ᒫᑎᐅᓯᐅᑉ ᐊᒡᓚᖏᑦ 27:51 - ᐊᒡᓔᑦ ᐃᑦᔪᕐᖕᓁᑦᑐᑦ

⁵¹ ᑕᑯᒋᑦ, ᑖᓗᑕᕐᔪᐊᖅ ᑐᒃᓯᐊᕐᕕᒡᔪᐊᕐᒦᑦᑐᖅ ᖁᐱᕗᖅ ᒪᕐᕉᓕᓪᓗᓂ, ᖁᓛᓂᑦ ᐊᑖᓄᑦ ᑎᑭᓪᓗᓂ; ᓄᓇᕐᔪᐊᕐᓗ ᓴᔪᒃᐱᓗᒃᐳᖅ, ᐅᔭᕅᓪᓗ ᓯᖁᑦᑎᕐᖢᑎᒃ.

Aglait Ijjurnaittut

⁵¹ Takugit, taalutarjuaq tuksiarvigjuarmiittuq qupivuq marruulilluni, qulaanit ataanut tikilluni; nunarjuarlu sajukpilukpuq, ujaraillu siquttiqtlutik.

ᒫᑎᐅᓯᐅᑉ ᐊᒡᓚᖏᑦ 27:51 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 3:14

ᑖᓗᑕᕐᑖᕐᑎᑉᐹᓗ ᑐᖑᔪᕐᑕᒥᒃ ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ, ᕿᑐᒪᔪᒥᒃ ᖃᓪᓗᓈᕐᑕᒥᒃ ᓵᑦᑐᒥᒃ ᓯᕋᐱᓐᖑᐊᒥᒃ ᑕᕐᓴᖃᕐᓗᓂ.

ᐃᓐᖏᕈᑎᑦ 18:15

ᐃᒪᕐᔪᐊᓪᓗ ᐃᖏᕐᕋᓂᖏᑕ ᐊᖅᑯᑎᖏᑦ ᑕᑯᒃᓴᐅᓚᐅᕐᐳᑦ, ᓄᓇᕐᔪᐊᓪᓗ ᑐᓐᖓᕕᖏᑦ ᓴᖅᑭᑎᓚᐅᕐᐰᑦ, ᐊᑕᓃᖅ ᓱᐊᖕᓂᕐᓄᑦ, ᓱᕐᓗᒃᐱᓪᓗ ᐊᓂᕐᓂᖓᑕ ᓱᐱᓂᖏᖕᓄᑦ.

ᐃᓐᖏᕈᑎᑦ 18:7

ᓄᓇᓗ ᓴᔪᒃᐱᓗᒃᐳᖅ, ᖃᖅᑬᓪᓗ ᑐᓐᖓᕕᖏᑦ ᓴᔪᒡᓗᑎᒃ, ᐊᐅᓚᕗᑦ, ᓂᓐᖓᐅᒪᑎᓪᓗᒍ.

ᒨᓯᓯ ᐂᑉᐸᖏᑦ 40:21

ᑕᕝᕙ ᐃᒃᓯᕐᕕᒃ ᑐᐱᐅᑉ ᐃᓗᐊᓄᐊᕈᑎᕚ ᐊᕙᑖᒍᓪᓗ ᑖᓗᑕᓕᐅᕐᓗᓂᐅᒃ. ᑕᕝᕙ ᑍᒤᓕᐅᕐᓗᓂᐅᒃ ᐊᖏᕈᑕᐅᓯᒪᔪᕐᑕᓕ ᐃᒃᓯᕐᕕᒃ ᑕᓕᑎᑉᐹ, ᐊᑕᓂᐅᑉ ᑍᒫᒃ ᒨᓯᓯ ᐱᖁᓚᐅᕐᒪᒍ.

ᐂᓮᐊᓯᐅᑉ ᐊᒡᓚᖏᑦ 25:7

ᑕᕝᕙ ᖁᕕᐊᓇᖏᑦᑐᖅ ᓄᕗᔭᑎᑐᑦ ᑕᕐᕋᓕᓂᕐᒦᑎᑦᓯᓚᐅᕐᑐᖅ ᐃᓅᖃᑎᒌᒡᔪᐊᓂᒃ ᐲᕐᑎᑦᓱᒫᕐᐹ.

ᒨᓯᓯ ᐱᖓᔪᖏᑦ 16:2

ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.

ᒨᓯᓯ ᐱᖓᔪᖏᑦ 21:23

ᑎᒥᒥᒍᑦ ᐱᐅᓯᕐᓘᑎᖃᕋᒥ, ᐃᑦᔪᕐᓁᑦᑐᕕᐅᑉ ᑕᓗᕐᔪᐊᖓᓄᑦ ᖃᒡᓕᔭᕆᐊᖃᓐᖏᓚᖅ, ᑐᓂᕐᕈᓯᕐᕕᒡᓘᓐᓃᑦ ᐅᐸᒋᐊᖃᓐᖏᓛ, ᓈᓚᖏᒃᑯᓂ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᓯᑎᓐᓂᐊᕐᐹ. ᐅᕙᖓ ᐊᑕᓂᐅᒐᒪ, ᑖᒃᑯᓂᖓᓗ ᐃᑦᔪᕐᓁᑎᑦᓯᕗᖓ.’”

ᕼᐊᐸᑲᐅᑉ ᐊᒡᓚᖏᑦ 3:10

ᖃᖅᑬᓪᓗ ᐃᓕᖕᓂᒃ ᑕᑯᒐᒥᒃ ᓴᔪᓕᕐᐳᑦ; ᐃᒦᓪᓗ ᐃᒃᑑᓕᔮᕐᓗᑎᒃ ᖁᕕᓕᕐᐳᑦ ᕿᓚᖕᒥᑦ. ᐃᒪᕐᔪᐊᕐᓗ ᐃᒃᑑᓕᔮᓕᕐᐳᖅ ᓄᓇᐅᑉ ᐊᑖᓂᑦ, ᐃᒪᐅᓪᓗ ᐃᖏᐅᓕᖕᓂᖓ ᐳᕐᑐᓯᓪᓗᓂ.

ᕼᐊᐸᑲᐅᑉ ᐊᒡᓚᖏᑦ 3:13

ᐊᓂᓚᐅᕐᐳᑎᑦ ᐃᓄᖁᑎᑎᑦ ᐱᐅᓕᔭᕐᑐᕐᓗᒋᑦ, ᐊᖓᔪᖅᑳᕐᔪᐊᖑᖁᓪᓗᒍ ᓂᕈᐊᕐᓯᒪᔧᑦ ᐱᐅᓕᔭᕐᑐᕐᓗᒍ. ᐱᐅᖏᑦᑐᓕᔪᑦ ᐊᖓᔪᖅᑳᖓᑦ ᐅᕐᕈᑎᓚᐅᕐᐸᑦ ᒪᓕᒃᑎᖏᓪᓗ ᓄᖑᑦᓯᐊᓚᐅᕐᐸᑎᑦ.

ᒨᓯᓯ ᓯᑕᒪᖏᑦ 4:5

“ᐃᓅᖃᑎᒌᒡᔪᐊᑦ ᐊᐅᓪᓚᕐᓂᐊᕐᓗᑎᒃ ᐸᕐᓇᓕᕌᖓᑕ, ᐂᕉᓂ ᐃᕐᓂᖏᓪᓗ ᐃᑎᖃᑦᑕᕐᓂᐊᕐᐳᑦ ᐅᓕᒡᔪᐊᖅ ᑖᓗᑕᖅ ᐲᕆᐊᖃᕐᐹᑦ ᐃᒃᓯᕐᕕᒡᓗ ᐊᖏᕈᑎᑕᓕᒃ ᑖᑦᓱᒥᖓ ᐅᓕᒡᓗᒍ.

ᒫᑎᐅᓯᐅᑉ ᐊᒡᓚᖏᑦ 27:54

ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᐅᓇᑕᕐᑐᒃᓮᓪᓗ ᑕᕝᕙᓃᖃᑦᑎᒋᔭᖏᑕ ᔩᓱᓯᒥᒃ ᖃᐅᔨᓴᕐᑐᑦ, ᓄᓇᐅᑉ ᓴᔪᒃᐱᓪᓚᖕᓂᖓ ᐊᓯᖏᓪᓗ ᑕᒪᒃᑯᐊ ᐱᓂᐊᕐᓂᕆᔭᐅᔪᑦ ᑕᑯᒐᒥᒋᑦ, ᐊᖏᔪᒥᒃ ᑲᒪᓕᕐᓗᑎᒃ ᐅᖃᕐᐳᑦ, “ᐅᓇ ᐃᓛᒃ ᒎᑎᐅᑉ ᓱᓕᔪᒥᒃ ᐃᕐᓂᕆᕚ!”

ᒫᑎᐅᓯᐅᑉ ᐊᒡᓚᖏᑦ 28:2

ᑕᑯᒋᑦ, ᓄᓇ ᓴᔪᒃᐱᓪᓚᒃᑐᐊᓘᕗᖅ; ᐊᑕᓂᐅᑉ ᐂᖏᓖᖓ ᕿᓚᖕᒥᑦ ᐊᖅᑲᕐᐳᖅ, ᐃᓗᕕᐅᑉ ᒪᑐᖓ ᐅᔭᕋᒃᔪᐊᖅ ᐊᒃᓴᑲᕐᑎᑉᐹ, ᖃᖓᓄᑦ ᐃᖏᓪᓗᓂ.

ᒫᑯᓯᐅᑉ ᐊᒡᓚᖏᑦ 15:38

ᑐᒃᓯᐊᕐᕕᒡᔪᐊᕐᒦᑦᑐᖅ ᑖᓗᑕᕐᔪᐊᖅ ᐊᓕᒃᐳᖅ ᒪᕐᕉᓕᓪᓗᓂ, ᖁᓛᓂᑦ ᐊᑖᓄᑦ ᑎᑭᓪᓗᒍ.

ᓘᑲᓯᐅᑉ ᐊᒡᓚᖏᑦ 23:45

ᓯᕿᓂᖅ ᖃᐅᒪᔪᓐᓃᕐᓯᒪᑎᓪᓗᒍ; ᑐᒃᓯᐊᕐᕕᒡᔪᐊᑉ ᐃᓗᐊᓃᑦᑐᖅ ᑖᓗᑕᕐᔪᐊᖅ ᐊᓕᒃᐳᖅ ᒪᕐᕉᓕᓪᓗᓂ.

ᓘᑲᓯᐅᑉ ᐊᒡᓚᖏᑦ 23:47

ᐅᓇᑕᕐᑐᒃᓮᑦ ᐊᖓᔪᖅᑳᖓᑦ ᑕᑯᒐᒥ ᐱᓂᐊᕐᓂᐅᔪᒥᒃ, ᒎᑎ ᓂᕐᑐᓕᕐᐹ, ᐅᖃᕐᓗᓂ, “ᐃᓛᒃ ᐊᖑᑦ ᑖᓐᓇ ᓱᓕᓪᓗᓂ ᐸᓯᔭᐅᑦᔪᑎᒃᓴᖃᓚᐅᓐᖏᓚᖅ!”

ᐄᑉᕈᐃᓄᑦ 6:19

ᑕᒪᑐᒥᖓ ᓂᕆᐅᒋᔭᒃᓴᖃᕐᑐᒍᑦ ᑕᕐᓂᑦᑎᓐᓄᑦ ᑭᓴᕐᕕᓕᐅᕐᓯᒪᕗᒍᑦ, ᖁᓚᕐᓇᖏᑦᑐᒥᒃ ᐊᑦᑕᕐᓇᖏᑦᑐᒥᒡᓗ. ᑐᒃᓯᐊᕐᕕᒡᔪᐊᑉ ᑖᓗᑕᕐᔪᐊᖓᑕ ᐅᖓᑖᓄᑦ ᐃᑎᕐᓯᒪᔪᒥᒃ ᐃᑦᔪᕐᓁᓐᓂᕐᐹᖁᑎᖓᓄᑦ,

ᐄᑉᕈᐃᓄᑦ 9:3

ᑐᐱᐅᓪᓗ ᐃᓗᐊᓂ ᑖᓗᑕᕐᔪᐊᑉ ᐂᑉᐸᖓᑕ ᐅᖓᑖᓃᑦᑐᖅ ᐃᒡᓗᕈᓯᖅ ᑍᔭᐅᓪᓗᓂ ᐃᑦᔪᕐᓁᓐᓂᕐᐹᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:13

ᑕᕝᕔᓐᓇᕐᓗ ᓄᓇ ᓴᔪᒃᐱᓪᓚᒃᐳᖅ ᐊᖏᔪᒥᒃ; ᐃᒡᓗᒐᓴᒡᔪᐊᓪᓗ ᑕᓪᓕᒪᐅᔪᕐᑐᖏᑦ ᐊᓯᕈᕐᑕᐅᕗᑦ; 7,000ᓪᓗ ᑐᖁᕗᑦ ᓴᔪᒃᐱᓪᓚᒃᑐᒧᑦ, ᐃᓄᐃᓪᓗ ᐊᒥᐊᒃᑯᑦ ᑲᑉᐱᐊᓱᓕᕐᐳᑦ ᓂᕐᑐᐃᓕᕐᓗᑎᒡᓗ ᒎᑎᒥᒃ ᕿᓚᖕᒦᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:19

ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᕿᓚᖕᒦᑦᑐᖅ ᐅᒃᑯᐃᕐᑕᐅᕗᖅ, ᐊᖏᖃᑎᒌᖕᓂᐅᓪᓗ ᐃᒃᖠᕐᕕᖓ ᑕᕝᕙᓂ ᓴᖅᑭᔮᕐᐳᖅ ᑐᒃᓯᐊᕐᕕᒡᔪᐊᒥ; ᑕᕝᕙᓂᓗ ᖃᐅᒻᒪᓪᓚᒃᑐᖃᕐᐳᖅ, ᓂᐱᖃᕐᑐᖃᕐᐳᕐᓗ, ᐃᒃᑐᓚᐅᕐᑐᖃᕐᓗᓂᓗ, ᓄᓇᓗ ᓴᔪᒃᐱᓗᒃᐳᖅ, ᓇᑕᖅᑯᕐᓇᕐᓗᓂᓗ ᐊᖏᔫᑎᕐᔪᐊᓂᒃ.