ᒫᑎᐅᓯᐅᑉ ᐊᒡᓚᖏᑦ 3:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ ᐅᖃᕐᑐᒥᒃ, “ᐅᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ.”

Aglait Ijjurnaittut

¹⁷ Nipimik qilangmit nilliqtuqaqpuq uqaqtumik, “Una tavva Irnira nagligijara, quviagitsiaqtara.”

ᒫᑎᐅᓯᐅᑉ ᐊᒡᓚᖏᑦ 3:17 ပူးပေါင်းရင်းမြစ်များ

ᐃᓐᖏᕈᑎᑦ 2:7

ᐊᑕᓂᐅᑉ ᐱᖁᔭᖓ ᐅᖃᐅᓯᕆᔪᒪᕙᕋ: ᐅᕙᓐᓄᑦ ᐅᖃᕐᒪᑦ, “ᐃᕐᓂᕆᕙᒋᑦ ᐅᓪᓗᒥ ᐃᕐᓂᕐᑖᕆᕙᒋᑦ.

ᐂᓮᐊᓯᐅᑉ ᐊᒡᓚᖏᑦ 42:1

“ᑕᑯᓯᐅᒃ ᐱᔨᒐ, ᑖᓐᓇ ᓴᐳᑎᓯᒪᔭᕋ, ᓂᕈᐊᕐᓯᒪᔭᕋ ᑕᕐᓂᕐᒪ ᖁᕕᐊᒋᔭᖓ, ᐊᓂᕐᓂᓐᓂᒃ ᐃᓗᒻᒥᕐᑎᓯᒪᔭᕋ; ᑖᑦᓱᒪ ᐃᓅᖃᑎᒌᒡᔪᐊᑦ ᐊᑦᔨᒌᒃᑎᑦᓯᓂᕐᒥᒃ ᑐᓂᓯᕕᒋᔪᒫᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 42:21

ᐊᑕᓂᐅᑉ ᖁᕕᐊᓲᑎᒋᕚ ᓇᓛᒎᕐᓂᓂ ᐱᓪᓗᒍ; ᐱᖁᔧᑦ ᐊᖏᔪᕈᕐᑎᓐᓂᐊᕐᐰᑦ ᓂᕐᑐᕐᓇᕐᑐᓐᖑᕐᑎᓪᓗᒋᓪᓗ.

ᒨᓯᓯ ᐱᖓᔪᖏᑦ 15:15

ᑐᓂᕐᕈᓯᕐᑎᑦᓯᔨᐅᑉ ᑖᒃᑯᐊ ᑐᓂᕐᕈᑎᒋᓂᐊᕐᐰᑦ, ᐱᖃᑖ ᑐᓂᕐᕈᑕᐅᓗᓂ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᑐᓂᕐᕈᑕᐅᓗᓂ ᐃᑯᐊᓪᓚᒃᑕᐅᓗᓂ, ᑍᒫᒃ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ, ᐃᓄᒃ ᑖᓐᓇ ᐊᓂᐊᑦᓯᕙᒃᑐᖅ ᐅᓱᖕᒥᒍᑦ.

ᒫᑎᐅᓯᐅᑉ ᐊᒡᓚᖏᑦ 12:18

“ᑕᑯᒋᑦ, ᑕᕝᕙ ᐱᔨᒐ, ᓂᕈᐊᕐᓯᒪᔭᕋ, ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋᓗ. ᐊᓂᕐᓂᕋ ᑐᓂᓛᕐᐸᕋ ᑖᑦᓱᒧᖓ, ᐅᖃᐅᓯᖃᕈᒫᕐᐳᖅ ᐊᑦᔨᒌᒃᑎᑦᓯᓗᓂ ᔫᑎᐅᖏᑦᑐᓄᑦ.

ᒫᑎᐅᓯᐅᑉ ᐊᒡᓚᖏᑦ 17:5

ᐅᖃᓪᓚᒃᑎᓪᓗᒍ ᓱᓕ, ᑕᑯᒋᑦ, ᓄᕗᔭᒧᑦ ᖃᐅᒪᔪᒧᑦ ᑎᑭᑕᐅᕗᑦ, ᓂᐱ ᓄᕗᔭᒥᑦ ᐅᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᔭᕋ, ᖁᕕᐊᒋᑦᓯᐊᕐᑕᕋ; ᑖᓐᓇ ᓈᓚᒃᓯᐅᒃ!”

ᒫᑯᓯᐅᑉ ᐊᒡᓚᖏᑦ 1:11

ᓂᐱᒥᒃ ᕿᓚᖕᒥᑦ ᑐᓴᕐᓴᐅᔪᖃᕐᐳᖅ, “ᐃᕐᓂᕆᕙᒋᑦ ᓇᒡᓕᒋᔭᕋ; ᖁᕕᐊᓲᑎᒋᑦᓯᐊᕐᐸᒋᑦ.”

ᒫᑯᓯᐅᑉ ᐊᒡᓚᖏᑦ 9:7

ᓄᕗᔭᒧᑦ ᑕᕐᕆᑎᑕᐅᕗᑦ, ᑕᕝᕙᓐᖓᓪᓗ ᓄᕗᔭᒥᑦ ᓂᓪᓕᕐᑐᖃᕐᐳᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᒻᒪᕆᒃᑕᕋ; ᑖᓐᓇ ᓈᓚᒃᓯᐅᒃ.”

ᓘᑲᓯᐅᑉ ᐊᒡᓚᖏᑦ 3:22

ᐊᓂᕐᓂᐅᑉ ᐃᑦᔪᕐᓁᑦᑑᑉ ᐊᖅᑲᕐᕕᒋᕚ ᑕᑯᒃᓴᐅᓪᓗᓂ ᑎᖕᒥᐊᑎᑐᑦ ᑑᕕᑎᑐᑦ, ᓂᐱᒥᒃ ᕿᓚᖕᒥᑦ ᓂᓪᓕᕐᑐᖃᕐᐳᖅ, “ᐃᕐᓂᕆᕙᒋᑦ ᓇᒡᓕᒋᔭᕋ; ᖁᕕᐊᒋᑦᓯᐊᕐᑕᕋ.”

ᓘᑲᓯᐅᑉ ᐊᒡᓚᖏᑦ 9:35

ᓄᕗᔭᒥᑦ ᓂᐱ ᑐᓴᕐᓴᐅᓕᕐᐳᖅ ᐅᖃᕐᑐᖅ, “ᐅᓇ ᐃᕐᓂᕋ, ᓂᕈᐊᕐᓯᒪᔭᕋ; ᑖᓐᓇ ᓈᓚᒃᓯᐅᒃ!”

ᔪᐊᓇᓯᐅᑉ ᐊᒡᓚᖏᑦ 5:20

ᐊᑖᑕᐅᑉ ᐃᕐᓂᓂ ᓇᒡᓕᒋᕚ, ᓇᖕᒥᓂᕐᓗ ᐱᓂᐊᕐᓂᓕᒫᓂ ᖃᐅᔨᒪᔭᐅᑎᑉᐰᑦ ᑖᑦᓱᒧᖓ; ᓱᓕᓗ ᐱᓂᐊᕐᓂᕐᓂᒃ ᐱᓪᓚᕆᐅᓂᕐᓴᓂᒃ ᑕᒪᒃᑯᓇᖓᑦ ᖃᐅᔨᑎᓐᓂᐊᕐᐹ, ᐃᓕᑦᓯᓗ ᑲᒪᓂᐊᕈᑎᒋᓂᐊᕐᐸᓯ.

ᔪᐊᓇᓯᐅᑉ ᐊᒡᓚᖏᑦ 5:37

ᐊᑖᑕᓗ ᑎᓕᔨᒐ ᐅᕙᓐᓂᒃ ᓇᓗᓁᕐᓯᕗᖅ. ᑖᑦᓱᒪ ᓂᐱᖓ ᑐᓴᓚᐅᕐᓯᒪᓐᖏᑕᓯ, ᖃᓄᐃᑦᑑᓂᖓᓗ ᑕᑯᓚᐅᕐᓯᒪᓇᒍ;

ᐃᐱᓯᒥᐅᓄᑦ 1:6

ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

ᑯᓘᓯᐊᒥᐅᓄᑦ 1:13

ᑖᑦᓱᒪ ᐱᐅᓕᓯᒪᖕᒪᑎᒍᑦ ᑖᕐᔪᐊᑉ ᐱᔪᓐᓇᕐᓂᖓᓂᑦ ᓄᒃᑎᕐᑎᓪᓗᑕᓗ ᐃᕐᓂᒥ ᓇᒡᓕᒋᒻᒪᕆᒃᑕᒥ ᐊᑕᓂᐅᕕᐊᓄᑦ,

ᐲᑦᑐᕉᓯ ᐂᑉᐸᖏᑦ 1:17

ᓇᔫᑎᓚᐅᕋᑦᑕ ᐅᐱᒋᔭᐅᑎᓪᓗᒍ ᓂᕐᑐᕐᓇᕐᑎᑕᐅᑎᓪᓗᒍᓗ ᒎᑎ ᐊᑖᑕᒧᑦ ᓂᐱ ᑐᓴᓚᐅᕐᐸᕗᑦ ᐱᓐᓇᕐᓇᕐᑐᔪᐊᒥᑦ ᐱᔪᖅ, “ᑖᓐᓇ ᑕᕝᕙ ᐃᕐᓂᕋ ᓇᒡᓕᒋᓪᓗᒍ ᖁᕕᐊᒋᑦᓯᐊᕐᑕᕋ,”

ᔪᐊᓇᓯ ᓯᕗᓪᓖᑦ 5:9

ᐃᓄᐃᑦ ᓇᓗᓁᕐᓯᓂᖏᓐᓂᒃ ᐅᒃᐱᕈᓱᒃᑯᑦᑕ, ᒎᑎᐅᑉ ᓇᓗᓁᕐᓯᓂᖓ ᐊᖏᓂᕐᓴᐅᕗᖅ; ᑕᒪᓐᓇᐅᕗᖅ ᑕᕝᕙ ᒎᑎᐅᑉ ᓇᓗᓁᕐᓯᓂᖓ ᐃᕐᓂᕐᒥᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:2

ᓂᐱᒥᒡᓗ ᕿᓚᖕᒥᑦ ᑐᓴᕐᐳᖓ ᐃᒪᕐᔪᐃᑦ ᐃᒃᑑᓕᔮᕐᓂᖏᑎᑐᑦ ᑍᒤᑦᑐᒥᒃ ᑲᓪᓕᕐᑐᑎᑐᓪᓗ ᓂᐱᕐᔪᐊᖃᕐᐳᖅ; ᓂᐱᓗ ᑐᓴᕐᑕᕋ ᕼᐊᕐᐱᑦ ᑯᑭᑦᑕᐸᐅᑎᐅᔧᑦ ᓂᓪᓕᐊᑎᑕᐅᓂᖏᑎᑐᑦ ᑐᓴᕐᓴᐅᕗᖅ.