃ, ᐃᖅᑲᕐᑐᕐᑕᐅᓂᕐᒥᒡᓗ ᐃᓱᖃᖏᑦᑐᒧᑦ.

ᑯᓘᓯᐊᒥᐅᓄᑦ 2:12

ᐹᑉᑎᑕᐅᑎᓪᓗᓯ ᙭ᔅᑑᓯ ᐃᓗᕕᕐᑕᐅᖃᑎᒋᒐᑦᓯᐅᒃ, ᒪᑭᖃᑎᒋᓚᐅᕐᐸᓯᓗ ᐅᒃᐱᕐᓂᑯᑦ ᒎᑎᐅᑉ ᐱᔪᓐᓇᕐᓂᖓᒍᑦ, ᑖᑦᓱᒥᖓ ᒪᑭᑎᑦᓯᓚᐅᕐᑐᒃᑯᑦ ᑐᖁᖓᔪᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:2

ᑕᒪᕐᒥ ᐹᑉᑎᑕᐅᓚᐅᕐᐳᑦ ᒪᓕᒃᑎᐅᓕᕐᓗᑎᒃ ᒨᓯᓯᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 22:16

ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”

ᐋᐴᓯᑕᓖᑦ ᐱᓂᐊᕐᓂᖏᑦ 11:16

ᐃᖅᑬᓕᕐᓗᖓᓗ ᐊᑕᓂᐅᑉ ᐅᖃᐅᓯᖏᓐᓂᒃ ᐅᖃᓚᐅᕐᒪᑦ, ‘ᔪᐊᓇᓯ ᐹᑉᑎᑦᓯᓚᐅᕐᐳᖅ ᐃᒥᕐᒧᑦ, ᐃᓕᑦᓯᓕ ᐹᑉᑎᑕᐅᔪᒫᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.’

ᐋᐴᓯᑕᓖᑦ ᐱᓂᐊᕐᓂᖏᑦ 1:5

ᔪᐊᓇᓯ ᐹᑉᑎᑦᓯᓚᐅᕐᐳᖅ ᐃᒥᕐᒧᑦ, ᐅᓪᓗᐃᑦ ᒪᒃᑯᐊ ᐅᓄᖏᑦᑐᑦ ᑭᖑᓂᖓᑦᑎᒍᑦ ᐹᑉᑎᑕᐅᓛᕐᐳᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ.”

ᓘᑲᓯᐅᑉ ᐊᒡᓚᖏᑦ 3:16

ᔪᐊᓇᓯᐅᑉ ᑕᒪᕐᒥᒃ ᐅᖃᐅᑎᕔᑦ, “ᐃᒥᕐᒧᑦ ᐹᑉᑎᑉᐸᑦᓯ; ᐅᕙᓐᓂᓪᓕ ᐱᔪᓐᓇᕐᓂᕐᓴᖅ ᑎᑭᓐᓂᐊᕐᐳᖅ, ᓇᓗᖅᑯᑎᕗᖓ ᑖᑦᓱᒪ ᐃᑎᒐᒍᑎᖏᓐᓂᒃ ᓯᖐᑦᔮᕐᓯᔭᕆᐊᒃᓴᖅ; ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᒫᑯᓯᐅᑉ ᐊᒡᓚᖏᑦ 1:5

ᐃᓄᐃᑦ ᐊᒥᓱᑦ ᓄᓇᒥᑦ ᔫᑎᐊᒥᑦ, ᔨᕉᓴᓕᒻᒥᓪᓗ ᑐᓵᔭᕐᑐᕐᐳᑦ ᔪᐊᓇᓯᒥᒃ; ᐊᔪᕐᓂᕐᒥᓂᒃ ᖃᕿᐊᓕᕐᒪᑕ, ᔪᐊᓇᓯᐅᑉ ᐹᑉᑎᑉᐰᑦ ᑰᖕᒥ ᔪᐊᕐᑕᓂᒥ.

ᑖᓂᐊᓕᐅᑉ ᐊᒡᓚᖏᑦ 9:4

ᑐᒃᓯᐊᓚᐅᕐᐳᖓ ᐊᑕᓂᕐᒧᑦ ᒎᑎᓐᓄᑦ ᖁᔭᓕᓂᕐᒥᒡᓗ ᓴᖅᑭᑎᑦᓯᕕᒋᓪᓗᒍ ᐃᒫᒃ. “ᐊᑕᓃᖅ, ᐊᖏᔪᐊᓘᕗᑎᑦ ᑕᑕᓐᓇᕐᑑᓪᓗᑎᓪᓗ ᒎᑏᒃ, ᐊᖏᖃᑎᒌᒍᑎᑎᑦ ᓇᒡᓕᖕᓂᕐᒥᒃ ᑲᔪᓯᑎᑉᐸᑎᑦ ᐃᓕᖕᓂᒃ ᓇᒡᓕᒍᓱᒃᑐᓕᒫᓄᑦ, ᐱᖁᔭᕐᓂᒡᓗ ᓈᓚᒃᑐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᐃᓐᖏᕈᑎᑦ 32:5

ᐊᔪᕐᑐᓕᓂᓐᓂᒃ ᓇᓗᓁᕐᓯᕝᕕᒋᓚᐅᕐᐸᒋᑦ, ᐱᐅᖏᑦᑐᓕᓂᒃᑲᓗ ᐃᓕᖕᓄᑦ ᐃᔨᕐᓯᒪᓚᐅᓐᖏᓚᒃᑲ. ᐅᖃᓚᐅᕐᐳᖓ, “ᑕᒻᒪᕐᓂᒃᑲ ᖃᕿᐊᓕᕈᑎᒋᔪᒪᕙᒃᑲ ᐊᑕᓂᕐᒧᑦ,” ᐊᔪᕐᓂᓐᓄᓪᓗ ᐸᓯᔭᒃᓴᐅᓂᒃᑲ ᐃᓱᒪᒋᔪᓐᓁᓚᐅᕐᐸᑎᑦ. ᓰᓚ

ᔮᓱᐊᑉ ᐊᒡᓚᖏᑦ 7:19

ᔮᓱᐊᓪᓗ ᐂᑲᓐ ᐅᖃᐅᑎᕚ, “ᐃᕐᓃᒃ, ᓱᓕᔪᒥᒃ ᐅᖃᓚᐅᕆᑦ ᐊᑕᓂᐅᑉ ᓵᖓᓂ ᐃᓴᕆᐊᓕᒥᐅᑦ ᒎᑎᖓᑕ, ᖃᕿᐊᓕᕐᓗᑎᓪᓗ, ᐅᖃᐅᑎᓚᐅᓐᖓ ᖃᓄᐃᓕᐅᕐᓂᕐᒪᖔᕐᐱᑦ; ᐊᓐᖏᒍᑎᖏᓪᓗᖓ.”

ᒨᓯᓯ ᓯᑕᒪᖏᑦ 5:7

ᑕᕝᕙ ᖃᕿᐊᓕᕆᐊᖃᕐᐳᖅ ᐊᔪᕐᑐᓕᓂᕆᓚᐅᕐᑕᒥᓂᒃ; ᓱᓇᒥᒡᓗᒋᑦ ᐅᑎᕐᑎᑦᓯᔭᕆᐊᖃᓕᕐᐳᖅ ᐊᔪᕐᑐᓕᓂᕆᓚᐅᕐᑕᒥᓂᒃ, ᑕᓪᓕᒪᐅᓕᓂᖓᑕ ᐊᕕᒃᑐᕐᓂᖓᓂᒃ ᐊᑕᐅᓯᕐᒥᒃ ᐃᓚᒃᑲᓐᓂᕐᓗᒍ ᐱᐅᖏᑦᑐᓕᕝᕕᒋᓚᐅᕐᑕᓂ ᑐᓂᓯᕕᒋᓗᒍ.

ᒨᓯᓯ ᐱᖓᔪᖏᑦ 26:40

“ᑭᖑᕚᓯᓕ ᖃᕿᐊᓕᕐᐸᑕ ᐊᔪᕐᓂᕐᒥᖕᓂᒃ ᓯᕗᓕᖏᑕᓗ ᐊᔪᕐᓂᖏᓐᓂᑦ, ᐅᕙᓐᓂᒃ ᐊᓚᐅᒪᓇᓱᐊᕐᓂᕐᒥᖕᓂᒃ ᐊᑭᕋᕐᑐᕐᓂᕐᒥᖕᓂᒡᓗ,

ᒨᓯᓯ ᐱᖓᔪᖏᑦ 16:21

ᐊᒡᒐᖕᒥᓄᑦ ᐃᒡᓗᒃᑐᑦ ᐸᑎᒻᒥᔭᕆᐊᖃᕐᐹ ᓂᐊᖁᐊᒍᑦ, ᖃᕿᐊᓕᕐᓗᓂᓗ ᐱᐅᖏᑦᑐᓕᓂᕐᓂᒃ ᓈᓚᖏᓐᓂᓕᒫᓂᒡᓗ ᐃᓴᕆᐊᓕᒥᐅᑦ ᐊᑐᕐᐸᒃᑕᖏᓐᓂᒃ, ᐊᔪᕐᑐᓕᓂᖏᓪᓗ ᓂᐊᖁᖓᓄᑦ ᐱᑎᓪᓗᒋᑦ. ᐊᐅᓪᓚᕐᑎᑕᒃᓴᕆᕚ ᐃᓄᖃᖏᑦᑐᒧᑦ ᑲᒪᔨᖃᕐᑎᓪᓗᒍ ᐊᖑᒻᒥᒃ ᑍᒤᑦᑐᒧᑦ ᑎᓕᔭᐅᓯᒪᔪᒥᒃ.

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

ᐄᓱᕋᐅᑉ ᐊᒡᓚᖏᑦ 10:1

ᐄᓱᕋ ᐅᑯᖓᓪᓗᓂ ᑐᒃᓯᐊᕐᑎᓪᓗᒍ ᑐᒃᓯᐊᕐᕕᒡᔪᐊᑉ ᓯᕗᕌᓂ, ᕿᐊᓪᓗᓂᓗ ᖃᕿᐊᓕᕐᓗᓂᓗ ᑖᒃᑯᐊ ᐊᔪᕐᑐᓕᓃᑦ ᐱᓪᓗᒋᑦ, ᐃᓴᕆᐊᓕᒥᐅᑦ ᐅᓄᕐᑐᒻᒪᕆᐊᓗᐃᑦ ᐊᖑᑏᑦ, ᐊᕐᓁᓪᓗ, ᓱᕈᓰᓪᓗ ᑲᑎᕙᓪᓕᐊᓕᕐᐳᑦ ᑖᑦᓱᒧᖓ ᐃᓚᓕᐅᑎᕙᓪᓕᐊᓪᓗᑎᒃ; ᐊᒃᓱᐊᓗᒃ ᕿᐊᓪᓗᑎᒃ.

ᓘᑲᓯᐅᑉ ᐊᒡᓚᖏᑦ 1:16

ᐅᑎᕐᑎᑦᓯᔪᒫᕐᐳᖅ ᐃᓴᕆᐊᓕᒥᐅᓂᒃ ᐊᒥᓱᓂᒃ ᐊᑕᓂᕐᒧᑦ ᑖᒃᑯᐊ ᒎᑎᖓᓐᓄᑦ.