ᒫᑎᐅᓯᐅᑉ ᐊᒡᓚᖏᑦ 27:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑕᕝᕙᓐᖓᑦ ᐊᓂᓪᓗᑎᒃ, ᐊᖑᒻᒥᒃ ᑲᑎᓯᕗᑦ ᓮᕆᓂᒥᐅᑕᕐᒥᒃ, ᓮᒨᓂᒥᒃ ᐊᑎᓕᖕᒥᒃ; ᑖᓐᓇ ᐅᓇᑕᕐᑐᒃᓴᓂᑦ ᐊᒃᓱᕉᑦᔭᐅᓪᓗᓂ ᐊᒡᔭᕐᓯᑎᑕᐅᕗᖅ ᔩᓱᓯᐅᑉ ᓴᓐᓂᖓᔪᓕᒃᓴᖓᓂᒃ.

Aglait Ijjurnaittut

³² Tavvanngat anillutik, angummik katisivut Sairinimiutarmik, Saimuunimik atilingmik; taanna unataqtuksanit aksuruujjaulluni agjaqsititauvuq Jiisusiup sanningajuliksanganik.

ᒫᑎᐅᓯᐅᑉ ᐊᒡᓚᖏᑦ 27:32 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 21:10

ᐊᖑᑏᖕᓂᒃ ᒪᕐᕉᖕᓂᒃ ᐊᕙᑖᓄᑦ ᐃᖏᑎᑦᓯᓗᓯ, ᐊᑭᕋᕐᑐᕐᓂᐊᕐᑑᖕᓂᒃ ᑖᑦᓱᒥᖓ ᓱᓕᖏᑦᑐᒥᒃ, ᐅᖃᕐᓂᕐᓘᑎᖃᕐᑐᒃᓵᖕᓂᒃ ᐅᖃᕐᓗᑎᒃ, ‘ᒎᑎᒥᒃ ᐊᖓᔪᖅᑳᕐᔪᐊᒥᒡᓗ ᐅᖃᕐᓂᕐᓘᑎᖃᓚᐅᕐᐳᑎᑦ.’ ᐊᓐᓂᓯᓗᒍ, ᐅᔭᖅᑲᓄᑦ ᒥᓪᓗᕆᐊᕐᑐᕐᓯᐅᒃ ᑐᖁᓪᓗᒍ.”

ᐊᑕᓃᑦ ᓯᕗᓪᓖᑦ 21:13

ᐊᖑᑏᒡᓗ ᒪᕐᕉᒃ, ᓴᒡᓗᔪᒃᓵᒃ, ᐃᑎᕋᒥᒃ ᐃᒃᓯᕚᕐᕕᖓᑕ ᐊᑭᐊᓄᑦ ᐃᖏᑉᐴᒃ, ᐅᖃᕐᓂᕐᓘᑎᖃᕐᐳᒡᓗ ᓁᐹᑦᒥᒃ ᐃᓄᐃ ᓵᖓᓂ, ᐅᖃᕐᓗᑎᒃ, “ᓁᐹᑦ ᐅᖃᕐᓂᕐᓘᑎᖃᓚᐅᕐᐳᖅ ᒎᑎᒥᒃ ᐊᖓᔪᖅᑳᕐᔪᐊᕐᒥᒡᓗ.” ᑕᕝᕙ ᐊᓐᓂᓯᕚᑦ ᐃᒡᓗᒐᓮᑦ ᓯᓚᑖᓄᑦ ᒥᓪᓗᕐᐹᓪᓗ ᐅᔭᖅᑲᓄᑦ ᑐᖁᓪᓗᒍ.

ᒨᓯᓯ ᐱᖓᔪᖏᑦ 4:12

ᐃᒫᒃ, ᐊᖑᓴᓪᓘᑉ ᐊᒥᐊᒃᑯᓕᒫᖏᑦ ᑐᓂᕐᕈᓯᕐᑎᑦᓯᔨᐅᑉ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ. ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᑕᐅᓯᒪᔪᒧᑦ, ᐊᕐᔭᓕᓂᕐᓂᒃ ᐃᒋᑦᓯᕕᖕᒧᑦ, ᑕᕝᕙᓂᓗ ᐊᕐᔭᓕᓃᑦ ᖄᖏᓐᓂ ᕿᔪᓕᕐᓯᒪᔪᒥ ᐃᑯᐊᓚᑎᑕᒃᓴᕆᕚ.

ᒨᓯᓯ ᐱᖓᔪᖏᑦ 4:21

ᐊᖑᓴᓪᓗᕐᓗ ᑖᓐᓇ ᓄᓇᓖᑦ ᓯᓚᑖᓄᑦ ᐊᐅᓪᓚᕈᑎᔭᒃᓴᕆᕚ ᐃᑯᐊᓚᑎᓪᓗᒍᓗ ᐊᖑᓴᓪᓗᕐᑐᑦ ᓯᕗᓪᓕᕐᑐᑦ. ᑍᒫᒃ ᑕᕝᕙ ᐱᔭᕆᐊᖃᕐᐳᑦ ᓄᓇᓖᑦ ᐊᔪᕐᑐᓕᓂᖏᑦ ᑐᓂᕐᕈᓯᕈᑕᐅᑎᓪᓗᒋᑦ.

ᒨᓯᓯ ᐱᖓᔪᖏᑦ 4:3

ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 16:24

ᑕᕝᕙ ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᓇᓪᓕᐊᑦ ᐅᕙᓐᓄᑦ ᒪᓕᒍᒪᔪᖅ, ᐱᓇᓱᐊᕈᒪᔭᒥᓂᒃ ᖁᔭᓈᕐᓯᔪᒃᓴᐅᕗᖅ, ᓴᓐᓂᖓᔪᓕᒥᓂᒃ ᐊᒡᔭᕐᓯᓗᓂ, ᒪᓕᒃᑐᒃᓴᐅᕗᖅ ᐅᕙᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 5:41

ᐅᓇᑕᕐᑐᒃᓴᒧᑦ ᐊᒡᔭᕐᓯᖁᔭᐅᒍᕕᑦ 1ᒤᓕᒥᒃ ᐅᖓᓯᖕᓂᓕᖕᒧᑦ, ᐊᒡᔭᕐᓯᓚᐅᕆᑦ 2ᒤᓕᒥᒃ.

ᒫᑯᓯᐅᑉ ᐊᒡᓚᖏᑦ 15:21

ᐊᖅᑯᑖᓂ ᑲᑎᓯᕗᑦ, ᓄᓇᓕᖕᓄᑦ ᑎᑭᓕᕐᑐᒥᒃ, ᐅᓇᑕᕐᑐᒃᓮᓪᓗ ᐃᓱᒪᓯᐅᖏᑦᓯᐊᕐᓗᒍ ᐊᒡᔭᕐᓯᑎᑉᐹᑦ ᔩᓱᓯᐅᑉ ᓴᓐᓂᖓᔪᓕᒃᓴᖓᓂᒃ; ᑖᓐᓇ ᓮᒨᓂᒥᒃ ᐊᑎᖃᕐᐳᖅ ᓮᕆᓂᒥᐅᑕᖅ, ᐊᓕᒃᓵᓐᑕᕆᐅᑉ ᕉᐸᓯᐅᓪᓗ ᐊᑖᑕᖓ.

ᓘᑲᓯᐅᑉ ᐊᒡᓚᖏᑦ 23:26

ᐅᓇᑕᕐᑐᒃᓮᑦ ᔩᓱᓯ ᑕᓯᐅᕐᓗᒍ ᐊᓐᓂᓯᓕᕐᐹᑦ, ᐊᓂᓕᕐᓗᑎᒃ ᑲᑎᓯᕗᑦ ᐊᖑᒻᒥᒃ ᓮᕆᓂᒥᐅᕐᒥᒃ ᓮᒨᓂᒥᒃ ᐊᑎᓕᖕᒥᒃ, ᓄᓇᐅᑉ ᐊᓯᐊᓂᑦ ᐃᒡᓗᒐᓴᖕᓄᑦ ᑎᑭᓯᒪᔪᒥᒃ, ᑖᓐᓇ ᓴᓐᓂᖓᔪᓕᖕᒥᒃ ᐃᕐᓱᒃᑎᓕᕐᐹᑦ ᔩᓱᓯᐅᑉ ᑭᖑᓂᖓᓂ.

ᔪᐊᓇᓯᐅᑉ ᐊᒡᓚᖏᑦ 19:17

ᔩᓱᓯ ᐊᓂᕗᖅ, ᓴᓐᓂᖓᔪᓕᒃᓴᓂᓗ ᐃᕐᓱᒃᐹ, ᓂᐊᖁᕕᓂᕐᑕᓕᖕᒧᑦ, ᐄᑉᕉᑎᑐᑦ ᐊᑎᖃᕐᑐᒧᑦ ᒎᓪᒑᑕᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 11:20

ᐃᓚᖏᑦ ᐃᓄᐃᑦ, ᓮᐳᕋᓯᒥᐅᑦ ᓮᕆᓂᒥᐅᓪᓗ, ᐊᓐᑎᐅᑭᐊᒧᐊᕐᑐᑦ ᐅᖃᓪᓚᓕᕐᐳᑦ ᒍᕇᑭᓄᑦ ᐊᔪᕆᕐᑐᐃᑦᔪᑎᖃᕐᓗᑎᒃ ᐊᑕᓂᕐᒥᒃ ᔩᓱᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:1

ᐃᓚᒌᒃᑐᓂ ᐊᓐᑎᐅᑭᐊᒥ ᓇᓚᐅᑦᑍᔪᓂᒃ ᐊᔪᕆᕐᑐᐃᔨᓂᒡᓗ ᐱᑕᖃᓚᐅᕐᐳᖅ, ᐸᕐᓇᐹᓯ, ᓯᒥᐅᓂ ᑍᔭᐅᔪᖅ ᕿᕐᓂᕐᑕᒥᒃ, ᓗᓯᐅᓯᓗ ᓮᕆᓂᒥᐅᖅ, ᒪᓁᓂᓗ ᐊᖓᔪᖅᑳᕐᔪᐊᕐᒥ ᐃᕉᑕᓯᒥ ᐱᕈᕐᓴᓚᐅᕐᑐᖅ, ᓴᐅᓗᓯᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 2:10

ᐴᕐᒋᐊᒥ ᐸᒻᐱᓕᐊᒥᓗ, ᐄᑦᔨᑉᑎᒥ ᓕᐱᐊᓪᓗ ᐃᓚᖓᓂ ᓮᕆᓂᐅᑉ ᖃᓂᒋᔭᖓᓂᑦ, ᐃᓚᖏᓪᓗ ᕉᒪᒥᓐᖔᕐᓯᒪᔪᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 6:9

ᐊᑭᕋᕐᑐᕐᑕᐅᓕᓚᐅᕐᐳᖅ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐱᓯᒪᔪᓂᑦ, ᕗᕇᑦᒥᓂᒃ ᑍᔭᐅᔪᓂᑦ. ᓮᕆᓂᒥᐅᓂᑦ ᐊᓕᒃᓵᓐᑐᕆᐊᒥᐅᓂᓪᓗ ᐱᓯᒪᔪᓂᑦ, ᐊᓯᖏᓪᓗ ᔫᑎᑦ ᓯᓕᓯᐊᒥᐅᓂᑦ ᐂᓯᐊᒥᐅᓂᓪᓗ ᐱᓯᒪᔪᑦ ᐂᕙᖃᑎᖃᕋᓱᓚᐅᕐᐳᑦ ᓯᑎᐹᓇᓯᒥᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:58

ᐃᒡᓗᒐᓴᖕᓂᑦ ᐊᓂᑎᓐᓇᒥᑦᔪᒃ ᐅᔭᖅᑲᓄᑦ ᒥᓪᓗᕐᐹᑦ; ᒥᓪᓗᕐᑐᑦ ᐅᓕᒡᔪᐊᑎᒃ ᐲᕐᓗᒋᑦ ᑲᒪᒋᔭᐅᑎᑉᐰᑦ ᐃᓅᓱᒃᑐᒧᑦ ᓴᐅᓗᓯᒥᒃ ᐊᑎᓕᖕᒧᑦ.