ᒫᑎᐅᓯᐅᑉ ᐊᒡᓚᖏᑦ 27:63 - ᐊᒡᓔᑦ ᐃᑦᔪᕐᖕᓁᑦᑐᑦ

⁶³ ᐅᖃᕐᓗᑎᒃ, “ᐊᖓᔪᖅᑳᖅ, ᐃᖅᑬᒐᑦᑕ ᑍᓐᓇ ᓴᒡᓗᑐᔪᐊᓗᒃ ᓱᓕ ᐃᓅᓪᓗᓂ ᐅᖃᓚᐅᕐᒪᑦ, ‘ᐅᓪᓗᑦ ᐱᖓᔪᐊᓐᓂ ᒪᑭᑦᓱᒫᕐᐳᖓ ᐃᓅᓕᕐᒥᓗᖓ.’

Aglait Ijjurnaittut

⁶³ uqarlutik, “Angajuqqaaq, iqqaigatta tainna saglutujualuk suli inuulluni uqalaurmat, ‘Ullut pingajuanni makittumaaqpunga inuulirmilunga.’

ᒫᑎᐅᓯᐅᑉ ᐊᒡᓚᖏᑦ 27:63 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 16:21

ᑕᕝᕙᓐᖓᑦ ᐱᒋᐊᕐᓗᓂ ᔩᓱᓯ ᓇᓗᓇᖏᑦᓯᐊᕐᑐᒥᒃ ᐃᓕᓐᓂᐊᕐᑎᒥᓄᑦ ᐅᖃᐅᓯᖃᓕᕐᐳᖅ, “ᔨᕉᓴᓕᒻᒧᐊᕆᐊᖃᕐᐳᖓ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᖓ ᐊᖏᔪᒥᒃ ᔫᑎᓄᑦ ᐊᖓᔪᖅᑲᐅᔪᓄᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᐳᖓ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᑦᓱᒫᕆᕗᖓ.”

ᒫᑎᐅᓯᐅᑉ ᐊᒡᓚᖏᑦ 17:23

ᑖᒃᑯᓇᓐᖓᓪᓗ ᑐᖁᑕᐅᔪᒫᕐᐳᖅ; ᐅᓪᓗᐃᓪᓕ ᐱᖓᔪᐊᓐᓂ ᒪᑭᑦᓱᒫᕆᕗᖅ.” ᐃᓕᓐᓂᐊᕐᑎᓪᓗ ᕿᒃᓵᒻᒪᕆᓕᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 20:19

ᑐᓂᕐᕈᑎᒋᓛᕐᐹᓪᓗ ᔫᑎᐅᖏᑦᑐᓄᑦ, ᒥᑕᐅᑎᒋᔭᐅᖁᓪᓗᒍ, ᑏᒐᕐᑐᕐᑕᐅᓗᓂᓗ ᑭᑭᐊᕐᑐᕐᑕᐅᓛᕐᐳᖅ, ᐅᓪᓗᐃᓪᓕ ᐱᖓᔪᐊᓐᓂ ᒪᑭᓛᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 26:61

ᐅᖃᕐᓗᑎᒃ, “ᐅᓇ ᐊᖑᑦ ᐅᖃᓚᐅᕐᑐᖅ, ‘ᒎᑎᐅᑉ ᑐᒃᓯᐊᕐᕕᒃᔪᐊᖁᑎᖓ ᓯᖁᒥᑦᓱᓐᓇᕐᐸᕋ, ᐅᓪᓗᐃᓪᓕ ᐱᖓᔪᐊᓐᓂ ᐅᑎᕐᑎᓪᓗᒍ ᓇᑉᐸᕐᑎᑦᓱᓐᓇᕆᕙᕋ.’”

ᒫᑎᐅᓯᐅᑉ ᐊᒡᓚᖏᑦ 27:64

ᑍᒤᒻᒪᑦ ᑎᓕᓯᓚᐅᕆᑦ ᑖᑦᓱᒪ ᐃᓗᕕᖓ ᖃᐅᔨᒪᔭᐅᓇᓱᐊᕐᑕᐅᖁᓗᒍ ᐅᓪᓗᑦ ᐱᖓᓱᑦ ᓈᓚᐅᖏᓐᓂᖏᓐᓂ, ᑖᑦᓱᒪ ᐃᓕᓐᓂᐊᕐᑎᖏᑦ ᑎᒥᖓᓂᒃ ᑎᒡᓕᒋᐊᕐᑐᖁᓇᒋᑦ, ᐃᓄᖕᓄᓪᓗ ᐅᖃᖃᑦᑕᓕᖁᓇᒋᑦ, ᑐᖁᖓᔪᓂᑦ ᒪᑭᓯᒪᓂᕋᕐᓗᒍ, ᑕᒪᓐᓇ ᐅᐃᕕᕆᒃᓯᓂᖅ ᓯᕗᓂᖓᓂᑦ ᐱᐅᖏᓐᓂᕐᓴᐅᓕᖁᓇᒍ.”

ᒫᑎᐅᓯᐅᑉ ᐊᒡᓚᖏᑦ 28:6

ᑕᕝᕙᓃᑦᑐᓐᓃᕐᐳᖅ; ᒪᑭᓯᒪᓕᕐᒪᑦ, ᓲᕐᓗ ᐃᓕᑦᓯᓐᓄᑦ ᐅᖃᓚᐅᕋᒥ. ᐊᑏ ᕾᓗᓯᒃ ᑕᑯᕐᓯᐅᒃ ᓇᓪᓚᖓᕕᒋᓚᐅᕐᑕᖓ.

ᒫᑯᓯᐅᑉ ᐊᒡᓚᖏᑦ 10:34

ᑖᒃᑯᐊ ᒥᑕᐅᑎᒋᔪᒫᕐᐹᑦ, ᑎᕝᕗᓗᒡᓗᒍ, ᑏᒐᕐᑐᕐᓗᒍ, ᑐᖁᓪᓗᒍᓗ; ᐅᓪᓗᐃᓪᓕ ᐱᖓᔪᐊᓐᓂ ᒪᑭᓛᕐᐳᖅ.”

ᒫᑯᓯᐅᑉ ᐊᒡᓚᖏᑦ 8:31

ᑕᑉᕙ ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ ᐃᓅᑉ ᐃᕐᓂᖓ ᐋᓐᓂᐊᑎᑕᐅᔭᕆᐊᖃᕐᓂᖓᓂᒃ ᐊᖏᔪᒥᒃ, ᔪᑎᑦ ᐊᖓᔪᖅᑳᖏᓐᓄᑦ ᓇᕐᕈᒋᔭᐅᒻᒪᕆᒍᒫᕐᓂᒥᓂᒃ ᑐᓂᕐᕈᓯᕐᑎᑦᓯᔨᓪᓗ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑐᖁᑕᐅᔪᒫᕐᓂᒥᓂᒡᓗ, ᐅᓪᓗᐃᑦ ᐱᖓᔪᐊᓐᓂ ᒪᑭᑦᓱᒫᕐᓂᒥᓂᒃ.

ᒫᑯᓯᐅᑉ ᐊᒡᓚᖏᑦ 9:31

ᐃᓕᓐᓂᐊᕐᑎᓂ ᐊᔪᕆᕐᑐᕐᐰᑦ, ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐱᔭᐅᑎᑕᐅᔪᒫᕐᐳᖅ ᐃᓄᖕᓄᑦ, ᑖᒃᑯᐊ ᑐᖁᑦᓱᒫᕐᐹᑦ; ᑐᖁᖓᓚᐅᕐᓗᓂ, ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᒪᑭᑦᓱᒫᕆᕗᖅ.”

ᓘᑲᓯᐅᑉ ᐊᒡᓚᖏᑦ 18:31

ᔩᓱᓯᐅᑉ ᐃᓕᓐᓂᐊᕐᑎᓂ 12 ᐃᓄᑑᑎᓪᓗᒋᑦ ᐅᖃᐅᑎᕔᑦ, “ᑕᑯᒋᑦ ᔨᕉᓴᓕᒻᒧᐊᓕᕐᐳᒍᑦ, ᐅᖃᐅᓯᐅᓯᒪᔪᑦ ᑕᒪᕐᒥᒃ ᓇᓚᐅᑦᑍᔪᓂ ᐃᓅᑉ ᐃᕐᓂᖓᑕ ᒥᒃᓵᓄᑦ ᑲᔪᓯᑎᑕᐅᓂᐊᕐᐳᑦ.

ᓘᑲᓯᐅᑉ ᐊᒡᓚᖏᑦ 18:33

ᑏᒐᕐᑐᕈᒫᕐᐹᑦ ᑐᖁᓪᓗᒍ, ᐅᓪᓗᐃᓪᓕ ᐱᖓᔪᐊᓐᓂᒃ ᒪᑭᑦᓱᒫᕆᕗᖅ.”

ᓘᑲᓯᐅᑉ ᐊᒡᓚᖏᑦ 23:2

ᔩᓱᓯᒥᒃ ᐃᖅᑲᕐᑐᒐᒃᓴᖑᕐᑎᑎᓯᒪᔪᑦ ᐅᖃᕐᐳᑦ, “ᐅᓇ ᖃᐅᔨᓚᐅᕐᐸᕗᑦ ᐃᓅᖃᑎᑦᑎᓐᓂᒃ ᑕᒻᒪᕐᓮᔪᖅ, ᐃᓂᕐᑎᓚᐅᕐᐹᑎᒍᑦ ᓰᓴᕆᒧᑦ ᑖᒃᓰᔭᖃᑦᑕᖁᓇᑕ, ᐃᒻᒥᓂᒃ ᒥᓮᐊᓯᐅᓂᕋᕐᓗᓂ ᐊᖓᔪᖅᑳᕐᔪᐊᖑᓂᕋᓗᓂᓗ.”

ᓘᑲᓯᐅᑉ ᐊᒡᓚᖏᑦ 9:22

ᐅᖃᐅᑎᓪᓗᒋᑦ, “ᐃᓅᑉ ᐃᕐᓂᖓ ᐊᖏᔪᒥᒃ ᐋᓐᓂᐊᑎᑕᐅᔭᕆᐊᖃᕐᐳᖅ, ᓇᕐᕈᒋᔭᐅᓗᓂ ᔫᑎᑦ ᐊᖓᔪᖅᑳᖏᓐᓂᑦ, ᑐᓂᕐᕈᓯᕐᑎᑦᓯᔩᓪᓗ ᐊᖓᔪᖅᑳᖏᓐᓂᑦ, ᐱᖁᔭᓂᒡᓗ ᐃᓕᓮᔨᓂᑦ, ᑐᖁᑕᐅᓛᕐᐳᖅ, ᐅᓪᓗᐃᑦ ᐱᖓᔪᐊᓐᓂᒃ ᒪᑭᓛᕆᕗᖅ.”

ᔪᐊᓇᓯᐅᑉ ᐊᒡᓚᖏᑦ 2:19

ᔩᓱᓯᐅᑦ ᑭᐅᕔᑦ, “ᐅᓇ ᑐᒃᓯᐊᕐᕕᒡᔪᐊᖅ ᐊᓯᕈᕈᑦᓯᐅᒃ, ᐅᓪᓗᓂᒡᓗ ᐱᖓᓱᓂᒃ ᓇᑉᐸᕐᑎᑦᑐᒫᕐᐸᕋ.”

ᔪᐊᓇᓯᐅᑉ ᐊᒡᓚᖏᑦ 7:12

ᐃᓄᒐᓮᑦ ᑕᑉᕙᓃᑦᑐᑦ ᐅᖃᒪᔭᐅᑎᖃᕐᓕᕐᐳᑦ ᔩᓱᓯᒥᒃ, ᐃᓚᖏᑦ ᐅᖃᕐᐳᑦ, “ᐃᓄᑦᓯᐊᕚᓗᖏᓐᓇ,” ᐃᓚᖏᑦ ᐅᖃᕐᐳᑦ, “ᐋᒃᑬ, ᐃᓄᖕᓂᖏᓐᓇ ᑕᒪᕐᑎᑦᓯᓕᕐᑐᖅ.”

ᔪᐊᓇᓯᐅᑉ ᐊᒡᓚᖏᑦ 7:47

ᑕᕝᕙ ᐹᕆᓯᑦ ᑭᐅᕗᑦ, “ᑖᑦᓱᒧᖓᑦᑕᐅᖅ ᓯᓔᕐᕆᔭᐅᒋᕕᓰ?

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:8

ᐅᐱᒋᔭᐅᓕᕌᖓᑦᑕ ᓇᕐᕈᒋᔭᐅᓕᕌᖓᑦᑕᓗ, ᐊᔪᕐᓂᕋᕐᑕᐅᔭᕌᖓᑦᑕ ᐊᔪᖏᓐᓂᕋᕐᑕᐅᔭᕌᖓᑦᑕᓗ. ᓴᒡᓗᑐᓂᕋᕐᑕᐅᕙᒃᑐᒍᑦ, ᓱᓕᔪᒥᒃ ᐅᖃᓪᓚᖃᑦᑕᕋᓗᐊᕐᑐᒍᑦ;